Category: სლაიდერი

“ეს არის გაფრთხილება, ბოლო დიდი სიგნალია ქართული ოცნებისთვის, რომ ამერიკა ვერ შეეგუება იმას, რომ ქვეყანაში იყოს ანტიდემოკრატიული რეჟიმი და არაფორმალური მმართველობა და აქვე მინდა ირაკლი კობახიძეს და ქართული ოცნების პროპაგანდისტებს ვუპასუხო – დაიხვიეს გიორგი ბურჯანაძის გამოსვლა, რომ ჩვენ ცალ ფეხზე არ დავდგებით, ვითომ ვინმემ მოსთხოვა ცალ ფეხზე დადგომა. ვერ დადგები ირაკლი ცალ ფეხზე, იმიტომ, რომ შენ უკვე მუხლებზე დგახარ რუსეთთან და რომც მოინდომო ვერ დადგები ცალ ფეხზე”

აცხადებს “სტრატეგია აღმაშენებლის” ერთ-ერთი ლიდერი, პატა მანჯგალაძე მოსამართლეების სანქცირების თემის კომენტირებისას.  

კახეთის მუნიციპალიტეტის ორ სხვადასხვა სოფელში ორი არასრულწლოვანი, სავარაუდოდ, გააუპატიურეს.

14 წლის გოგოზე, სავარაუდოდ, მამამ, ხოლო მეორე შემთხვევაში კაცმა – 12 წლის გერზე იძალადა.

არსებული ინფორმაციით, ორივე კაცი უკვე დაკავებულია და მათ წინასწარი პატიმრობა შეეფარდათ.

ორივე საქმეზე ბარალდებულები დაკავებული არიან.

სხვა დეტალები უცნობია.

”ეს აჩვენებს მზარდ შეშფოთებას ამერიკის შეერთებულ შტატებში საქართველოში არსებული სიტუაციის თაობაზე და უგზავნის მკაფიო სიგნალს მათ, ვინც ანტი-დემოკრატიულ და კორუფციულ საქმიანობაშია ჩართული, რომ ისინი ამისთვის საფასურს გადაიხდიან. სხვები, ვინც ამგვარ საქმიანობაში არიან ჩართულნი და არ არიან დღეს აქ ნახსენები, ამას ძალიან ყურადღებით უნდა დააკვირდნენ… ნათელი უნდა იყოს, რომ ეს არაა სანქციები საქართველოს ან ქართველი ხალხის წინააღმდეგ. ესაა მიზანმიმართული სანქციები იმ კონკრეტული პირების წინააღმდეგ, რომლებიც პასუხისმგებლები არიან საქართველოს მცდარი გზით წაყვანაზე. ვიმედოვნებ, რომ ევროკავშირიც იმავეს გააკეთებს”

თქვა ჯორჯ ბუშის საპრეზიდენტო ინსტიტუტის დირექტორმა და სახელმწიფო დეპარტამენტის ყოფილმა მაღალჩინოსანმა დევიდ კრამერმა ამერიკის ხმასთან ინტერვიუში.

ჟენევაში გამართულ საერთაშორისო მოლაპარაკებების 57-ე რაუნდზე რუსულმა მხარემ განაცხადა, რომ მნიშვნელოვანია ჟენევის დისკუსიების პოლიტიზების თავიდან აცილება, – ამის შესახებ რუსეთის საგარეო საქმეთა სამინისტროს განცხადებაშია აღნიშნული.

უწყების ინფორმაციით, 4-5 აპრილს გამართულ მოლაპარაკებებზე, რომელზეც რუსულ მხარეს საგარეო საქმეთა მინისტრი, მიხეილ გალუზინი წარმოადგენდა, ხაზი გაესვა „კოლექტიური დასავლეთის“ მცდელობებს, კონფრონტაცია უკრაინიდან სამხრეთ კავკასიაში გადაიტანონ.

„აქცენტი გაკეთდა „კოლექტიური დასავლეთის“ უწყვეტ მცდელობებზე, კონფრონტაციის ლოგიკა უკრაინიდან სამხრეთ კავკასიაში გადაიტანონ, რაც გამოიხატება თბილისის მიმართ პროვოკაციულ მოწოდებებში, გახსნან „მეორე ფრონტი“ რუსეთის წინააღმდეგ აფხაზეთსა და სამხრეთ ოსეთში. ასეთი საშიში განცხადებები საჭიროებს ოპერატიულ რეაგირებას ჟენევის საერთაშორისო დისკუსიების და მათ მიერ წარმოდგენილი ორგანიზაციების მხრიდან“, – აცხადებენ რუსეთის საგარეო საქმეთა სამინისტროში.

უწყების განცხადებაში აღნიშნულია, რომ „რუსული და მისი აფხაზი და სამხრეთ ოსი მოკავშირეების შეფასებით“, რეალური წვლილი სამხრეთ კავკასიაში სტაბილურობისა და უსაფრთხოების მიღწევაში შეიძლება იყოს საქართველოს მიერ იურიდიულად სავალდებულო შეთანხმების გაფორმება აფხაზეთისა და სამხრეთ ოსეთის წინააღმდეგ ძალის გამოუყენებლობის შესახებ. ასევე ე.წ. „ქართულ-აფხაზური და ქართულ-სამხრეთ ოსეთის საზღვრების“ დელიმიტაციისა და დემარკაციის დაწყება.

„ამ ამოცანების პრაქტიკული განხორციელება ჟენევის მოლაპარაკებებზე მოსკოვის, სოხუმისა და ცხინვალის მთავარ პრიორიტეტად რჩება“, – აღნიშნულია განცხადებაში.

„სწორედ ის დროა, რომ სახელმწიფო დეპარტამენტმა საქართველოს კორუმპირებული მოსამართლეების პასუხისგებაში მიცემა დაიწყოს. დღევანდელი სანქცირებები ძალიან დაგვიანებულია, მაგრამ ძალიან მისაღები. გავაგრძელებ ქართველი ხალხის სურვილების მხარდაჭერას, განაგრძონ სვლა უფრო დემოკრატიული და გამჭვირვალე მომავლისკენ.”

ასე ეხმაურება,  შეერთებული შტატების  სენატის საგარეო კომიტეტის უფროსი წევრი ჯიმ რიში ქართველი მოსამართლეთა კლანის  სანქცირებას.

ჯერ არ გვიმსჯელია, ალბათ, ვიმსჯელებთ, რა ტიპის რეაგირება უნდა გვქონდეს, ჩვენთვის პრინციპულად მნიშვნელოვანია, თამაშის წესები იყოს დაცული… რა ტიპის რეაგირება გვექნება, ეს არის ცალკე საქმე, მაგრამ მე ყველას პირობას ვაძლევ, საქართველოშიც და საქართველოს გარეთაც, რომ ვერცერთი უსამართლო ქმედებით საქართველოში ვერ მოხდება სასამართლოს დამოუკიდებლობის ხელყოფა და ჩვენ არასდროს დავუბრუნდებით იმ წარსულს, რომელიც მძიმედ დაგვამახსოვრდა 2004-2012 წლებიდან, როდესაც სწორედ ნაცმოძრაობის ხელით იმართებოდა სასამართლო სისტემა.

მე ამის პირობას ვაძლევ ქართულ საზოგადოებას და ყველას გარეთ, ვისაც შეიძლება ჰქონდეს გარეთ ინტერესი, რომ მოახდინოს სასამართლოს დამოუკიდებლობაში ჩარევა, ამას ვერ დავუშვებთ ჩვენ.

“სამწუხაროა, რა თქმა უნდა, რომ ჩვენი მეგობრობა, სტრატეგიული ურთიერთობები მივიდა იქამდე, რომ სანქციების ენით ვესაუბრებით ერთმანეთს საქართველოსა და აშშ-ს ვგულისხმობ, ეს ერთი. მეორე, იცით, რომ სასამართლო, ისევე როგორც სხვა დემოკრატიული ინსტიტუტები, ფასდება ობიექტური კრიტერიუმებით. მოდით, შევხედოთ, ვნახოთ ერთად: დღეს დაასანქცირეს 4 მოსამართლე, ვიზების შეზღუდვა დაუწესე მათ და ოჯახის წევრებს. რა ხდებოდა მანამდე, ნუ ჩვენი ხელისუფლების პირობები სასამართლო სისტემაში, რომელშიც ეს ადამიანები მუშაობდნენ. თუმცა ამ ოთხიდან ერთი, ბატონი ცერცვაძე საკმაოდ დიდი ხანია აღარ მუშაობს და დანარჩენი სამი მოსამართლე სხვადასხვა პოზიციაზე არიან.

რა ხდებოდა მაშინ, როცა ეს მოსამართლეები მუშაობენ სასამართლოში, რა ხდება ამ წლების განმავლობაში: ანუ, სასამართლოში და ეს არის დადასტურებული სტატისტიკა და არა ჩემი, ან ვინმეს მოსაზრება, სასამართლოში დაბრუნდა ბალანსი მოქალაქეებსა და სახელმწიფოს შორის დავებში მიღებულ გადაწყვეტილებებზე, რაც ნიშნავს, რომ როცა მოქალაქეები სახელმწიფოსთან დავობენ, აქ დაბრუნდა ბალანსი, რაც ნიშნავს, რომ მოქალაქეებიც და სახელმწიფოს თითქმის თანაბრად იგებდნენ საქმეებს. დაბრუნდა ბალანსი, ნიშნავს, რომ სახელმწიფო კი აღარ ჩაგრავს სასამართლოში ყოველთვის, 99% შემთხვევაში როგორც ეს იყო წინა ხელისუფლების დროს, არამედ არის გონივრული ბალანსი, სადაც მოქალაქეებიც ამტკიცებენ თავიანთ სიმართლეს და სახელმწიფოც. ეს აშკარაა, ამის უგულებელყოფა შეუძლებელია, ეს იცის აშშ-მაც”,

ქართული ოცნების დეპუტატი, არჩილ თალაკვაძეაშშ-ის სახელმწიფო დეპარტამენტის მიერ მოსამართლეების სანქცირებას.