Category: სლაიდერი

“შეძრწუნებული ვარ გავრცელებული სასტიკი ვიდეოკადრებით, რომელზეც ტყვეობაში მყოფი უკრაინელი სამხედროს თავის მოკვეთაა ასახული.
კიდევ ერთი დანაშაული კაცობრიობის წინაშე. ომის ამ დანაშაულებს სამართლებრივად უნდა გაეცეს პასუხი.
საქართველო დგას და იდგება უკრაინის გვერდით!”

საქართველოს პრეზიდენტი უკრაინაში გავრცელებულ ვიდეოკადრებს ეხმაურება, სადაც რუსი სამხედროების მორიგი სისასტიკეა ასახული და ჩანს, რომ აგრესორები უკრაინის დამცველს თავს კვეთენ.

ევროკავშირის უმაღლესმა წარმომადგენელმა, ჯოზეფ ბორელმა ჩინეთში ვიზიტი გადადო.  გადადების  მიზეზად მისი კორონავირუსით ინფიცირება სახელდება.

“სიმპტომები არ მაქვს. თავს კარგად ვგრძნობ. თუმცა, ტესტზე დადებითი პასუხის გამო, სამწუხაროდ, ვიზიტის გადადება მომიწია”, – თქვა ევროკავშირის უმაღლესმა წარმომადგენელმა, ჯოზეფ ბორელმა.

“სარჩელი შემაქვს სასამართლოში ჩემი პატივის, ღირსების და საქმიანი რეპუტაციის შელახვისთვის. ასეა როცა ენა წინ გისწრებს და ახლა ამტკიცე ვინ არის ჩვენს შორის მიმთვისებელი და თაღლითი”,

მსოფლიო ბანი პაატა ბურჭულაძე აპირებს, რომ Post TV-ის წინააღმდეგ, სასამართლოში სარჩელი შეიტანოს.

ცნობისთვის  შალვა რამიშვილმა ბურჭულაძე “საქველმოქმედო თანხების გაფლანგვასა” და თაღლითობაში დაადანაშაულა და თავის გადაცემაში იმ მუსიკოსებზე ისაუბრა, რომლებიც რამდენიმე დღის წინ ნიკა გვარამიას თავისუფლების მოძრაობას შეუერთდნენ.

ადამიანი არაა დამნაშავე, სანამ არ დაადგენს სასამართლო.

ეს უდანაშაულობის პრეზუმფციის ანბანია.

ბრიტანეთის სასამართლო არაა თბილისის საქალაქო სასამართლო, რომ ჭეშმარიტება არ დაადგინოს, თუმცა არც BBC არის PosTV.

მოკლე კომენტარს გავაკეთებ BBC-ზე გამოქვეყნებულ საგამოძიებო რეპორტაჟთან დაკავშირებით, ვრცლად მოგვიანებით.

ერთი წუთით წარმოვიდგინოთ, რომ მსგავსი რეპორტაჟი გაკეთდა ბიძინა ივანიშვილზე – რა იქნებოდა იმ ადამიანების კომენტარები, რომლებიც დღეს “გამოსავალს”, “ახსნასა” და “განმარტებას” ეძებენ…

შედიან დეტალებში, როდესაც პრობლემა არა დეტალებში არამედ არსშია.

მე დავით კეზერაშვილს ვურჩიე, რომ მისი პოლიტიკიდან შორს ყოფნა, კარგი იყო როგორც მისთვის, ისე ქვეყნის მომავლისთვის, ქვეყანაში ავტოკრატიის დემოკრატიით შეცვლისათვის.

ახლა კი ვურჩევ მათ, ვინც “გამოსავალსა” და “ახსნას” ეძებს: მონსტრათან ბრძოლაში, მონსტრს არ უნდა დაემსგავსო. ორმაგი სტანდარტებით მორალური უპირატესობა არ მოიპოვება.

ამ ქვეყანაში აუცილებლად გაიმარჯვებს ღირსება და სიმართლე – ამ გამარჯვებას კი სჭირდება მართალი ხალხი, რომელიც სიტუაციას აფასებს ფაქტობრივი მოცემულობიდან და არა “დავალებიდან” გამომდინარე.

თუ ქართული ოცნების დეპუტატებს ვთხოვთ, ან ვთხოვდით ჰქონოდათ სწორი რეაქცია და ამოსავალი წერტილი ყოფილიყო სწორი და არა “მოსახერხებელი” პოზიცია, ამ შემთხვევაში იმავეს ვისურვებდი ნებისმიერისაგან – ჰქონდეთ ისეთივე რეაქცია, როგორიც ექნებოდათ – ეს რეპორტაჟი, რომ ნებისმიერ სხვას შეხებოდა.

ამბობს ენმ-ს ყოფილი თავმჯდომარე, ნიკა მელია.

“უკრაინას აქვს შესანიშნავი აქტიური ოპერაციების გეგმა, მაგრამ მისი დეტალები მხოლოდ პრეზიდენტმა და მისმა ახლო წრემ იცის. მათ აქვთ საკმარისი შესაძლებლობები, რაც საჭიროა [კონტრშეტევის დროს] წარმატების მისაღწევად”,

აცხადებს აშშ-ის თავდაცვის მდივანი, ლოიდ ოსტინი.

“რა თქმა უნდა, ეს საშინელი კადრებია და ჯერ უნდა შეამოწმოთ ავთენტურობა. და შემდეგ, რა თქმა უნდა, ეს შეიძლება გახდეს მიზეზი, რომ შევამოწმოთ ეს სიმართლეა თუ არა, მოხდა თუ არა ეს. თუ ეს მოხდა, მაშინ სად და ვის მიერ”,

აცხადებს კრემლის პრესსპიკერი, დიმიტრი პესკოვი, რითიც გავრცელებულ ვიდეოებს ეხმაურება, რომლებზეც  ნაჩვენებია როგორი სისასტიკით კლავენ რუსი სამხედროები უკრაინელ ჯარისკაცებს.

“თქვენ იცით, რომ მოვინახულე მიხეილ სააკაშვილი, შემდეგ კონსილიუმი იყო შესული და შემდეგ გამოაქვეყნა თავისი დასკვნა. ეს დასკვნა დაერთო მათ საჩივარს სტრასბურგის სასამართლოში. ვერაფერს გეტყვით, სასამართლო რა გადაწყვეტილებას მიიღებს, ჩვენ ჩვენს ფუნქციას ყოფილ პრეზიდენტთან დაკავშირებით ვასრულებთ, გავაგრძელებთ მის შესრულებას, რაც გულისხმობს მის უფლებებზე ზედამხედველობას, მათ შორის, კონსილიუმის აქტიური მონაწილეობით,”

სახალხო დამცველი, ლევან იოსელიანი აცხადებს, რომ საქართველოს მესამე პრეზიდენტთან დაკავშირებით, ომბუდსმენის ოფისი გააგრძელებს თავის ფუნქციის შესრულებას, რაც მის უფლებებზე ზედამხედველობას გულისხმობს, მათ შორის, სამედიცინო კონსილიუმის აქტიური მონაწილეობით.