Category: სლაიდერი

“ჩვენ გუშინ დაგვეღუპა ერთი ადამიანი, რომლის გარდაცვალებაც უშუალოდ სტიქიასთან იყო დაკავშირებული, თუმცა არაერთ ადამიანთან დაკავშირებით ვრცელდება ცრუ ინფორმაცია, რომ სტიქიით იყო გამოწვეული. ერთი საოცრება შემიძლია გითხრათ აქვე – ლანჩხუთში, სოფელ ნინოშვილში, გარდაიცვალა 106 წლის ქალბატონი და ამაზე წერდნენ, რომ ექსტრემალური სიტუაცია იყო და ვერ მიუსწრეს და სტიქიის გამო გარდაიცვალა. წარმოიდგინეთ 106 წლის ქალბატონის გარდაცვალებასაც  აწერდნენ სტიქიას. ამ ხალხს კიდე ზემოდან დაპანიკება უნდა?! ცოტა ხანი მაინც გაჩერდნენ, რომ ზედმეტი პანიკა არ შექმნან, ისედაც რთული ვითარებაა. სახელმწიფო აკეთებს ყველაფერს, რაც კი შეიძლება თეორიულად, და ესენი აპანიკებენ. “

ამბობს დასავლეთ საქართველოში, დიდთოვლობასთან დაკავშირებით შექმნილ მძიმე ვითარებაზე საუბრისას მამუკა  მდინარაძე. 

“აჭარა თაიმსის” ინფორმაციით, ქობულეთის მუნიციპალიტეტში, გაყინული, დაღუპული კაცი იპოვეს. შემთხვევა სოფელ ხუცუბანში მოხდა.

ქობულეთის მერიაში გვითხრეს, რომ კაცი, სახლთან ახლოს, უგონო მდგომარეობაში იპოვეს.

“დღეს არის ძალიან დიდი ტრაგედია საქართველოში. გურიაში და არამხოლოდ გურიაში, აჭარაში. მთელი დასავლეთ საქართველო არის თოვლის ქვეშ, ისე რომ სახელმწიფოს რეაგირება არ ხდება ჯერ. ეს სოფლები არიან ჩაფლული თოვლში. იქ ცხოვრობს ძალიან ბევრი ადამიანი, ბევრი ხანშიშესული ადამიანი. როგორც ცნობილია, ჩვენს სოფლებში უფრო მეტი ხანშიშესული ადამიანი ცხოვრობს. იქ მიდიან მხოლოდ მოხალისეები, ეს იმას ნიშნავს, რომ ჩვენ გვყავს ძალიან ძლიერი, ცოცხალი საზოგადოება და ჩვენ არ გვაქვს სახელმწიფო”.

განაცხადა საქართველოს მეხუთე პრეზიდენტმა სალომე ზურაბიშვილმა საქართველოში დიდთოვლობი გამო შექმნილ პრობლემებთან დაკავშირებით.

გურიასა და აჭარაში საქართველოს სხვადასხვა რეგიონიდან ჩასული დამატებითი ჯგუფები საგანგებო რეჟიმში მუშაობენ-ინფორმაციას ენერგო-პრო-ჯორჯია ავრცელებს. დამატებითი ჯგუფები ჩასულია: კახეთიდან, მცხეთა-მთიანეთიდან, ქვემო ქართლიდან, შიდა ქართლიდან, სამცხე-ჯავახეთიდან, იმერეთიდან და სამეგრელოდან.

“ამ დროისთვის ელექტროენერგია შეზღუდვით მიეწოდება გურიის სოფლების ნაწილს და ქობულეთის მუნიციპალიტეტის სოფლების ნაწილს. ელექტროენერგია სტაბილურად მიეწოდება რაიონულ ცენტრებს და სასიცოცხლოდ მნიშვნელოვან ობიექტებს.

თითქმის მთელი საქართველოდან გურიაში და აჭარაში ჩასული ელექტრიკოსები ამ წუთებშიც განსაკუთრებულ რეჟიმში მუშაობენ და განაგრძობენ იქამდე, სანამ ენერგომომარაგების აღდგენა სრულად არ მოხდება”. – ნათქვამია განცხადებაში.

“მზია ამაღლობელმა დაკავებისას დაზიანებები მიიღო, მხრის არეში აღენიშნებოდა სისხლნაჟღენთები; აღნიშნული დაზიანებები განვითარებულია რაიმე მკვრივი-ბლაგვი საგნის მოქმედებით ” -ინფორმაციას საქართველოს ახალგაზრდა იურისტთა ასოციაცია ავრცელებს და ამაღლობელის დაზარალებულად ცნობასთან დაკავშირებით,  საჩივრით მიმართავს სასამართლოს

“როგორც საზოგადოებისთვის ცნობილია, სპეციალურ საგამოძიებო სამსახურში მიმდინარეობს გამოძიება სისხლის სამართლის საქმეზე, რომელიც შეეხება 2025 წლის 12 იანვარს, აჭარის პოლიციის დეპარტამენტის ქ. ბათუმის საქალაქო სამმართველოს უფროსისა და ამავე სამმართველოს თანამშრომელთა მხრიდან მზია ამაღლობელის მიმართ არაადამიანურ და დამამცირებელ მოპყრობას.

აღსანიშნავია, რომ ძალადობრივი და უკანონო იყო მზია ამაღლობელის დაკავების პროცესი, რადგან თან ახლდა ფიზიკური ძალადობა. სწორედ აღნიშნულის გამო მიიღო მან დაზიანებები, რაც დადასტურებულია სამედიცინო ექსპერტიზის დასკვნითაც. სისხლის სამართლის წესით დაკავების შემდგომ კი, პოლიციის განყოფილების ეზოსა და შენობაში, ბათუმის პოლიციის უფროსის, ირაკლი დგებუაძის მხრიდან მზია ამაღლობელის მიმართ განხორციელდა არასათანადო მოპყრობა. პოლიციის შენობაში შეყვანამდე, ეზოში, ირაკლი დგებუაძემ მას არაერთხელ მიაყენა სიტყვიერი შეურაცხყოფა და დაემუქრა, რომ მის წინააღმდეგ სისხლის სამართლის წესით დაიწყებდა გამოძიებას. დგებუაძემ განყოფილებაში რამდენჯერმე სცადა მას ფიზიკურად გასწორებოდა. პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ოთახში ერთ-ერთი შესვლისას მან მზია ამაღლობელს სახეში შეაფურთხა. ასევე, მისი ბრძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევისა და სხვა პირველადი საჭიროებების დაკმაყოფილების შესაძლებლობა. მზია ამაღლობელი პერიოდულად ითხოვდა ადვოკატებთან დაკავშირებას, თუმცა, მისი მოთხოვნა იგნორირებული იყო. პარალელურად, ადვოკატები დაახლოებით 3 საათის განმავლობაში უშედეგოდ ცდილობდნენ პოლიციის განყოფილებაში შესვლას და მზია ამაღლობელთან შეხვედრას.

მზია ამაღლობელი აღნიშნულ სისხლის სამართლის საქმეში წარმოადგენს დაზარალებულს. მას დაკავების დღესვე ჩაუტარდა სამედიცინო ექსპერტიზა ლევან სამხარაულის სახელობის სასამართლო ექსპერტიზის ბიუროს ექსპერტის მიერ, რომლის დასკვნის  მიხედვითაც, მზია ამაღლობელს მარცხენა მხრის არეში აღენიშნებოდა სისხლნაჟღენთები. აღნიშნული დაზიანებები განვითარებულია რაიმე მკვრივი-ბლაგვი საგნის მოქმედებით.

საქმის მასალების გაცნობის შედეგად იკვეთება, რომ არსებობს მზია ამაღლობელისთვის დაზარალებულის სტატუსის მინიჭების სამართლებრივი საფუძველი. ამ მიზნით უკვე არაერთხელ მივმართეთ პროკურატურას, თუმცა, კანონმდებლობით დადგენილი ვადების მიუხედავად, ამ დრომდე დაზარალებულად ცნობაზე წერილობითი უარიც კი არ მიგვიღია. ამ ფაქტზე, საჩივრით მივმართეთ გენერალურ პროკურორსაც. ამ დრომდე არც საჩივართან დაკავშირებით, მიგვიღია შესაბამისი პასუხი.

ამდენად, 2025 წლის 24 თებერვალს, საიამ საჩივრით მიმართა თბილისის საქალაქო სასამართლოს, რათა სასამართლომ მიანიჭოს მზია ამაღლობელს დაზარალებულის სტატუსი ხსენებულ საქმეში. დაზარალებულის სტატუსი მას მისცემს შესაძლებლობას ისარგებლოს საპროცესო კოდექსით გათვალისწინებული უფლებებით.”- ნათქვამია “საიას” განცხადებაში.

ოზურგეთის მუნიციპალიტეტის სოფელ კონჭკათში დიდთოვლობასა და სტიქიას ერთი ადამიანის სიცოცხლე ემსხვერპლა. ინფორმაციას გურია TV მაჟორიტარ დეპუტატზე, გელა აროშიძეზე დაყრდნობით ავრცელებს.

დაღუპული შუახნის კაცია, რომელიც მეზობლის დასახმარებლად გადავიდა და სახლის სახურავის გადათვოლისას დაიღუპა – ნგრევის შედეგად მას ბეტონის ფილა ე.წ. სინკარი დაეცა.

“პატრულის ორმა ეკიპაჟმა გამაჩერა. საბუთებიო. მივაწოდე.
გადმობრძანდითო. გადავედი.
ნასვამი ხომ არ ხართო. ნარკოტიკი ხო არ გაქვთო. იარაღიო? მეთქი არცერთი.
ზედაპირულად დაგათვალიერებთო. დამათვალიერეს.
კაიო, ალკოტესტს მომიტანენ, მანქანაში დაგველოდეთო..კაი-მეთქი.
წავიდნენ და ალკოტესტის მაგივრად  5000-ლარიანი ჯარიმით დაბრუნდნენ.”

წერს მწერალი დათო გორგილაძე განცხადებით, ოლიგარქის პოლიციამ ის 5000 ლარით დააჯარიმა. ამის შესახებ მან ფეისბუკზე დაწერა

“პატრულის ორმა ეკიპაჟმა გამაჩერა. საბუთებიო. მივაწოდე.
გადმობრძანდითო. გადავედი.
ნასვამი ხომ არ ხართო. ნარკოტიკი ხო არ გაქვთო. იარაღიო? მეთქი არცერთი.
ზედაპირულად დაგათვალიერებთო. დამათვალიერეს.
კაიო, ალკოტესტს მომიტანენ, მანქანაში დაგველოდეთო..კაი-მეთქი.
წავიდნენ და ალკოტესტის მაგივრად  5000-ლარიანი ჯარიმით დაბრუნდნენ.”

წერს მწერალი დათო გორგილაძე.

“დღეს უკრაინის წინააღმდეგ რუსეთის აგრესიის დაწყებიდან სამი წელი შესრულდა. საქართველო და მისი ხალხი უკრაინის გვერდით დგას.

ჩვენი მომავალი საერთოა. ჩვენ ასევე ვიმსახურებთ სამართლიან და გრძელვადიან მშვიდობას, გაერთიანებულ თავისუფალ და დამოუკიდებელ ევროპაში.”

ნათქვამია მეხუთე პრეზიდენტის, სალომე ზურაბიშვილის ვიდეომიმართვაში.