Blog

“ღირსეულად ვიბრძოდით. რუსეთისთვის ძალიან ბევრი გააკეთეთ. ის, რაც ახლა ფრონტზე ხდება, სირცხვილია, რომელში მონაწილეობაც არ გვჭირდება. და უნდა დაველოდოთ მომენტს, როდესაც სრულფასოვნად მოვახდენთ საკუთარი თავის გამოვლინებას. ამიტომ მიღებულია გადაწყვეტილება, რომ ბელარუსში რაღაც დროის განმავლობაში ვიქნებით. […]ვემზადებით, ჩვენს დონეს ვზრდით, დ ა ახალ გზაში, აფრიკაში და, შესაძლოა, სპეციალურ სამხედრო ოპერაციაში დავბრუნდეთ იმ მომენტში, როდესაც დარწმუნებულები ვიქნებით, რომ საკუთარი თავებისა და ჩვენი გამოცდილების შერცხვენას არ გვაიძულებენ”

ამის შესახებ “ვაგნერის”დამფუძნებელმა ევგენი პრიგოჟინმა ბელარუსში “ვაგნერის” მებრძოლებთან სიტყვით გამოსვლის დროს განაცხადა.

“უკრაინის ინტერესი და უკრაინის რადა ახსენეთ თქვენ… მინდა გავიმეორო, რამდენიმე დღის წინ კითხვად დავსვი უბრალოდ, საკვირველი კი არა, ეს არის გამაოგნებელი, როცა ომში მყოფი ხელისუფლება იცლის და დროს ხარჯავს, კარგავს ერთ-ერთ კრიმინალზე, რომელიც სიმულიანტობით, ასე ვთქვათ, მთელ მსოფლიოს ცდილობს თავს მოახვიოს საკუთარი ძალიან ბევრი ტყუილი, ვითომ იგი მოწამლეს, აწამეს და ა.შ. საერთოდ გაუგებარია და კითხვა მინდა დავსვა საჯაროდ – ეს ხომ არ ადასტურებს კიდევ ერთხელ, ჩვენს მიერ მანამდე გაცხადებულ და წარმოდგენილ მტკიცებულებებს, ხომ არ ამყარებს თუნდაც მათი განსაკუთრებული დაინტერესება სააკაშვილის მიმართ, რომ სამწუხაროდ, უკრაინის ხელისუფლებას სააკაშვილის ჩამოსვლის დროს იყო ინფორმირებული წინასწარ. 

მე ლოგიკური კითხვები მიჩნდება და ამას ამყარებს ინფორმაცია, რომელიც ჩვენს სამსახურებს ჰქონდათ მიღებული და მტკიცებულებები, რომლებიც მოიპოვა გამოძიებამ იმასთან დაკავშირებით, რომ როცა ჩამოვიდა სააკაშვილი, შემოიპარა კონტეინერით, მან უკრაინაშიც დაარღვია კანონი. უკრაინაშიც ანალოგიურად, უკანონოდ გადაკვეთა საზღვარი, უკრაინის კანონმდებლობით საზღვრის უკანონოდ კვეთა ნიშნავს დანაშაულის ჩადენას. კითხვა ისმის, რატომ არ მოხდა დღემდე რაიმე რეაგირების მოხდენა? მეტიც, არა თუ რეაგირება და გამოძიება არ დაიწყეს, არამედ სააკაშვილი დღემდე იკავებს თანამდებობას თუ არ ვცდები მრჩეველია ის უკრაინის პრეზიდენტის“,

ამის შესახებ, საქართველოს პრემიერ-მინისტრმა, ირაკლი ღარიბაშვილმა, უკრაინის რადაში პატიმრობაში მყოფ საქართველოს მესამე პრეზიდენტთან, მიხეილ სააკაშვილთან დაკავშირებით დარეგისტრირებულ მიმართვაზე განაცხადა.

საკვირველია, როცა ომში მყოფი ხელისუფლება იცლის და დროს კარგავს ერთ-ერთ კრიმინალზე, რომელიც სიმულიანტობით მთელ მსოფლიოს ცდილობს თავს მოახვიოს საკუთარი ძალიან ბევრი ტყუილი. ვითომ იგი მოწამლეს, აწამეს, კლავენ და ა.შ… საერთოდ გაუგებარია და კითხვა მინდა დავსვა ახლა საჯაროდ, ეს ხომ არ ადასტურებს კიდევ ერთხელ ჩვენს მიერ მანამდე გაცხადებულ მტკიცებულებებს, რომ სამწუხაროდ უკრაინის ხელისუფლება სააკაშვილის ჩამოსვლის დროს იყო ინფორმირებული წინასწარ. მე ლოგიკური კითხვები მიჩნდება…[…]…ამ ტრაგედიის და ყოველდღიური გამოწვევების ფონზე, როცა დრო გაქვს და ერთ-ერთ ლუზერ სიმულიანტზე აკეთებ კომენტარებს და გინდა, რომ ამით რაღაცა დღის წესრიგი შექმნა, ძალიან დიდი კითხვის ნიშნები ისმის და კიდევ უფრო ამყარებს ჩვენს უკვე ჩამოყალიბებულ აზრს და აი ამ ჩვენს მტკიცებულებებს, რომელიც ჩვენ მანამდე ისედაც გვქონდა. აი ეს არის მთელი ფილოსოფია.

ამის შესახებ საქართველოს პრემიერმინისტრი ირაკლი ღარიბაშვილი საქართველოს მესამე პრეზიდენტთან, მიხეილ სააკაშვილთან დაკავშირებით საუბრობს.

გამოცემა Reuters-ი, 19 ივლისს სამხრეთ აფრიკის რესპუბლიკის პრეზიდენტის ოფისის მიერ გავრცელებული ინფორმაციაზე დაყრდნობით იუწყება, რომ რუსეთის პრეზიდენტი, ვლადიმერ პუტინი დათანხმდა, რომ Brics-ის სამიტს პირადად არ დაესწრება.

“ორმხრივი შეთანხმებით, პრეზიდენტი პუტინი სამიტს არ დაესწრება. რუსეთის ფედერაციას საგარეო საქმეთა მინისტრი, სერგეი ლავროვი წარმოადგენს”. – ნათქვამია განცხადებაში.

18 ივლისს გავრცელდა სამხრეთ აფრიკის პრეზიდენტის, სირილ რამაფოსას სიტყვები, რომ პუტინის დაკავების შემთხვევაში მისი ქვეყანა რუსეთთან ომის საფრთხის წინაშე დადგება.

“რუსეთთან ომში ჩართვის გარისკვა ჩვენს კონსტიტუციასთან შეუსაბამო იქნება”. – დასძინა პრეზიდენტმა.

“ჩვენ ვაძლიერებთ NATO-ს როგორც ჩვენი კოლექტიური უსაფრთხოების გარანტორს. ჩვენ ვაძლიერებთ ჩვენს სამხედრო შესაძლებლობას უპრეცედენტო 100 მილიარდ ევროიან პაკეტამდე და ვასრულებთ NATO-ს თავდაცვის ხარჯების მიზნებს. ჩვენ ვაშენებთ ევროპულ ოჯახს, რომელიც ხსნის ევროკავშირის კარს ახალი წევრებისთვის, როგორებიც არიან უკრაინა, მოლდოვა, დასავლეთ ბალკანეთის ქვეყნები და გრძელ ვადაში, საქართველო”,

აცხადებს გერმანიის საგარეო საქმეთა მინისტრი, ანალენა ბერბოკი The Guardian-ისთვის დაწერილ სტატიაში.

​”ვერაფერს, იმიტომ, რომ ნიკა გვარამია, ვაშაძე…ყველა არიან ნაცმოძრაობის სახეები და წარმომადგენლები და ნაცმოძრაობას ამ ქვეყანაში არანაირი პერსპექტივა არ აქვს. შესაკრებთა გადანაცვლებით ჯამი არ იცვლება. ნაცი რჩება ნაცად და აქვს მათ საერთო წარსული, აწმყო და მომავალი…

თუ ცალკე გამოვიდა, შეიძლება ბარიერიც ვერ გადალახოს. აი, თუ ცალე გამოვიდა, ნაც. მოძრაობისგან დამოუკიდებლად, უდიდესი ალბათობით ბარიერსაც ვერ გადალახავს.”

ასე ეხმაურება, “ქართული ოცნების” ერთ-ერთი ლიდერი მამუკა მდინარაძე ნიკა გვარამიას განცხადებას.

“ცხადია, ვესაუბრებით სტრატეგია აღმაშენებელს და ეს გულისხმობს იმას, რომ სხვადასხვა პროდასავლური პარტიებსა და ლიდერებთან ერთად გამარჯვების პლატფორმა შევქმნათ. მივესალმებით ყველას, ვინც ამ გამარჯვების პლატფორმაში საკუთარ თავს დაინახავს და ასევე, მივესალმებით იმ ფაქტს თუ ცალკე პროდასავლური პარტიებიც გააკეთებენ ერთობას. გამიხარდებოდა, სხვა ოპოზიციურმა პარტიებმაც რომ კონკრეტული გადაწყვეტილებები მიიღონ. ან ენმ-სთან ერთად გააკეთონ გამარჯვების პლატფორმა, ჩვენ ღია ვართ, და თუ ამას არ აკეთებენ ენმ-სთან, თავად გააკეთონ, აჩვენონ საზოგადოებას თანამშრომლობის მაგალითი. ჩვენ მხოლოდ მივესალმებით პროდასავლური პარტიების ერთობას, იმიტომ, რომ ნაციონალურ მოძრაობის ბაზაზე გაკეთდება მთავარი გამარჯვების ცენტრი”.

აცხადებს ერთიანი ნაციონალური მოძრაობის თავმჯდომარე ლევან ხაბეიშვილი.