Category: არქივი

შსს-ში  სახალხო დამცველსა და პრაიდის ორგანიზატორებთან შეხვედრა გაიმართა. სახალხო დამცველის  ნინო ლომჯარიას განცხადებით, შსს-ს პოზიციაა, რომ თბილისი პრაიდი უსაფრთხოების ზომებიდან გამომდინარე არ უნდა ჩატარდეს, თუმცა ორგანიზატორები საბოლოოს გადაწყვეტილებას თავად მიიღებენ კონსულტაციების შემდეგ.

„მათი მხრიდან ითქვა, რომ არ ჩატარდეს პრაიდი, ვინაიდან ეს არის დაკავშირებული უსაფრთხოების სერიოზულ რისკებთან. ეს იყო ძირითადი განხილვის თემა. რა თქმა უნდა, გადაწყვეტილებას უკვე მიიღებს თემის წარმომადგენლები, რადგან მათ ალბათ, უნდა გაიარონ კონსულტაციები შიგნით, ორგანიზაციებში.

შეხვედრაზე იყო ასევე საუბარი სხვადასხვა პრობლემასა და საკითხებზე, რაც აწუხებს ლგბტ თემს, მათ შორის მათი მხრიდან იყო მოთხოვნა დაყენებული, რომ გარკვეული პოლიტიკური განცხადებები და შეფასებები გაკეთდეს ამ ვითარების შესაფასებლად და ასევე, ისაუბრეს გარკვეულ რეკომენდაციებზე, რაც სურთ, რომ ხელისუფლებამ გაატაროს მათი უფლებების დასაცავად. თუმცა, ძირითადი საკითხი იყო უსაფრთხოება. რაც შეეხება პრაიდს, შსს-მ თქვა, რომ ეს პრაიდი არ ჩატარდეს. რაც შეეხება სხვა დანარჩენ ღონისძიებებს, კულტურული თუ სხვა ტიპის ღონისძიებები, რაც არის დაგეგმილი, ამასთან დაკავშირებით გამოითქვა შინაგან საქმეთა სამინისტროს მხრიდან მზაობა, რომ გაკეთდება მაქსიმუმი მათი უსაფრთხოების დასაცავად, თუმცა რაც შეეხება პრაიდს ღია სივრცეში, ამასთან დაკავშირებით მათი მხრიდან იყო ცალსახად გაკეთებული, დაფიქსირებული პოზიცია, რომ, ძალიან გაჭირდება უსაფრთხოების დაცვა,“- განაცხადა ნინო ლომჯარიამ.

ოთხი უცხოელი ტურისტი მწვერვალ თეთნულდზე ადიოდა, რა დროსაც ერთ-ერთი მამაკაცი სიმაღლიდან გადმოვარდა და ადგილზე გარდაიცვალა.

შემთხვევის ადგილზე შინაგან საქმეთა სამინისტროს სასაზღვრო პოლიციის ვერტმფრენით საგანგებო სიტუაციების მართვის სამსახურის განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების მაშველები გავიდნენ.

საგანგებო სიტუაციების სამსახურის ცნობით, საძიებო სამუშაოების შემდეგ გარდაცვლილი ტურისტი მთის ფერდობზე იპოვნეს და მესტიაში გადმოასვენეს. დანარჩენმა ტურისტებმა მაშველების დახმარებაზე უარი თქვეს და მესტიისკენ გზა ფეხით გააგრძელეს.უწყების ინფორმაციით, მათთან მუდმივ კავშირზე იმყოფება სამაშველო სამსახური, ტურისტების ჯანმრთელობას საფრთხე არ ემუქრება.

შინაგან საქმეთა სამინისტრომ მომხდარ ფაქტზე გამოძიება უკვე დაიწყო.

აფხაზეთში ადგილობრივებმა ტურისტი მამაკაცი “კაბის” ტარების გამო სცემეს.

კადრები “სოჩინიუსის” ფეისბუქ გვერდზე გამოჩნდა.ვიდეო ერთ-ერთმა ტურისტმა აფხაზეთში სტუმრობის დროს გადაიღო.

კადრებში ჩანს, როგორ ესხმიან თავს მამაკაცს, რომელსაც შოტლანდიური კილტი აცვია. ვიდეოს სოციალური ქსელის მომხმარებლების არაერთგვაროვანი რეაქციები მოჰყვა, მათი ნაწილი აღშფოთებას გამოტქვამს მომხდარის გამო, ნაწილი კი  თვლის, რომ მამაკაცმა აფხაზეთში კაბით არ უნდა იაროს.

მეუფე პეტრე სინოდის საგანგებო სხდომის ჩანიშვნას ითხოვს. ჭყონდიდელი მიტროპოლიტის თქმით, სწორედ მღვდელმთავრებმა უნდა იმსჯელონ იმ დაპირისპირებაზე, რომელიც საზოგადოებაში „თბილისი პრაიდის“ ჩატარებასთან დაკავშირებით გაჩნდა.

მეუფე პეტრე ამბობს, რომ უმჯობესი იყო სხდომა რამდენიმე დღის წინ გამართულიყო და საპატრიარქოს ნაცვლად დაპირისპირებული მხარებიისადმი მიმართვის წერილი სინოდის წევრებს გაევრცელებინათ.

მეუფე პეტრემ ასევე ისაუბრა ლევან ვასაძის მიერ დაანონსებულ ე.წ. კომბლების რევოლუციაზე. მისი თქმით, საზოგადოება ბოროტებას სიკეთით უნდა ებრძოლოს, ხოლოდ ძალადობა მხოლოდ სიტყვებით არ უნდა იქნას დაგმობილი, საჭიროა შესაბამისი ქმედითი ნაბიჯების გადადგმა.

„ჩვენ უნდა ვიცოდეთ, რომ უნდა დავგმოთ ყოველივე ცოდვა და უზნეობა უწმინდურობა და მით უმეტეს ცოდვის პროპაგანდა, მაგრამ ასევე უნდა ვიცოდეთ,რომ ბოროტებას უნდა ვებრძოლოთ სიკეთით, უწმინდურობას უნდა ვებრძოლოთ სიკეთით და ძალადობა კი უნდა დავგმოთ არამხოლოდ სიტყვით და განცხადებით, არამედ საქმით,“-ამბობს მეუფე პეტრე.

ზუსტი თარიღი უცნობია, თუმცა სავარაუდოდ, სინოდის სხდომა უახლოეს დღეებში გაიმართება. მღვდელმთავრები სხდომაზე წელიწადში ორჯერ – გაზაფხულზე და შემოდგომაზე იკრიბებიან, წელს გაზაფხულის სინოდის სხდომა არ ჩატარებულა.

სოდომის ცოდვა ეკლესიამ ჯერ თავის წიაღში უნდა დაამარცხოს – მეუფე პეტრე ბოლო დღეებში მიმდინარე მოვლენებს მკაცრ შეფასებას აძლევს.

ჭყონდიდელი მიტროპოლიტი ლგბტ თემის მიმართ გამოთქმულ მუქარის შემცველ განცხადებებს ეხმაურება და ამბობს, რომ ჯერ კიდევ 80-იან წლებში ეკლესიაში სოდომური ცოდვის პრობლემებზე ზვიად გამსახურდია წერდა, თუმცა ეკლესიამ ბრძოლას თავი აარიდა.

მეუფე პეტრეს განცხადებით, მხოლოდ ამის შემდეგ შეძლებს ეკლესია საკუთარ სულიერ შვილებზე ზრუნვას. მანამდე კი ყველა განცხადება, სასულიერო თუ საერო პირის სანდოობით არ სარგებლობს.

​„წამახალისებელია ამ მოვლენების ის ფაქტი, რომ ეკლესიამ თავის წიაღში არ გამოუცხადა ბრძოლა, მიუხედავად, ჯერ კიდევ 80-იან წლებში, ეროვნული ლიდერის, პირველი პრეზიდენტის, ბატონ ზვიად გამსახურდიას წერილისა და მისი მოწოდებისა, რომ ეკლესიის წიაღში არის პრობლემები და სოდომური ცოდვის წინააღმდეგ შიგნით უნდა დაწყებულიყო ბრძოლა. დღესაც ვფიქრობ არ არის დაგვიანებული და ადამიანები, საერონი თუ სასულიერონი, რომლებიც გამოდიან თითქოს უკომპრომისოდ ებრძვიან უზნეობას, უწმინდურობას, პიდარასტიას, მამათმავლობის პროპაგანდას და უღმერთოებას ეს ადამიანები ამავე დროს არიან კომპრომისულ დამოკიდებულებაში ეკლესიის შიგნით წიაღში და არიან კომფორმისტები. აქედან გამომდინარე მათი სანდოობა არ არის მაღალი ხარისხის,“-ამბობს მეუფე პეტრე.

(more…)

ფრანგული მედიის ინფორმაციით, ბრაზილიელ სუპერვარსკვლავს პარი სენ-ჟერმენის დატოვება ამ ზაფხულშივე სურს.

მედიაში არ წყდება ჭორები იმის შესახებ, რომ ნეიმარი უკმაყოფილოა გუნდში არსებული სიტუაციით და მისი აზრით, ამ გუნდს ჩემპიონთა ლიგის მოგების პერსპექტივა არ გააჩნია. აქედან გამომდინარე, ის აქტიურად ეძებს ახალ კლუბს.

თუმცა აქამდე ცნობილი არ იყო რას ფიქრობდა პარიზული კლუბის უფროსობა ბრაზილიელი ფეხბურთელის გასხვისებასთან დაკავშირებით. როგორც აღმოჩნდა, არც კლუბის პრეზიდენტი ნასერ ალ ხელაიფი არ არის წინააღმდეგი ნეიმარს შეელიოს, მაგრამ გუნდს, რომელსაც თავდამსმხელის საკუთარ რიგებში ხილვა სურს შესაბამისი საფასურის გადახდაც მოუწევს. 

თუ ვინ იქნება ის კლუბი, ვინც ნეიმარის გადაბირებას ეცდება და რა თანხა დაუჯდება მათ ეს ტრანსფერი ჯერ-ჯერობით უცნობია. ნეიმარის მომავალს მადრიდის რეალს აწერდნენ, თუმცა მადრიდულმა კლუბმა ამ ზაფხულში რეკორდული თანხა დახარჯა ტრანსფერებში და ნაკლებ სავარაუდოა ისინი ნეიმარით კვლავ დაინტერესებულნი იყვნენ. ასევე საუბარი იყო ნეიმარის ბარსელონაში დაბრუნებაზეც. 

საქართველოს პრემიერ-მინისტრმა მამუკა ბახტაძემ ტრადიციულ ბრიფინგზე ჟურნალისტების შეკითხვებს უპასუხა, ერთ-ერთი შეკითხვა ლგბტ თემის გამოხატვის უფლებებს შეეხო. ბახტაძის აზრით, ეს თემა საზოგადოებისთვის ხელოვნურად არის თავს მოხვეული.

“მე ვფიქრობ ეს საკითხი არის ხელოვნურად მოხვეული და ემსახურება იმას რომ საქართველოში იყოს აგრესიული დღის წესრიგი. მე არ ვფიქრობ რომ ეს საკითხი საქართველოში არის პრობლემური

საქართველოს აქვს კანონმდებლობა თითოეული ადამიანის უფლებები არის დაცული, ჩემი აზრით, ხდება ამ პრობლემის გაზვიადება საქართველოში თავზე მოხვევა საზოგადოებისთვის, ვინაიდან თითოეული ადამიანის უფლება არის დაცული, პრობლემა არის საქართველოში ოკუპაცია და სიღარიბე..საქრთველოში არის გამოხატვის თავისუფლება უზრუნველყოფილი, ისევე როგორც უსაფრთხოება’-განაცხადა ბახტაძემ. 

თიბისის ორგანიზებითა და ფონდი EFSE-ს მხარდაჭერით, რეგიონული ბიზნესფორუმები გრძელდება. აჭარისა და იმერეთის შემდეგ, ფორუმის მონაწილეები ამჯერად კახეთში შეიკრიბნენ.

ბიზნესფორუმში მონაწილეობა იმ მცირე და საშულო მეწარმეებმა მიიღეს, რომლებიც კახეთის რეგიონში საქმიანობენ.

ღონისძიებაზე დამსწრე აუდიტორიას ბიზნესისთვის აქტუალურ საკითხებზე ინფორმაცია დარგის ექსპერტებმა მიაწოდეს. 9 სპიკერი თიბისის ბიზნესკლიენტების წინაშე სხვადასხვა აქტუალური თემით წარდგა. სესია თიბისის გენერალური დირექტორის მოადგილემ – ნიკოლოზ ქურდიანმა გახსნა და მან ბიზნესში მიმდინარე თანამედროვე ტენდენციებზე ისაუბრა – რატომ უნდა გახდეს ყველა ბიზნესი ციფრული და რა როლი აქვს მარკეტინგს ბიზნესის განვითარებაში.

შემდეგი სპიკერი ნინო ოხანაშვილი იყო. HR-ის მიმართულებით მრავალწლიანი საკონსულტაციო გამოცდილებით, მან ლიდერობის ხელოვნებაზე ისაუბრა და შეეცადა პასუხი გაეცა კითხვისთვის – „როგორ უნდა გახდეს ლიდერი სხვებისთვის მოტივატორი?“

მცირე მეწარმის წინაშე არსებულ გამოწვევებზე NEXIA TA-ს მმართველმა პარტნიორმა – გელა მღებრიშვილმა ისაუბრა; აგროეკოლოგმა – დავით ბირკაძემ აგროტურიზმის შესახებ; SavvY Consulting მმართველმა პარტნიორმა – მარიამ ქოიავამ კი IFRS-ის სიახლეები, რეგულაციები და უპირატესობები გააცნო ფორუმზე შეკრებილ მეწარმეებს.

ფორუმი თიბისის სოციალური პასუხისმგებლობის მენეჯერმა – ალექსანდრე მაყაშვილმა დაასრულა თემით – „თავი თუ სახელი“ ანუ ნდობა, როგორც მთავარი აქტივი ბიზნესში.

ამით ფორუმის პირველი ნაწილი დასრულდა. შემდეგ მონაწილეები ინტერესის სფეროების მიხედვით, თავიანთი სურვილისამებრ ვორქშოპებზე გადანაწილდნენ. მათ არჩევანი შემდეგ თემებს შორის გააკეთეს:

· „ყურადღების მიპყრობის ერა ანუ მარკეტინგის ციფრული ტრანსფორმაცია“ – ვორქშოპი თიბისის ციფრული მარკეტინგის უფროსმა მენეჯერმა – ტატო ნორაკიძემ ჩაატარა.

· „როგორ წამოვიწყოთ ექსპორტი“ – ამ თემაზე ექსპორტის განვითარების სააგენტოდან გვანცა მელაძემ ისაუბრა;

· „სასტუმრო მასპინძლობის ინდუსტრიაში“ – სასტუმროების ბიზნესის თავისებურებეზე აგარარული უნივერსიტეტის ლექტორმა – ქეთევან ალიმბარაშვილმა ისაუბრა.

· „როგორ შევაფასოთ საოპერაციო გადაწყვეტილებები ბიზნესში“ – ამ კითხავაზე პასუხის გაცემას შალვა ახრახაძე შეეცადა, რომელიც საკონსულტაციო კომპანიის – „ფინანსური ლაბორატორიის“ მმართველი პარტნიორია.

ვორქშოპების დასრულების შემდეგ ფორუმის მონაწილეებს ერთმანეთის და მოწვეული სპიკერების უკეთ გაცნობის საშუალება ჰქონდათ. ბიზნესფორუმი აჭარისა, იმერეთის და კახეთის შემდეგ საქართველოს სხვა რეგიონებში ჩატარდება.