ხვალ ევროკომისიის პრეზიდენტი, ურსულა ფონ დერ ლაიენი კიევს ეწვევა. ამის შესახებ ევროკომისიის პრესსპიკერმა, ერიკ მამერმა ბრიუსელში გამართულ ბრიფინგზე განაცხადა.
“[ევროკომისიის] პრეზიდენტი ხვალ იქნება კიევში, სადაც შეხვდება უკრაინის პრეზიდენტს, ვოლოდიმირ ზელენსკის და კიდევ ერთხელ დაადასტურებს ევროკავშირის მუდმივ მხარდაჭერას. ეს ვიზიტი გაიმართება ევროპის დღეს და ამ კონტექსტში, ჩვენ გულწრფელად მივესალმებით პრეზიდენტ ზელენსკის განცხადებას, რომ 9 მაისს უკრაინაში ევროპის დღე აღინიშნოს”. – თქვა მამერმა.
“ბედნიერი ვარ, რომ მომავალ კვირას რამდენიმე დღით დავბრუნდები საქართველოში! საქართველო და დიდებული ქართველი ხალხი, 2008 წელს ჩემი პირველი ვიზიტის შემდეგ ჩემს გულთან ახლოს იყო!
წერს სოციალურ ქსელში “რადიო თავისუფლების” ევროპის ბიუროს ჟურნალისტი რიკარდ ჟოზვიაკი.
„სოლიდარობის პასუხად, რომელსაც ქართველი ხალხი და საქართველოს ხელისუფლება მძიმე მდგომარეობაში მყოფი ქვეყნის მიმართ იჩენს, სამწუხაროდ, გვაქვს ის, რომ დღემდე არ არის დანიშნული საქართველოში უკრაინის ელჩი. წინაპირობების დაყენება არ მგონია, რომ სწორი იყოს. უფრო მნიშვნელოვანია, უკრაინამ აღადგინოს ის დამოკიდებულება ქართველი ხალხის და სახელმწიფოს მიმართ, რომელიც მას ჰქონდა. დამოკიდებულების შეცვლის ნიშანი იქნებოდა ელჩის დანიშვნა“,
ასე გამოეხმაურა პარლამენტის თავმჯდომარე, შალვა პაპუაშვილი უკრაინის რადას ფრაქცია “ხალხის მსახურის“ თავმჯდომარის, დავით არახამიას განცხადებას, რომ თუ ნიკა გვარამიას გაათავისუფლებენ, ის იქნება პირველი, ვინც წავა პრეზიდენტთან და თბილისში ელჩის გაშვებას სთხოვს.
“დავით არახამიას შეუძლია, ნებისმიერი განცხადება გააკეთოს მაშინ, როდესაც ოფიციალურ პოზიციაზე არ იქნება და მის განცხადებებს არავინ შეაფასებს. მისი განცხადებები კონკრეტული მიზნისკენაა მიმართული და თავის გეგმაში, ნებისმიერ განცხადებასა და წინადადებაში მავნებლობა აქვს ჩადებული… დააკვირდით ერთ ასპექტს, მან თავი დაანება ომში ჩართვის თემაზე საუბარს. მიხვდა, რომ ეს საზოგადოებაში არა თუ არაპოპულარულია, არამედ ამ ყველაფერს უსამშობლო ადამიანების მიერ გამოხატული ემოცია დაერქვა. სჯობს, გადახედოს, რას ფიქრობს ქართული საზოგადოება პირადად მასზე და მისნაირ მავნებელ ადამიანებზე, რომლებიც სულ მცირე, ქართულ-უკრაინული ურთიერთობის გაუმჯობესებაზე არ ზრუნავენ. უნდა იცოდეს, რომ უკრაინელი ხალხის გვერდით დგას მთელი საქართველო, მიუხედავად პოლიტიკური გემოვნებისა. მისი ქართული წარმოშობა არაფერს ნიშნავს. ეს არის აზრგამოცლილი ადამიანი, რომელიც ფაქტია, მავნებელია თავის გამონათქვამებშიც და საქციელშიც”
თქვა “ქართული ოცნების” წევრმა გია ვოლსკიმ რადას ფრაქცია “ხალხის მსახურის” თავმჯდომარე დავით არახამიაზე.
8 მაისი. ნაცისტური რეჟიმის მსხვერპლთა ხსოვნის დღე. ბრძოლაში დაღუპული გმირების გლოვის დღე. და გამარჯვების დღე, რომელიც გვეუბნება: რაც არ უნდა რთული იყოს, სიბნელე ყოველთვის მარცხდება. რა განსხვავებაა რუსეთსა და ცივილიზებულ სამყაროს შორის? ჩვენ გვახსოვს ჩვენი გმირები. ჩვენ გვახსოვს საშინელი ფასი, რომელიც ნაციზმზე გამარჯვებისთვის გადაიხადეს. ჩვენ როგორც არავის, ეს ისე გვესმის, რადგან დღეს ნაციზმის (ამჯერად რუსული) რეინკარნაციის მორიგ მცდელობას ვხედავთ. სამყაროს უდანაშაულობის სისხლში დახრჩობის მცდელობა… ისინი [რუსები] აწყობენ ცეკვებს ძვლებზე, ზეიმობენ და ყვირიან: “ჰეი, ბერლინო, ჩვენ შეგვიძლია გავიმეოროთ!” მათთვის ეს არის ომის დღე. ცეკვის დღე. მასობრივი მკვლელობის ხსენების დღე. და სიძულვილის კულტის ნაწილი…
წერს ამის შესახებ, Twitter-ზე უკრაინის პრეზიდენტის ოფისის მრჩეველი, მიხაილო პოდოლიაკი.
“ეს არის ჩვეულებრივი ერთი რიგითი რუსი, გეუბნებით პირდაპირ, რომელიც დაბადებულია სოჭი, რუსეთში, იქ არის გაზრდილი და დარწმუნებული ვარ ახლა არის უკრაინის მთავრობაში უკრაინის მთავრობაში, უკრაინული სახელმწიფოს და უკრაინელი ხალხის წინააღმდეგ მოქმედებს. ეს არის ჩემი შთაბეჭდილება ამ ადამიანზე, ეს ხელმოცარული და უსამშობლო ადამიანი ვინმეს თუ ჰგონია, რომ ქართველებზეა გადამკვდარი ან საქართველოს ინტერესებს იცავს, ტყუილია ბატონებო, ეს არის მორიგი, ეტყობა დაფინანსებული, მორიგი მცდელობა, რომ ააგორონ ისევ ჩვენი სახელმწიფოს და ქართველების წინააღმდეგ მორიგი პროვოკაცია”.
თქვა “ქართული ოცნების” დეპუტატმა, ირაკლი ზარქუამ რადაც ფრაქცია “ხალხის მსახურის” თავმჯდომარე დავით არახამიაზე.
მინდა, ბატონ ლევან იოსელიანს ვთხოვო, როგორც სახალხო დამცველი ერთხელ შევიდეს და ბავშვი მოინახულოს. მხოლოდ მისი თანაშემწეების შესვლით მე არ ვკმაყოფილდები. ასეთი რაღაც გავიგე და მითხრეს, რომ უშუალოდ მიმართვა უნდაო და მე მგონი, ასეთ საქმეზე ბატონ სახალხო დამცველს ჩემი თქმა არ სჭირდება, რომ შევიდეს და მოინახულოს, ეს თავადვე უნდა უნდოდეს. არ მინდა, რაღაცები ვასწავლო და მივუთითო. მე მგონი, უნდა მივიდეს და ბავშვი ნახოს. საჭიროა, შევიდეს, მოინახულოს, თვითონ ჰკითხოს, ბავშვი როგორ არის, შემდეგ გამოვიდეს და მოგვახსენოს. იმიტომ, რომ მე არ ვარ დარწმუნებული ადმინისტრაცია იმ ბავშვს ვისთან ერთად ჩასვამს, როგორი ფსიქოლოგიური ზეწოლა ექნება. ლაზარე ცოტა გამხდარიც მეჩვენება.
სომხეთის პრემიერმინისტრი, ნიკოლ ფაშინიანი დღეს, 8 მაისს რუსეთის პრეზიდენტის, ვლადიმერ პუტინის მიწვევით მოსკოვში გაემგზავრება და 9 მაისს “გამარჯვების დღისადმი” მიძღვნილ ღონისძიებებში მიიღებს მონაწილეობას.
ინფორმაციას სომხეთის მთავრობის პრესამსახურში ადასტურებენ.
“13 აპრილს, სავარაუდოდ, სუს-ის დავალებით, ვინმე მიხეილ არახამია არეგისტრირებს კომპანიას “ლაიონ 7 გრუპ”, რომელიც მიდის და ქირაობს ფართს იმ შენობაში, სადაც ჩემი ძმა ფლობს 10-ნომრიან სასტუმროს, და რაც მთავარია, შენობის მეპატრონეს და დირექტორს, ბატონ ლომგულ ჭკუასელს ეუბნებიან, რომ იქ უნდათ სასწავლო ცენტრის გახსნა. ამავე ოფისში წლების მანძილზე არსებობდა სასწავლო ცენტრი და დიდი ხანია ეს ოფისი ვერ ქირავდებოდა, შესაბამისად გამქირავებელს ეჭვი არ გაუჩნდა და მიაქირავა ვინმე არახამიას ეს ოფისი. ზუსტად სამ კვირაში, სანამ ჯერ შსს რამე ოპერაციებს ჩაატარებდა ქოცპროპაგანდისტმა ექსპერტებმა, მაგალითად ბატონმა სალუქვაძემ, ქოცებთან დაკავშირებულმა მედიასაშუალებებმა, მაგალითად “პრაიმტაიმმა” გაავრცელა ყალბი ინფორმაცია, თითქოს ეს იყო ჩემთან დაკავშირებული რაიმე ქოლ-ცენტრი. […]
ჩვენ გვაქვს საქმე იმიტირებულ ქოლ-ცენტრთან, რომელიც, ეს სპეცოპერაცია თავიდან ბოლომდე დაგეგმა სპეცსამსახურებმა, სუსმა და რაც მთავარია, ეს ვინმე არახამია საერთოდ გამქრალია, არსად არ არსებობს, ვერავინ ვერ პოულობს და სავარაუდოდ, როგორც ამბობენ, საერთოდ ქვეყნიდან გაიყვანეს.
მინდა მივმართო შსს-ს, სუსს, პროკურატურას – ამ საქმესთან დაკავშირებით ვინმე არის საერთოდ დაკითხული ან დაკავებული?! ვინმე არის პასუხისგებაში მიცემული?! ვინ ჩაიდინა დანაშაული, თუ ასეთი დანაშაული არსებობს?!”
აცხადებს “სტრატეგია აღმაშენებლის” ლიდერი, გიორგი ვაშაძე.
უკრაინის დედაქალაქის, კიევის მერმა ვიტალი კლიჩკომ განაცხადა, რომ გასულ ღამეს რუსეთის ყველაზე მასიური თავდასხმა მოხდა კიევზე, სრულმასშტაბიანი შემოჭრის დაწყების შემდეგ.
ამის შესახებ მერმა მედიას განუცხადა, სვიატოშინსკის რაიონში ერთ-ერთი ჩამოგდებული თვითმფრინავის ნამსხვრევების ადგილზე ყოფნისას.
“ჩვენი საჰაერო თავდაცვის ძალების წყალობით, 36-ვე დრონი ჩამოაგდეს. ეს არის ყველაზე მასიური თავდასხმა ჩვენს ქალაქზე ომის დაწყების შემდეგ”, – ხაზგასმით აღნიშნა კლიჩკომ.
მან აღნიშნა, რომ ამ თავდასხმის შედეგად არც ერთი ქალაქის მცხოვრები არ დაიღუპულა. ამავდროულად, დაზიანებულია მთელი რიგი ობიექტები. კერძოდ, კლიჩკოს თქმით, დაზიანდა საცხოვრებელი კორპუსები, ასევე საბავშვო ბაღი და სკოლა.
„5 ადამიანია დაშავებული, ორი საავადმყოფოშია, ერთს ოპერაცია ჩაუტარდა, არც ერთს სიცოცხლეს საფრთხე არ ემუქრება.“ – განაცხადა მერმა.
8 მაისის ღამეს რუსმა ოკუპანტებმა შეუტიეს კიევის რეგიონს ირანული უპილოტო საფრენი აპარატებით, შაჰედ-136/131-ებით. უკრაინის შეიარაღებული ძალების საჰაერო ძალების ცნობით, გამოყენებული იქნა 35 დამრტყმელი უპილოტო საფრენი აპარატი, რომლებიც თავს დაესხნენ ჩრდილოეთის მიმართულებით – სეშას აეროდრომზე (ბრიანსკის ოლქი).
ყველა 35 შაჰედ-136/131 გაანადგურეს საჰაერო თავდაცვის ძალებმა.