Category: სლაიდერი

“ეს არის ძალიან ცუდი მიდგომა და ძალიან ცუდი განცხადება. არ ვფიქრობ, რომ ევროპული კომისიის წევრები ამ მიდგომას მიიღებენ. რა თქმა უნდა, მათ უნდა შეაფასონ ეს ყველაფერი და ევროპული კომისია, ისევე როგორც ყველა სხვა ინსტიტუტი არის, რა თქმა უნდა, ძალიან მნიშვნელოვანი. ისინი აკეთებენ შეფასებებს და თვალს ადევნებენ პროგრესს სხვადასხვა ქვეყნებში.[…]

თუ მხოლოდ და მხოლოდ ერთ ქვეყანას მიაქცევენ ყურადღებას, მაგალითად უნგრეთს, როგორც დღეს ვხედავთ, რომელიც მაინცდამაინც კარგი რეპუტაციის მქონე ქვეყანა არაა ევროკავშირში, ვფიქრობ, ეს არ იქნება კარგი მიდგომა ქართული ოცნების მხრიდან იმისათვის, რომ მიაღწიონ თავიანთ მიზნებს, თუკი საერთოდ აქვთ ეს მიზნები იმიტომ, რომ ზოგჯერ მიჩნდება კითხვა იმის შესახებ, თუ რამდენად სურს საერთოდ ქართულ ოცნებას იქცეს ევროპული ოჯახის წევრად?”

ევროპარლამენტარი რასა იუკნევიჩიენე ევროპარლამენტთან დაკავშირებით ირაკლი კობახიძის განცხადებას ეხმაურება და მას ანტიდემოკრატიულს უწოდებს.

უკრაინაში საქართველოს ელჩმა გიორგი ზაქარაშვილმა კიევი დატოვა – თბილისში სავარაუდოდ უახლოეს საათებში დაბრუნდება.

ამასთანავე მმართველმა გუნდმა და საგარეო საქმეთა მინისტრმაც უკვე დაადასტურეს, რომ კიევიდან გამოშვებულ საქართველოს ელჩთან კონსულტაციებს არ გამართავენ, შესაბამისად გაურკვეველია როგორ გაგრძელდება უკრაინასთან დიპლომატიური ურთიერთობა.

“ჩაიხედოს კონსტიტუციაში ან მიმართოს მეგობრებს, რა წერია ყველა ქვეყნის კონსტიტუციაში, რომ ხელისუფლების არის ხალხი, ბატონო არახამია და არა ზელენსკი და არახამია, რომ საქართველოში ხელისუფლება შეცვალონ. საქართველოში ხელისუფლებას შეცვლის და აირჩევს საქართველოს საზოგადოება. შენ რომ გაიქეცი ქვეყნიდან და აქ დარჩა ხალხი, ვინც დღემდე იბრძვის და მშვიდობიანად ჩვენ ამას დავაბრუნებთ, ტერიტორიულ მთლიანობას, სხვა ადამიანები აქ დარჩნენ. ამიტომ, არა მგონია რომ ეს მაინც და მაინც გწყენოდა, რაც კობახიძემ თქვა, რომ უსამშობლო ადამიანია, მაგრამ უბრალოდ პასუხის გაცემა გინდოდა და ეს არ გამოგივიდა. ის აფხაზეთი, საიდანაც ხარ და საიდანაც ამბობ, რომ იქ არის სამშობლო, იმ აფხაზეთში და აფხაზების დასახოცად მოუწოდებ შენ ქართულ საზოგადოებას და ქართულ ჯარს და ამიტომაც გიწოდა კობახიძემ უსამშობლო”,

აცხადებს “ქართული ოცნებიდან”  ფორმალურად წასული და “ხალხის ძალის” წევრი გურამ მაჭარაშვილი.

საგარეჯოში ნაციონალური მოძრაობის წევრებს ქართული ოცნების მხარდამჭერები თავს დაესხნენ.

ენმ-ი საგარეჯოში საპენსიო რეფორმას წარადგენდა ამომრჩეველთან, როდესაც მმართველი გუნდის მხარდამჭერები გამოჩნდნენ.

როგორც ადრებიდან ჩანს, რომ ისინი ქვებს ისვრიან და იგინებიან.

• “ეს კიდევ ერთხელ არის სუს-ის, ქართული ოცნების, რუსი ოლიგარქის ორგანიზებული თავდასხმა ოპოზიციონერებზე. ნახეთ, რამხელა ქვებს ისვრიან. პენსიონერებთან არის შეხვედრები, ეს რომ ვინმეს მოხდეს, სასიკვდილოდ იმეტებენ”, – ამბობს ირაკლი ნადირაძე.

ენმ-ის თავმჯდომარე ლევან ხაბეიშვილი აცხადებს, რომ “სუს-ის “ნასედკები” და საჯარო მოხელეები არიან, პენსიონერებს ესვრიან ქვებს”.

“ოცნების” პარტაქტივმა “მთავარი არხის” კამერა დააზიანა. მოძალადეები ისვრიან ქვებს, ბოთლებს და სხვადასხვა ნივთებს. ქვა მოხვდა “მთავარის” ჟურნალისტს, ია გულიაშვილსაც. ისინი გადამღებ ჯგუფს ხელს უშლიდნენ მუშაობაში, აგრესიულები იყვნენ ოპერატორის მიმართ, რომელსაც კამერაზე ხელს აფარებდნენ, დააზიანეს კაბელი.

“რაც შეეხება არახამიას, მას არ აქვს სამშობლო”…
პასუხი კობახიძეს-შენნაირი კოლაბორანტების დამსახურებით დავკარგე სახლი ჩემს სამშობლოში. მოვა დრო და ქვეყანა გაიგებს, რომ საქართველოს პოლიტიკური ინტერესების პლატფორმად იყენებ და სინამდვილეში რუსეთია შენი სამშობლო, სადაც გაქცევა მოგიწევს, რადგან სხვაგან არსად მიგიღებენ.
შენნაირებისგან გათავისუფლებით იზეიმებს საქართველოც და უკრაინაც მტერზე გამარჯვებას, რასაც როგორც ხედავ, წარმატებით ვახერხებთ.”

უკრაინის მმართველი პარტია “ხალხის მსახურის” ფრაქციის თავმჯდომარე დავით არახამია “ქართული ოცნების” თავმჯდომარის, ირაკლი კობახიძის იმ განცხადებებს პასუხობს, სადაც ის არახამიას “უსამშობლოდ” მოიხსენიებს.

ბელარუსის, პრეზიდენტი, ალექსანდრ ლუკაშენკო აცხადებს, რომ  კერძო სამხედრო კომპანია ვაგნერის დამფუძნებელ ევგენი პრიგოჟინი, რუსეთში, კერძოდ კი სანკტ-პეტერბურგში იმყოფება. ამის შესახებ,

27 ივნისს, ალექსანდრ ლუკაშენკომ  დაადასტურა, რომ რუსეთში ჩაშლილი სამხედრო არეულობის შემდეგ ევგენი პრიგოჟინი ბელარუსში იმყოფებოდა.

“უსაფრთხოების გარანტიები, როგორც ის (პუტინი) გუშინ დაპირდა, უზრუნველყოფილია. ვხედავ, პრიგოჟინი უკვე ამ თვითმფრინავით დაფრინავს. დიახ, ნამდვილად, ის დღეს ბელარუსშია”. – თქვა ლუკაშენკომ.

“დეკემბერში თუ კიდევ ერთხელ განმეორდა უსამართლო გადაწყვეტილება, ამ შემთხვევაში ჩვენ საზოგადოებისთვის მოგვიწევს იმაზე მეტი დეტალის ახსნა, ვიდრე აქამდე ვაკეთებდით. რაღაცებს ვუფრთხილდებოდით უფრო მეტად, რა თქმა უნდა, რაღაცების გაფრთხილება მომავალშიც მოგვიწევს, მაგრამ საზოგადოებას ვეტყვით მეტ დეტალს ამ თემის გარშემო. მეტი ახსნა-განმარტების მიცემა მოგვიწევს საზოგადოებისთვის.

უფრო დეტალურად ვიტყვით იმას, თუ რამ განაპირობა შარშან ივნისში უარყოფითი გადაწყვეტილება და თუ იგივე მოხდება დეკემბერში, ასევე ავუხსნით საზოგადოებას უფრო დეტალურად, სიღრმისეულად თუ რას შეიძლება განეპირობებინა დეკემბრის გადაწყვეტილება. უფრო მეტად დაგვჭირდება კარტების გახსნა საზოგადოების წინაშე“,

მმართველი გუნდის თავმჯდომარე, ირაკლი კობახიძე, აცხადებს, რომ თუ დეკემბერში ევროკავშირის კანდიდატი ქვეყნის სტატუსზე უარყოფითი პასუხი იქნება, ხელისუფლებას “დასჭირდება” საზოგადოებისთვის “კარტები მეტად გახსნას”.

სახელმწიფო უსაფრთხოების სამსახურის ანგარიშიდან იკვეთება, რომ 2022 წელს სახელმწიფო-პოლიტიკური თანამდებობის პირზე თავდასხმა მზადდებოდა. ანგარიშში არ წერია, ვისზეა საუბარი ან რა სახის თავდასხმა მზადდებოდა.54 გვერდიან ანგარიშში საუბარია, რომ შიდა და გარე აქტორები საქართველოს ეროვნული უსაფრთხოების ინტერესების საწინააღმდეგოდ მიმართულ განცხადებებს ავრცელებდნენ.

“2022 წელს სამსახურის სახელმწიფო უსაფრთხოების დეპარტამენტში გამოძიება დაიწყო სისხლის სამართლის 3 საქმეზე, მათ შორის საქართველოს სახელმწიფო-პოლიტიკური თანამდებობის პირზე თავდასხმის მომზადების ფაქტზე, რაზეც გატარდა შესაბამისი პრევენციული ზომები აღნიშნული განზრახვის სისრულეში მოყვანის ხელშეშლის მიზნით.

საქართველოს გარშემო მიმდინარე რთულ და არაპროგნოზირებად პროცესებს თან ერთვოდა ქვეყანაში დესტრუქციული ძალების მიერ ინსპირირებული შიდა პოლიტიკური დაძაბულობა და მისი გამწვავების მცდელობები.

შიდა და გარე აქტორები პატრიოტულ განწყობებზე აპელირებით საქართველოს ეროვნული უსაფრთხოების ინტერესების საწინააღმდეგოდ მიმართულ განცხადებებს ავრცელებდნენ და მოსახლეობას დესტრუქციული, ქვეყნის უსაფრთხოებისთვის დამაზიანებელი ქმედებების განხორციელებისკენ მოუწოდებდნენ.

ქვეყანაში არსებულ უსაფრთხოების გარემოს აზიანებდა მტრულად განწყობილი სუბიექტების მიერ საზოგადოების მეტი პოლარიზაციისკენ მიმართული აქტივობები, კრიტიკულად მნიშვნელოვანი სახელმწიფო ინსტიტუტების ფუნქციონირების შეფერხების მცდელობები, ხელისუფლების ძალადობრივი გზით დამხობისკენ მოწოდება და სოციალური დესტაბილიზაციის ხელშეწყობა”, – წერია ანგარიშში.

დოკუმენტში ასევე წერია, რომ დესტრუქციული ძალები, მათ შორის უცხო ქვეყნის სპეციალურ სამსახურებთან შესაძლო კავშირში მყოფი სუბიექტები ცდილობდნენ საქართველოს ურთიერთობის დაზიანებას კონკრეტულ სახელმწიფოებთან.

“რეგიონში მიმდინარე საომარი მოქმედებების გათვალისწინებით, მსგავსი აქტივობები საფრთხეს უქმნიდა საქართველოს ეროვნულ უსაფრთხოებას”, – წერია ანგარიშში.

“მთავარი არხის” ექსკლუზიური ინფორმაციით,  ერთი კვირის წინ მეუფე შიო მოწამლეს. ამ ინფორმაციას “მთავარ არხს” კონფიდენციალური წყაროები აწვდიან. როგირც ცნობილია, ჩატარებულმა სამედიცინო კვლევებმა მის სისხლში დარიშხანის კვალი აჩვენა.

მკვლელობის მცდელობის ნამდვილობას სხვა ფაქტებიც ადასტურებს – მიუხედავად იმისა, რომ საპატრიარქოც და საგამოძიებო ორგანოებიც მალავენ ინფორმაციას, ცნობილია, რომ საპატრიარქოში თვით სახელმწიფო უსაფრთხოების სამსახურის ხელმძღვანელი გრიგოლ ლილუაშვილი იმყოფებოდა გამოძიების ფარგლებში.

შიდა მოკვლევა აქვს დაწყებული თავად ეკლესიის მმართველ ორგანოს.

რამდენიმე მეუფე “მთავართან” საუბარში ადასტურებს, რომ სმენია თანამოსაყდრე შიოს მოწამვლის მცდელობის შესახებ.