„ინდოეთი რუსულ ნავთობს არა მხოლოდ დიდი რაოდენობით ყიდულობს, არამედ შეძენილი ნავთობის დიდ ნაწილს დიდი მოგების სანაცვლოდ ღია ბაზარზე ყიდის. მათ არ ადარდებთ, რამდენი ადამიანი იღუპება უკრაინაში რუსეთის სამხედრო მანქანის მიერ. ამიტომ, მნიშვნელოვნად გავზრდი ტარიფს, რომელსაც ინდოეთი აშშ-ს გადაუხდის”
ამის შესახებ აშშ-ის პრეზიდენტი, დონალდ ტრამპი Truth Social-ზე წერს.
შეერთებული შტატების პრეზიდენტმა, დონალდ ტრამპმა, 2 ბირთვული წყალქვეშა ნავის რუსეთის სიახლოვეს განლაგების ბრძანება გასცა. ინფორმაციას Reuters-ი ავრცელებს.
ტრამპმა მედვედევის განცხადებას, “უკიდურესად პროვოკაციული” უწოდა, რის შემდეგაც მიიღო გადაწყვეტილება, რომ 2 ბირთვული წყალქვეშა ნავი შესაბამის რეგიონებში განთავსდეს – ”იმ შემთხვევისთვის, თუ ეს უგუნური და გამაღიზიანებელი განცხადებები მხოლოდ სიტყვებზე მეტი აღმოჩნდება”.
”რუსეთის ყოფილი პრეზიდენტის, დმიტრი მედვედევის ( რომელიც ამჟამად რუსეთის ფედერაციის უშიშროების საბჭოს თავმჯდომარის მოადგილეა) უკიდურესად პროვოკაციული განცხადებების საფუძველზე, გავეცი ბრძანება, რომ 2 ბირთვული წყალქვეშა ნავი შესაბამის რეგიონებში განთავსდეს – იმ შემთხვევისთვის, თუ ეს უგუნური და გამაღიზიანებელი განცხადებები მხოლოდ სიტყვებზე მეტი აღმოჩნდება. სიტყვებს დიდი მნიშვნელობა აქვს და ხშირად მათ შეიძლება მოულოდნელ შედეგებამდე მიგვიყვანოს. ვიმედოვნებ, რომ ეს შემთხვევა ერთ-ერთი მათგანი არ იქნება. მადლობა, რომ ყურადღება მიაქციეთ ამ საკითხს” – აცხადებს დონალდ ტრამპი.
”ტრამპის მიერ ჩემს მიმართ გამოთქმული მუქარის შესახებ მის პირად ქსელში Truth Social-ში, რომელსაც მან ჩვენს ქვეყანაში ოპერირება აუკრძალა – თუ რუსეთის ყოფილი პრეზიდენტის ზოგიერთი სიტყვა აშშ-ის ძლევამოსილ პრეზიდენტში ასეთ ნერვულ რეაქციას იწვევს, მაშინ რუსეთი ყველაფერში მართალია და გააგრძელებს საკუთარი გზით სიარულს,” – განაცხადა მედვედევმა.
ცნობისთვის, თავდაპირველად ტრამპის განცხადებას, უკრაინაში ცეცხლის შეწყვეტის მისაღწევად პუტინისთვის მიცემული ვადის 10 დღემდე შემცირების შესახებ მედვედევი გამოეხმაურა და ტრამპს მოუწოდა – “ნუ გაჰყვებით მძინარე ჯოს გზას”. რაზეც ტრამპმა მედვედევს უპასუხა – “გადაეცით მედვედევს, რუსეთის წარუმატებელ ექს პრეზიდენტს, რომ სიტყვებს დაუკვირდეს – ის ძალიან სახიფათო ტერიტორიაზე შედის!”
თუ რუსეთის ყოფილი პრეზიდენტის ზოგიერთი სიტყვა ასეთ ნერვულ რეაქციას იწვევს აშშ-ს ძლევამოსილ პრეზიდენტში, მაშინ რუსეთი ყველაფერში მართალია და საკუთარი გზით გააგრძელებს სიარულს.
რაც შეეხება ინდოეთისა და რუსეთის “მკვდარ ეკონომიკას” და “სახიფათო ტერიტორიაზე შესვლას” – კარგი, გაიხსენოს თავისი საყვარელი ფილმები “მოსიარულე მკვდრებზე” და ასევე, თუ რამდენად საშიში შეიძლება აღმოჩნდეს ბუნებაში არარსებული “მკვდარი ხელი”
„არ მაინტერესებს, რას აკეთებს ინდოეთი რუსეთთან. შეუძლიათ თავიანთი მკვდარი ეკონომიკები ერთად ჩამოშალონ, რადგან ეს ჩემთვის აბსოლუტურად სულერთია. ინდოეთთან ძალიან მცირე ეკონომიკური ურთიერთობები გვაქვს — მათი ტარიფები ერთ-ერთი ყველაზე მაღალია მსოფლიოში. ასევე, რუსეთსა და აშშ-ს შორის თითქმის არანაირი ეკონომიკური კავშირი არ არსებობს. მოდით, ასე დავტოვოთ და გადაეცით მედვედევს, რუსეთის წარუმატებელ ყოფილ პრეზიდენტს, რომელსაც ჰგონია, რომ ჯერ კიდევ პრეზიდენტია, რომ სიტყვებს დაუკვირდეს. ის ძალიან სახიფათო გზას ადგას!“,
ამის შესახებ აშშ-ის პრეზიდენტი, დონალდ ტრამპი სოციალურ პლატფორმა Truth Social-ზე წერს.
“დღეს პრეზიდენტმა ტრამპმა ძალიან მნიშვნელოვანი განცხადება გააკეთა. ეს სიმართლეა: სწორედ რუსეთი აკეთებს ყველაფერს სამშვიდობო ძალისხმევის ჩასახშობად და ომის გასაჭიანურებლად. ყოველ ღამე ხდება დარტყმები – რუსეთის მუდმივი მცდელობები, ზიანი მიაყენოს უკრაინას. მართლაც, მშვიდობა შესაძლებელია, თუ ჩვენ ძლიერად და გადამწყვეტად ვიმოქმედებთ. არაერთხელ განვაცხადეთ – და ყველა პარტნიორმა იცის ეს – რომ სანქციები მთავარი ელემენტია. რუსეთი მხედველობაში იღებს სანქციებს, ასეთ დანაკარგებს. მშვიდობა სიძლიერის დახმარებით შესაძლებელია.
უკრაინა, როგორც ყოველთვის, მზადაა ითანამშრომლოს ამერიკასთან, პრეზიდენტ ტრამპთან, რაც შეიძლება პროდუქტიული გზით, რათა ეს ომი ღირსეულად და ხანგრძლივი მშვიდობით დასრულდეს. მადლობას ვუხდი უკრაინის საგარეო პოლიტიკის გუნდს. ყველას, ვინც ამისთვის – ამერიკასთან ჭეშმარიტად მნიშვნელოვანი ურთიერთობისთვის, მუშაობს“,
უკრაინის პრეზიდენტი, ვოლოდიმირ ზელენსკი დონალდ ტრამპის მიერ გაკეთებულ განცხადებას ეხმაურება.
აშშ-ს პრეზიდენტის, დონალდ ტრამპის რუსეთისთვის უკრაინასთან შეთანხმების მისაღწევად მიცემული 50-დღიანი ულტიმატუმის ვადას 10-12 დღემდე ამცირებს. ამის შესახებ მან შოტლანდიაში ვიზიტისას, დიდი ბრიტანეთის პრემიერ-მინისტრ კიტ სტრამერთან გასამართი შეხვედრის წინ თქვა.
“მე ვაპირებ ახალ ვადა დავაწესო, დღეიდან დაახლოებით 10 ან 12 დღის განმავლობაში. ლოდინის არანაირი მიზეზი არ არსებობს. იყო 50 დღე, მინდოდა გულუხვი ვყოფილიყავი, მაგრამ ჩვენ უბრალოდ ვერ ვხედავთ რაიმე პროგრესს”, – განაცხადა მან.
4 ივლისს ტრამპმა NATO-ს გენერალურ მდივანთან, მარკ რუტესთან ერთად თეთრ სახლში გამართულ პრესკონფერენციაზე თქვა, რომ თუ 50 დღეში [რუსეთსა და უკრაინას შორის] შეთანხმება არ იქნება მიღწეული, აშშ [რუსეთთან მიმართებით] მეორად სანქციებს დააწესებს”.
„გვესმის, რომ ამ ყველაფერს დრო და მოთმინება სჭირდება, მაგრამ იმედგაცრუებულები ვართ, რომ მეტი პროგრესი არ იქნა მიღწეული. აშშ-ს უკრაინაში კონფლიქტის დასრულების მიზნით სამოქმედო გეგმის ნახვა სჭირდება.[…] მე ამას ვერ დავახასიათებდი, როგორც რაღაცას, რაც მშვიდობის გარანტიას იძლევა, მაგრამ ეს კონცეფციაა, რომელსაც დღეს პრეზიდენტს გავაცნობ“,
ამის შესახებ აშშ-ის სახელმწიფო მდივანმა, მარკო რუბიომ მალაიზიაში, რუსეთის საგარეო საქმეთა მინისტრთან, სერგეი ლავროვთან გამართული შეხვედრის შემდეგ განაცხადა.
დონალდ ტრამპმა ვლადიმირ ზელენსკის განუცხადა, რომ უკრაინისთვის სამხედრო დახმარების შეწყვეტის ბრძანება არ გაუცია, იუწყება ამერიკული გამოცემა Wall Street Journal, რომელიც ეყრდნობა იმ პირებს, ვინც ამერიკისა და უკრაინის პრეზიდენტების ბოლო სატელეფონო საუბრის შინაარსს იცნობს.
როგორც Wall Street Journal წერს, ტრამპმა პარასკევს ზელენსკის უთხრა, რომ მისი მითითებით მხოლოდ ამერიკული საბრძოლო მასალის მარაგების აუდიტი ჩატარდა – მას შემდეგ, რაც აშშ-მა ირანში ბირთვულ ობიექტებზე დარტყმები განახორციელა.
„მაგრამ მან განაცხადა, რომ არ მიუცია ბრძანება თავდაცვის სამინისტროსთვის, შეეჩერებინა შეიარაღების მიწოდება,“ – უთხრეს გამოცემას წყაროებმა.
ორშაბათს ტრამპმა დაადასტურა, რომ შეერთებული შტატები უკრაინას ახალ სამხედრო დახმარების პარტიებს გაუგზავნის, ხოლო პენტაგონმა მაშინვე გამოაცხადა, რომ ამ მიწოდებას უკვე იწყებს.
ტრამპმა თქვა, რომ ამერიკას ისევ მოუწევს უკრაინისთვის იარაღის მიწოდება. პენტაგონმა მაშინვე განაცხადა, რომ უკვე იწყებს გადაზიდვებს.
მანამდე გავრცელდა ინფორმაცია, რომ აშშ-მ დროებით შეაჩერა კიევისთვის იარაღის, მათ შორის „პატრიოტის“ საჰაერო თავდაცვის რაკეტების, ჭურვებისა და სხვა რაკეტების მიწოდება. ოფიციალურად ეს ახსნილი იყო ამერიკული მარაგების ამოწურვით, თუმცა ჟურნალისტები იუწყებოდნენ, რომ რეალურად ამერიკული შეიარაღების ოდენობა შეშფოთებას არ იწვევდა.
დონალდ ტრამპის ხელისუფლებაში მოსვლის შემდეგ, მის მიერ დანიშნულმა თავდაცვის მინისტრმა პიტ ჰეგსეტმა უკვე სამჯერ შეაჩერა უკრაინისთვის იარაღის მიწოდება. ყველა ამ შემთხვევაში ეს გადაწყვეტილება რამდენიმე დღეში უქმდებოდა და სამხედრო დახმარება კვლავ აღდგა.
“ჩვენ უფრო მეტ იარაღს გავუგზავნით. ჩვენ ეს უნდა გავაკეთოთ. მათ უნდა შეეძლოთ თავის დაცვა. ახლა ისინი ძალიან ძლიერ დარტყმას იღებენ. ჩვენ მოგვიწევს მეტი იარაღის გაგზავნა, პირველ რიგში, თავდაცვითი იარაღის. მაგრამ ისინი ძალიან, ძალიან ძლიერ დარტყმას იღებენ. ამ არეულობაში უამრავი ადამიანი იღუპება.[…]გულწრფელად რომ ვთქვა, იმედგაცრუებული ვარ, რომ პრეზიდენტი პუტინი არ ჩერდება. მე არ ვარ კმაყოფილი ამით”,
განაცხადა შეერთებული შტატების პრეზიდენტმა, დონალდ ტრამპმა.
“არ მინდა სპეკულაცია ქართული ოცნების მოტივებზე, მაგრამ საკუთარ თავს უნდა დაუსვათ შეკითხვა – ბოლო ერთი წლის, წელიწად-ნახევრის განმავლობაში რა მიზნით გადადგეს მათ ნაბიჯების მთელი წყება, რომელმაც ასე გაართულა მათი ურთიერთობები უდიდეს პარტნიორებსა და მოკავშირეებთან?
მთავრობა ბევრს ლაპარაკობს, მაგალითად, სუვერენიტეტზე. ჩვენ ვართ საქართველოს სუვერენიტეტის უდიდესი მხარდამჭერები. ჩვენ ვართ ოკუპირებული ტერიტორიების შესახებ გაეროს ყოველწლიური რეზოლუციის უდიდესი მხარდამჭერები. ჩვენ, ფაქტობრივად, ხმების მოპოვებაში ვეხმარებით საქართველოს ხელისუფლებას. ჩვენ და ევროპელები ვართ ჟენევის საერთაშორისო დისკუსიების (GID) ძლიერი მხარდამჭერები, ყოველ რაუნდზე, მას შემდეგ რაც GID დაიწყო. ჩვენ დავეხმარეთ ქვეყნის აღდგენას 2008 წელს რუსეთის შემოჭრის შემდეგ. ჩვენ ხელი შევუწყვეთ სანდო შეკავების ძალის შექმნას საქართველოს თავდაცვის ძალებსა და სანაპირო დაცვაში. ეს არის, რაც ჩვენ გავაკეთეთ. და მაინც, ქართული ოცნება ყოველდღე საჯაროდ აცხადებს, რომ ჩვენი პარტნიორობა არაფერს ნიშნავს და ელოდება, თუ რას გავაკეთებთ ჩვენი პარტნიორობის სწორ გზაზე დასაყენებლად. და აგრძელებს უარყოფითი რაღაცების თქმას შეერთებულ შტატებსა და ზოგადად დასავლეთზე, რითაც კიდევ უფრო მეტად ახდენს აშშ-სგან იზოლაციას. რატომ? – ნამდვილად რთულია ეს გაიგო.
მე არ უნდა მივმართავდე სპეკულაციას, მაგრამ, ვინაიდან მან ეს თავად თქვა, შემიძლია ვივარაუდო, რომ ბიძინა ივანიშვილი თავის პირად ინტერესებს აყენებს ქვეყნის ინტერესებზე მაღლა. და მე ამას იმიტომ ვამბობ, რომ ჩვენ მოვითხოვეთ მასთან შეხვედრა. ტრამპის ადმინისტრაციამ მოითხოვა, რომ მე მას შევხვედროდი და გადამეცა წერილი. მე მოვითხოვე მასთან შეხვედრა ბაიდენის ადმინისტრაციის დროს, რომ გვემსჯელა, როგორ დაგვებრუნებინა ჩვენი ურთიერთობა სწორ გზაზე და მან უარი განაცხადა. ამ უარის მის მიერ გამოცხადებული მიზეზი იყო ის, რომ ის სანქცირებულია. მე მგონია, რომ თუკი ქვეყნის დე ფაქტო ლიდერს არ სურს შეხვდეს აშშ-ის ხელმძღვანელობას ან მიიღოს გზავნილი ტრამპისგან, ის ფაქტობრივად თავის პირად ინტერესებს აყენებს ქართველი ხალხის ინტერესებზე მაღლა”.
აცხადებს აშშ-ს ელჩი საქართველოში, რობინ დანიგანი რადიო თავისუფლებასთან ინტერვიუში.