Category: ახალი ამბები

საჯაროდ განვაცხადო, რომ
ჩემი და პოლიტიკური პარტია „გახარია საქართველოსთვის“ გზები გაიყო.
(პარტიას ოფიციალურად ვერ დავტოვებ, რადგანაც ფორმალურად წევრი არ ვყოფილვარ).
მიზეზი არის არა უბრალოდ აზრთა სხვადასხვაობა არჩევნებში მონაწილეობა-არმონაწილეობის თაობაზე, არამედ ფუნდამენტური განსხვავება არჩევნების საკითხთან დაკავშირებით.
4 ოქტომბრის არჩევნები ჩემთვის არ და ვერ იქნება ტაქტიკური, ეტაპობროვი საკითხი, მიუხედავად იმისა, რომ ზოგადად ინსტიტუციური დემოკრატიული ბრძოლის მხარდამჭერი ვარ.
არსებულ ვითარებაში, ასეთი ფორმით და დინამიკით არჩევნებში მონაწილეობა ვერ მოემსახურება ქვეყნის დემოკრატიულ კალაპოტში დაბრუნებას.
რამდენჯერმე საჯაროდ ვთქვი და ახლაც ვიმეორებ: არჩევნებში მონაწილეობას აზრი ექნებოდა მხოლოდ პოლიტიკურ ძალთა კოორდინირებული მოქმედების შემთხვევაში, უსამართლო პოლიტიკურ ბრძოლაში რეჟიმის დამარცხების თუნდაც მცირე შანსით.
სამწუხაროდ, დღეს არსებული პოლიტიკური ძალების ფრაგმენტაცია ყველაზე არახელსაყრელი გზა არის საზოგადოების პროტესტის მხარდასაჭერად და რეჟიმის დასამარცხებლად.
მინდა მჯეროდეს, რომ რომელიმე გზა მაინც მოიტანს შედეგს, თუმცა ყველას უნდა გვესმოდეს, რომ 5 ოქტომბერს შესაძლოა დადგეს უკვე განსხვავებული რეალობა და ამისთვისაც უნდა ვიყოთ მზად!

დიმიტრი ცქიტიშვილი პარტია “გახარია საქართველოსთვის” ტოვებს.

”ეს არის არასერიოზული ხალხის არასერიოზული განცხადება.[…] თქვენ ძალიან კარგად იცით, რამდენად სერიოზულად შეიძლება აღიქვას ადამიანმა პაატა ბურჭულაძე, როგორც პოლიტიკოსი. აქედან გამომდინარე, ეს არის არასერიოზული ხალხის, არასერიოზული განცხადება“

აცხადებს,  ირაკლი კობახიძე.

პროკურატურის ინფორმაციით, კოალიცია ცვლილებისთვის ერთერთ ლიდერს, ელენე ხოშტარიას კახა კალაძის ბანერის დაზიანების საქმეზე ბრალი წარუდგინეს.

“შინაგან საქმეთა სამინისტროს მიერ ჩატარებული გამოძიებით დადგინდა, რომ მიმდინარე წლის 14 სექტემბერს, თბილისში, ბრალდებულმა განზრახ დააზიანა პოლიტიკური პარტია ქართული ოცნება, დემოკრატიული საქართველოს საარჩევნო შტაბზე განთავსებული სამი ბანერი, რამაც გამოიწვია ქონებრივი ზიანი 570 ლარის ოდენობით.

სამართალდამცველებმა ელენე ხოშტარია მიმდინარე წლის 15 სექტემბერს დააკავეს. მას ბრალდება საქართველოს სისხლის სამართლის კოდექსის 187-ე მუხლის პირველი ნაწილით (სხვისი ნივთის დაზიანება, რამაც მნიშვნელოვანი ზიანი გამოიწვია) წარედგინა, რაც სასჯელის სახედ და ზომად ერთიდან ხუთ წლამდე თავისუფლების აღკვეთას ითვალისწინებს.

პროკურატურა ბრალდებულის მიმართ აღკვეთის ღონისძიების გამოყენების შუამდგომლობით სასამართლოს კანონით დადგენილ ვადაში მიმართავს”. – ნათქვამია უწყების განცხადებაში

მეგობრებო,
როგორც იცით, 5 ივლისს მივიღე გადაწყვეტილება ლელოში პარტიული თანამდებობების დატოვების შესახებ და რიგით წევრად დავრჩი იქამდე, სანამ მამუკა და ბადრი საპატიმროს არ დატოვებდნენ (ცხადია რიგით წევრად დარჩენა სიმბოლური იყო)
დღეს უკვე მამუკა და ბადრი თავისუფლები არიან, შესაბამისად მინდა გითხრათ რომ სრულად დავტოვე ლელო.
მინდა მადლობა გადავუხადო მამუკას, ბადრის და სხვა ჩემს მეგობრებს, რომლებთან ერთადაც 6 წლის წინ დავაფუძნეთ ლელო. ხედვებს შორის სხვაობის მიუხედავად, ლელოში ვტოვებ ბევრ მეგობარს, რომლებთან ერთადაც პოლიტიკური ბრძოლა ჩემთვის მნიშვნელოვანი გამოცდილება იყო.
რათქმაუნდა, ვრჩები პოლიტიკაში და ვაგრძელებ თანამოაზრეების ძებნას იმისთვის, რომ ერთად შევქმნათ ისეთი ალტერნატივა, რომელიც ქართულ პოლიტიკაში გაბატონებულ ისტერიას საღი აზრით ჩაანაცვლებს.

წერს საბა ბუაძე სოციალურ ქსელში.

„მოვინახულე ელენე ხოშტარია. მინდოდა პირველ რიგში მისი ჯანმრთელობის შესახებ ინფორმაცია მიმეღო და პირობები მენახა. როგორც მას ახასიათებს, ის ყოველთვის მხნე და იმედიანია. ობიექტურობისთვის უნდა ითქვას, რომ მას წუხილი არ გამოუთქვამს პირობებთან დაკავშირებით, თქვა, რომ ნორმალურად ექცევიან და მის წინააღმდეგ არაფერი არაეთიკური, არაკანონიერი და უპატივცემულო დამოკიდებულება არ ყოფილა. ერთადერთი პრობლემა იყო კორესპონდენციის შეზღუდვა.

დაკავების საფუძველი უკანონოა, ბრალი ჯერ არ აქვს წარდგენილი, დაკავება სისხლის სამართლის წესით არის უკანონობა, რადგან სისხლის სამართლის კოდექსში არ არის ფორმულირება, რომ ბანერზე წარწერა იწვევდეს სისხლის სამართლის წესით გამოძიების დაწყების საშუალებას. ადამიანები დაასახიჩრეს, სასიკვდილოდ გაიმეტეს და ამაზე არ დაწყებულა გამოძიება და ასეთი რამ, რომელიც გამოხატვის ფარგლებშია ან მის ფარგლებს გარეთ არის სამსჯელო, ეს კონსტიტუციური სტანდარტია და არაფერი საერთო არ აქვს სისხლის სამართლის იმ მუხლთან, რომლითაც გამოძიება დაიწყო. ელენე ელოდება თუ რა იქნება შემდეგი ნაბიჯები გამოძიების მხრიდან. სწორად ფიქრობს, რომ მას დანაშაული არ ჩაუდენია. ამ მუხლით ბრალის წარდგენა კონსტიტუციის, კონვენციის და კოდექსის დარღვევა იქნება და იმედი მაქვს, რომ გონიერება ეყოფათ იმ ადამიანებს, რომლებიც ახლა ბრალის ფორმულირებაზე ფიქრობენ.

ბრალის წარდგენა იქნება უკანონო პროცედურა. სასაცილოც კი, როდესაც ამაზე ვსაუბრობთ, მითუმეტეს იმ დანაშაულების ფონზე, რომლებიც არის მომხდარი, მაგრამ თუ მაინც გადაწყვეტენ ბრალის წარდგენას, შემდგომი პოლიტიკური გადაწყვეტილება იქნება რა ტიპის აღკვეთ ღონისძიებას მოითხოვენ. არ შეიძლება ისეთი პრაქტიკის დანერგვა, რომელიც პირდაპირ გეუბნება, რომ ეს პოლიტიკური შურისძიებაა და იმედი მაქვს გადაწყვეტილების მიმღებს გონიერება ეყოფა“,

იურისტმა ეკა ბესელიამ ზაჰესის დროებითი მოთავსების იზოლატორში „კოალიცია ცვლილებისთვის“ ერთ-ერთი ლიდერი ელენე ხოშტარია მოინახულა

გომის მთაზე მიკროავტობუსის მძღოლმა საჭე ვერ დაიმორჩილა და გზიდან გადავარდა.

მიკროავტობუსის ყველა მგზავრი (დაახლოებით 15 ადამიანი) საავადმყოფოშია გადაყვანილი.

დაშავებული არიან როგორც საქართველოს მოქალაქეები, ასევე უცხოელები.

შემთხვევა გუშინ, 15 სექტემბერს მოხდა.

გამოძიება დაწყებულია სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

„ეს ადამიანები ჩვეულებრივად, წამხალისებლები არიან იმ ექსტრემიზმის, იმ ძალადობრივი დაჯგუფებების, რომლებიც დღეს, სამწუხაროდ, ქვეყანაში გვყავს. ჩვეულებრივად აფინანსებენ, არც ერიდებიან, არც მხარდაჭერას გამოხატვის ერიდებათ. იმავე ევროკავშირის ელჩი, ჩვეულებრივად ნაწილია ძალადობრივი დაჯგუფების, რომელიც მათივე დაფინანსებით და მხარდაჭერით არის შექმნილი. ყველანაირი წითელი ხაზი გადაკვეთილა. აქ დიპლომატია და დიპლომატიური ურთიერთობები არაფერ შუაშია. მისი ქმედებები ყველანაირ წითელ ხაზს კვეთს, როდესაც საქმე ეხება საზოგადოების გახლეჩის მცდელობას, დაპირისპირებას, ქვეყანაში რევოლუციის მოწყობას. ყველამ უნდა იცოდეს, რომ შემთხვევით არაფერი ხდება. ეს ყველაფერი იმართება გარედან. გარედან შემოდის დაფინანსება. გარედან ხდება ძალადობრივი დაჯგუფებების წახალისება, საზოგადოების გახლეჩის მცდელობა და ა.შ“,

ამის შესახებ თბილისის მერმა, კახა კალაძემ ჟურნალისტებს განუცხადა, რითაც უპასუხა კითხვას „ევროკავშირის ელჩისა და აქტივისტების შეხვედრის შესახებ“.