Category: სლაიდერი

“უნდა გვესმოდეს, როდესაც რელიგიას, სარწმუნოებას ეხება საკითხი, ბევრ ადამიანს ეხება ჩვენისთანა ქვეყანაში, რომელიც რელიგიური ქვეყანაა, განსაკუთრებული სიფრთხილე არის გამოსაჩენი. […] განსაკუთრებით მნიშვნელოვანია, ამ ყველაფერს არ მოჰყვეს შურისძიება, ლინჩის წესით ვიღაცების გასამართლება, ესეც მნიშვნელოვანი საკითხია. როგორი მიუღებელიც არ უნდა იყოს ფორმები, გამოხატვის თავისუფლებას, არ შეიძლება, უპასუხო ანგარიშსწორებით, თუმცა ჩემთვის, ადამიანურად, პიროვნულადაც, როგორც სახალხო დამცველისთვისაც აბსოლუტურად მიუღებელია ის, რაც ვიხილეთ სამების საკათედრო ტაძარში”,

აცხადებს სახალხო დამცველი ლევან იოსელიანი.

ევროკავშირმა რუსეთის წინააღმდეგ სანქციების ახალი პაკეტის განხილვა დაიწყო, რომელიც უკრაინაში ომის დაწყების მეორე წლისთავამდე უნდა დამტკიცდეს- წერს Bloomberg საკუთარ წყაროებზე დაყრდნობით.

სააგენტოს თანამოსაუბრის თქმით, შესაძლოა საუბარი იყოს სასანქციო სიების შევსებაზე, ვაჭრობის დამატებით შეზღუდვებსა და არსებული სანქციების გვერდის ავლასთან ბრძოლის ახალ ზომებზე.

გარდა ამისა, გრძელდება დისკუსიები უკრაინის სამხედრო მხარდაჭერისთვის ახალი ფონდის შექმნის გეგმებზე, რამაც უნდა გააადვილოს უკრაინის დახმარების დაფინანსება, წერს Bloomberg.

დეკემბრის შუა რიცხვებში ევროკავშირმა რუსეთის წინააღმდეგ სანქციების მე-12 პაკეტი დაამტკიცა. რომელიც მოიცავდა, რუსეთიდან არაინდუსტრიული ბრილიანტების იმპორტის აკრძალვას, თხევადი ნავთობგაზის იმპორტის აკრძალვას (ერთი წლის გარდამავალი პერიოდით), კიდევ 29 ფირმის დამატებას რუსეთიდან და სხვა ქვეყნებიდან მკაცრი საექსპორტო კონტროლის სიაში. ასევე სანქციების გვერდის ავლასთან ბრძოლისთვის შემოღებულ იქნა მოთხოვნა ევროპელი ექსპორტიორებისთვის, მყიდველებთან კონტრაქტებში შეიტანონ რუსეთში რეექსპორტის აკრძალვის პუნქტი.

ამ კვირის დასაწყისში, ერმაკ-მაკფოლის ჯგუფმა, რომელიც რუსეთის წინააღმდეგ სანქციებთან დაკავშირებით რეკომენდაციებს ამუშავებს, კიდევ ერთი ანგარიში გამოაქვეყნა. მასში ნათქვამია, რომ 2023 წლის პირველ ათ თვეში დასავლურმა კომპანიებმა რუსეთს მიაწოდეს 2,9 მილიარდი დოლარის ღირებულების კრიტიკულად მნიშვნელოვანი კომპონენტები. 250-ზე მეტი დასავლური კომპანიის პროდუქცია კი ნაპოვნი იქნა განადგურებული ან უკრაინელების მიერ ხელში ჩაგდებული რუსული იარაღის ნიმუშებში.

„ისრაელელი მტერი იძულებულია, უკან დაიხიოს, რადგან დაღლილი და ხვდება წინააღმდეგობის, რომელსაც არ ელოდა, და იმედი გაუცრუა და შეარცხვინა ყველა, ვინც მას მხარს უჭერს. ისრაელელი მტერი მზად არ არის ომისთვის იმ ფონზე, რაც ლიბანის ისლამურმა წინააღმდეგობამ მისთვის მოამზადა“,

აცხადებს ირანის მიერ მხარდაჭერილი დაჯგუფება „ჰეზბოლას“ ჩინოვნიკი, მოჰამედ რაადი.

აცხადებს ამის შესახებ, „პატრიოტთა ალიანსის“ ლიდერი, ირმა ინაშვილი და უარყოფს სოციალურ ქსელში გავრცელებულ ინფორმაციას, რომ წმინდა მატრონას ხატზე ის და დავით თარხან-მოურავიც არის გამოსახული.

„არა ვარ, მეგობრებო, გამოსახული წმინდა მატრონას ხატზე. ასეთი დახვეწილი არც სახე მაქვს და მითუმეტეს, არც ცხვირი. თმაც შავი მაქვს და სახის ფერიც უფრო მუქი.

ისე, თუ მიმსგავსება უნდათ ზოგიერთებს, ხატია დეკანოიძეს უფრო ჰგავს ეს მანდილოსანი, ვიდრე მე.

დავით თარხან-მოურავი საერთოდ რვა წელია მელოტია და არც ცხვირი აქვს ჩაზნექილი, არც თვალი უგავს და არც წარბი, ეს ფიგურა სერგი კაპანაძეს უფრო ჰგავს, ვიდრე დათოს, მაგრამ ნათლისღებაა დღეს და ახალი „სკანდალი“ ხომ უნდა გამოაცხონ?! სასაცილოა ეს ყველაფერი. სერიოზულ კომენტარსაც კი ვერ გააკეთებ“, – წერს ირმა ინაშვილი.

“მთელი ცხოვრება დაბურული მინებით დადიოდა ავტომობილით და დაბურული მინები შესაბამის დაწესებულებაში, რომელიც სხვათაშოირს არ არის ციხე და საპყრობილე, ხაზს ვუსვამ და ყველამ, მათ შორის ოპოზიციონერებმაც კი დასვეს უკვე კითხვის ნიშნები, ასე კარგად თუ გამოიყურება და ძალიან ბრძნულ აზრებზეა უკვე და დემენცია აღარ ჰქონია და განიკურნა თურმე საქართველოს ჰაერით, შესაძლებელი ყოფილა, მაშინ, დაბრუნდეს და მოიხადოს სასჯელი. მას სასჯელის მოხდა სასამართლომ ოროთახიან ლუქსში კი არ მიუსაჯა, არამედ, შესაბამის საპყრობილეში”,

ამის შესახებ “ხალხის ძალის” დეპუტატმა გურამ მაჭარაშვილმა განაცხადა. ამასთანავე “ხალხის ძალა” ითხოვს, რომ თუ შესაბამისი სამედიცინო დასკვნა იქნება, მესამე პრეზიდენტმა სასჯელი სასჯელაღსრულების დაწესებულებაში მოიხადოს.

‘აბსოლუტური მატყუარაა, ვინც 200 ლარზე მეტ ზრდას ჰპირდება პენსიონერებს” – ასე პასუხობს, გიორგი გახარიას პარტიის, საქართველოსთვის წევრი, ბექა ლილუაშვილი, პარტია ლელოს გენერალური მდივნის, ირაკლი კუპრაძის განცხადებას, რომლის მიხედვით, ლელოს შეუძლია ხანდაზმული ადამიანისთვის 1000-ლარიანი პენსიის შეთავაზება.

“რა ბუღალტერია, ბიჭო! პენსიების ზრდაზე ლაპარაკობ, რა ბუღალტერიაზე მელაპარაკები. რას გააორმაგებთ, ბიჭო! მომისმინე, ირაკლი, გეტყვი ახლა, რას გაორმაგებ, 7 მილიარდი არის ახლა დაახლოებით, ცოტა მეტი, მთლიანად სოციალური უზრუნველყოფის […] შენ მეუბნები, რომ მე 4 წელიწადში ახალ დამატებით 7 მილიარდს გავაჩენ ბიუჯეტში, რითი? რომ მოგაქვს მაგალითად, ხელშეკრულებით დასაქმებულ ადამიანებს შევუწყვეტ ხელშეკრულებასო, სად მიგყავს ეგ დაუსაქმებელი ადამიანები მერე? ისევ სოციალურ სისტემაში არ მოგყავს? ნაცარს ნუ შეაყრი თვალებში, ეს არის ყველაზე მოწყვლადი ხალხი… 200 ლარით მეტ ზრდას ვინც დაჰპირდება პენსიონერებს, ის არის აბსოლუტურად მატყუარა, მეტი არაფერი.[…] 1 000-ლარიან პენსიამდე რომ აიყვანო პენსია, 600 ლარი გჭირდება დამატებით, ამაში ხომ მეთანხმები? 600 ლარით რომ გაზარდო, დაახლოებით 7 მილიარდი ლარი გჭირდება (პენსიონერების რიცხვის ზრდის ჩათვლით)… დღევანდელი 28 მილიარდი სინამდვილეში 25-ია, 28-ც რომ იყოს, მთლიანად სოციალური უზრუნველყოფის ბიუჯეტი იცი, რამდენია?”- განაცხადა გიორგი გახარიას პარტიის, საქართველოსთვის წევრმა, ბექა ლილუაშვილმა.

დიდუბის რაიონში, აკაკი წერეთლის გამზირზე საგზაო სამუშაოების ბოლო ეტაპი მიმდინარეობს, რის გამოც, წერეთლის გამზირზე, “დინამო არენას” მიმდებარე ტერიტორიიდან შოთა შალიკაშვილის სახელობის ხიდამდე არსებულ საგზაო მონაკვეთში, წერეთლის გამზირის გადამკვეთ ქუჩებზე მოძრაობა ეტაპობრივად შეიზღუდება. ინფორმაციას დედაქალაქის მერია ავრცელებს.

“კერძოდ, შეზღუდვა შეეხება ცაბაძის, ფიფიების, გორის, ბათუმის, ფოთის, ბაგრატიონის, ევდოშვილის, თემურ ფიფიას, კედიას, ვანის, ბაქრაძის, სტანისლავსკისა და სამტრედიის ქუჩებს, სადაც ასფალტის საფარის დაგების პროცესში საავტომობილო მოძრაობა მონაცვლეობით შეიზღუდება”, – აღნიშნულია განცხადებაში.