სოროსის ქსელის პირველმა მცდელობამ საქართველოში უცხოელი აგენტების კანონის მიღება ჩაშალა. ამჯერად ქართული ოცნება, რომელიც უფრო და უფრო აღადგენს სუვერენულობას, უკეთ მოემზადა. უცხოელ აგენტებს მთის წესებით ცხოვრებას ასწავლიან.
დაწერა რუსმა პროპაგანდისტმა, კრემლთან დაახლოებულმა ალექსანდრ დუგინმა საკუთარ ტელეგრამ-არხზე.
“კანდიდატის სტატუსი ევროპული ინტეგრაციის კიბის უბრალოდ ერთი ნაბიჯია. არა მგონია, რომ ახლა რამე უნდა დავაინიცირო, რაც საქართველოს უკან დაწევს, ვინაიდან, ეს ძალიან დაწყვეტს გულს სამოქალაქო საზოგადოებას, რომელიც ახლა ქუჩებში გამოდის და თავის პროტესტს გამოხატავს.[…]ეს [რუსული კანონი] საქართველოს უკან წევს მისი ევროპული ინტეგრაციის გზაზე. ამ მხრივ წინ წაწევით, ისინი რეალურად უკან დაიხევენ. ყველა ეს სიგნალი გაგზავნილ იქნა. საქართველოს ინტეგრაცია შეჩერდება და შეიძლება დეგრადირებაც დაიწყოს, თუ მთავრობა გონს არ მოეგება.[…]ისინი [სამოქალაქო საზოგადოება] ერთგულნი არიან მსგავსი სახის მცდელობების წინააღმდეგ იბრძოლონ, ევროპა ამის გაკეთებაში უნდა დაეხმაროს. საქართველოს შანსი აქვს, საქართველოს დღეს აქვს შანსი.. ასე რომ, მივცეთ საქართველოს საშუალება იცხოვროს ისე, როგორც ცხოვრობს, რაც ყველაზე მნიშვნელოვანია, საშუალება მივცეთ მის სამოქალაქო საზოგადოებას იმოქმედოს,”
ამის შესახებ ლიეტუვას პრეზიდენტმა გიტანას ნაუსედამ ვილნიუსში ჟურნალისტებთან განაცხადა.
“შევისწავლით უცნობი პირების მიერ მოქალაქეთა სატელეფონო ნომრების დამუშავების კანონიერებას ” – ნათქვამია ამის შესახებ, პერსონალურ მონაცემთა დაცვის სამსახურის მიერ გავრცელებულ განცხადებაში.
”პერსონალურ მონაცემთა დაცვის სამსახური უცნობი პირების მიერ მოქალაქეთა სატელეფონო ნომრების დამუშავების კანონიერებას შეისწავლის.
სოციალურ ქსელებში გავრცელებული ინფორმაციების თანახმად, ბოლო დღეების განმავლობაში, უცნობი პირები პირად სატელეფონო ნომრებზე უკავშირდებიან მოქალაქეებს. აღნიშნულიდან გამომდინარე, პერსონალურ მონაცემთა დაცვის სამსახური კომპეტენციის ფარგლებში შეისწავლის უცნობი პირების მიერ მოქალაქეთა სატელეფონო ნომრების დამუშავების კანონიერებას”, – წერს პერსონალურ მონაცემთა დაცვის სამსახური.
ცნობისთვის, ხელისუფლებს მიერ ორგანიზებული ჯგუფები, რუსული კანონის წინააღმდეგ მებრძოლ პოლიტიკოსებს და სამოქალაქო აქტივისტებს უკვე მეორე დღეა, ურეკავენ თუმცა თუმცა ამჯერად მოკვლის მუქარის შემცველი ტექსტებით.
„დაასახელეს ჩემი მისამართი და მითხრეს, რომ მოვედი უკვე ბინასთან და ქვემოთ გელოდებითო. ცხადია [აქციას] უკავშირდება. მანამდე კიდევ სამი ზარი განხორციელდა. პირველი ზარი იყო უკრაინული ნომრიდან, შემდეგ უკვე დაახლოებით ათსაათიანი შუალედებით იყო ორი ზარი, გერმანიიდან.
მე ვფიქრობ, რომ ჩემი საჯარო განცხადებაც საკმარისი უნდა იყოს, რომ გამოძიება დაიწყონ. ამდენი ადამიანი საუბრობს ამაზე და მე ვფიქრობ, უკვე უნდა ჰქონდეთ გამოძიება დაწყებული და თვითონ უნდა მირეკავდნენ, მაგრამ ვაპირებ მე თვითონ დავუკავშირდე, შევიტან განცხადებას. როცა მისამართს გიცხადებენ და გეუბნებიან, რომ ქვემოთ გელოდებიან, ეს უკვე ჩვეულებრივი ზარი აღარ არის. პერსონალური ინფორმაციის გამოყენებით პირდაპირი მუქარაა“,
აცხადებს „რეგიონულ მაუწყებელთა ალიანსის“ დირექტორი, ნათია კუპრაშვილი.
“უკვე ღიად დააანონსეს რეპრესიები, ადგენენ ე. წ. შავ სიას. მე, როგორც საჯარო მოხელე, ვიტყოდი, რომ ეს კეთდება საჯარო სამსახურებში, ა(ა)იპ-ებში სსიპ-ებში დასაქმებულების დასაშინებლად, გასაჩუმებლად, თუმცა ცხადია, რომ ამ სეგმენტით არ ამოიწურება მათი გათვლები. დღეს რეჟიმი სრულ აგონიაშია. ეს ბრძოლა, რაშიც ერთად ვართ ჩაბმულები, ევროპული მომავლისთვის, კონსტიტუციის დაცვისთვის, გრძელვადიანია და მრავალშრიანი. ერთ-ერთი შრე არის ფსიქოლოგიური ბრძოლა. ჩვენ ყველა ერთად უნდა ვიდგეთ, მყარად და მშვიდად. სიმართლე ჩვენს მხარესაა, ჩვენ თავისუფლების იდეა, სამშობლოს სიყვარული გვაერთიანებს. ჩვენ უკან დასახევი გზა არ გვაქვს. აუცილებლად გავიმარჯვებთ!”
განუცხადა ნანა მალაშხიამ “მთავარ არხს” ოცნების დაანონსებულ რეესტრთან დაკავშირებით.
“წარმოუდგენელი მასშტაბის ზეწოლა, თავდასხმა და შეურაცხყოფა ხორციელდება ჩვენს ბიჭებზე, ფეხბურთელებზე, იმ ადამიანებზე, რომლებმაც სულ რაღაც რამდენიმე კვირაში, პირველად ისტორიაში (!!!), სრულიად დამსახურებულად და ღირსეულად საქართველოს დროშა უნდა ჩაიტანონ ევროპის შუაგულში, გერმანიაში და წარადგინონ ჩვენი ქვეყანა […]
ამიტომ მინდა მოვუწოდო ყველას, პატივი ეცით ყველა ფეხბურთელს! მორჩით მათ შეურაცხყოფას! დამიჯერეთ, როგორც პროფესიონალმა ფეხბურთელმა ვიცი, რომ ფიზიკურ მზაობაზე არანაკლებ მნიშვნელოვანია მენტალური მზაობა ასეთი მნიშვნელოვანი თამაშებისთვის! აცადეთ ბიჭებს კონცენტრირდნენ საქვეყნო საქმეზე”
წერს რუსული კანონის ორგზის მხარდამჭერი დეპუტატი და ფეხბურთის ფედერაციის პრეზიდენტი ლევან კობიაშვილი.
“ბოლო პერიოდში სხვადასხვა პოლიტიკური ლიდერებისა და აქციის ორგანიზატორების მხრიდან, მედიასაშუალებებსა და სოციალურ ქსელებში გავრცელდა არაერთი დეზინფორმაცია იმის შესახებ, თითქოს სამართალდამცავებმა დემონსტრანტების წინააღმდეგ ძალა გადაამეტეს და განახორციელეს კანონსაწინააღმდეგო ქმედებები. გვსურს ხაზგასმით აღვნიშნოთ, რომ პოლიცია შეკრება მანიფესტაციის დროს ყოველთვის მოქმედებს საერთაშორისო სტანდარტების შესაბამისად.
შსს-ში შემუშავებული ინსტრუქციები, რომლებიც არეგულირებს შეკრებისა და მანიფესტაციების მართვას, სრულ შესაბამისობაშია ეუთო/ოდირის პრინციპებთან. შესაბამისად, სამართალდამცველების მხრიდან ღონისძიებების განხორციელება ხდება საერთაშორისოდ აღიარებული სტანდარტების შესაბამისად, თანმიმდევრულად და განვითარებული მოვლენების საპასუხოდ. ანალოგიურად მოქმედებდა პოლიცია ბოლო პერიოდში მიმდინარე აქციების დროსაც.
შსს-ს განსაკუთრებულ დავალებათა დეპარტამენტის წარმომადგენლებს დონორ ორგანიზაციების ღონისძიებების ფარგლებში სხვადასხვა საერთაშორისო სწავლებებში აქვთ მონაიწლეობა მიღებული და ისინი გადამზადებული არიან საერთაშორისო სტანდარტების შესაბამისად. მათ საერთაშორისო დონის სწავლებები გავლილი აქვთ როგორც საქართველოში, ასევე გერმანიაში, ბულგარეთში, ნიდერლანდებში, იტალიაში, საფრანგეთსა და თურქეთის რესპუბლიკაში.
შინაგან საქმეთა სამინისტროს თანამშრომლებს გადამზადება გავლილი აქვთ: კრიზისულ სიტუაციაზე რეაგირებისა და მოლაპარაკებების, შეკრებისა და მანიფესტაციის ეფექტიანი მართვისა და საჯარო დემონსტრაციების დროს საზოგადოებრივი წესრიგის უზრუნველყოფის მიზნით ძალის გამოყენების შესახებ.
ეკიპირება, სპეციალური ტექნიკა, აღჭურვილობა და სპეციალური საშუალებები, რომელთაც შინაგან საქმეთა სამინისტროს წარმომადგენლები იყენებენ, არის საერთაშორისო სტანდარტის და მათი უმეტესი ნაწილი შეძენილია ევროპის სხვადასხვა ქვეყანაში.
აქვე, გვსურს საზოგადოებას გავაცნოთ სხვადასხვა ქვეყანაში, სხვადასხვა დროს, ჩატარებული საპოლიციო ღონისძიებების ამსახველი ვიდეომასალა.
განვითარებული სამყარო თანხმდება, რომ ნებისმიერ სახელმწიფოში მართლწესრიგის დაცვა არის პოლიციის უმთავრესი ამოცანა და ეს კადრებიც ადასტურებს იმას, რომ ყველა ქვეყანაში პოლიციას აქვს უფლება კანონის შესაბამისად იმოქმედოს და მის მიერ არსებული უფლებამოსილების ფარგლებში, საზოგადოებისთვის ხშირად მიუღებელი და უმკაცრესი ზომები გამოიყენოს.
აქვე მინდა აღვნიშნო, რომ ბოლო პერიოდში საქართველოში, კერძოდ თბილისში მიმდინარე შეკრება-მანიფესტაციები არაერთხელ გასცდა შეკრებისა და მანიფესტაციების შესახებ კანონმდებლობით მიღებულ ზომებს. ვნახეთ შტურმი საკანონმდებლო ორგანოზე, პიკეტირების მცდელობა პარლამენტზე და ასევე, ძალადობის არაერთი შემთხვევა სამართალდამცველების მისამართით.
ეს კადრები არა მარტო ქართული მედიის, არამედ მსოფლიო მედიის ყურადღების ცენტრში მოხვდა და ჩვენი ევროპელი კოლეგებიც დამეთანხმებიან, რომ ეს იყო პროპორციული ძალა და საკმაოდ ლმობიერი ქმედებები, რაც ქართველმა სამართალდამცველებმა გამოიყენეს.
ვაფრთხილებთ ყველა აქციის მონაწილეს: იმ დროს, როდესაც პოლიცია კანონის შესაბამისად დაიწყებს აქციის მონაწილეთა ძალადობრივი ქმედების აღკვეთას, გამოყენებული იქნება მკაცრი ზომები ისევე, როგორც აშშ-სა და ევროპის წამყვან ქვეყნებშია მიღებული”
თქვა შსს-ში გამართულ ბრიფინგზე ცენტრალური კრიმინალური პოლიციის დეპარტამენტის დირექტორმა თემურ კუპატაძემ.
პროკურატურამ ლანჩხუთში, პედაგოგზე ლადო აფხაზავასა და მის შვილზე მომხდარი ძალადობის ფაქტზე ერთ პირს ბრალდება წარუდგინა.
” საქართველოს პროკურატურამ ორი პირის მიმართ ჩადენილი ფიზიკური ძალადობის ფაქტზე კ.ფ.-ს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ 2024 წლის 5 მაისს, ქალაქ ლანჩხუთში, ალკოჰოლური თრობის ქვეშ მყოფმა კ.ფ.-მ მეზობლად მცხოვრები ორი პირის მიმართ ფიზიკურად იძალადა, კერძოდ, ორივე მათგანს სახის არეში ხელი დაარტყა.
კ.ფ.-ს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „გ“ ქვეპუნქტით (ძალადობა, ჩადენილი ორი პირის მიმართ) წარედგინა, რაც ორ წლამდე თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების შეფარდების თაობაზე სასამართლოს კანონით დადგენილ ვადაში მიმართავს.” აცხადებს პროკურატურა
ლადო აფხაზავას თავს 5 მაისს დაესხნენ. რუსული კანონის გაპროტესტების გამო, მისი დაშინება, სავარაუდოდ, ხელისუფლებამ ლანჩხუთის სასწრაფო დახმარების მძღოლს, კობა ფიფიაშვილს, დაავალა.
პაპუაშვილმა ქოც პარტმუშაკებს თქვენს შვილებზე პარტისთვის “დანოსების” წერა დაავალა.
ქოც საჯარო მოხელეს რომ დაინახავთ, გაითვალისწინეთ, რომ მისი დავალება არის თქვენს შვილზე, რომელიც პროტესტში მონაწილეობს, “დანოსების” წერა.
ვინმე ხათოს ჩაბარდება “აგენტების” თვლით ჩაბარება.
აი საჯარო ბაღში რომ უტოვებთ ძიძას უმცროს შვილს, გახსოვდეთ რომ იგივე ადამიანი თქვენს უფროს შვილზე პარტიას “დანოსს” უწერს, რომ მომავალი გაუფუჭოს მისი ხელიდან.
მე მჯერა, რომ ქართული საზოგადოება ამ ბოროტმოქმედებას და შუღლის თესვას, ამ ღორებს არ შეარჩენს!
(სინამდვილეში ქართული ოცნებაა ომის პარტია, რომელიც ჩვენი საზოგადოების წევრებს ერთმანეთზე აქეზებს და მტრად ჰკიდებს).
ჩვენ ვცდილობთ, გაკეთდეს რეესტრი პარტიულ ჭრილში, სადაც ის უსამშობლოები, რომლებიც აბულინგებენ ჩვენს საზოგადოებას, ჩვენს, მათ შორის, ფეხბურთელებს და არაერთი მაგალითია ამის, შეურაცხყოფას აყენებენ საზოგადოებას. ნახეთ, პიკეტირების დროს ორსულ ქალს რა ტონალობით ელაპარაკებოდნენ, იქ ადამიანი საავადმყოფოში მიიჩქაროდა და რას ეუბნებოდნენ, არ მაინტერესებს, მოდი აქ დადექიო – აი ასეთები, უსამშობლოები, რომლებსაც არ სწამთ არც ღმერთის, არც მშობლის, არც ქვეყნის, არაფრის, აი ასეთების სია უნდა გაკეთდეს, რომ იცოდეს საზოგადოებამ, ვინ დგას და ვინ არის ორგანიზატორი ამ ანტიქართული მოძრაობების, ანტისახელმწიფოებრივი ქმედებების და ამაზეა საუბარი.
აცხადებს ქართული ოცნების დეპუტატი ირაკლი ზარქუა.