Category: სლაიდერი

ქუთაისიდან პარიზისკენ გაფრენილი Wizz Air-ის თვითმფრინავი უკან დააბრუნეს. 60 წლამდე ასაკის მამაკაცი თვითმფრინავის აფრენის შემდეგ ბორტზე შეუძლოდ გახდა და სწორედ ამიტომ მიიღო ეკიპაჟმა უკან დაბრუნების გადაწყვეტილება.

ქუთაისის აეროპორტში მობილიზებული იყო სასწრაფო დახმარება, თუმცა მამაკაცის გადარჩენა ვერ მოხერხდა

ქუთაისიდან თვითმფრინავი 17:24 საათზე აფრინდა და დაახლოებით ორსაათნახევარი საქართველოს ცაში იმყოფებოდა.

„მე არ მაქვს არანაირად ამის [ზურაბიშვილის მიერ სააკაშვილის შეწყალების] მოლოდინი, ვინაიდან ვიცი მისი პოზიცია რაც მან არაერთხელ გააჟღერა და ვერ ვხედავ რაიმე საფუძველს, რომ ის პოზიცია შეცვლილიყო. ის თავად გახლდათ, თვითონაც აღნიშნა, იმ პროტესტის მონაწილე, რომელიც სწორედ ეხებოდა გირგვლიანი საქმეს და დღეს გირგვლიანის საქმეზე მიდის მართლმსაჯულების აღსრულება. ყველა ვინც ახლა ცდილობს, რომ რაიმენაირად დაიხსნას მიხეილ სააკაშვილი ციხიდან, ცდილობს, რომ ხელი შეუშალოს ამ საქმეზე მართლმსაჯულების აღსრულებას.”

აცხადებს საქართველოს პარლამენტის თავმჯდომარე შალვა პაპუაშვილი.

უკრაინელმა მესაზღვრეებმა ბახმუტთან რუსების შეტევა მოიგერიეს და მათი მეთაური მოკლეს – აღნიშნულ ინფორმაციას, უკრაინის სახელმწიფო სასაზღვრო სამსახური ავრცელებს.

“მოვკალით მეთაური, სასაზღვრო სნაიპერებმა შეაჩერეს რუსების შეტევა ბახმუტთან“, – ნათქვამია გავრცელებულ განცხადებაში.

ბახმუტის მახლობლად ერთ-ერთ მარშრუტზე რუსები უკრაინელი დამცველების საგუშაგოზე თავდასხმას გეგმავდნენ.

“თუმცა, სახელმწიფო სასაზღვრო სამსახურის სნაიპერებმა ამის საშუალება არ მისცეს. ჯარისკაცებმა ზუსტი სროლით გაანადგურეს მეთაური და ტყვიამფრქვევი. ოკუპანტებმა, დაკარგეს კონტროლი დანაყოფზე, შეშინდნენ და გაიქცნენ.” აღნიშნავს სახელმწიფო სასაზღვრო სამსახური.

რუსეთის ჯარებს არ შეუწყვიტავთ  არ შეაჩერეს უკრაინის ტერიტორიებზე შეტევა 6 იანვარს, მიუხედავად პრეზიდენტ ვლადიმერ პუტინის მიერ გამოცხადებული „საშობაო ზავისა“, განაცხადა შაბათს ღამით ლუგანსკის სამხედრო საოლქო ადმინისტრაციის  ხელმძღვანელმა სერხი გაიდაიმ.

„როგორც იყო დაბომბვა, ისევე გაგრძელდა, როგორც იყო ჩვენს პოზიციებზე თავდასხმის მცდელობები, ასე რჩება“, – თქვა მან. „ვფიქრობ, ხვალ [შაბათს] გენერალური შტაბი გამოაცხადებს დაბომბვისა და თავდასხმების რაოდენობას, რაც მოხდა.

მანამდე ვლადიმერ პუტინმა მართლმადიდებლური შობის დღესასწაულთან დაკავშირებით ცეცხლის შეწყვეტის ბრძანება გასცა ფრონტის მთელ ხაზზე 36 საათის განმავლობაში.

კიევმა უარი თქვა ინიციატივის მხარდაჭერაზე და მას ფარისევლობა უწოდა.

გარდა ამისა, უკრაინული მხარე დარწმუნებულია, რომ რუსეთის ჯარებს მხოლოდ საომარი მოქმედებების ოპერატიული პაუზა სჭირდებათ და კრემლმა  მისი ამ გზით უზრუნველყოფა გადაწყვიტა.

ომის შესწავლის ამერიკულმა ინსტიტუტმა (ISW) რუსეთის ქმედებებს უწოდა საინფორმაციო ოპერაცია, რომელიც შექმნილია უკრაინის რეპუტაციის შელახვის მიზნით.

„საშობაო ზავის“ ვადა დღეს, შუაღამისას იწურება.

უკრაინის თავდაცვის სამინისტროს მთავარი სადაზვერვო სამმართველოს სპიკერმა, ვადიმ სკიბიცკიმ განაცხადა, რომ ზამთრის არდადეგების შემდეგ, რუსეთს კიდევ 500 000 ჯარისკაცის მობილიზაციას გეგმავს.

მისი თქმით, მობილიზებული ოკუპანტები შეტევით ოპერაციებში გაზაფხულზე და ზაფხულში უკრაინის აღმოსავლეთ და სამხრეთში ჩაერთვებიან.

სადაზვერვო სპიკერი  მიიჩნევს, რომ სამხედრო ფორმირებების შესაქმნელად რუსეთს დაახლოებით 2 თვე დასჭირდება. მისი თქმით, ბრძოლის ველზე ნებისმიერი წარმატება დამოკიდებული იქნება იმაზე, თუ რამდენად კარგად იქნებიან ისინი აღჭურვილი და გაწვრთნილი.

ბახმუტისთვის ბრძოლებში ჩეჩენი მოხალისეები საერთაშორისო ლეგიონის შემადგენლობაში იბრძვიან. ამის შესახებ უკრაინის თავდაცვის სამინისტროს მთავარი სადაზვერვო სამმართველო იტყობინება.

“ჩეჩენი მოხალისეები აგრძელებენ უკრაინის დაცვას უკრაინის თავდაცვის სამინისტროს დაზვერვის მთავარი დირექტორატის საერთაშორისო ლეგიონის შემადგენლობაში ფრონტის ყველაზე ცხელ წერტილებში. მოხალისეებს შორის არის იჩქერიელი ხალხის გმირი აბდულ ჰაკიმი”, – ნათქვამია მოხსენებაში. ამბობს.

ჰაკიმი ადრე ხელმძღვანელობდა აჯნად ალ-კავკაზ ჯგუფს, რომელიც სირიაში იბრძოდა ბაშარ ალ-ასადის მთავრობისა და მოკავშირე ირანისა და რუსეთის ძალების წინააღმდეგ. რუსეთის ფედერაციის უკრაინაში სრულმასშტაბიანი შეჭრის შემდეგ ეს ჯგუფი შევიდა ჩეჩნეთის ბატალიონის შემადგენლობაში, რომელიც შედის უკრაინის საერთაშორისო ლეგიონის შემადგენლობაში.

15 ოქტომბერს აბდულ ხაკიმს ჩეჩნეთის იჩქერიის რესპუბლიკის შეიარაღებული ძალების პოლკოვნიკის წოდება მიენიჭა.

ომი უკრაინაში: ჩეჩნების ჩართულობა

ოქტომბრის შუა რიცხვებში უმაღლესმა რადამ მიიღო რეზოლუცია, რომლითაც აღიარა, რომ ჩეჩნეთის რესპუბლიკა იჩკერია დროებით ოკუპირებულია რუსეთის ფედერაციის მიერ.

რუსეთ-უკრაინის ომში ფრონტის ორივე მხარეს ჩეჩენი ხალხის წარმომადგენლები არიან ჩართული. და ეს ჯერ კიდევ 2014 წელს დაიწყო.

2022 წლის სრულმასშტაბიანი შეჭრისას, რუსეთის მხარეს მასიურად ჩაერთნენ  “კადიროველები”, ჩეჩნეთის ამჟამინდელი მეთაურის რამზან კადიროვის მიერ უშუალოდ კონტროლირებადი ქვედანაყოფების ბოევიკები. მაგრამ ასევე ბევრი ჩეჩენი მებრძოლი ჩაერთო უკრაინის მხარეს.

უკრაინის მართლმადიდებლური ეკლესიის წინამძღვარმა, მიტროპოლიტმა ეპიფანემ დღეს,  7 იანვარს ქრისტეს შობის დღესასწაულთან დაკავშირებით წირვა კიევ-პეჩერსკის ლავრაში აღავლინა. ეს არის პირველი შემთხვევა, როდესაც საშობაო წირვას კიევ-პეჩერსკის ლავრის ტერიტორიაზე ატარებს.

მანამდე ღვთისმშობლის მიძინების საკათედრო ტაძარში შობის დღეს ღვთისმსახურებას მხოლოდ მოსკოვის საპატრიარქო ატარებდა.

დღეს კიევ-პეჩერსკის ლავრასთან პოლიცია და ეროვნული გვარდიის წევრები მორიგეობენ. ისინი მიტროპოლიტ ეპიფანესთან წირვაზე დასწრების მსურველთა საბუთებს ამოწმებენ.

კიევ-პეჩერსკის ლავრას მოსკოვის საპატრიარქოს დაქვემდებარებული ეკლესია განაგებდა, ფორმალურად – საიჯარო ხელშეკრულების საფუძველზე, რომელსაც 1 იანვარს ვადა გაუვიდა.

3 იანვარს, კიევ-პეჩორის ლავრა უკრაინის მართლმადიდებელ ეკლესიას გადაეცა. უკრაინის კულტურის მინისტრმა, ალექსანდრ ტკაჩენკომ დააზუსტა, რომ საუბარი არაა მოსკოვის საპატრიარქოს უკრაინის მართლმადიდებელი ეკლესიისგან ლავრის უკრაინის მართლმადიდებელი ეკლესიისთვის გადაცემაზე.
საუბარია იურიდიული პირის დარეგისტრირებაზე ლავრის იმ ნაწილში, სადაც ისედაც უკრაინის მართლმადიდებელი ეკლესიის ექსპლუატაციაში იყო და არ ვრცელდებოდა რუსეთის საპატრიარქოს უკრაინის მართლმადიდებელი ეკლესიის იურისდიქცია.

რუსეთმა შავი და აზოვის ზღვიდან გაიყვანა საბრძოლო ხომალდები, რომლებსაც შეუძლიათ კალიბრის რაკეტების გაშვება. ამის შესახებ უკრაინის საზღვაო ძალების პრესსამსახური იტყობინება.

გავრცელებული ინფორმაციით, რუსეთი ამჟამად მხოლოდ ორ არასარაკეტო ხომალდს ინახავს აზოვის ზღვაში. შავ ზღვაში ხომალდები საერთოდ არ არის.

ხმელთაშუა ზღვაში რჩება დიდი საბრძოლო ჯგუფი – 9 ხომალდი, მათ შორის კალიბრის საკრუიზო რაკეტების 5 მატარებელი 72 რაკეტით. თუმცა, იქიდან უკრაინაში რაკეტები არასოდეს ყოფილა გაშვებული.