Category: სლაიდერი

მოძალადე, ჰომოფობიური ჯგუფის ლიდერები, გურამ ფალავანდიშვილი და მისი შვილი სახლის ჩხრეკის შემდეგ პოლიციის განყოფილებაში გადაიყვანეს.

მისი თქმით, სახლში პოლიციამ კანონსაწინააღმდეგო ვერაფერი იპოვა.

“ჩვენს სახლში ვერანაირი კანონსაწინააღმდეგო ვერ ნახეს. ვერც ნივთი და ვერც ნივთიერება. ჩვენ ვართ ძალიან კანონმორჩილი ხალხი, თუ ეს კანონები არ ეწინააღმდეგება 10 მცნებას”,– თქვა ფალავანდიშვილმა.

მისივე განცხადებით, არ აქვს მოლოდინი, რომ პოლიცია მათ დააკავებს, საპასუხოდ კი შსს-ს მოუწოდებს, დააკავოს თბილისი პრაიდის წევრები და “მედიატერორისტები”.

პოლიციამ ჩხრეკა ჩაატარა პრორუსული ალტ-ინფოს დამფუძნებლის, ზურა მახარაძის სახლშიც და ისიც ამჟამად განყოფილებაშია გადაყვანილი.

Tbilisi Pride-ის დირექტორი, გიორგი თაბაგარი წერს, რომ პრორუსული ალტ-ინფოს დამფუძნებლის, ზურაბ მახარაძისა და გურამ ფალავანდიშვილის სახლი გაჩხრეკა “ბლეფია”.

“ბლეფია ეს და ტყუილი ფაფხური. 5 ივლისამდეც დაიბარეს გამოკითხვაზე რომ ჩვენთან და ელჩებთან ეთქვათ რომ, აი, ხო ვიძიებთ საქმეს. იმ დროისთვისაც ჰქონდათ საკმარისი საფუძველი მახარაძის დასაკავებლად, მაგრამ არაფერი ქნეს და ერთად შეასრულეს 5 ივლისი! ამაში ეჭვი აღარ მეპარება!”,– წერს თაბაგარი.

პოლიციამ დღე ჰომოფობიური ჯგუფის ლიდერის, გურამ ფალავანდიშვილის და ზურა მახარაძის სახლები გაჩხრიკა. ზურაბ მახარაძე ჩხრეკის შემდეგ პოლიციის განყოფილებაში გადაიყვანეს.

ძალადობრივი, პრორუსული“ალტ ინფოს” ერთ-ერთი წამყვანი, ზურაბ მახარაძე მისი ბინის ჩხრეკის შემდეგ პოლიციის განყოფილებაში გადაიყვანეს. ინფორმაციას ადასტურებს მისი მეუღლე.

დღეს პოლიციამ გაჩხრიკა ძალადობრივი ჯგუფის ლიდერის, გურამ ფალავანდიშვილის სახლიც.

გავრცელებული ინფორმაციით, პოლიცია შესული იყო კონსტანტინე მორგოშიას ბინაშიც.

არსებული ინფორმაციით, პრორუსული, ჰომოფობიური ჯგუფის ლიდერის, გურამ ფალავანდიშვილის სახლში ჩხრეკა მიმდინარეობს.

კრიმინალური პოლიციამ ასევე ჩხრეკს პუტინისტური მედიის, „ალტ-ინფოს“ დამფუძნებლის, ზურაბ მახარაძის ბინასაც. გავრცელებული ცნობებით, სამართალდამცავები კონსტანტინე მორგოშიას სახლშიც მუშაობენ.

შსს-ს განცხადება ჯერჯერობით არ გაუვრცელებია.

დაავადებათა კონტროლის ეროვნული ცენტრის ცნობით, ბოლო 24 საათში საქართველოში კორონავირუსის 1 653 ახალი შემთხვევა გამოვლინდა.

გამოჯანმრთელდა 466 პაციენტი, ხოლო 13 გარდაიცვალა.

16 ივლისის მონაცემებით ქვეყანაში:

• კორონავირუსის დადასტურებული შემთხვევა – 384 387 
• მათ შორის გამოჯანმრთელებული – 362 957
• მათ შორის გარდაცვლილი – 5516
• ბოლო 24 საათში ჩატარებული კვლევა ტესტით – 34800, მათ შორის ანტიგენის სწრაფი ტესტით – 18765, PCR ტესტით – 16035
• დადებითობის მაჩვენებელი: დღიური – 4,75%, ბოლო 14 დღის – 4,31%, ბოლო 7 დღის – 4,67%
• სულ აცრილია – 334199, დღიურად აცრილია – 8448
• კარანტინის რეჟიმში – 52
• სტაციონარში მეთვალყურეობის ქვეშ – 4001
• კლინიკურ სასტუმროში მყოფი პირები – 1016

აშშ-ს სახელმწიფო მდივანი ენტონი ბლინკენი საქართველოს პარლამენტის მიერ უზენაესი სასამართლოს 6 მოსამართლის უვადოდ დამტკიცებას ეხმაურება და წერს, რომ ამის გამო აშშ ღრმად შეშფოთებულია.

“შეერთებულ შტატები ღრმად შეშფოთებულია 19 აპრილის შეთანხმების საწინააღმდეგოდ საქართველოს პარლამენტის მიერ უზენაესი სასამართლოს კანდიდატების დამტკიცების გამო. ამბიციური სასამართლო რეფორმა გადამწყვეტია საქართველოს წარმატებისთვის”,– წერს ბლინკენი.

The United States is deeply troubled by the Georgian Parliament’s approval of Supreme Court nominees in contravention of the April 19 agreement. Ambitious judicial reform is critical to Georgia's success.

— Secretary Antony Blinken (@SecBlinken) July 16, 2021

12 ივლისს საერთაშორისო საზოგადოების მოწოდებების და შარლ მიშელის შეთანხმების მიუხედავად, პარლამენტმა 6 მოსამართლე უზენაეს სასამართლოში უვადოდ დანიშნა.

ეს მოსამართლეები არიან: გოჩა აბუსერიძე, გიორგი გოგიაშვილი, ლევან თევზაძე, რევაზ ნადარია, ბიძინა სტურუა, ლაშა ქოჩიაშვილი;

მთავრობა 19 ივლისიდან რეგულაციების აწესებს. იზოლაციისა და კარანტინის წესების დამტკიცების შესახებ საქართველოს მთავრობის დადგენილებაში ცვლილები შევიდა, რომლის თანახმად, ტრენინგებზე, კონფერენციებსა და სემინარებზე მონაწილეთა დასწრება მხოლოდ წინასწარი PCR ტესტირების საფუძველზე იქნება დასაშვები.

იკრძალება ბანაკის ტიპის შეკრებები, მათი ორგანიზაციული ფორმისა და ჩატარების ადგილის მიუხედავად.

ასევე, 18 წლამდე ასაკის მოზარდების სპორტული ტურნირებისა და სასწავლო-საწვრთნელი შეკრებების ჩატარება დასაშვები იქნება მხოლოდ ყველა მონაწილის წინასწარი PCR ტესტირების საფუძველზე.

შეზღუდვები, რომელსაც ხელს ირაკლი ღარიბაშვილი აწერს, ძალაში 19 ივლისიდან შევა.

ტელეკომპანია მაესტროს დირექტორმა, ვაკო ავალიანმა, პოსტი დატოვა. ამის შესახებ ავალიანი სოციალურ ქსელში წერს და აცხადებს, რომ არხის პრიორიტეტები მისთვის მიუღებელია, ხოლო დირექტორად გია გაჩეჩილაძე იგივე, “უცნობი” ბრუნდება.

“ვტოვებ მაესტროს, სადაც კარგი მეგობრები და საქმის ერთგული მაგარი ადამიანები შევიძინე. გაიგე ამბავი – არხის სლოგანია, რომელიც სრულად ესადაგება სამაუწყებლო ბადეს. არხზე ბრუნდება გია გაჩეჩილაძე (რამდენიმე პროექტით). არხის ახალი პრიორიტეტები ჩემთვის მიუღებელია! ყველაფრის მიუხედავად, წარმატება მაესტროს და მაესტროელებს” – წერს ვაკო ავალიანი. 

5 ივლისს თავდასხმები “ქართული ოცნების” ლიდერების მიერ იყო წახალისებული –  აცხადებს ამერიკის შეერთებული შტატების ჰელსინკის კომისიის თავმჯდომარე, სენატორ ბენ კარდინი. მისი თქმით ბოლო პერიოდში საქართველოში ჟურნალისტებზე განხორციელებული თავდასხმის ფაქტები შოკისმომგვრელია. ამის შესახებ კარდინიმ, ამერიკის ხმასთან ინტერვიუში განაცხადა.

“5 ივლისს, პრაიდის მშვიდობიან დემონსტრანტებზე თავდასხმას, რადიკალური მემარჯვენე ელემენტების მხრიდან, რომელიც წახალისებული იყო “ქართული ოცნების” ლიდერების მიერ, ჟურნალისტებზე ძალადობა მოჰყვა, რომლებიც დაპირისპირებას აშუქებდნენ. ამ ჰომოფობიური ძალადობის შემოქმედებს, ისევე როგორც მათ, ვინც პასუხისმგებელია ოპერატორ ალექსანდრე ლაშქარავასსიკვდილზე, სისხლის სამართლის პასუხისმგებლობა უნდა დაეკისროთ. სამარცხვინოა, რომ ქართული ოცნების ლიდერები ყურადღების გადატანას იმ პროფესიონალი ჟურნალისტების დაგმობით ცდილობენ, რომლებიც მხოლოდ თავის საქმეს აკეთებდნენ”, – განაცხადა ბენ კარდინიმ.