Tag: ბიძინაივანიშვილი

მას შემდეგ რაც, საქართველოშ დანიის ელჩმა, ანე ტოფტ სორენსენმა ბიძინა ივანიშვილს ოლიგარქი უწოდა, ის საქართველოს საგარეო საქმეთა სამინისტროში დაიბარეს.

სავარაუდოა რომ მას სწორედ ივანიშვილის ოლიგარქად მოხსენიების გამო ახსნა-განმარტებებს მოსთხოვენ.

“ქართული ოცნების” წევრები,  დილიდან ითხოვენ დიპლომატისგან ბოდიშის მოხდას და საგარეოს მოუწოდებდნენ, სორენსენი  ახსნა-განმარტებებისთვის დაებარებინა.

ცნობისთვის, „ფორმულას“ ინფორმაციით, საქართველოში დანიის ელჩმა, ანე ტოფტ სორენსენმა „ქართული ოცნების დამფუძნებელი“ ბიძინა ივანიშვილი ოლიგარქად მოიხსენია.მათივე ცნობით, ამის შესახებ ელჩი ადგილობრივ მედიაში გამოქვეყნებულ OP-ED-ში წერს, სადაც საქართველოში განვითარებული ბოლოდროინდელი მოვლენები, მათ შორის კანდიდატი ქვეყნის სტატუსი მიღება აქვს განხილული.

• „მმართველი „ქართული ოცნების“ პარტია, დაარსებული ოლიგარქ ბიძინა ივანიშვილის მიერ, რომელმაც ქონება 1990-იან წლებში რუსეთში დააგროვა, ხელისუფლებაშია 2012 წლიდან. ოპოზიცია, რომელსაც სააკაშვილის პარტია ერთიანი ნაციონალური მოძრაობა ხელმძღვანელობს, მუდმივად ბოიკოტს უცხადებს საპარლამენტო მუშაობას და ხელისუფლებას სასამართლოების პოლიტიზებაში, თავისუფალი მედიის ჩახშობაში და ოპოზიციის წევრების შევიწროებაში ადანაშაულებს“, – წერს ელჩი.

„ამ მოცემულობაში, როცა თავად ივანიშვილი ამბობს, რომ 3 კაცთან საუბარი საკმარისი აღარ არის და მან ასევე კორუფციის რისკებზე ისაუბრა და იმ შიშებზე, რის გამოც მობრუნდა პოლიტსაბჭოს საპატიო თავმჯდომარის სახით, ეს ყველაფერი თეორიულად უშვებს შესაძლებლობას, რომ არ ენდობა მოქმედ პრემიერს და მისი გუნდის თუნდაც იმ 2- 3 კაცს, რომელთანაც „საუბარი აღარ იყო საკმარისი“ (როგორც თავად თქვა ივანიშვილმა), მის მიერ შექმნილი სისტემის შესანარჩუნებლად, შესაბამისად, ეს ერთპიროვნული უფლება კიდევ ერთხელ აჩვენებს იმას, რომ მას აღარ აქვს ფუფუნება ჩრდილიდან იმ ფორმით მართოს ქვეყანა, რა ფორმითაც მართავდა მიუხედავად იმისა, რომ საპატიო თავმჯდომარეობაც ჩრდილია და დეოლიგარქიზაცია ვერ მოხდება ქვეყანაში თუ ის არ დაიკავებს პოლიტიკურ თანამდებობას და არ აიღებს სრულ პასუხისმგებლობას ქვეყანაში არსებულ ვითარებაზე“,

ამის შესახებ ჟურნალისტებთან ოპოზიციონერმა დეპუტატმა თეონა აქუბარდიამ განაცხადა.

“ის, რომ ბატონი ივანიშვილი პოლიტიკაში დაბრუნდა და პარტიულ საქმიანობაში ჩაერთო, პლუს ჩვენს საპატიო თავმჯდომარის პოზიციით, ხო. ფუნქცია ხომ უნდა ჰქონდეს ადამიანს? ძალიან აქტიურია. უყვარს ეს ქვეყანა და, შესაბამისად, გადაწყდა შეჯერებულად, რომ ამ პოზიციიდან მას ჰქონდეს უფლებამოსილება პრემიერობის კანდიდატი წარუდგინოს პოლიტსაბჭოს და შემდეგ თავმჯდომარის ხელმოწერით წარედგინოს პარლამენტს. ამის საჭიროება იყო ასე და ასე გადავწყვიტეთ,”

ასე პასუხობს “ქართული ოცნების” წევრი, ირაკლი ზარქუა პარტიის განახლებულ წესდებისა და ბიძინა ივანიშვილის უფლებამოსილების შესახებ დასმულ კითხვას.

„ივანიშვილი კულისებიდან მართავდა და ახლა გადაწყვიტა გააფორმალუროს ეს ყველაფერი. სახელმწიფო მეთაურს წარადგენს არა თავმჯდომარე, არამედ საპატიო თავმჯდომარე, ანუ “სულიერი ლიდერი”. ეს იგივეა დაახლოებით, ირანში რომ ჰყავთ აიათოლა, სულიერი ლიდერი, ისეთივე ფუნქციები აქვს მათ საპატიო თავმჯდომარეს. ეს იმისთვის დასჭირდათ, რომ ივანიშვილმა კარგად დაინახა „ქართული ოცნების“ „კლანებს“ შორის ხალხის ძარცვის ხარჯზე დაგროვილი ქონება და ერთ დღესაც შეიძლება ივანიშვილისთვის კი არა, საკუთარი ქონების გადასარჩენად იბრძოლოს. ეს უფლება იმიტომ დასჭირდა ივანიშვილს, რომ „ქართული ოცნება“ გახრწნის ისეთ ეტაპზეა მისული, რომ ივანიშვილი კი არ არის სულიერი ავტორიტეტი, არამედ მათ მიერ ხალხის ძარცვის ხარჯზე დაგროვებული ქონება. ეს არის მსგავსი ხელისუფლების ჩამოშლის მთავარი წინაპირობა, როცა იბრძვიან არა სულიერი ლიდერის, არამედ საკუთარი ქონების გადარჩენისთვის.

„ქართულ ოცნებაში” არჩევნების წინ დიდი სათადარიგო სკამი არ აქვთ. მე არ გამოვრიცხავ, რომ ერთი კანდიდატურა, რომელსაც ინახავს ივანიშვილი, რაზეც არავინ საუბრობს და არის კულუარებში, ეს არის სუს- ის უფროსი ლილუაშვილი. ამის გარდა „ქართულ ოცნებაში” არანაირი რესურსი არ არის, რომ ვინმემ ღარიბაშვილზე უკეთ გააკეთოს საქმე „ქართული ოცნებისთვის“. ორი ჯგუფია, ერთი კალაძის დაჯგუფებაა და ისინი ცდილობენ კალაძის გამოყვანას, მეორე ჯგუფი ცდილობს ღარიბაშვილის შემდეგ მოვიდეს ლილუაშვილი,”

ამის შესახებ “სტრატეგია აღმაშენებლის” დეპუტატმა პაატა მანჯგალაძემ განაცხადა, რითაც “ქართული ოცნების” წესდებაში შეტანილ ცვლილებას გამოეხმაურა, რომლის თანახმად, პრემიერ- მინისტრის კანდიდატურას პარტიის საპატიო თავმჯდომარე წარადგენს.

”საერთოდ, ივანიშვილი გრძელვადიან ამოცანებს არ ისახავს. ივანიშვილი კარგი ტაქტიკოსია, შესაბამისად, ის წავა იმ მიმართულებით, რომელიც მისთვის ამა თუ იმ ეტაპზე მისთვის იქნება მომგებიანი.

ერთი წლის წინ მან გააკეთა არასწორი პროგნოზი, რის გამოც მას ბევრი პრობლემები შეექმნა. მისი პროგნოზი იმაში მდგომარეობდა, რომ უკრაინა ომს რუსეთთან ბლიც-კრიკით წააგებდა ომს. მან მთელი თავისი პოლიტიკა ამაზე ააგო. მერე მიხვდა, რომ შეცდა, მაგრამ, უკვე გვიანი იყო.

ახლა ივანიშვილი გაჰყვება დინებას და მოიქცევა ისე, რაც ამა თუ იმ ეტაპზე იქნება მისთვის მისაღები. ეს დამოკიდებული იქნება იმაზე, თუ რა მდგომარეობა იქნება უკრაინაში, რა ვითარება იქნება იგივე არაბულ სამყაროში, უფროს სწორად ისრაელის ირგვლივ. მსოფლიო წესრიგში ვინ იმარჯვებს და ვინ დომინირებს იმაზე იქნება მორგებული.

საერთოდ, მგონია, რომ მცდარია შეფასებები და კლიშე, რაც ოპოზიციამ „მოიფიქრა“ და აცხადებს, რომ ივანიშვილი პუტინის მსახურია და რუსული ხელისუფლებაა. რატომ? იმიტომ, რომ ძალიან ყალბი მგონია ამგვარი მტკიცებები. ბიძინა პუტინის მსახური კი არ არის, არამედ, ეშინია პუტინის და იმიტომ იქცევა ისე, როგორც იქცევა. თუ პუტინი დასუსტდება თქვენ გგონიათ იგი მას არ გადააგდებს? ისე მშვენივრად გადააგდებს, როგორც დაგიბარებიათ”.

ამის შესახებ, საშინაო და საგარეო პოლიტიკის აქტუალურ თემებზე პოლიტოლოგი გია ხუხაშვილი, “ინტერპრესნიუსს” ესაუბრა.

ევროპული საქართველო თავიდანვე ვეუბნებოდით საზოგადოებას, მთელი დანარჩენი ოპოზიციისგან განსხვავებით, რომ ამ რეჟიმის პირობებში რომც მოგვცენ კანდიდატის სტატუსი, ეს ვერ გვეხმარება ამ ქვეყნის კრიზისიდან გამოსაყვანად და უსაფრთხოების და თავისუფლების მოსაპოვებლად. ამაზე უნდა ვიყოთ ფოკუსირებული, ხოლო მთელი ეს მოლოდინები, ეს შიდა ბრალდებები, საპარლამენტო ოპოზიციის შიგნით ერთმანეთის მხილებები არის ივანიშვილის პროპაგანდისთვის დახმარება და არასწორი მოლოდინების გაჩენა, ისევე, როგორც მილიონი ხელმოწერის აგროვება და გულზე ხელის ბრაგუნი, რომ მე ყველაფერს ვაკეთებ ამისთვის, როდესაც ოპოზიციას ამაში როლი არ აქვს. ჩვენ დღეს ეს რეჟიმი წარმოგვადგენს საერთაშორისო ასპარეზზე და პირველ რიგში, ეს უნდა შევცვალოთ, რომ NATO-სა და ევროკავშირის წევრობა მოვიპოვოთ.

ამბობს ევროპული საქართველოს თავჯდომარე, გიგა ბოკერია.