Category: სლაიდერი

ვროპარლამენტის საგარეო ურთიერთობათა კომიტეტმა საქართველოს შესახებ ყოველწლიური ანგარიში კომპრომისული შესწორებებით მიიღო. მიღებულია ასევე ცვლილება, რომელიც საქართველოს ყოფილ პრეზიდენტს, მიხეილ სააკაშვილს ეხება. შესწორებების ახალ ვერსიაში საუბარია :

• “საქართველოს ხელისუფლებამ გაათავისუფლოს ყოფილი პრეზიდენტი მიხეილ სააკაშვილი და მისცეს მას უფლება, გაიაროს სათანადო სამედიცინო მკურნალობა საზღვარგარეთ ჰუმანიტარული ნიშნით და როგორც პოლიტიკური პოლარიზაციის შემცირების საშუალება;  მოუწოდებს საქართველოს ხელისუფლებას, შეწყვიტოს პოლიტიკურად მოტივირებული სისხლის სამართლის საქმეები და განიხილოს მიმდინარე სისხლის სამართლის საქმეები მედიის მუშაკებისა და ხელისუფლების მიმართ კრიტიკული მედია საშუალებების მფლობელების ან ახლო ოჯახის წევრების წინააღმდეგ”.

ანგარიშის მთავარი მომხსენებელი სოციალისტი სვენ მიქსერია

.

” ქართული ოცნება რომ მოვიდა, იმედი გვქონდა, რომ რაღაც ახალი უნდა გაკეთებულიყო ჩემს საქართველოში და  არ გაკეთდა, იმიტომ არის დანგრეული დღეს ხალხი, იმიტომ არის უუნარო დღეს, იმიტომ არის ესე, რა, რომ აღარ იცის უკვე, რა ქნას, ვიღას ენდოს? იმას, ვისაც ბოლოს ენდო, მოატყუილა იმან რა და რა ქნას ამ ქართველმა ხალხმა? [ოცნებამ] მოატყუა? მოატყუა კი არა, შეუსრულა რა, ყველაზე მაგარი სიტყვა ეს არის…

მე, გია კორკოტაშვილს, 4 შვილის მამას, არავითარი საშუალება არა მაქვს სადმე მუშაობის, რომ ელემენტარულად რაღაცა გავაკეთი. ყველგან, სადაც მივდივარ, ჩახერგილია ჩემთვის. არ ვიცი [რატომ], სახელმწიფოებრივად ასე მომიდგნენ, იმიტომ, რომ ველაპარაკები პირდაპირ, არ მომწონს მათი საქციელები და პირდაპირ ველაპარაკები და ეს არ მოსწონთ, უნდათ მორჩილი, ცუნგუშები უნდათ, სჭირდებათ, რომ დაუკრავენ ტაშს და პოზას მიიღებს”.

ამის შესახებ, ”ქართული მარშის” ლიდერმა გია კორკოტაშვილმა  ჯორჯიან თაიმსის ეთერში საუბრისას განაცხადა.

“პირველი ტექსტი, რომელიც მომზადდა არის დაბალანსებული და ის ასახავს საქართველოს პროგრესს ასოცირების შეთანხმების იმპლემენტაციის კუთხით, თუმცა, ჩვენ ვხედავთ, რომ არიან ერთი და იგივე ოდიოზური ევროპარლამენტარები, რომლებიც ცდილობენ აბსოლუტურად არარელევანტური და სიმართლეს აცდენილი ცვლილებები შეიტანონ რეზოლუციაში.

ამ ადამიანებს აქვთ პირდაპირი კავშირი იმ საერთო კოორდინაციასთან, რომლის მიზანია საქართველოში მეორე ფრონტის გაჩაღება. რა თქმა უნდა, ისინი არანაირი ნაცმოძრაობის ლობისტები არ არიან, რადგან რესურსი ნაცმოძრაობას არ აქვს, იმისა, რომ მათ ასეთ დონეზე, საგარეო ფრონტზე იმუშაონ. რეალურად, ისინი არიან ერთმანეთის მოკავშირეები, უფრო მეტად ნაცმოძრაობა არის ამ ხალხის მოკავშირე, ვიდრე ისინი ნაცმოძრაობის მოკავშირეები. გამგები გაიგებს ამ ყველაფერს. კიდევ ერთხელ გავიმეორებ, რომ არის რაღაც გლობალური ომის პარტია, რომლის წარმომადგენლებიც არიან ეს ოდიოზური ევროპარლამენტარები და მათ ამოძრავებთ ერთადერთი მიზანი, რომ საქართველოში გამოიწვიონ ის პროცესები, რომელიც დღეს, სამწუხაროდ, უკრაინაში წარიმართება”,

განაცხადა, ”ქართული ოცნების” თავმჯდომარემ ირაკლი კობახიძემ.

“პირველმა მსოფლიო ომმა აჩვენა, რომ მილიონობით ადამიანის სიცოცხლე შეიძლება განადგურდეს სანგრების ომში. ახლა რუსები იყენებენ მსგავს პრინციპებს, როცა ათასობით საკუთარ ჯარისკაცს აგზავნიან სასიკვდილოდ. ჩვენ ვართ ეფექტურები, ხოლო ისინი რაოდენობრივად მეტნი არიან. მკვდრების არდათვლა და მათი დავიწყება – ეს არის რუსეთის ომის მთელი არსი”,

ამის შესხებ, უკრაინის პრეზიდენტის აპარატის ხელმძღვანელმა, ანდრეი ერმაკმა განაცხადა.

რუსეთის საოკუპაციო ძალების წარმომადგენლებმა ოკუპირებული გალის ტერიტორიაზე უკანონოდ დააკავეს საქართველოს მოქალაქე. სახელმწიფო უსაფრთხოების სამსახური მომხდართან დაკავშირებით განცხადებას ავრცელეს.

“იგი ოკუპირებული გალის ტერიტორიიდან ზუგდიდში ბრუნდებოდა, რა დროსაც განხორციელდა მისი უკანონო დაკავება. ცხელი ხაზით გაზიარებული ინფორმაციით, უკანონოდ დაკავებულს თან ჰქონდა ნარკოტიკული ნივთიერების შეკვრა.

უკანონო დაკავების ფაქტთან დაკავშირებით, დაუყოვნებლივ გააქტიურდა ცხელი ხაზი. საოკუპაციო ძალის მიერ განხორციელებული მორიგი მძიმე ინციდენტის შესახებ ეცნობა ჟენევის საერთაშორისო დისკუსიების თანათავმჯდომარეებს და ჩვენს საერთაშორისო პარტნიორებს.
ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად მიმდინარეობს აქტიური მუშაობა ცენტრალური ხელისუფლების ხელთ არსებული ყველა მექანიზმის გამოყენებით.

საქართველოს მოქალაქეების უკანონო დაკავების ფაქტზე სრული პასუხისმგებლობა ეკისრება საოკუპაციო ძალას.” – აცხადებს სუს-ი.

“შეგახსენებთ, როდესაც გვარამია ქალ პრეზიდენტს უწოდებდა რეზიდენტს, სხვა სიტყვებს არ გავიმეორებ, ამ ოდიოზურ ევროპარლამენტარებს არც ერთი შენიშვნა არ ჰქონიათ ამასთან დაკავშირებით, კომენტარიც არ გაუკეთებიათ. დღეს ისინი ამ რეზიდენტს, გვარამიას სიტყვებს ვიმეორებ, სთხოვენ გვარამიას შეწყალებას, რაც რბილად რომ ვთქვათ ყველაფრის დამახინჯებაა, რაც უკავშირდება ქართულ პოლიტიკას. ოდიოზური ევროპარლამენტარების განცხადება ჩვენთვის ვერავითარი ფასი ვერ ექნება”

განაცხადა “ქართული ოცნების” თავმჯდომარე კობახიძემ, 12 ევროპარლამენტარის წერილის პასუხად