Blog

“რუსები დიდი ხანია ავითარებენ ალტერნატიულ ნარატივს მეორე ფრონტის შესახებ, ეს ყალბი ნარატივია და ამას ჩვენ საერთო ძალისხმევით უნდა დავუპირისპირდეთ. მთავარი, რაც ამერიკას და NATO-ს სურთ, არის რომ საქართველო იყოს მშვიდობიანი, სტაბილური ქვეყანა და რომ ყველამ პატივი სცეს მის საერთაშორისოდ აღიარებულ საზღვრებს. იმედი მაქვს ქართველიო ხალხი გაერთიანდება და ერთიანი ძალისხმევით უკუაგდებს რუსულ კონტრნარატივს მეორე ფრონტის თაობაზე. სასურველია, ქართველი ხალხი და პოლიტიკური პარტიები გაერთიანდნენ. სწორედ ეს ერთობაა ჩვენი ყველაზე ძლიერი მხარე, მათ შორის რუსული ცრუ ნარატივის მოსაგერიებლად.

რუსეთის მცდელობები გახლიჩოს ჩვენი საზოგადოება, ძალიან ძალიან რეალურია. რუსეთი ახლა ჰიბრიდულ ტაქტიკას იყენებს, რომ ეს გახლეჩა საზოგადოების შიგნიდან მოხდეს, როგორც ევროპის კონტინენტზე, ისე ცალკეულ ქვეყნებში”

აცხადებს NATO-ში შეერთებული შტატების ელჩი ჯულიენ სმიტი “მთავარი არხის” გადაცემა Post Factum-თან ექსკლუზიურ ინტერვიუში.

 

 

პირველი სიტყვა, რომელიც მოგდის თავში ადამიანს არის, ალბათ, გამართლება, რომ ჩვენს ქვეყანას გაუმართლა, რომ აღმოაჩნდა ასეთი ქველმოქმედი ადამიანი, რომელმაც თავის ოჯახთან, ფონდ ქართუსთან ერთად, რომელიც არ უნდა დაგვავიწყდეს კერძო ორგანიზაციაა, ბიძინა ივანიშვილის ხელმძღვანელობით, საკუთარი სახსრები პირველმა ჩადო ქართულ რაგბიში და დაინახა ის პერსპექტივა, რომელიც სპორტის ამ სახეობას ჰქონდა ჯერ კიდევ ათეული წლების წინ, დაინახა მან ეს, ეს გამართლებაა.

შემდეგ გაგვიმართლა იმაში, რომ ეს ქველმოქმედება არის უანგარო, იმიტომ რომ ქართულ სპორტში, როგორც სპორტის მინისტრი უკვე, სხვადასხვა ფედერაციაში არაერთ კერძო სპონსორს ვხედავ ხოლმე, მაგრამ ძალიან იშვიათია უანგარო სპონსორობა და უანგარო ქველმოქმედება. აქაც, ქართუს შემთხვევაში, საუბარია არა მხოლოდ ქველმოქმედებასა და სპორტში ინვესტიციაში, არამედ უანგაროდ ამ საქმის კეთებაზე.

თქვა კულტურის, სპორტისა და ახალგაზრდობის მინისტრმა, თეა წულუკიანმა ტელეკომპანია იმედის სიუჟეტში.

ზუგდიდის მუნიციპალიტეტის სოფელ რუხში, საავტომობილო გზასთან ახლოს მიტოვებული ჩვილი იპოვეს. ბავშვი სავარაუდოდ 5 დღის არის.

ახალშობილი ზუგდიდის რეფერალურ ჰოსპიტალშია მოთვსებული. ჰოსპიტლის კლინიკური მენეჯერი სულხან ორჟონია ამბობს, რომ ჩვილის სიცოცხლეს საფრთხე არ ემუქრება და ის თავს კარგად გრძნობს.

შინაგან საქმეთა სამინისტროში აცხადებენ, რომ მომხდართან დაკავშირებით გამოძიება სისხლის სამართლის კოდექსის 128-ე მუხლით დაიწყო, რაც განსაცდელში მიტოვებას გულისხმობს.

ვრცელდება ინფორმაცია, რომ დედის ვინაობა უკვე დადგენილია.

ბრიტანული Sunday Times აქვეყნებს რუსეთის საკითხებში ექსპერტის, 20-ზე მეტი წიგნის ავტორის, პროფესორ მარკ გალეოტის სტატიას. სტატიაში აღნიშნულია, რომ უკრაინის არმიისა და პოლიტიკოსების სურვილის მიუხედავად, უკრაინის შეიარაღებული ძალების კონტრშეტევა, სავარაუდოდ, მნიშვნელოვანი შედეგი არ მოიტანს – თუმცა, მისი გადადება სულ უფრო რთული ხდება, მათ შორის პოლიტიკური მიზეზების გამო. .

ბრიტანელი ოფიცრები, რომლებიც მუშაობდნენ უკრაინელ სამხედროებთან, აცხადებენ, რომ მათი კოლეგები პრინციპულად არიან განწყობილნი, თქვა გალეოტიმ. მეორე მხრივ, აშშ-ს დაზვერვის გაჟონილი შეფასებით, უკრაინამ ნაკლებად სავარაუდოა, რომ მიაღწიოს ბევრად მეტს, ვიდრე მოკრძალებული ტერიტორიული წარმატებები.

„აქამდე უკრაინელი სამხედროები აჩვენებდნენ არა მხოლოდ უნარს და მონდომებას, არამედ წარმოსახვის უნარს“, წერს ავტორი და აღნიშნავს უკრაინის არმიის წარმატებებს თავდაცვის მხრივ კონფლიქტის პირველ ეტაპზე.

უკრაინელები ასევე ხშირად ახერხებდნენ რუსების გაოცებას ოპერატიულ და სტრატეგიულ დონეზე, როგორც, მაგალითად, ხარკოვის შეტევის დროს. დარტყმის მიტანით  იმ დროს, როდესაც მოსკოვის ყურადღება სამხრეთით იყო მიპყრობილი და იმ რაიონებში, სადაც რუსული ჯარები მცირერიცხოვანი იყო, მათ შეძლეს თვეში 12000 კვადრატულ კილომეტრზე მეტის დაბრუნება.

თუმცა, მიუხედავად იმისა, რომ უკრაინელები სწრაფად ითვისებენ 230 ახალ და განახლებულ დასავლურ ტანკს და 1,550 ჯავშანმანქანას, მათ მაინც არ აქვთ სათანადო საჰაერო თავდაცვა ნებისმიერი მსხვილი შეტევითი ოპერაციისთვის. დასავლელი ექსპერტები ასევე არ არიან დარწმუნებული, შეძლებენ თუ არა უმაღლესი მეთაურები ახალ სისტემებთან ადაპტაციას, ისევე კარგად,  როგორც ეს მათ მიერ მართულმა  ჯარისკაცებმა შეძლეს.

“თუმცა, კიევს არ აქვს რეალური არჩევანი, გარდა იმისა, რომ გაზაფხულისა და ზაფხულში   მსხვილი კონტრშეტევა წამოიწყოს. მისი ლიდერები სულ უფრო აქცევენ საკუთარ თავს ჩარჩოებში. პრეზიდენტი ზელენსკი მოხერხებულად მართავს დასავლეთ, მაგრამ მისი მხარდაჭერის შესანარჩუნებლად მან უნდა აჩვენოს ის, რასაც ვაშინგტონელი ინსაიდერები საკმაოდ უგემოვნოდ “ინვესტიციების დაბრუნებას“ უწოდებენ – თქვა გალეოტიმ.

ზელენსკიმ ასევე უნდა დააბალანსოს შიდა პოლიტიკა. ქორებს, როგორიც არის მაგალითად კირილ ბუდანოვი, უკრაინის სამხედრო დაზვერვის უფროსი, არ სურთ მოსკოვთან მოლაპარაკებების გაგონებაც კი, თუმცა ზოგიერთი მთავრობაში ფიქრობს, რომ მათთვის ახლა ზუსტად შესაფერისი დროა.

დასავლეთის ქვეყნებსაც აქვთ თავისი შეზღუდვები. გარდა სირთულეებისა, მათ შორის პოლიტიკურის, ახალი თანამედროვე იარაღის სისტემების (ავიაგამანადგურებელი F-16  ან შორ მანძილზე მოქმედი რაკეტები ATACMS) მიწოდებასთან დაკავშირებით, მწვავეა საბრძოლო მასალის ნაკლებობის პრობლემა.

ამჟამად, უკრაინელები ერთ თვეში უფრო მეტ 155 მმ-იან ჭურვებს ხარჯავენ, ვიდრე შეერთებული შტატები აწარმოებს წელიწადში, ამბობს გალეოტი. დასავლეთი ინვესტიციას ახორციელებს ახალ საწარმოო ობიექტებში, მაგრამ ამას დრო სჭირდება.

მოსკოვმა ეს იცის და თავდაცვისთვის ემზადება.

ბრიტანეთის თავდაცვის სამინისტროს მიერ დადასტურებული უკრაინული შეფასებით, შედეგად რუს სამხედროების შორის მსხვერპლის რაოდენობა თითქმის მესამედით შემცირდა. სულ უფრო მეტი თხრილები და სიმაგრეები ჩანს სატელიტურ ფოტოებზე, განსაკუთრებით სამხრეთით უკრაინის შეტევის სავარაუდო ხაზების გასწვრივ.

თუმცა, რუსეთსაც აქვს პრობლემები, აღნიშნავს ავტორი. რუსებს ასევე აკლიათ საბრძოლო მასალა და ზუსტი მართვადი რაკეტები.

„უფრო მეტიც, პუტინს სურს წარმატება, მაგრამ რაც უფრო აგრესიულია რუსული ოპერაციები, მით მეტ დანაკარგს განიცდიან რუსული ჯარები და მით უფრო მალე დადგება ის კვლავ რთული არჩევანის წინაშე – როგორ შეავსოს ჯარების ნაკლებობა“, წერს გალეოტი.

დანაკარგების ასანაზღაურებლად ან მობილიზაციის ახალი ტალღა იქნება საჭირო, ან წვევამდელების გაგზავნა. ორივე ვარიანტი არაპოპულარული იქნება და პუტინი ჩქარობს ასეთი გადაწყვეტილებების მიღებას, განსაკუთრებით სექტემბრის რეგიონულ არჩევნებამდე.

„ამგვარად, მაშინ, როცა ზელენსკის კონტროლის მიღმა არსებული  ძალები უბიძგებენ კიევს თავდასხმისკენ, მოსკოვი უხალისოდ ემზადება თავდაცვისთვის, ეყრდნობა მხოლოდ უკრაინის წინააღმდეგობის ნების და მის დასაფინანსებლად დასავლეთის სურვილის დაძლევის იმედს. ეს პრაქტიკულად ერთადერთი სტრატეგიაა, რომელიც პუტინს შეუძლია მიიღოს“–წერს გალეოტი.(

ავტორი ასევე აღნიშნავს, რომ რუსეთის საერთაშორისო როლი იკლებს, მიუხედავად რუსეთის საგარეო საქმეთა სამინისტროს საბრძოლო სულისკვეთების განცხადებებისა.

მოსკოვი თავს არიდებს ნატოს წინააღმდეგ პირდაპირ პროვოკაციებს, მაგალითად, უკრაინაში იარაღის მიწოდების დასავლურ მარშრუტებზე დარტყმებისგან და ბლოკის საზღვრებთან ფრენებისგან თავის შეკავებით.

„ისეთ ქვეყნებსაც კი, რომლებსაც მოსკოვი ოდესღაც მეორეხარისხოვან ძალებად თვლიდა, ახლა უფლება აქვთ ვეტო დააყენონ რუსული პოლიტიკის ზოგიერთ ასპექტს, ან მინიმუმ აქვთ  შესაძლებლობა მოითხოვონ მაღალი ფასი მათი დახმარებისთვის“, – იხსენებს გალეოტი და მაგალითებად ასახელებს თურქეთსა და ირანს. ახლა ისინი სულ უფრო აქტიურობენ რეგიონებში, რომლებსაც მოსკოვი ოდესღაც თავის საკუთრებად თვლიდა.

“რაც უფრო დიდხანს გაგრძელდება ომი და რაც მეტი ზიანი მიადგება რუსეთის ეკონომიკას, მით უფრო ძლიერდება ჩინეთი, მიუხედავად კომუნიკეებისა, რომლებსაც რუსეთში პრეზიდენტ სი–ს მარტში ვიზიტის დროს მოეწერა ხელი, პეკინი კვლავ არ აძლევს რუსეთს იარაღს, საბრძოლო მასალებს ან თუნდაც უსიტყვო პოლიტიკურ მხარდამჭერას, რომლის მიღებას პუტინი ისურვებდა“, – აღნიშნავს ავტორი.

მიუხედავად იმისა, რომ ორივე მხარეს აქვს მნიშვნელოვანი ტაქტიკური თავისუფლება, ისინი სტრატეგიულად შეზღუდულნი არიან., „უკრაინამ უნდა განახორციელოს დიდი შეტევა; რუსეთი კი უნდა ეცადოს მათ გამარჯვება ვერ მოიპოვონ.“- ასკვნის ავტორი.

კერძოკომპანია ვაგნერის ჯგუფის დამფუძნებელი და რუსი ოლიგარქი, ევგენი პრიგოჟინი  თავდაცვის სამინისტროს მიმართავს და აცხადებს, რომ თუ უწყება მათ ჭურვებს არ გადასცემს, შესაძლოა მის ძალებს ქალაქი ბახმუტის დატოვება მოუწიოთ. პრიგოჟინმა ასევე აღნიშნა, რომ არსებულ პრობლემებზე  რუსეთის პრეზიდენტ ვლადიმირ პუტინს აცნობებდა. ამის შესახებ, “ვაგნერის” დამფუძნებელმა, პროპაგანდისტთან და სამხედრო კომენტატორთან ინტერვიუს დროს ისაუბრა.

“მივმართავ სერგეი კუჟეგოტოვიჩ შოიგუს თხოვნით, დაუყოვნებლივ მოგვაწოდოს საბრძოლო მასალა. ამ მოწოდებაზე უარის შემთხვევაში, აუცილებლად ვთვლი, რომ უმაღლეს მთავარსარდალს მივაწოდო ინფორმაცია არსებულ პრობლემებსა და ბახმუტის დასახლებულ პუნქტში კერძო სამხედრო კომპანია ვაგნერის დარჩენის მიზანშეწონილობის შესახებ. […] ჩვენ ბახმუტში წინსვლას ბოლო ჭურვამდე გავაგრძელებთ, მაგრამ ჭურვები არა კვირებზე, არამედ რამდენიმე დღეზე სამყოფი დაგვრჩა. ამიტომ, თუ საბრძოლო მასალის დეფიციტი არ შეივსება, ჩვენ იძულებულები ვიქნებით ორგანიზებულად წესრიგით, შემდეგ მშიშარა ვირთხებივით რომ არ გავიქცეთ, ან გამოვიდეთ, ან სიკვდილისთვის დავრჩეთ. უფრო მეტად სავარაუდოა, რომ დანაყოფების ნაწილის გაყვანა მოგვიწევს. ამის შემდეგ, ჩვენს ბიუროკრატებს რაც არ უნდა სურდეთ, ყველაფერი სხვა ჩამოიშლება. ამიტომ, ზარი უკვე რეკავს. ეს განგაშის ზარია. ჩვენ განგაშის ზარს ვრეკავთ, გვჭირდება საბრძოლო მასალა”. – თქვა პრიგოჟინმა.

 

ჩემი აზრით, მთავარი ნიშნები [რომ რუსეთი საქართველოში იმარჯვებს] ის დამოკიდებულებაა, რაც საქართველოს მთავრობას უკრაინაში ომის მიმართ ჰქონდა. ნათელია, რომ ეს ომი არის აგრესია, რომელიც რუსეთმა განახორციელა უდანაშაულო ქვეყნის მიმართ, რომელიც არანაირად არ ემუქრებოდა რუსეთს. საქართველო ამტკიცებს, რომ ნეიტრალური რჩება, მაგრამ სინამდვილეში არსებობს საკმარისი მტკიცებულებები იმისა, რომ ისინი რუსეთს სხვადასხვა გზით ეხმარებიან, რომ მათ თავი აარიდონ ევროპის და შეერთებული შტატების მიერ დაწესებულ სანქციებს და სწორედ ამ ფორმით ეხმარებიან რუსეთს ომის მცდელობებში. ჩემი აზრით ეს არ არის კარგი უკრაინისთვის ან გლობალური დემოკრატიისთვის.

განაცხადა ამერიკელმა პოლიტოლოგმა, ფრენსის ფუკუიამამ ფორმულასთან ინტერვიუში, გადაცემაში გლობალური პოლიტიკა.

ჯანდაცვის მინისტრის მოადგილე, თამარ გაბუნია აცხადებს, რომ სამინისტრო მზადაა, დაჩქარებულად შეიქმნას აქონდროპლაზიის მართვის პროტოკოლი და გაიდლაინი.

“ორგანიზაციის “პატარა ადამიანები საქართველოდან”წარმომადგენლებს, შესაძლებლობა ექნებათ, ჩაერთონ როგორც იშვიათი დაავადებების საკითხებზე მომუშავე საკოორდინაციო საბჭოს, ისე აქონდროპლაზიის საკითხებზე მომუშავე მულტიდისციპლინურ ჯგუფის მუშაობაში. სწორედ სამუშაო ჯგუფებში ჩართულობა იყო აქონდროპლაზიის დიაგნოზის მქონე ბავშვების მშობლების მხრიდან გაჟღერებული მოთხოვნა”, – აცხადებს თამარ გაბუნია.

გაბუნია ასევე აღნიშნავს, რომ სამინისტრო მზადაა, სრულად დაფაროს ხარჯები აქონდროპლაზიის მქონე ბავშვების სიმპტომური მოდელის დისციპლინარული მართვისთვის, როგორც ქვეყანაში, ისე საზღვარგარეთ.

“[ჯანდაცვის] სამინისტრომ, როგორც ეს უკვე გაჟღერდა, დააფიქსირა მზაობა, სრულად დაფაროს ხარჯები აქონდროპლაზიის მქონე ბავშვების სიმპტომური მოდელის დისციპლინარული მართვისთვის, როგორც ქვეყანაში, ისე საზღვარგარეთ. მწარმოებელთან დიალოგის პროცესი გრძელდება. მნიშვნელოვანია, რომ ქვეყნის შიგნით მოსამზადებელი სამუშაოები და პროტოკოლზე მუშაობა გაგრძელდეს კონსტრუქციულ რეჟიმში, რაც ხელს შეუწყობს კონსენსუსის სწრაფად ჩამოყალიბებას და შექმნის ხელსაყრელ პირობებს იმისთვის, რომ ბავშვის საუკეთესო ინტერესების გათვალისწინებით მოხდეს აქონდროპლაზიის მართვის მოდელის დანერგვა იმ ინოვაციური მედიკამენტის ჩათვლით, რაზედაც დღეს ასეთი მაღალია საზოგადოებრივი ინტერესი”, – ამბობს გაბუნია.

„ბრიუსელიდან ჩვენი პარტნიორები და პირველწყაროები გვატყობინებენ, რომ გუშინ ევროპარლამენტის პოლიტიკური ოჯახის „ევროპელ სოციალისტთა პარტიის” პრეზიდენტების სხდომაზე ღიად დადგა „ქართული ოცნების” პარტიული ოჯახიდან გარიცხვის საკითხი. წლის ბოლოს, ესპანეთში გამართულ ყრილობაზე „ქართულ ოცნებას” იმ ბოლო ერთობიდანაც გარიცხავენ, სადაც ის ჯერ კიდევ ფორმალურად წევრია და მიესვლება. მიზეზი „ქართული ოცნების” მიერ გატარებული ანტი-დასავლური და ანტი-დემოკრატიული პოლიტიკაა, რომელსაც ხელისუფლება ღიად ატარებს, განსაკუთრებით კი ღარიბაშვილის ვიზიტი უნგრეთში, სადაც ის ბრიუსელისადმი მტრულად განწყობილი, პრორუსი კონსერვატორების კონფერენციას მიმართავს სიტყვით.

ღარიბაშვილის მასპინძელი ვიქტორ ორბანი ბრიუსელის პოლიტიკისადმი ყველაზე მტრულად განწყობილი ევროპელი პოლიტიკოსია, რომლის ღირებულებებს და პოლიტიკას საერთო არაფერი გააჩნია იმ ღირებულებებთან, რომელსაც ევროკავშირის წევრობის კანდიდატი ქვეყანა უნდა ატარებდეს. სხვათა შორის, თვითონ ორბანის პარტია გაირიცხა „ევროპის სახალხო პარტიის” რიგებიდან ზუსტად იმ პოლიტიკის გამო, რომელსაც ის ატარებდა ევროკავშირის იდეალების წინააღმდეგ. ამიტომ, ორბანის მეგობარი „ქართული ოცნების” გარიცხვა „ევროპელ სოციალისტთა” ოჯახის რიგებიდან სრულიად ბუნებრივი და ლოგიკური პროცესი იქნება.

ჩემს ხელთ არსებული ინფორმაციით, “ქართული ოცნების” პოლიტიკური ალიანსიდან გარიცხვას საკმარისზე მეტი მხარდაჭერა გააჩნია წევრი პარტიის რიგებში და ამას მხარს უჭერენ ალიანსის მსხვილი პოლიტიკური ლიდერებიც“, – განაცხადა გეგელიამ.

მისივე თქმით, „ქართული ოცნების” თავისივე ოჯახის მიერ კლუბიდან გარიცხვა, იქნება მართლაც საბოლოო განაჩენი საქართველოს ხელისუფლების სამსჯავროზე. „შედეგად, მათ უკვე ფორმალურადაც აღარ ეყოლებათ არცერთი მეგობარი ევროპულ პოლიტიკურ ასპარეზზე და არც კონკრეტულად ევროპის პარლამენტში.

როგორც ჩანს, ასეთი იქნება “ქართული ოცნების” ბოლო დღეები: დასანქცირებული აშშ-ს მიერ, გარიცხული ევროპული პოლიტიკიდან, უარყოფილი ქართველი ხალხისგან, ქებული ლავროვის მიერ“,

აცხადებს პარტია „ლელოს“ წევრი გრიგოლ გეგელია. ის ასევე აღნიშნავს, რომ  „ქართული ოცნების” პოლიტიკური ალიანსიდან გარიცხვას საკმარისზე მეტი მხარდაჭერა გააჩნია.