“ქართული ოცნების” მიერ არასამთავრობო ორგანიზაციების საქმიანობის ჩასახშობად კიდევ ერთი კანონპროექტის დაჩქარებული წესით მიღება კიდევ ერთი უკან დახევაა იმ დემოკრატიული მომავლისგან, რომელიც ქართველ ხალხს უნდა. პოლიტიკურ ლიდერებს არ უნდა ეშინოდეთ ქართველი ხალხის. ქართული სამოქალაქო საზოგადოება მკვეთრად დამოუკიდებელი აქტორები არიან”.
ამის შესახებ წერს სენატორი ჯინ შაჰინი სოციალურ ქსელში.
გუშინ, “ოცნების” პარლამენტმა მთავრობის თანხმობის გარეშე უცხოური გრანტების მიღება საბოლოოდ აკრძალა.
აზერბაიჯანელ ჟურნალისტი, Azel.tv-ის მთავარ რედაქტორი, აფგან სადიგოვი თავისუფალია. ინფორმაციას “სოციალური სამართლიანობის ცენტრი” ავრცელებს:
“დღეს, 16 აპრილს, თბილისის საქალაქო სასამართლომ დააკმაყოფილა პროკურატურის შუამდგომლობა და აფგან სადიგოვისთვის გამოყენებული საექსტრადიციო პატიმრობა გირაოთი შეცვალა. დღესვე აფგან სადიგოვი პატიმრობიდან გათავისუფლდა.
➡ Ხვალ, 17 აპრილს, 13:00 საათზე, სოციალური სამართლიანობის ცენტრი აფგან სადიგოვთან ერთად პრესკონფერენციას გამართავს, სადაც მის პოზიციას, მოთხოვნებსა და მოწოდებებს წარვადგენთ.
◾ საქართველოს კანონმდებლობით, ექსტრადიციის მიზნით პატიმრობის მაქსიმალური ვადა 9 თვეს შეადგენს. აფგან სადიგოვის შემთხვევაში ეს ვადა 2025 წლის 3 მაისს იწურებოდა, რის გამოც საქართველოს პროკურატურა იძულებული გახდა, აღკვეთის ღონისძიების შეცვლის მოთხოვნით სასამართლოსთვის მიემართა.
◾ სოციალური სამართლიანობის ცენტრი ითხოვდა, რომ აფგან სადიგოვის მიმართ საერთოდ არ გამოყენებულიყო აღკვეთის ღონისძიება თუმცა სასამართლომ ეს შუამდგომლობა არ დააკმაყოფილა და აფგან სადიგოვს აღკვეთის ღონისძიების სახით 5 000 ლარის ოდენობით გირაო შეუფარდა.
◾ თბილისის საქალაქო სასამართლომ აფგან სადიგოვის მიმართ აღნიშნული განჩინება სწორედ ადამიანის უფლებათა ევროპული სასამართლოს მიერ 2025 წლის 27 თებერვალს მიღებულ გადაწყვეტილებას დააფუძნა, რომლითაც საქართველოს ხელისუფლებას დევნილი ჟურნალისტის აზერბაიჯანში ექსტრადიცია აეკრძალა. აფგან სადიგოვის ექსტრადიცია აზერბაიჯანში აკრძალულია მანამ, სანამ სტრასბურგის სასამართლო საქმეზე არსებით გადაწყვეტილებას არ მიიღებს – პროცესი კი შესაძლოა წლების განმავლობაში გაგრძელდეს.
სოციალური სამართლიანობის ცენტრი აგრძელებს აფგან სადიგოვის უფლებების დაცვას.
მოხარულები ვართ, რომ დევნილი ჟურნალისტი თავისუფალია. კვლავ ვუცხადებთ სოლიდარობას მას და მის ოჯახს”, – წერს ორგანიზაცია.
სადიგოვი აზერბაიჯანში 2016 წლის შემდეგ, არაერთხელ გაასამართლეს, მათ შორის ორჯერ – სისხლის სამართლის წესით. აზერბაიჯანელი უფლებადამცველები მას ჟურნალისტური საქმიანობისთვის დევნილად და პოლიტპატიმრად მიიჩნევენ.
”დათო დოიაშვილის განთავისუფლება
არასწორია!
არასწორი!”
აცხადებს რეჟისორი, ქართული ოცნების მხარდამჭერი, ქეთი დოლიძე.
აქვე შეგახსენებთ, რომ რეჟიმის მიერ დაჭერილი კოლეგის, ანდრო ჭიჭინაძის მხარდაჭერისა და პროტესტში აქტიური ჩართულობის პარალელურად, დავით დოიაშვილი ვასო აბაშიძის სახელობის ახალი თეატრის ხელმძღვანელის პოსტიდან გაათავისუფლეს.
“ძირს უთხრის საქართველოს მოსახლეობის დამოუკიდებლობას!” – -ასე ეხმაურება, ნორვეგიის საგარეო საქმეთა სამინისტრო X-ზე “ქართული ოცნების” მიერ მიღებულ ახალ კანონს, რომლის მიხედვითაც, უცხოეთიდან გრანტის მიღებას მთავრობის თანხმობა დასჭირდება.
“ნორვეგია ღრმად შეშფოთებულია საქართველოს კანონში გრანტების შესახებ შეტანილი ცვლილებებით, რაც მას სახელმწიფო კონტროლის მექანიზმად აქცევს.
ეს ძირს უთხრის საქართველოს სამოქალაქო საზოგადოების ავტონომიასა და დამოუკიდებლობას.
ჩვენ მოვუწოდებთ ხელისუფლებას ამის შეცვლისკენ”, – წერია განცხადებაში.
დღეს საქართველომ მიიღო კანონი, რომელიც კიდევ უფრო ავიწროებს სამოქალაქო სივრცეს.
დაჩქარებულად და განხლვის გარეშე მიღებული კანონი უკანასკნელ პერიოდში მიღებულ რეპრესიულ კანონმდებლობას ემატება.
ასეთი ნაბიჯები ძირს უთხრის საქართველოს ევროკავშირის კანდიდატის სტატუსსა და ძირეულ დემოკრატიულ პრინციპებს
ასპინძის მუნიციპალიტეტის სოფელ რუსთავში ყირიმ-კონგოს ცხელება 70 წლამდე კაცს დაუდასტურდა. მისი მდგომარეობა კლინიკაში შეყვანის დროს მძიმე იყო. ინფორმაციას ამის შესახებ sknews.ge ავრცელებს.
„პაციენტს შემოსვლისას მდგომარეობა მძიმე ჰქონდა. იგი გადაყვანილია ინფექციური პათოლოგიის და შიდსის ეროვნულ ცენტრში“,- განუცხადეს „სამხრეთის კარიბჭეს“ ახალციხის რეფერალურ ჰოსპიტალში.
კლინიკაში ასევე განმარტავენ, რომ მიმდინარე წელს მათთან ყირიმ-კონგოს დადასტურებული შემთხვევით მხოლოდ ერთი პაციენტი მიიღეს.
ყირიმ-კონგოს ცხელებით ავადობის კიდევ ერთი შემთხვევა დაფიქსირდა ახალციხის მუნიციპალიტეტში.
ახალციხის მერიაში განგვიცხადეს, რომ გასულ თვეში ახალციხის მუნიციპალიტეტის ერთ-ერთ მთაში მდებარე ფერმაში ყირიმ-კონგოს ცხელება ქალს დაუდასტურდა. იგი უკვე გამოჯანმრთელდა და თავს კარგად გრძნობს.
ადამიანებში ყირიმ–კონგოს ჰემორაგიული ცხელება დაავადებულ ტკიპასთან კონტაქტის (კბენა, გაჭყლეტილ ტკიპასთან შეხება) შემდგომ 1-9 დღეში ვლინდება. დამახასიათებელია მაღალი ტემპერატურა. კანქვეშ და ნაკბენის მიდამოებში ჩნდება სისხლჩაქცევები და ვითარდება სისხლდენა შინაგანი ორგანოებიდან.
დაავადების სიმპტომები მოულოდნელი შემცივნებით იწყება. სხეულის ტემპერატურა 39-40°С–მდე იწევს, იწყება კუნთებისა და თავის ტკივილით, ღებინებით, დიარეით. დაავადება ადამიანებში მძიმედ მიმდინარეობს და, დროული მკურნალობის ჩატარების გარეშე, შეიძლება, სიკვდილით დასრულდეს.
მაღალი რისკის ქვეშ ძირითადად ფერმერები, მწყემსები და ვეტერინარები არიან; ასევე – პირები, რომლებიც ახლო კონტაქტში არიან ყირიმ–კონგოს ჰემორაგიული ცხელებით დაავადებულ ადამიანებთან.
საქართველო უფრო ღრმად ეფლობა ავტორიტარიზმში – ქართული ოცნების მიერ მიღებული ახალი კანონი, საერთაშორისო დონორებს ავალდებულებს, რომ მთავრობის თანხმობა მიიღონ არასამთავრობო ორგანიზაციების, მედიებისა და სამოქალაქო ჯგუფებისთვის დაფინანსების გასაცემად – ვერცერთი ევროკავშირის ან საგარეო დაფინანსება ვერ მიაღწევს დამოუკიდებელ ხმებთან იქამდე, თუ არ გაიფილტრება – რეჟიმი ამ ხმების ჩახშობას ცდილობს, ეს სახელმწიფოს მიტაცებაა.
მიზანი: დასაჯონ აქციის მონაწილეები, გატეხონ კრიტიკული მედია და მხოლოდ რეჟიმთან მეგობრული არასამთავრობო ორგანიზაციები დააფინანსონ – ქართული ოცნება ირწმუნება, რომ ეს გამჭვირვალობას ეხება, თუმცა რეალურად, ეს რეპრესიაა, პირდაპირ ლუკაშენკოს წიგნაკიდან.
თითქოს, ეს საკმარისი არ იყოს – ბანკებს ავალდებულებენ გასცენ სამოქალაქო საზოგადოების ლიდერთა პერსონალური მონაცემები (საბოტაჟის ყალბი ბრალდებით) – რეჟიმი იყენებს სასამართლოს ამ ყველაფრის სამართლებრივად გასასაღებლად.
მეგობრებო ევროკავშირიდან – ეს არ უნდა დარჩეს პასუხგაუცემელი!
ჩვენ გვჭირდება სანქციების დაწესება, სრული ევროკავშირისა და საქართველოს პოლიტიკის სრული გადახედვა და ახალი არჩევნები – ჩვენ არ უნდა მივცეთ ქართულ ოცნებას საშუალება საქართველო ბელარუსად გადააქციოს.
“გთხოვთ, მომეცით 3 საათით გასვლის და საცოლესთან ქორწინების საშუალება ” – წერს ამის შესახებ, საემიგრაციო პატიმრობაში მყოფი „ბათუმელი მედროშე” თემურ ქათამაძე წერილში, რომელიც მისმა უფლებების დამცველმა ორგანიზაცია „საიამ” გაავრცელა.
„თურქეთში გაძევების შემთხვევაში იქ დაპატიმრება და ციხე მელოდება. ამ რეალობიდან გამომდინარე, 5 წელია მყავს საცოლე ნონა კაკულია, ამიტომ, თურქეთში გაძევებამდე, ნონა კაკულიასთან რელიგიური წესით ქორწინების დიდი სურვილი მაქვს. ჩემი თურქეთში გაძევების შემდეგ დიდი ალბათობით აღნიშნულის შანსი აღარ გვექნება. სამწუხაროდ აღნიშნული რიტუალის მიგრაციის ცენტრში ჩატარების საშუალება, მიგრაციის ადმინისტრაციამ არ მოგვცა.
„უცხოელთა და მოქალაქეობის არ მქონე პირების სამართლებრივი მდგომარეობის შესახებ“ საქართველოს კანონის 36-ე მუხლის საფუძვლით, თავშესაფრის მაძიებელი სტატუსის მქონე ეთნიკური ქართველის სახით, თქვენი სასამართლოსგან ვითხოვ, ჩემ საცოლესთან რელიგიური წესით ქორწინებისთვის, მომავალ ერთ სასურველ დღეს, მხოლოდ 3 საათით მიგრაციის ცენტრიდან ქალაქ თბილისში გასვლის უფლებას, აღნიშნული რიტუალის შესაბამის ეკლესიაში და მეჩეთში ჩატარებისთვის”. – წერს თემურ ქათამაძე წერილში.
“ქართული ოცნების” ერთპარტიულმა პარლამენტმა რეჟიმის თანხმობის გარეშე გრანტების აკრძალვის შესახებ კანონი მესამე მოსმენით დაამტკიცა. მას 82-მა არალეგიტიმურმა დეპუტატმა დაუჭირა მხარი.
ცვლილებების თანახმად, უცხოური გრანტის მიღებას მთავრობის ან მთავრობის მიერ განსაზღვრული უფლებამოსილი პირის თანხმობა დასჭირდება – თანხმობის გარეშე გაცემული გრანტის მიღება აკრძალული იქნება და პასუხისმგებლობის დაკისრებას გამოიწვევს.
კანონპროექტის მიხედვით, აკრძალული გრანტის გაცემისა და მიღების მონიტორინგს ანტიკორუფციული ბიურო განახორციელებს.
კანონპროექტი გამონაკლისებსაც ადგენს – კერძოდ, მთავრობის სავალდებულო თანხმობის წესი არ ვრცელდება საერთაშორისო სპორტული ასოციაციის, ფედერაციის და კომიტეტის მიერ გრანტის გაცემაზე, საქართველოს საზღვრებს გარეთ საშუალო და უმაღლესი განათლების მიღებისთვის და სამეცნიერო მუშაობისთვის გაცემულ ინდივიდუალურ სტიპენდიაზე, ასევე საქართველოში მოქმედი საერთაშორისო ორგანიზაციის მიერ გრანტის მიღებაზე. კანონში ცვლილებებს “ოცნება” დაჩქარებული წესით განიხილავს.
„ჩვენი პოზიცია არის ის, რაც საჯაროდ ბევრჯერ იქნა გაცხადებული, რომ სანამ ყველა პოლიტპატიმარი არ გათავისუფლდება და არ ჩაინიშნება ახალი საპარლამენტო არჩევნები, მათ შორის ახალი პირობებით, რომელზე შეთანხმებულია ყველა მსხვილი პოლიტიკური ჯგუფი, მანამდე არანაირ ადგილობრივ არჩევნებში მონაწილეობის მიღებას არ ვაპირებ პირადად. არანაირი ადგილობრივი არჩევნები არ იქნება და ეს ზღაპრები, რომ ვითომ ოპოზიციამ შეიძლება დედაქალაქი მოიგოს და ა.შ. ეს არის ბოდვა, ტყუილი. ამ არჩევნებზე ადამიანები არ მივლენ. შეუძლებელია ამ არჩევნების მოგება, ისინი დაწერენ იმას, რაც უნდათ. თბილისზე ილუზიები, რომ 26 ოქტომბერს ჯამში ოპოზიციამ მოიგო, ეს არის ილუზიები.
რა გარემოებების ცვლილებებს ელოდებიან, უნდა ახსნას ყველამ, ვინც მაგას ამბობს. არსებობს ორი პირობა: ახალი საპარლამენტო არჩევნები და ყველა პოლიტპატიმრის გათავისუფლება. ამის გარდა შეიძლება რაღაც პირობები შეიცვალოს ისე, რომ ეს ორი პირობა არ დაკმაყოფილდეს და ამის გამო ღირდეს ადგილობრივ არჩევნებში მონაწილეობა, მაშინ ეს უნდა თქვან. მაგრამ ესეთ პირობას ვერ ასახელებს ვერავინ. ყველა, ვინც ესეთ განცხადებებს აკეთებს, სინამდვილეში ელოდება იმას, რომ მოკვდეს პროტესტი და მერე თქვან, რომ ქუჩიდან არაფერი გამოგვივიდა და ტრიბუნას მაინც გამოვიყენებ. ნანახი მაქვს ეს 2020 -ის არჩევნების შემდეგ.
გახარიამ თქვა, რომ ვერსიას იტოვებს, რომ შეიძლება [ადგილობრივ თვითმმართველობის არჩევნებში] მიიღოს მონაწილეობა. ჩემი აზრით, თუ ეს ორი პირობა არ შესრულდა, ახალი საპარლამენტო არჩევნების ჩანიშვნა და პოლიტპატიმრების გათავისუფლება, მათ შორის ახალი საპარლამენტო არჩევნების ჩანიშვნა კონკრეტული პირობებით, რომელიც შეთანხმებულია ყველა მსხვილ ოპოზიციურ გუნდს შორის, არანაირი მონაწილეობას აზრი არ აქვს. პირიქით, ეს იქნება, პროტესტის მუხტის მოკვლა და ასევე, გარედან ის რაც აქამდე შევინარჩუნეთ, ამ რეჟიმის არაღიარება, სანქციების შემოღება და ა..შ ამ ყველაფრის წყალში გადაყრა“,
აცხადებს „კოალიცია ცვლილებისთვის“ წევრი ზურა ჯაფარიძე.