Category: მსოფლიო

ისრაელის სამხედრო ექსპერტმა დევიდ გენდელმანმა BBC-ისთვის კომენტარი გააკეთა ისრაელზე ჰამასის თავდასხმის გარემოებებზე.

– რატომ აღმოჩნდა ჰამასის თავდასხმა მოულოდნელი?

–ისრაელის დაზვერვის შეფასება იყო, რომ ესკალაცია ახლა წამგებიანია ჰამასისთვის, ბოლო კვირების დაძაბულობის შემდეგ, ღაზაელებს მიეცათ ისრაელში მუშაობის მეტი ნებართვა, ყატარის ფულის კიდევ ერთი ტრანში შევიდა ღაზაში და ა.შ. ეს ნიშნავს, რომ [ვარაუდობდნენ, რომ] მათი ამჟამინდელი მოთხოვნები დაკმაყოფილდა, ახლა აღარ იბრძოლებენ და მათი წვრთნები მხოლოდ სეზონური სწავლებებია, როგორც ადრე არაერთხელ ყოფილა.

არც დაზვერვას გამოუვლენია, რომ უშუალოდ ოპერაცია მზადდებოდა.ამიტომ არმია მოდუნდა, საზღვარზე საბრძოლო მზადყოფნა არ იყო, ჰამასმა შეტევაში სრულ მოულოდნელობას მიაღწია და შესაბამისად, მათთვისაც კი მოულოდნელ წარმატებებს მიაღწია.

ეს კიდევ ერთხელ ცხადყოფს, რომ განზრახვების შეფასებამ სრულად არ უნდა ჩაანაცვლოს შესაძლებლობების შეფასება და რომ მტრის სავარაუდო  ქმედებების მორგება იმ კონცეფციაზე, რაც, ჩვენი აზრით, მისთვის ხელსაყრელი ან არახელსაყრელია, იწვევს კატასტროფულ შედეგებს.

– რას გააკეთებს ისრაელი ამის  შემდეგ?

ამ დროისთვის, გამოცხადებული ოპერაცია “რკინის ხმლები“ კონცენტრირებულია ისრაელის დასახლებული ტერიტორიების სრულ გაწმენდაზე ჯერ კიდევ იქ დარჩენილი ჰამასის ბოევიკებისგან და საჰაერო თავდასხმებზე ღაზას სექტორზე.

პარალელურად მიმდინარეობს რეზერვების მობილიზება და სახმელეთო ძალების გადასროლა  საზღვრისკენ,  სახმელეთო ოპერაციისთვის მზადების მიზნით.

— ჰამასმა დიდი რაოდენობით მძევლები აიყვანა. როგორ მოაგვარებს ისრაელი ამ პრობლემას?

ისრაელის მხრიდან მსხვერპლის დიდი რაოდენობა და ჰამასის მხრიდან “ჩვეულებრივი” ესკალაციის ნიშნულის   მკვეთრი მატება მოითხოვს ისრაელის უფრო მძლავრ პასუხს და ზრდის სახმელეთო ოპერაციის ალბათობას, განსხვავებით წარსული წმინდა “საჰაერო” რაუნდებისგან.

ღაზაში დატყვევებული ისრაელელების დიდი რაოდენობის საკითხი ამ შემთხვევაში დიალექტიკურია: ერთის მხრივ, ეს ასევე ზრდის სახმელეთო ოპერაციის ალბათობას, მაგრამ ამავე დროს ართულებს მის განხორციელებას, შეიძლება ტყვეები  დაზარალდნენ.

ყველა ამ ფაქტორს მთავრობა ითვალისწინებს ოპერაციის რკინის ხმლების შემდგომი განვითარებისას.

აშშ–ს თავდაცვის მდივანმა, ლოიდ ოსტინმა განცხადება გაავრცელა ისრაელზე პალესტინელი ბოევიკების თავდასხმის შესახებ.

“დეტალურად ვაკვირდები მოვლენების განვითარებას ისრაელში. ჩვენი მხარდაჭერა ისრაელის მიმართ მისი თავდაცვის საქმეში უცვლელი რჩება, გამოვხატავ თანაგრძნობას იმ ადამიანების ოჯახების მიმართ, ვისი სიცოცხლეც სამოქალაქო პირებზე ამ საშინელ თავდასხმას შეეწირა. მომდევნო დღეებში აშშ–ს თავდაცვის დეპარტამენტი იმუშავებს, რათა დარწმუნდეს, რომ ისრაელს ყველაფერი აქვს, რაც ჭირდება საკუთარი ქვეყნის და მოქალაქეების დასაცავად განურჩეველი ძალადობისა და ტერორიზმისგან.“– ნათქვამია განცხადებაში.

ისრაელის შეიარაღებულმა ძალებმა საომარი მზადყოფნა გამოაცხადა მას შემდეგ, რაც დღეს დილით ისლამისტური დაჯგუფება ჰამასის ათობით ბოევიკმა როგორც ჩანს მოულოდნელად შეაღწია ისრაელის სამხრეთში და  თავისუფლად გადაადგილდებიან.

მანამდე ისრაელის მიმართულობით ათობით რაკეტა გაუშვეს, რასაც მთელი ქვეყნის მაშტაბით საჰაერო განგაში მოჰყვა.

ერთი ადამიანი დაიღუპა, გავრცელდა ინფორმაცია თელავივის სიახლოვეს და ღაზას სექტორის გარშემო მდებარე რაიონებში აფეთქებების შესახებ.

თავდასხმაზე პასუხისმგებლობა პალესტინურმა დაჯგუფება ჰამასმა აიღო. მისმა შეიარაღებულმა ფრთამ განაცხადა, რომ ისრაელის მიმართულებით 20 წუთში 5 000 რაკეტა გაუშვეს. თუმცა მოგვიანებით ისრაელის შეიარაღებული ძალების სპიკერმა განაცხადა, რომ რაკეტების რაოდენობა 2500 იყო.

ისრაელის თავდაცვის ძალების განცხადებით, დაჯგუფებამ ღაზას სექტორიდან ისრაელის ტერიტორიის მასირებული სარაკეტო დაბომბვა დაიწყო და ბოევიკებმა ისრაელის ტერიტორიის სხვადასხვა ადგილებზე შეაღწიეს.

განცხადებაში ნათქვამია, რომ გენშტაბის ხელმძღვანელი სიტუაციის შეფასებას აკეთებს და ჰამასი აუცილებლად აგებს პასუხს ამ ქმედებებისთვის. ასევე ნათქვამია, რომ ღაზას სექტორის მომიჯნავე რაიონების მაცხოვრებლებს სთხოვეს გარეთ არ გამოვიდნენ, სამხრეთის და ცენტრალური რაიონების სამოქალაქო პირები კი ვალდებულნი არიან თავშესაფრების მიმდებარე ტერიტორიები არ დატოვონ. გამოცხადდა რეზერვისტების მობილიზაცია.

საინფორმაციო სააგენტოების მიერ გავრცელებულ კადრებში ჩანს, როგორ აქრობენ ებრაელი მეხანძრეები ხანძარს ქალაქ აშკელონში, სადაც დამწვარ ავტომობილებს ძლიერი კვამლი ასდის.

ისრაელის პრემიერ მინისტრის, ბენიამინ ნეთანიაჰუს კანცელარიაში განაცხადეს, რომ უსაფრთხოების სამსახურების ხელმძღვანელები სარაკეტო დარტყმის გამო იკრიბებიან.

ისრაელის თავდაცვის მინისტრმა იოავ გალანტმა განაცხადა, რომ ჰამასის ტერორისტულმა დაჯგუფებამ ისრაელზე მოულოდნელი სარაკეტო თავდასხმით და ღაზას სექტორის საზღვართან მდებარე ქალაქებში შეჭრით „მძიმე შეცდომა“ დაუშვა.

„დღეს დილით ჰამასმა სერიოზული შეცდომა დაუშვა და დაიწყო ომი ისრაელის წინააღმდეგ. ისრაელი ამ ომში გაიმარჯვებს!“ – ნათქვამია გალანტის განცხადებაში.

“ეს ისტორიული მოვლენაა, ისტორიაში პირველად ვარშავა საჰაერო თავდაცვას მიიღებს. სარაკეტო თავდაცვა ძალიან თანამედროვე, პატრიოტის სისტემის აღჭურვილობას იყენებს”,

ამის შესახებ პოლონეთის თავდაცვის მინისტრმა, მარიუშ ბლაშჩაკმა დღეს გაავრცელა.

რუსეთის პრეზიდენტმა პუტინმა განაცხადა, რომ ყუმბარის ფრაგმენტები აღმოაჩინეს ვაგნერის დამფუძნებლის, ევგენი პრიგოჟინის და სხვა ადამიანების სხეულებში, რომლებიც 23 აგვისტოს ტვერის რეგიონში ავიაკატასტროფაში დაიღუპნენ.

„საგამოძიებო კომიტეტის ხელმძღვანელმა წინა დღეს მომახსენა, რომ ავიაკატასტროფაში დაღუპულთა ცხედრებში ხელყუმბარის ფრაგმენტები იპოვეს. თვითმფრინავზე გარე ზემოქმედება არ ყოფილა. ეს უკვე დადგენილი ფაქტია – რუსეთის ფედერაციის საგამოძიებო კომიტეტის მიერ ჩატარებული ექსპერტიზის შედეგები“, – განაცხადა პუტინმა ვალდაის სადისკუსიო კლუბში საუბრისას.

მან დასძინა, რომ ალკოჰოლის და ნარკოტიკული ნივთიერებების კვალის არსებობის დასადგენად დაღუპულთა ცხედრებზე ექსპერტიზა არ ჩატარებულა, თუმცა პრიგოჟინის ოფისის ჩხრეკისას მისი თქმით 5 კგ კოკაინი აღმოაჩინეს.

პუტინის თქმით, პრიგოჟინის თვითმფრინავის ჩამოვარდნის ფაქტზე გამოძიება ჯერ არ დასრულებულა.

ევროპარლამენტმა მიიღო რეზოლუცია, რომელშიც აზერბაიჯანის ოფიციალური პირების წინააღმდეგ სანქციებს მოითხოვს. მიზეზი მთიანი ყარაბაღის წინააღმდეგ 19 სექტემბერს განხორციელებული თავდასხმაა, რომელსაც ევროპარლამენტი გმობს ა გაუმართლებელს უწოდებს. რეზოლუციაში ნათქვამია, რომ  თავდასხმის შედეგად შექმნილი ვითარება, როდესაც 100 ათასზე მეტმა სომეხმა მთიანი ყარაბაღი დატოვა, ეთნიკურ წმენდას უტოლდება.

ევროპარლამენტი ევროკავშირს მოუწოდებს, ინდივიდუალური სანქციები შემოიღოს ბაქოს ოფიციალური პირების წინააღმდეგ, რომლებიც პასუხისმგებელნი არიან ცეცხლის შეწყვეტის რეჟიმისა და ადამიანის უფლებების დარღვევებზე მთიან ყარაბაღში.

ევროპარლამენტი ასევე გმობს, თურქეთის ჩართულობას აზერბაიჯანის შეიარაღებასა და 2020 და 2023 წლების ბაქოს შეტევების მხარდაჭერისთვის. ამავდროულად, ევროპარლამენტარები ანკარას მოუწოდებენ, მისი მოკავშირე შეაკავოს.

რეზოლუციის თანახმად, ევროკავშირმა აზერბაიჯანთან ურთიერთობების “ყოველმხრივი მიმოხილვა” უნდა მოახდინოს. ევროპარლამენტარების თქმით, სტრატეგიული ურთიერთობების განვითარება აზერბაიჯანის მაგვარ ქვეყანასთან, რომელიც უხეშად არღვევს საერთაშორისო სამართალსა და საერთაშორისო ვალდებულებებს, და ადამიანის უფლებების მხრივ საგანგაშო ვითარება აქვს, ევროკავშირის საგარეო პოლიტიკის მიზნებს არ შეესაბამება.

ევროპარლამენტის რეზოლუცია ასევე მოუწოდებს ევროკავშირს აზერბაიჯანული გაზის იმპორტზე დამოკიდებულება შეამციროს, ხოლო სომხეთის წინააღმდეგ სამხედრო აგრესიის ან მნიშვნელოვანი ჰიბრიდული თავდასხმების შემთხვევაში სრულად შეწყვიტოს აზერბაიჯანული ნავთობისა და გაზის იმპორტი.

რეზოლუციას 491-მა ევროპარლამენტარმა დაუჭირა მხარი, 9 წინააღდეგ წავიდა, ხოლო 36-მა თავი შეიკავა.

“იცით, ჩვენი ევროპაში ბევრი მეგობარი გვყავს, იმიტომ რომ ის ადამიანები, ვინც თვლიან, რომ ტრადიციული ოჯახური ფასეულობები გაქრა ძალიან აგრესიულად იქცევიან, განსაკუთრებით ევროპაში და ჩრდილოეთ ამერიკაში. ამავდროულად ევროპულ ქვეყნებში იმ ადამიანების რიცხვი, რომლებიც ჩვენს შეხედულებებს იზიარებენ ძალიან მაღალია. ისინი უბრალოდ ჩუმად არიან და საკუთარ პოზიციას სხვებს თავზე არ ახვევენ”

განაცხადა ამის შესახებ, რუსეთის პრეზიდენტმა, ვლადიმერ პუტინმა.