Category: სლაიდერი

უკრაინის შეიარაღებული ძალების გენერალური შტაბი აცხადებს, რომ ლისიჩანსკზე კონტროლი დაკარგეს. უკრაინელი სამხედროები აცხადებენ, რომ რუსული ძალები ლუჰანსკის ოლქის შემდეგ დონეცკის რეგიონზე თავდასხმისთვის ემზადებიან.

“ლისიჩანსკისთვის მძიმე ბრძოლების შემდეგ, უკრაინის თავდაცვის ძალები იძულებული გახდნენ თავიანთი პოზიციები და ხაზები დაეტოვებინათ,” – თქვა უკრაინის შეიარაღებული ძალების გენერალურმა შტაბმა.

კუნძულ ზმეინზე  უკრაინის დროშა ფრიალებს – შესაბამის ინფორმაციას, უკრაინის სამხრეთის სარდლობის პრესსპიკერი, ნატალია ჰუმენიუკი ავრცელებს. მისი თქმით, დროშა მას შემდეგ აღიმართა, რაც რუსულმა ძალებმა ტერიტორია დატოვეს.

“უკრაინის დროშა დამონტაჟდა კუნძულზე… ოპერაცია დასრულდა, კუნძული დაუბრუნდა უკრაინის იურისდიქციას”, – თქვა სპიკერმა ორშაბათს, დამატებითი დეტალების გარეშე.

”საკონსტიტუციო ცვლილებები არის სუფთა პოლიტიკური საკითხი. ეს არის ის თემა, რომელიც პოლიტიკურ გადაწყვეტას მოითხოვს და ამ პოლიტიკურ გადაწყვეტილებას მივიღებთ იმ შემთხვევაში, თუ ოპოზიციის მხრიდან გადაიდგმება ნაბიჯები დეპოლარიზაციის მიმართულებით, ერთი მარტივი მიზეზის გამო – სადაც არის პოლარიზაციის მაღალი ხარისხი, თეორიაშიც, წიგნებშიც წერია ეს, უმჯობესია, იყოს მაღალი ბარიერი, სადაც პოლარიზაციის ხარისხი არის უფრო დაბალი, იქ შესაძლებელია დაბალი ბარიერი.

ჩვენ ვთქვით, რომ საპარლამენტო სუვერენიტეტის პრინციპის შესაბამისად, პარლამენტი დაუბრუნდებოდა ამ კანონპროექტის განხილვას. არსად არ თქმულა არავითარი პირობა, რომ ამ ცვლილებებს მივიღებდით. შანსი იმისა, რომ ეს კანონპროექტი მივიღოთ, ძალიან მაღალია, თუმცა ეს ყველაფერი საბოლოო ჯამში, იქნება დამოკიდებული იმაზე, თუ რამდენად გადადგამს ოპოზიცია ნაბიჯებს დეპოლარიზაციისკენ.”

“პირდაპირ ვიტყვი, რომ ჩემი გინების ადრესატს გაცილებით მეტი ეკუთვნის და ყოველთვის ეს განწყობა მექნება მკვლელების რეჟიმის ლიდერის თუ ლიდერების მიმართ, რომელსაც ჩემი ქვეყნის წალეკვა აქვთ გადაწყვეტილი, თუმცა მართლა უკაცრავად საზოგადოებასთან, რომელსაც ჩემი გინების მოსმენა მოუწია”,

წერს Facebook-ზე ქართული ოცნების დეპუტატი დიმიტრი სამხარაძე, რომელმაც  გუშინ, 3 ივლისს ქართული ოცნების ოფისიდან “შინ ევროპისკენ” აქციის მონაწილეებს აგინა.

”დარწმუნებულები ვართ, დეკემბერში საქართველოს კანდიდატის სტატუსს არავინ მიანიჭებს – ქართული ოცნებიდან წასული 3 დეპუტატი მიხეილ ყაველაშვილი, დიმიტრი ხუნდაძე და სოზარ სუბარი მორიგ განცხადებას აქვეყნებს და პროევროპული საპროტესტო მოძრაობის დისკრეტიდაციას ცდილობს.

“მიუხედავად ამისა, ხელისუფლებამ უნდა აჩვენოს, რომ ევროინტეგრაცია მისთვის მყარი პრიორიტეტია და მიზნის მისაღწევად, მის გასაკეთებელს სათანადოდ აკეთებს. ხელისუფლებამ, საზოგადოების ფართო ჩართულობით, უნდა გააკეთოს ყველაფერი, რაც ობიექტურ შემფასებელს კანდიდატის სტატუსზე უარის თქმის საბაბსაც კი არ დაუტოვებს”. – წერია ხუნდაძე-ყაველაშვილი-სუბარის განცხადებაში.

უკრაინული არმია ხერსონზე კონტრშეტევისთვის ემზადება, რაც გზას ხსნის ყირიმისკენ. ამის შესახებ The Economist წერს.

რუსებმა ხერსონის აღება ომის პირველივე დღეებში შეძლეს. ოკუპანტებისთვის ქალაქი მთელი რეგიონის მნიშვნელოვანი ნაწილია. იქ მდებარეობს დამბა, რომელიც ყირიმის ნახევარკუნძულს წყლით ამარაგებს, ასევე იქ არის თავმოყრილი სხვადასხვა სოფლის მეურნეობის კულტურები – საზამთრო, პომიდორი, მზესუმზირა და სოიო.

გამოცემა წერს, რომ უკრაინულ არმიას ხერსონთან ტაქტიკური წარმატებები აქვს. მასთან საუბარში სამხედრო დაზვერვის ოფიცერი აცხადებს, რომ რუსეთის ფედერაციის მოწინავე ნაწილები უკრაინელი სნაიპერების ხელმისაწვდომობის ზონაში არიან. ეს კი ხერსონის შემოგარენიდან დაახლოებით ერთი კილომეტრია.

“შემდგომი ორი კვირა კიდევ უფრო საინტერესო იქნება“–ამბობს მებრძოლი.

ამასთან, აღინიშნება, რომ რაც არ უნდა ხდებოდეს ხერსონის რაიონში, ეს ჯერ კიდევ არ გავს სრულფასოვან კონტრშეტევას. ჯარისკაცები საბრძოლო მასალების და ძალების უკმარისობაზე საურობენ. უკრაინის არმიას ჯერ არ მიუღწევია სამი ერთთან უპირატესობითვის, რაც წარმატებული კონტრშეტევისთვის აუცილებელია.

ამასთან, რუსეთის არმიამ აქ გამაგრებული მიწისქვეშა გზების ქსელი შექმნა. როგორც უკრაინის “ტერაბარონის“ მებრძოლი ამბობს, როცა ისინი რუსების განდევნას ცდილობენ, პოზიციებზე ათის ნაცვლად ასი ჯარისკაცი მოდის. ერთ სოფელს შეიძლება ჰაერსაწინააღმდეგო თავდაცვის 4 დანაყოფი იცავდეს. გარდა ამისა, ადგილობრივებს საკუთარი სახლები არ დაუტოვებიათ, რაც ასევე ართულებს უკრაინული ჯარის მუშაობას.

როგორც ყოფილი ჩინოვნიკი ამბობს, რომელმაც ხერსონი მას შემდეგ დატოვა, რაც ოკუპანტებმა კოლაბორაციონისტული ორგანოს მეთაურობა შესთავაზეს, რუსეთი ცდილობდა ადგილობრივი მოსახლეობა გადაებირებინა, თუმცა სიტუაცია სწრაფად შეიცვლება, თუ რუსების ხერსონიდან გაყრა დაიწყება.

“რუსები ძალიან გაბოროტებულები იქნებიან და არავის დაინდობენ, თუმცა პარტიზანული წინააღმდეგობაც ასეთივე სასტიკი იქნება. ადგილობრივები რუსებს უბრალოდ ნაწილებად დაგლეჯენ“–თვლის ყოფილი ჩინოვნიკი, რომლის ვინაობა არ სახელდება.

ფინეთის  სამხრეთ კარელიის პროვინციის ქალაქ ლაპეენრანტის მერი, კიმო იარვა გამოდის წინადადებით ჩრდილო ატლანტიკური ალიანსის ბაზა რუსეთის საზღვართან ახლოს, აერეოპორტის ტერიტორიაზე აშენდეს. ამის შესახებ ადგილობრივი მედია წერს და აზუსტებს, რომ იდეა მას შემდეგ გაჩნდა, რაც ქვეყნის ნატოში გაწევრიანების პროცესი დაჩქარდა. ამ ინიციატივის მეორე მიზეზი სწორედ აგრესორი ქვეყნის საზღვართან ამ ტერიტორიის სიახლოვეა. აეროპორტი ლენინგრადის ოლქიდან 20 კილომეტით არის დაშორებული.

ქალაქში ხაზს უსვამენ, რომ ფინეთის თავდაცვის ძალებთან ბაზის აქ აშენების შესაძლებლობა ჯერ არ განუხილავთ. ამავე დროს, იმედი აქვთ, რომ ლაპეენრანტის ტერიტორიაზე ნატოს კონტიგენტის განლაგება სამხრეთ კარელიაში ინვესტიციებს მიიზიდავს. მერის თქმით, ფინეთის ნატოში გაწევრიანების დაჩქარებამ მთელ პროვიპნციას იმედი გაუჩინა

“ეს უსაფრთხოების განცდას აჩენს და შეიძლება ამ რეგიონში ინვესტიციები მოიზიდოს“– ამბობს ის.

იარვა აღნიშნავს, რომ აეროპორტი ხელმისაწვდომია ბაზის შესაქმნელად, თუმცა მერი არ არის მზად ისაუბროს სახმელეთო ძალების სკოლის და ქვეყნის თავდაცვის ძალების აქ განლაგების თემაზე, რადგან ამბობს, რომ “სპეციალისტი არ არის.“

შეგახსენებთ, რომ ფინეთი და შვედეთი ოფიციალურად მიიწვიეს ნატოში გასაწევრიანებლად. ორი ქვეყანა ალიანსის წევრი ოფიციალურად მას შემდეგ გახდება, რაც მათ შეერთებას ოფიციალურად დაუჭერს მხარს 30 წევრი ქვეყანა. ორმა ქვეყანამ ნატოში გაწევრიანება რუსეთის უკრაინაში შეჭრის შემდეგ გადაწყვიტა.