Category: სლაიდერი

”ჩემს აზრს გეტყვით. მე 46 წლის ვარ და მხოლოდ ერთ არჩევნებში მაქვს მონაწილეობა მიღებული – 2012 წელს წავედი არჩევნებზე, რადგან მაშინ ვხვდებოდი, რომ ძალიან დიდი ბოროტება ხდებოდა ქვეყანაში და ვეღარ ვეგუებოდით ამ ბოროტებასა და სიბნელეს – მკვლელობას, შევიწროებას, ციხეებში ადამიანების გაუპატიურება… ბუნებრივია, ამის მიმართ პროტესტი მქონდა. წავედი და ხმა მივეცი სხვა პარტიას, რადგან ეს საშინელება უნდა დამთავრებულიყო. 2012 წლის შემდეგ არჩევნებში მონაწილეობა არ მიმიღია, რადგან არ ჩამითვლია საჭიროდ, რომ რომელიმე პარტიისთვის ხმა მიეცა…წელს გადავწყვიტე, ისევ მივიღო არჩევნებში მონაწილეობა – მივდივარ სამეგრელოში, რომ ხმა მივცე, რადგან იგივე პროცესია, როგორიც 2012 წელს იყო. გადამწყვეტი მომენტი დგება – ჩვენ ვხედავთ, რამხელა ზეწოლაა ქვეყანაზე, როგორი პრობლემები შეუქმნეს ქვეყანას… მსგავსი რამ, რაც დღეს ხდება… ისეთი განცხადებები გვესმის უცხო ქვეყნებიდან… მსგავსი რამ არ ყოფილა მაშინ, როდესაც ტელევიზიები დაიხურა, ეკლესიის წინააღმდეგ რამდენი რამ ხდებოდა, ეკლესია დაარბიეს, დაანგრიეს… უამრავი რაღაც მოხდა და მაშინ ხმა არავის ამოუღია – არცერთ საელჩოს ამაზე არ უსაუბრია. აი, დღეს როგორი ზეწოლაა. ჩვენ თვითონ უნდა გადავწყვიტოთ. მე მივმართავ მხოლოდ ეკლესიურ ადამიანებს, არ ვესაუბრები არაეკლესიურ ადამიანებს, ვინც მეკითხება, მხოლოდ იმათ ვესაუბრები, ვისთვისაც ჩემი აზრი მნიშვნელოვანია.

აცხადებს, დეკანოზი შალვა კეკელია.

„როგორ განსაზღვრავს ოლიგარქი, რომელიც პითონის სახელით არის ცნობილი და ბონდიანას ბოროტმოქმედების ბუნაგში ცხოვრობს, სასიცოცხლო მნიშვნელობის დასავლელი მოკავშირის მომავალს“ – ამ სათაურით  ბრიტანული გამოცემა Daily Mail-ი ოლიგარქ ბიძინა ივანიშვილის შესახებ ვრცელ სტატიას აქვეყნებს.

„საქართველოს მომავალი ერთ კითხვაზეა დამოკიდებული: ოლიგარქს უფრო მეტად ეშინია დასავლეთის სანქციების შედეგად დაკარგოს თავისი მილიარდები თუ სიცოცხლე, პუტინის გამო, რომელიც ცნობილია ოპონენტების მოშორებით“ — წერს Daily Mail-ი.

გამოცემა წერს, რომ 26 ოქტომბერს გადაწყდება გააგრძელებს თუ არა ქვეყანა სვლას დასავლეთისკენ, თუ ის „კრემლის სისხლიანი დიქტატორის ხელებში“ დაბრუნდება. Dailymail-ის სტატიაში ხაზგასმულია, რომ „ქართული ოცნების“ საპატიო თავმჯდომარემ საკუთარი ქონება მოსკოვში დააგროვა, ახლა კი ცდილობს ვლადიმერ პუტინის რეპრესიულ რეჟიმს მიბაძოს.

”ამ საარჩევნო ბრძოლის ცენტრში დგას ბიძინა ივანიშვილის ჩრდილოვანი ფიგურა, რომელიც ხელისუფლებაში 12 წლის წინ მოვიდა და თავი დემოკრატიის მხსნელად წარმოაჩინა მას შემდეგ, რაც წინა ხელისუფლებამ ძალაუფლების ბოროტად გამოყენება დაიწყო. მისი ზედმეტსახელი პითონია, რადგან მას სტრატეგიული სიმშვიდე უყვარს – ნელა დაახრჩოს საკუთარი ოპონენტები. ახლა კითხვა იმაშია, იყენებს თუ არა ოლიგარქი ამ მიდგომას საკუთარი ქვეყნის მიმართ, რადგან არსებობს ეჭვი, რომ „ქართული ოცნება“ პუტინს უქნევს თავს და დემოკრატიას დევნის ქვეყნიდან. ბევრი შიშობს, რომ ივანიშვილი შეეცდება არჩევნების მოპარვას და საკუთარ თავს გამარჯვებულად გამოაცხადებს, შემდეგ პროტესტების ძალისმიერ ჩახშობას შეეცდება, არგუმენტად კი იტყვის, რომ გადატრიალების არიდებას ცდილობდა. გასულ თვეში ივანიშვილმა მოქალაქეებში სიბრაზე გამოიწვია, როცა თქვა, რომ საქართველომ 2008 წლის აგვისტოს ომისთვის ბოდიში უნდა მოიხადოს. საბოლოო ჯამში, თბილისში ბევრი ეჭვობს, რომ საქართველოს მომავალი ერთ კითხვაზეა დამოკიდებული: ოლიგარქს უფრო მეტად ეშინია დასავლეთის სანქციების შედეგად დაკარგოს თავისი მილიარდები თუ სიცოცხლე, პუტინის გამო, რომელიც ცნობილია ოპონენტების მოშორებით”- წერს გამოცემა.

Dailymail-ის სტატიაში საუბარია მმართველი პარტიის ანტიდასავლურ რიტორიკაზე, ოპოზიციური სპექტრის აკრძალვის დაანონსებაზე, რუსული კანონის მიღებასა და ივანიშვილის ხელისუფლების პროპაგანდისტულ ბანერებზეც. როგორც ბრიტანული გამოცემა წერს, „ქართული ოცნების“ საარჩევნო კამპანია „კარგად დაფინანსებულია“.

2021 წლის 11 ივლისს დამტკიცდა ახალი ინსტრუქცია პოლიციელებისთვის, რომლის მიხედვითაც, “შეიძლება გამოყენებული იქნას წყლის ჭავლი და გაზი ერთობლივად და მისი მთავარი მიზანია, რომ აქციის მოძალადე მონაწილეებმა დატოვონ ადგილი, ჰქონდეთ საშუალება უსაფრთხოდ დატოვონ აქცია-მანიფესტაცია”. შესაბამისი განცხადება, შს მინისტრის მოადგილემ, ალექსანდრე დარახველიძემ გააკეთა.

“მას შემდეგ, რაც ჩვენ ვნახეთ, რომ ეს არც ერთი საერთაშორისო აქტით არ იკრძალება და მეტიც, არაერთი ევროპული ქვეყანა აქტიურად იყენებს მსგავს საშუალებებს და მათ შორის, ხდება შერევა, და კიდევ ერთხელ ვიმეორებ, მთავარი მიზეზი ამის არის ის მოძალადე ჯგუფები, რომლებიც აქცია-მანიფესტაციის მშვიდობიანი შეკრების ფარგლებს გასცდნენ. სწორედ ამიტომ, პოლიციის მთავარი ფუნქცია, რომ აღადგინოს საზოგადოებრივი უსაფრთხოება და გამოიყენოს სპეციალური საშუალებები მოძალადე აქციის მონაწილეების მიმართ, რათა მათ დატოვონ შეკრების ადგილი, სწორედ ამიტომ, 2021 წლის 11 ივლისს დამტკიცდა ახალი ინსტრუქცია ჩვენი პოლიციელებისთვის. […] ეს გამყარებულია რამდენიმე საერთაშორისო დოკუმენტით – ამნესტი ინტერნეიშენალის სახელმძღვანელო დოკუმენტი და ეუთო-ოდირის შესაბამისი სახელმძღვანელო დოკუმენტი, სადაც შავით თეთრზე წერია, რომ შეიძლება გამოყენებული იქნას წყლის ჭავლი და გაზი ერთობლივად და მისი მთავარი მიზანია, რომ აქციის მოძალადე მონაწილეებმა დატოვონ ადგილი, ჰქონდეთ საშუალება უსაფრთხოდ დატოვონ აქცია-მანიფესტაციის ადგილი”. – თქვა დარახველიძემ.

“თქვენი როლი იმისთვის, რომ საქართველოს მოქალაქემ გააკეთოს თავისი დამოუკიდებელი არჩევანი მშვიდ და თავისუფალ გარემოში, არის უაღრესად მნიშვნელოვანი. ჩვენ ძალიან კარგად ვიცით, რა მნიშვნელობის არჩევნებია რამდენიმე დღეში. მე არასოდეს არ ვიკადრებ მოგიწოდოთ – ხმა მისცეთ ერთ, მეორე, ან მესამე მხარეს. მე უბრალოდ გთხოვთ და მოგიწოდებთ, ემსახურეთ სახელმწიფოს და საქართველოს მოქალაქეს და არა პარტიას და პარტიულ ბოსებს. ეს ადამიანები თავისი მოპარული ფულით, მალე გაიქცევიან ქვეყნიდან და ჩვენ ერთად პირისპირ დავრჩებით და ერთად მოგვიწევს სახელმწიფოს დაცვა”

გიორგი გახარია სამართალდამცველებს მიმართავს.

“აღჭურვილობა შევიძინეთ, ახალი წყლის ჭავლის მანქანები, რომლებიც იყო შეძენილი 2006 თუ 2007 წელს წინა მთავრობისგან. უკვე დიდი ხნის მანქანები იყო და დავამატეთ, განვაახლეთ, რამდენიმე ცალი ახალი წყლის ჭავლის მანქანა შევიძინეთ. ასევე, სპეცდანიშნულების რაზმის შეიარაღება განახლდა, ავტომატური ცეცხლსასროლი იარაღები, პისტოლეტები”

აცხადებს, შს მინისტრი ვახტანგ გომელაური.