Category: სლაიდერი

ხვალ, 29 აპრილს მთავრობის კანცელარიასთან აქონდროპლაზიის სინდრომის მქონე ბავშვების მშობლების აქციას სტუდენტები მსვლელობით შეუერთდებიან.

“ხვალ 14:00 საათზე ვიკრიბებით რუსთაველის მეტროსთან სხვადასხვა უნივერსიტეტის სტუდენტები, საიდანაც მსვლელობით შევუერთდებით მშობლების პროტესტს. ჩვენ გვაქვს ერთადერთი მოთხოვნა, წამალი უნდა მიეცეთ ბავშვებს”, – წერია არასამთავრობო ორგანიზაცია სტუდენტები ევროპული მომავლისთვის მიერ გავრცელებულ ინფორმაციაში.

აქონდროპლაზიის დიაგნოზის მქონე ბავშვების მშობლების პროტესტი გრძელდება – მორიგი აქცია შაბათს, 15:00 საათზე მთავრობის კანცელარიასთან გაიმართება.

26 აპრილს დაავადებათა კონტროლის ეროვნულ ცენტრში იშვიათი დაავადებების საკითხზე მომუშავე საკოორდინაციო საბჭოს შეხვედრა გაიმართა. შეხვედრის თემა აქონდროპლაზიას ეხებოდა, კერძოდ, პრეპარატ ვოზორიტიდის დანერგვის ეტაპებს და ამ მიმართულებით, საერთაშორისო გამოცდილებას.

ჯანდაცვის ორგანიზაციის საქართველოს ოფისის წარმომადგენელმა სილვიუ დომენტემ კომენტარი გააკეთა და თქვა, რომ პრეპარატის დასამტკიცებლად “რამდენიმე გადაწყვეტილებაა მისაღები, რთული პროცესია”. – ნათქვამია გავრცელებულ განცხადებაში.

კვირაზე მეტია მშობლები მორიგეობით მთავრობის კანცელარიასთან ღამეს ათენებენ. ისინი მანამდე არ აპირებენ პროტესტის შეწყვეტას, სანამ ქვეყანაში მედიკამენტ “ვოზორიდიტის” შემოტანა და დაფინანსება არ დაიწყება.

“მოლდოვა ადგილობრივმა ბოსებმა რუმინეთს მიჰყიდეს, ის ქეყანა აღარაა” – ასე გამოეხმაურა, რუსეთის ფედერაციის უშიშროების საბჭოს თავმჯდომარის მოადგილე, დმიტრი მედვედევი მოლდოვის პრემიერმინისტრის, დორინ რეჩანის კომენტარს. რეჩანამ განაცხადა,  რომ რუსეთის ფედერაციის პრეზიდენტს, ვლადიმირ პუტინს ქვეყანაში შესვლა აეკრძალა.

“ადგილობრივმა ბოსებმა ქვეყანა რუმინეთს მიჰყიდეს, უღალატეს რა საკუთარ სამშობლოს. აზრი არ აქვს მათთან მოლაპარაკებებს”. – აღნიშნა მან.

„ჩემი აზრით ქალბატონი ჯინ შაჰინი არ არის კარგად ინფორმირებული საქართველოში მიმდინარე პროცესების თაობაზე, ამით უნდა აიხსნას გაკეთებული შეფასებები, რომელსაც კატეგორიულად ვერ დავეთანხმები. გაცილებით მეტია საქართველოში თავისუფლების ხარისხი, ვიდრე ეს შეიძლება ოდესმე ყოფილიყო ბოლო ათწლეულებში ჩვენს სახელმწიფოში, აქედან გამომდინარე, ეს შეფასება კატეგორიულად მიუღებელია. ეს აიხსნება იმით, რომ არ არის სწორად ან სრულად ინფორმირებული არსებული ვითარების შესახებ. ცხადია, არ მაქვს საფუძველი გამოვთქვა ვარაუდი რომ შეგნებულად არასწორ ინფორმაციას ავრცელებს“,

ასე ეხმიანება ადამიანის უფლებათა კომიტეტის თავმჯდომარე მიხეილ სარჯველაძე სენატორ ჯინ შაჰინის განცხადებას, რომ საქართველოს მთავრობა ავტოკრატიისკენ მიდის.

”ასეთი რეჟიმის წინააღმდეგ ბრძოლაში ოპოზიციის კონსოლიდაცია არის მნიშვნელოვანი” – ამის შესახებ, “გირჩი მეტი თავისუფლების” ლიდერმა, ზურა ჯაფარიძემ,  პოლონეთის საგარეო საქმეთა მინისტრთან ოპოზიციის შეხვედრამდე ჟურნალისტებს განუცხადა.

“მგონია, რომ კონსოლიდაცია არის მნიშვნელოვანი, როცა ასეთი ტიპის რეჟიმს ებრძვი იმიტომ, რომ

რესურსები არის მწირი, ყველას უჭირს, არავის ფული არ აქვს, მათ შორის კოორდინაცია, თუნდაც დეზინფორმაციასთან ბრძოლაში ცალსახად ძალიან მნიშვნელოვანია. თუ რაიმე წარმატების ფორმულა ვაჩვენეთ ჯამში ამ ქვეყნის მოქალაქეებმა, ეს იყო მარტის დასაწყისში განვითარებული მოვლენები, როცა კონსოლიდირებული იყო მთელი პოლიტიკური სპექტრი, მთელი სამოქალაქო სექტორი და ჯამში, მთელი საზოგადოება. ამაზე უკეთესი წარმატების ფორმულა ჯერჯერობით არ დაგვიდია. […] ყურადღების ქვეშ ვართ და დასავლეთს ეს ქვეყანა მიტოვებული არ ჰყავს, მაგრამ იმის იმედი, რომ ამის გამო “ქართული ოცნების” პოლიტიკა შეიცვლება, ეს არის ილუზია, არ შეიცვლება. ხელისუფლება უნდა შეიცვალოს და მერე შეიცვლება პოლიტიკა”, – განაცხადა ჯაფარიძემ.

 არ ვიცი, როგორი იქნება [2024 წლის არჩევენბში აშშ-ს სადამკვირვებლო მისია] ეს პროგრამა, მაგრამ მთელი გულით გეთანხმებით, რომ თავდასხმები სამოქალაქო საზოგადოებაზე, ზოგიერთი კანონი, რომელიც დარეგისტრირდა ბოლო დროს, უკიდურესად შემაშფოთებელია.

მეორე მხრივ, ეს უკანდახევა გვაჩვენებს სამოქალაქო საზოგადოების და მოქალაქეების სიძლიერეს საქართველოში, რათა გაამყარონ საკუთარი კურსი ან განახორციელონ საკუთარი დემოკრატიული მისწრაფებები. მაგრამ ვფიქრობ, ჩვენ ფართოდ უნდა მივმართოთ რესურსები არჩევნებისკენ, რადგან ეს არის რეალური შესაძლებლობა, მოქალაქეების ხმა გაჟღერდეს. და მე ვფიქრობ, რომ ეს როგორც მოკლევადიან, ისე გრძელვადიან სადამკვირვებლო მისიებს გულისხმობს.

ამის შესახებ, აშშ-ის საერთაშორისო განვითარების სააგენტოს, USAID-ის ხელმძღვანელი, სამანტა პაუერმა განაცხადა.

მანამდე, სენატორმა ჯინ  შაჰინმა დასვა შეკითხვა : “შეგიძლიათ ისაუბროთ იმაზე, თუ რამდენად მნიშვნელოვანია არჩევნები საქართველოში და ფიქრობს, თუ არა USAID-ი გრძელვადიანი სადამკვირვებლო მისიის გაგზავნას საქართველოს მხარდასაჭერად?”.

“უწყების ობიექტზე სერჟანტი გარდაცვლილი იპოვეს” – ნათქვამია, საქართველოს თავდაცვის სამინისტროს მიერ გავრცელებულ განცხადებაში. უწყების ცნობით. თავდაცვის ძალების აღმოსავლეთ სარდლობის სერჟანტი მამუკა მელაძე უწყების ერთ-ერთ ობიექტზე გარდაცვლილი იპოვეს. მომხდარზე  დაწყებულია გამოძიება.

“თავდაცვის ძალების აღმოსავლეთ სარდლობის სერჟანტი მამუკა მელაძე (1978 წელს დაბადებული) გვიან ღამით გარდაცვლილი იპოვეს, რომელმაც უწყების ერთ-ერთ ობიექტზე თავი ჩამოიხჩო.

საქმეზე გამოკითხულია მოწმეები, დანიშნულია შესაბამისი ექსპერტიზები და ტარდება საგამოძიებო მოქმედებები. გამოძიების პირველადი ინფორმაციით თვითმკვლელობა სავარაუდოდ ოჯახურ კონფლიქტს უკავშირდება. თავდაცვის სამინისტრო მწუხარებას გამოთქვამს აღნიშნული ფაქტის გამო და უსამძიმრებს გარდაცვლილის ოჯახსა და ახლობლებს”. – წერია განცხადებაში.

უკრაინის ჩერკასის ოლქის ქალაქ უმანში რუსული რაკეტა საცხოვრებელ სახლს კორპუსს მოხვდა. 9-სართულიანი საცხოვრებელი სახლის ნაწილი განადგურდა.  უკრაინულ მედიაში წერენ, რომ დაინგრა ათსართულიანი სახლის სადარბაზო.

სარაკეტო იერიშის შედეგად, ამ დროისთვის 7 ადამიანია გარდაცვლილი, მათ შორის ერთი ბავშვი,  17 კი დაშავდა.

სამხედრო ადმინისტრაციის წარმომადგენელი ამბობს, რომ ოკუპანტები თავს ჯერ კიდევ მდინარაძე ქალაქს დაესხნენ.

სამაშველო ღონისძიებები გრძელდება.

ასევე, რუსმა ოკუპანტებმა იერიში მიიტანეს ქალაქ დნიპროზეც. შედეგად დაიღუპა ახალგაზრდა ქალი და 3 წლის ბავშვი.

”როგორც ჩანს, პოლონეთი თვალში ეპატარავება ხელისუფლებას და არა მხოლოდ.

40-მილიონიანი პოლონეთი ევროკავშირის გავლენიანი ქვეყნების ტოპ-ხუთეულშია. უკრაინის ომის კონტექსტში, შესაძლოა, მესამეც იყოს გერმანიისა და საფრანგეთის შემდგომ. ამას გარდა, ჩვენი მთავარი ყინულმჭრელია ევროატლანტიკური ინტეგრაციის კუთხით.

ჰოდა, ამ ქვეყნის უკლებლივ ყველა უმაღლესი თანამდებობის პირი რომ ჩამოდის ბოლო 1 წლის განმავლობაში ერთადერთი თხოვნით – სიკვდილის პირას მიყვანილი სააკაშვილი გადმოგვეცით სამკურნალოდო – ამაზე რომ უარს იღებენ, თან სრულიად დამამცირებელი ფორმით, ეს როგორაა? ხელისუფლება გასაგებია რასაც შვრება. აი, საზოგადოების ის ნაწილი, რომელიც ევროპისთვის იბრძვის, მაგრამ ამას მიშათი დაკომპლექსებულობის გამო, მიღმა ატარებს, ეგ როგორაა? ან ის პოლიტიკოსები, “ევროპას შემოვივლით და დავარწმუნებთ, რომ ხალხი იმსახურებს და სტატუსი უნდა მოგვცეთო”, ვინც ამბობს, პოლონეთში რა სასაუბროთი ჩადიხართ? მომაკვდავი სააკაშვილით შეგვიშვით ევროკავშირში, ხალხი ამას იმსახურებსო, ამას ეუბნებით? თუ მამუკა მდინარაძესავით “სააკაშვილის კუჭზე არ გადის ევროპაო”, ეტყვით?

არ დაგავიწყდეთ, რომ პოლონეთის ერთი ხმაც საკმარისია, რომ მილიმეტრით წინ ვერ წავიწიოთ ევროპისკენ. და თუ უარს გვეტყვის პოლონეთი, ამის მორალური უფლებაც ექნება ჩვენი ქვეყნისგან ამდენი დამცირების ფონზე. მთლად მარტო დღევანდელია საკმარისი – პოლონეთის საგარეო საქმეთა მინისტრს ბრიფინგზე სინქრონული თარგმანი არ მისცეს. ცხადია, სრულიად შეგნებულად.

არ დაგვავიწყდეს, რომ მთხოვნელები ჩვენ ვართ და თან არარეალისტურ რამეს ვითხოვთ – მთავრობა რუსული გვყავს, მაგრამ სტატუსი მაინც მოგვეცითო.

ჰოდა, როცა მთხოვნელი ხარ, საპასუხო თხოვნებს (თან სამართლიანს და ჰუმანიტარული შინაარსის) გაგებით უნდა შეხვდე. თუ არა და, მეორე მხარეს შენი გაგება ნამდვილად არ მოეთხოვება.

ჰოდა, ვისაც გინდათ სტატუსი, მიუხედავად იმისა, რომ ობიექტური კრიტერიუმებით არ ვიმსახურებთ, აბსტრაქტული კატეგორიებით ჟონგლიორობას შეეშვით და პირდაპირ საქმეზე გადადით: დაეხმარეთ ქვეყანას პოლონეთის 1 ხმის მიღებაში კანდიდატის სტატუსის გადაწყვეტისას – მოითხოვეთ სააკაშვილის ჰუმანიტარული ტრანსფერი!

P.S – სააკაშვილზე და სტრასბურგზე ვიტყვი 2 სიტყვას: სტრასბურგის სასამართლოს პროგნოზირება უმადური საქმეა. ვიტყვი იმას, რომ ალბათობაც ყველაზე მაღალი მგონია. ვფიქრობ, ვივა-მედიდან მიშას გაყვანის აუცილებლობას სასამართლო დაადგენს. თუმცა, არ ვარ დარწმუნებული, რომ ქვეყნის ფარგლებს გარეთ. გამიხარდება, თუ ვცდები,”

ამის შესახებ “მთავარი არხის” დამფუძნებელი და გენერალური დირექტორი ნიკა გვარამია რუსთავის მე-12 სასჯელაღსრულების დაწესებულების 212-ე საკნიდან წერს.

“სააკაშვილზე და სტრასბურგზე ვიტყვი 2 სიტყვას: სტრასბურგის სასამართლოს პროგნოზირება უმადური საქმეა. ვიტყვი იმას, რომ ალბათობაც ყველაზე მაღალი მგონია. ვფიქრობ, ვივა-მედიდან მიშას გაყვანის აუცილებლობას სასამართლო დაადგენს. თუმცა, არ ვარ დარწმუნებული, რომ ქვეყნის ფარგლებს გარეთ. გამიხარდება, თუ ვცდები”,

ამის შესახებ “მთავარი არხის” დამფუძნებელი და გენერალური დირექტორი ნიკა გვარამია რუსთავის მე-12 სასჯელაღსრულების დაწესებულების 212-ე საკნიდან წერს.