Category: კავკასია

BBC-ს რუსული რედაქცია თეა წულუკიანის პოზიციას უკრაინის სამხედრო დახმარებასთან დაკავშირებით მასალას უძღვნის და მისი ციტატა მოჰყავს, რომელსაც, როგორც გამოცემა მიუთითებს, რუსული მედია ციტირებს:

“საქართველო უკრაინას სამხედრო დახმარებას არ გაუწევს, რათა ომში არ ჩაერთოს, განაცხადა ვიცე-პრემიერმა თეია წულუკიანმა. მის სიტყვებს რუსული საინფორმაციო სააგენტოები ციტირებენ.

“საქართველოს ხელისუფლება არ დაუშვებს საქართველოს სახელმწიფოს სამხედრო დაპირისპირებაში ჩართვას. ამიტომ, ჩვენ სამხედრო დახმარებას, რა თქმა უნდა, არ გავუწევთ სამხედრო კონფლიქტის არცერთ მხარეს”, – ციტირებს მის სიტყვებს რია ნოვოსტი.

9 იანვარს უკრაინულმა გამოცემამ „ევროპეისკაია პრავდამ“ გამოაქვეყნა საქართველოში უკრაინის საქმეთა დროებითი რწმუნებულის ანდრეი კასიანოვის სტატია, რომელიც წერდა, რომ საქართველომ უკრაინას არ გადასცა ბუკის საზენიტო-სარაკეტო სისტემები, რომლებიც კიევმა თბილისში გადასცა რუსეთის საქართველოზე თავდასხმის შემდეგ 2008 წელს.

გარდა ამისა, კასიანოვმა ასევე ახსენა ამერიკული Javelin–ის ტანკსაწინააღმდეგო სისტემები, რომელიც კიევმა საქართველოს ხელისუფლებისგანაც მოითხოვა. უკრაინელებისთვის მათ გადაცემაზე თბილისმაც უარი განაცხადა.

ამასთან, კასიანოვმა ცალკე აღნიშნა, რომ ამ უარის მიუხედავად, უკრაინა ეწინააღმდეგება ამ საკითხის შიდა პოლიტიკურ დავებში გამოყენებას და უარყოფს ნებისმიერ ბრალდებას საქართველოს რუსეთის ფედერაციასთან ომში ჩათრევის მცდელობასთან დაკავშირებით.

შემდგომში ეს უარი საქართველოში იმით ახსნეს, რომ ეს იარაღი საქართველომ იყიდა და რაიმე სხვა პირობებით არ მიუღია.

ეს გარემოება, თუ ვიმსჯელებთ რუსული პრესის პუბლიკაციებით, თეა წულუკიანმაც აღნიშნა. „რამდენადაც მე ვიცი, ჩვენ ვსაუბრობთ ისეთი იარაღის გადაცემაზე, რომელიც ჩვენ ვიყიდეთ“, – ციტირებს TASS-ს მის სიტყვებს.

კვირას საქართველოს პრეზიდენტმა სალომე ზურაბიშვილმა კატეგორიულად დაგმო რუსული სარაკეტო თავდასხმა დნიპროში საცხოვრებელ კორპუსზე, რომლის დროსაც სულ მცირე 21 ადამიანი დაიღუპა, მათ შორის ერთი ბავშვი.

მან ამ დარტყმას უწოდა მშვიდობიანი მოსახლეობის მიმართ სისასტიკის მიუღებელი დემონსტრირება, რომელიც არღვევს საერთაშორისო სამართლის ყველა ნორმას.“– წერს BBC

რუსეთის თავდაცვის სამინისტრო ე.წ. “უკრაინის ტერიტორიაზე სპეციალური სამხედრო ოპერაციის ” ყოველდღიურ შეჯამებაში საუბრობს სარაკეტო დარტყმაზე, რომლის დროსაც ერთ-ერთი რაკეტა დნეპრის საცხოვრებელ მრავალსართულიან შენობას მოხვდა.

დაახლოებით ტონა წონის ქობინით X-22 რაკეტის აფეთქების შედეგად, საცხოვრებელი კორპუსის ერთი სადარბაზო მთლიანად განადგურდა. ამ დროისთვის ნაპოვნია 21 მაცხოვრებლის ცხედარი, მათ შორის ერთი ბავშვია.

“2023 წლის 14 იანვარს განხორციელდა სარაკეტო თავდასხმა უკრაინის სამხედრო სამეთაურო-კონტროლის სისტემაზე და მასთან დაკავშირებულ ენერგეტიკულ ობიექტებზე. ყველა რაკეტა სამიზნე  ობიექტზე მოხვდა. დარტყმის მიზანი მიღწეულია”, – ნათქვამია თავდაცვის სამინისტროს ოფიციალურ განცხადებაში.

ქალაქ დნიპროში რუსული რაკეტის  მრავალსართულიან საცხოვრებელ კორპუსზე დარტყმის შედეგად დაღუპულთა რიცხვი ბოლო მონაცემებით 18 –მდე გაიზარდა.  მათ შორის ერთი ბავშვია.

14 იანვარს ნაშუადღევს, უკრაინის მორიგი მასიური დაბომბვის დროს, ერთ-ერთი რაკეტა დნიპროში ცხრასართულიან საცხოვრებელ კორპუსს მოხვდა, რის შედეგადაც მისი ერთ-ერთი სეგმენტი მთლიანად ჩამოინგრა.

სამაშველო სამუშაოები მთელი ღამის განმავლობაში გაგრძელდა. ნანგრევებიდან 38 ადამიანი გამოიყვანეს, მათ შორის ექვსი ბავშვი. დაშავდა 73 ადამიანი, მათ შორის 14 ბავშვი.

კვირას დილით, რეგიონული სამხედრო ადმინისტრაციის ხელმძღვანელმა ვალენტინ რეზნიჩენკომ განაცხადა, რომ 40 ადამიანს კვლავ ეძებენ. მისი თქმით, ამ საათისთვის დაღუპულთა რიცხვი 18-ია (მაშველები 17 მსხვერპლს ასახელებენ).

დაბომბვა შაბათს ისეთ დროს მოხდა, როდესაც ბევრი მცხოვრები, მათ შორის ბავშვები სახლში იმყოფებოდა.

ზელენსკის ოფისის უფროსის მოადგილის, კირილო ტიმოშენკოს თქმით, რუსულმა რაკეტამ მთლიანად გაანადგურა ერთი სადარბაზო – 72 ბინა, სადაც, სარეგისტრაციო ინფორმაციის თანახმად, 200-მდე ადამიანი ცხოვრობდა, მათ შორის 50-მდე ბავშვი. 16-სადარბაზოიან კორპუსში სულ 1700-მდე მოსახლეა.

„ქალაქ დნიპროში საცხოვრებელი კორპუსი დაინგრა. რუსული რაკეტის აფეთქების შედეგად მისი ყველა სართული მეორედან მეცხრემდე ჩამოიშალა. ათობით ადამიანი გადარჩა – დაჭრილები და დაშავებულები. მათ დახმარებას უწევენ. მათ შორის არიან ბავშვები. ყველაზე პატარა გოგონა სამი წლისაა. სამწუხაროდ, დაღუპულთა სია ყოველ საათში იზრდება… ვუსამძიმრებ ოჯახს და მეგობრებს”, – განაცხადა უკრაინის პრეზიდენტმა ვოლოდიმირ ზელენსკიმ საღამოს გამოსვლაში.

საცხოვრებელ კორპუსზე სარაკეტო დარტყმის შესახებ ცნობილი შაბათს, გვიან საღამოს გახდა. რუსეთი უკრაინის ტერიტორიას  რამდენიმე საათის განმავლობაში ბომბავდა.  ამ თავდასხმების სამიზნე, როგორც ადრე რუსეთის ხელისუფლებამ განაცხადა, უკრაინის ენერგეტიკული ინფრასტრუქტურის ობიექტები იყო.

შაბათს არც რუს სამხედროებს და არც რუსეთის ხელისუფლებას კომენტარი არ გაუკეთებიათ ახალ თავდასხმებზე, მათ შორის რაკეტის დარტყმის შესახებ დნიპროში მაღალსართულიან შენობაში. კომენტარის ნაცვლათ კვირა დილით, რუსეთის თავდაცვის სამინისტროს ოფიციალურმა ტელეგრამის არხმა გამოაქვეყნა რაკეტის ჩატვირთვის ფოტო წარწერით: „ ვტვირთავთ სრული დატვირთვით“.

რაკეტა X-22

უკრაინის საჰაერო ძალების წარმომადგენელმა, იური იგნატმა, რაკეტის მრავალსართულიან შენობაზე დარტყმიდან რამდენიმე საათში განაცხადა, რომ ეს იყო რუსული X-22 რაკეტა, გასროლილი Tu-22M3 ბომბდამშენით.

„რაკეტა950 კილოგრამიანი ქობინით, რომელსაც ავიამზიდების მკვლელს ეძახიან, შექმნილია ზღვაზე ავიამზიდების ჯგუფების გასანადგურებლად, ის შეიძლება აღჭურვილი იყოს ბირთვული ნაწილით. და ასეთი რაკეტა ისვრის მჭიდროდ დასახლებულ ქალაქში, სადაც ხალხია…“ – თქვა მან ტელევიზიით.

რუსეთმა უკვე გამოიყენა X-22 უკრაინის დაბომბვისას. „ასეთი რაკეტა რამდენიმე თვის წინ  კრემენჩუგის სავაჭრო ცენტრს მოხვდა “, – განაცხადა იგნატმა.

ივნისის ბოლოს, რაკეტა მოხვდა სავაჭრო ცენტრ ამსტორს, როგორც ხელისუფლება იტყობინება, დაიღუპა და დაკარგა 22 ადამიანი. რუსეთის თავდაცვის სამინისტრო მაშინ, რაკეტის ტიპის დასახელების გარეშე აცხადებდა, რომ „ზუსტი იარაღით“ დარტყმა, სავარაუდოდ, საბრძოლო მასალის საცავზე იყო მიყენებული.

უკრაინის შეიარაღებულ ძალებს არ გააჩნიათ იარაღი, რომელსაც შეუძლია  X-22 რაკეტების ჩამოგდება, მოგვიანებით განაცხადა უკრაინის საჰაერო ძალების სარდალმა მიკოლა ოლეშჩუკმა.

„2023 წლის 14 იანვარს უკრაინის ტერიტორიაზე რუსეთის საჰაერო კოსმოსური ძალების ხუთი  შორი მანძილის   Ту-22М3 ბომბდამშენიდან გასროლილი იქნა ხუთი X-22 საკრუიზო რაკეტა. გაშვებები განხორციელდა კურსკის რეგიონიდან და აზოვის ზღვიდან. 2023 წლის 14 იანვარს 15 საათსა და 30 წუთზე რაკეტა შეეჯახა მაღალსართულიან კორპუსს“, – ნათქვამია ოლეშჩუკის განცხადებაში.

”ეჭვგარეშეა, რომ ეს იყო X-22 რაკეტა,” დასძინა მან. ”უკრაინის შეიარაღებულ ძალებს არ გააჩნიათ იარაღი, რომელსაც შეუძლია ჩამოაგდოს ამ ტიპის რაკეტა. რუსეთის სამხედრო აგრესიის დაწყებიდან 210-ზე მეტი ასეთი ტიპის რაკეტა ისროლეს უკრაინის ტერიტორიაზეა, საჰაერო თავდაცვის საშუალებებით არც ერთი არ ჩამოუგდიათ “.

ამგვარად, საჰაერო ძალებმა უარყვეს უკრაინის პრეზიდენტის ოფისის უფროსის მრჩეველის, ოლექსიი არესტოვიჩის განცხადება, რომ დნიპროში რაკეტა სავარაუდოდ ჩამოაგდეს საჰაერო თავდაცვის ძალებმა ჩამოიაგდეს.

Х-22 “Буря”  (ნატოს კლასიფიკაციით AS-4 Kitchen) არის შორი მანძილის ზებგერითი საჰაერო ბაზირების ხომალდსაწინააღმდეგ საკრუიზო რაკეტა. მისი პირველი მოდიფიკაცია საბჭოთა არმიაში 1968 წელს შევიდა.

ამ რაკეტას უწოდებენ “ავიამზიდების მკვლელს”, რადგან ის თავდაპირველად  ზუსტად ამ სამიზნეების განადგურების მიზნით შეიქმნა. თუმცა, X-22-ს ბევრი მოდიფიკაცია აქვს და რომელი იყო გამოყენებული, დნიპროში, ჯერჯერობით არ კონკრეტდება.

დნიპროში დაღუპულთა გამო სამდღიანი გლოვაა გამოცხადებული.

აშშ-ში, ფილადელფიაში, ავტოსაგზაო შემთხვევის შედეგად დაიღუპა საქართველოს მოქალაქე, თორნიკე კვარაცხელია.

ოჯახი და მეგობრები 32 წლის კაცს 11 იანვრიდან ეძებდნენ, მათ შორის, სოციალური ქსელის დახმარებით.

როგორც რადიო თავისუფლებას საგარეო საქმეთა სამინისტროშიუთხრეს , ამერიკაში საქართველოს საკონსულო ინფორმირებულია ახალგაზრდა კაცის დაღუპვის შესახებ, მუდმივ კონტაქტზეა გარდაცვლილის ოჯახის წევრებთან და გარდაცვლილის გადმოსვენებასთან დაკავშირებით „განხორციელდება საჭირო პროცედურები“.

უკრაინის პრეზიდენტის აპარატის უფროსის მოადგილეის განცხადებით დნიპროში რუსულმა  რაკეტამ გაანადგურა საცხოვრებელი ცხრასართულიანი შენობის ერთი სადარბაზო. მაცხოვრებლები კი ნანგრევების ქვეშ არიან მოყოლილი.  ხალხი ნანგრევების ქვეშაა.

“უბრალოდ მონსტრები, ერთი შესასვლელიც კი არ არის. ნანგრევების ქვეშ არიან ადამიანები, რომლებიც სახლში იყვნენ შვებულებაში. მე კარგად ვიცი ეს სახლი, იქვე დავიბადე და ვცხოვრობდი იქვე. ვიცნობ ამ ხალხს. სალმიანი და მეგობრული ხალხი“, – წერს თავის Telegram არხზე უკრაინის პრეზიდენტის აპარატის უფროსის მოადგილე კირილო ტიმოშენკო.

შაბათის დილიდან რუსეთი უკრაინის ქალაქების მასიურ დაბომბვას ახორციელებს.

სხვადასხვა მედიასაშუალება და ტელეგრამ არხები ოკუპირებულ ბერდიანსკში აეროდრომზე აფეთქებების შესახებ წერენ.

ბერდიანსკის რეგიონალური სამხედრო ადმინისტრაციის ხელმძღვანელმა ვიქტორია გოლიცინამ უკრაინის საზოგადოებრივი ტელევიზიისთვის მიცემულ კომენტარში დაადასტურა, რომ ოკუპირებული ბერდიანსკის აეროდრომთან აფეთქებებია.

“ამ დროისთვის არ არსებობს დადასტურებული ინფორმაცია მოწინააღმდეგის ტექნიკის განადგურების შესახებ. იმედი გვაქვს, რომ არის, რადგან ცეცხლი ძალიან დიდია. ხანძარი ძალიან დიდია”, – განაცხადა მან.

ტელეგრამის არხები ავრცელებენ აფეთქებების ამსახველ კადრებს, სავარაუდოდ, ოკუპირებულ ბერდიანსკში, ზაპოროჟიეს რეგიონში. ასევე წერენ, რომ ბერდიანსკის აეროპორტის მიმდებარე ტერიტორიაზე სამი აფეთქება მოხდა.

ამ დღეებში OSINT-ის ექსპერტმა ბენჯამინ პიტეტმა გამოაქვეყნა აეროპორტის სატელიტური სურათები, რომლებშიც ნაჩვენებია რუსული სამხედრო ვერტმფრენები და სხვა აღჭურვილობა. ამასთან, უკრაინელმა ექსპერტებმა განაცხადეს, რომ აეროპორტი HIMARS სისტემებისთვის მიუწვდომელია.

ოკუპირებული ბერდიანსკის ხელისუფლება ამტკიცებს, რომ აფეთქება იყო ტერორისტული აქტი – სავარაუდოდ დანაღმული იყო “ბერდიანსკის ოლქის სამხედრო-სამოქალაქო ადმინისტრაციის უფროსის” ალექსეი კიჩიგინის მანქანა.

ამერიკული გაზეთი The New York Times, თავის ანალიზში უკრაინაში არსებული ვითარების შესახებ, განიხილავს, თუ რატომ გადაწყვიტა ბოლო რამდენიმე კვირის განმავლობაში დასავლეთის ზოგიერთმა ქვეყანამ მოულოდნელად გაეგზავნა კიევში იარაღი, რომლის გადაცემაზე მანამდე უარს ამბობდა.

აშშ-მ და გერმანიამ – უზრუნველყო Patriot-ის უახლესი საჰაერო თავდაცვის სისტემები. საფრანგეთმა, გერმანიამ, დიდმა ბრიტანეთმა, პოლონეთმა და ისევ შეერთებულმა შტატებმა დაამტკიცა სხვადასხვა ჯავშანტექნიკის გაგზავნა.

NYT-ის კორესპონდენტების თქმით ეს იმით არის განპირობებული,  რომ უკრაინას ძალიან მცირე ფანჯარა აქვს დარჩენილი რუსული არმიის შესაძლო საგაზაფხულო შეტევისთვის მოსამზადებლად და ეს კარგად იცის დასავლეთმა.

უკრაინის შეიარაღებული ძალების მთავარსარდალმა ვალერი ზალუჟნიმ ცოტა ხნის წინ განაცხადა, რომ ბრძოლის ველზე ინიციატივის სრულად დასაუფლებლად, უკრაინის ჯარს სჭირდება დასავლური სტილის დაახლოებით 300 მძიმე ტანკი და 600 ერთეული სხვა ჯავშანტექნიკა.

ამერიკული გამოცემის მიხედვით, ალბათ ახლა ამ მოთხოვნის განხორციელების პირველი ეტაპის მომსწრენი ვართ.

ამერიკელმა მსახიობმა და კალიფორნიის ყოფილმა გუბერნატორმა არნოლდ შვარცენეგერმა უკრაინელებს ევროვიზიის 2022 წლის გამარჯვებული უკრაინული ჯგუფის Kalush Orchestra-ის ახალი ვიდეოს დასაწყისში მიმართა.

ვიდეოს დასაწყისში შვარცენეგერი ამბობს: “განსაკუთრებით ახლა, ამ ძალიან რთულ დროს. ყველას შეუძლია ოცნება. და ყველას შეუძლია მისი ასრულება.”

ვიდეოს დასასრულს კი ის ვიზუალურადაც ჩნდება  წარმოთქვამს სიმღერის სახელს უკრაინულად – “Shchedry Vechir”.

პუტინის შეჩერება ძალმოსილ ჯარს, სწორი შეიარაღებით და სწორი მოტივაციით, შეუძლია. მისი შეჩერება უკრაინის ჯარს შეუძლია- ამბობს ბილ ბროუდერი, მსოფლიოში ცნობილი “მაგნიტკსის აქტის” თანაავტორი და ფინანსისტი.

ბროუდერი, უკვე წლებია, რაც პუტინის ხელისუფლებას ებრძვის და კარგად იცნობს მას. ფინანსიტისა და ადამიანის უფლებებისთვის მებრძოლის თქმით, პუტინის ერთადერთი მიზანი ძალაუფლების შენარჩუნება და საკუთარი თავის გადარჩენაა.  “ამერიკის ხმასთან” ინტერვიუში ბროუდერი ამბობს, რომ  პუტინს მხოლოდ ერთი რამ ადარდებს და ეს ძალაუფლებაში დარჩენაა.  “თუ ის ძალაუფლებას დაკარგავს, მაშინ ის ციხეში წავა, ფულს დაკარგავს და მოკვდება. ასე რომ, ისაა პატარა კრიმინალი, რომელიც სასოწარკვეთილად ცდილობს გადარჩეს. ამისთვის კი აბსოლუტურად ყველაფერს გაწირავს.

ერთი რამ, რაც მას შეაჩერებს, არის ძალმოსილი ჯარი, შესაბამისი იარაღით და სწორი მოტივაციით. უკრაინელებს შეუძლიათ მისი შეჩერება, თუ საკმარისი იარაღი ექნებათ ამის გასაკეთებლად. მათ ახლა აქვთ საკმარისი იარაღი იმისთვის, რომ არ წააგონ, მაგრამ იმისთვის, რომ მოიგონ, მეტი სჭირდებათ.

თუ უკრაინელები გააგრძელებენ ბრძოლას ახლანდელი ტრაექტორიით და მათ მეტ, უფრო ძლევამოსილ იარაღს მისცემენ, მაშინ ისინი შეძლებენ, რომ რუსები სამხედრო შესაძლებლობით 30 წლით უკან დახიონ.“– ამბობს ბროუდერი.

რაც შეეხება დასავლეთის დახმარებას უკრაინისადმი, ბროუდერი თვლის, რომ ის საკმარისი არ არის:

“ჩვენ მეტი იარაღი, უფრო დიდი, უფრო მომაკვდინებელი იარაღი უნდა მივაწოდოთ უკრაინას. თებერვლის შემდეგ, ყველაფერი [იარაღის მიწოდებასთან დაკავშირებით] ყოველთვის იყო ოდნავ უფრო ცოტა და ოდნავ უფრო დაგვიანებული, ვიდრე საჭირო იყო.“– ამბობს ის.

წყარო: ამერიის ხმა