“ეს [უნგრეთი] ხდება პრობლემა, რომელიც ჩვენ უნდა გადავჭრათ. ჩვენ ადრეც გვქონდა განსხვავებული მოსაზრებები და მოვახერხეთ ერთიანობის შენარჩუნება, მაგრამ უნგრეთთან მიმართებით ეს სულ უფრო რთულდება”.
ამის შესახებ ესტონეთის პრემიერმინისტრმა კაია კალასმა ბრიუსელში, ევროკავშირის წევრი ქვეყნების ლიდერების შეხვედრის წინ ისაუბრა.
“ზოგადად, არ გამოვრიცხავ, “ქართულმა ოცნებამ” ევროკავშირი და მათი რომელიმე წარმომადგენელი შეცდომაში შეიყვანა, თითქოს კარგ კანონს იღებდნენ, რადგან „ტვინი შეჭამეს“ ამ კანონის განხილვის დროს, რომ ეს ყველაფერი ევროპის 12 – პუნქტიან გეგმაში წერია და ა.შ.. საბოლოო ჯამში, აღმოჩნდა, რომ არავის მოუთხოვია ამათთვის სიძულვილის ენის თუ განსაკუთრებით, უხამსობის ასეთი ტიპის რეგულირება. გამოვიდა, რომ კანონი მიიღეს ტყუილი არგუმენტით, რომ ევროპელები გვთხოვენო. გამოვიდნენ ევროკავშირის წარმომადგენლები ჩვენთან და თქვეს, რომ მათ ეს არ მოუთხოვიათ. ჩემი აზრით, რაც უნდა გაკეთდეს, რა დაჩქარებული წესითაც მიიღეს ეს კანონი, იმ დაჩქარებული წესით უნდა გაუქმდეს, რადგან მთავარი არგუმენტი გამოეცალა ამ კანონის მიღებას”,
ამის შესახებ „გირჩის“ დეპუტატმა იაგო ხვიჩიამ განაცხადა.
სახელმწიფო უსაფრთხოების სამსახურის ინფორმაციით, რუსი ოკუპანტების მიერ სოფელ ახმაჯის მიმდებარედ უკანონოდ დაკავებული ივანე ილურიძე თავისუფალია და საქართველოს კონტროლირებად ტერიტორიაზე იმყოფება.
“ილურიძის უკანონო პატიმრობიდან დაუყოვნებელი გათავისუფლების მიზნით აქტიურად გამოიყენებოდა როგორც ცხელი ხაზის მექანიზმი, ასევე, ცენტრალური ხელისუფლების ხელთ არსებული ყველა სხვა ინსტრუმენტი.
საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა საოკუპაციო ძალას ეკისრება.
ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად”- ნათქვამია განცხადებაში.
“დღეს ყველამ იცის, მაგრამ ვერ ბედავენ ამის თქმას, რომ ევროკავშირის სტრატეგია რუსეთ-უკრაინის ომთან დაკავშირებით ჩავარდა. ყველა სამხედრო ექსპერტი ამბობს, რომ უკრაინა ფრონტზე ვერ გაიმარჯვებს. რუსები არ წააგებენ, საჭიროა გეგმა B”
აცხადებს უნგრეთის პრემიერმინისტრი ვიქტორ ორბანი.
ამას წინათ, ვლადიმირ პუტინი გამოვიდა, ვრცელი პანეგირიკი მიუძღვნა, დამადანაშაულა, რომ დსთ მე დავუშალე. გასაგებია, რატომაც მასამართლებენ, ხომ? დიახ, მას დსთ მე დავუშალე. ამას ვაღიარებ. იმიტომ, რომ საქართველო თავისუფლებისკენ მიდიოდა, წარმატებას აღწევდა – ამან დაუშალა და დაუნგრია დსთ.
„პალესტინაში გენოციდის მმართველ ამერიკელ სახელმწიფო მოღვაწეებს გულწრფელად ვეუბნები: ჩვენ არ მივესალმებით ომის გაფართოებას რეგიონში, მაგრამ თუ ღაზაში გენოციდი გაგრძელდება, ეს ცეცხლი არც აშშ-ს დაინდობს. ეს ჩვენი სახლია და დასავლეთ აზია ჩვენი რეგიონია. ჩვენ კომპრომისზე არცერთ მხარესთან არ მივდივართ და არ გვაქვს დათქმა, როცა საქმე ეხება ჩვენი სახლის უსაფრთხოებას. გენოციდი ღაზაში დაუყოვნებლივ უნდა შეწყდეს. სასწრაფოდ უნდა შეწყდეს ღაზის მოსახლეობის იძულებითი გადაადგილება. დღეს ღაზა ელოდება სასწრაფო და სასიცოცხლო მნიშვნელობის ჰუმანიტარულ დახმარებას. საერთაშორისო სამართლის მიხედვით, პალესტინის განმათავისუფლებელი მოძრაობა „ჰამასი“ ებრძვის ოკუპაციას და აქვს ლეგიტიმური უფლება…
ჩვენი მოლაპარაკებების თანახმად, „ჰამასი“ მზადაა, გაათავისუფლოს მშვიდობიანი პატიმრები. მეორე მხრივ, მსოფლიომ მხარი უნდა დაუჭიროს ისრაელის ციხეებში მყოფი 6 000 პალესტინელის გათავისუფლებას. ირანი მზადაა, კატართან და თურქეთთან ერთად, თავისი როლი შეასრულოს ამ ძალიან მნიშვნელოვან ჰუმანიტარულ წამოწყებაში. ბუნებრივია, 6 000 პალესტინელი პატიმრის გათავისუფლება გლობალური საზოგადოების კიდევ ერთი აუცილებლობა და პასუხისმგებლობაა”.
ამის შესახებ ირანის საგარეო საქმეთა მინისტრი, ჰოსეინ ამირაბდოლაჰიანი საუბრობს.
თეთრი სახლის ეროვნული უშიშროების საბჭოს კოორდინატორის, ჯონ კირბის განცხადებით, რუსულ არმიაში მეთაურები ჯარისკაცებს დაუმორჩილებლობისთვის სიკვდილით სჯიან.
“ანა ლაკობა უკრაინის პასპორტით საქართველოში 2018 წელს შემოვიდა და იმავე წელს დატოვა”-შინაგან საქმეთა სამინისტრო ეხმაურება მედიაში გავრცელებულ ინფორმაციას, რომ საქართველოში შემოვიდა რუსეთის მოქალაქე, ანა ლაკობა, რომელიც უკრაინაში ოკუპირებულ ტერიტორიაზე ოკუპანტების მხარეს იბრძოდა და ამავდროულად, არღვევს საქართველოს ოკუპაციის კანონს.
“გვსურს, საზოგადოებას მივაწოდოთ ინფორმაცია, მედიასაშუალებებში გავრცელებულ ინფორმაციასთან დაკავშირებით, რომ თითქოს რუსეთის არმიის წევრი, ანა ლაკობა საქართველოში იმყოფება.
შინაგან საქმეთა სამინისტროს შესაბამისი სამსახურების მიერ გადამოწმებული ინფორმაციის საფუძველზე განვმარტავთ, რომ უკრაინის რესპუბლიკის მოქალაქე Ganna ILYasova რომელიც საზოგადოებისთვის ცნობილია სახელით ანა ლაკობა საქართველოში შემოვიდა და საქართველო დატოვა 2018 წელს.
აღნიშნულმა მოქალაქემ, საქართველოს სახელმწიფო საზღვრის კვეთისას ისარგებლა უკრაინის რესპუბლიკის მიერ გაცემული უკრაინის მოქალაქის პასპორტით.
2018 წლის შემდეგ, პიროვნებას აღნიშნული პირადი მონაცემებით საქართველოს სახელმწიფო საზღვარი არ გადმოუკვეთავს.
აღნიშნული მოქალაქის მიერ საზღვრის კვეთის დროს არსებული სამგზავრო დოკუმენტის მიხედვით, ოკუპირებული ტერიტორიების შესახებ საქართველოს კანონის დარღვევის ფაქტი არ დაფიქსირებულა”. – წერია შსს-ს განცხადებაში.
შესაძლებლობის ფანჯარა უკრაინისთვის, საქართველოსთვის და მოლდოვასთვის გაიხსნა მხოლოდ რუსული აგრესიის გამო და მე არ ვიცი რამდენი ხანი იქნება იგი ღია. ტრაგედია იქნება თქვენი ხალხისთვის, თუ თქვენ ვერ გამოიყენებთ ამ ფანჯარას. თქვენ შეიძლება რუსეთის უკანა ეზო აღმოჩნდეთ, როცა დაიხურება შესაძლებლობების ფანჯარა.
[…] ფანჯარა ღიაა, უკრაინელები იხოცებიან ყოველ დღე, გაძლევენ თქვენ შანსს, განახორციელოთ დემოკრატიული რეფორმები, დაუახლოვდეთ ევროკავშირს. ვფიქრობ, რომ თქვენ გამოიყენებთ ამ ფანჯარას, გააკეთებთ იმას რასაც საჭიროა და დაუახლოვდებით ევროკავშირს. მაგრამ თუ არ მიიღებთ სტატუსს წელს, ეს არ ნიშნავს, რომ ევროკავშირი ზურგს შეაქცევს საქართველოს. რამდენადაც გეოპოლიტიკური სიტუაცია ამის საშუალებას მისცემს, ევროკავშირი იქნება ღია, მხარს დაუჭერს თქვენს დემოკრატიულ რეფორმებს.
განაცხადა ევროპარლამენტარმა, მარინა კალიურანდმა გადაცემა სანაიაში.
“ქართულ ოცნებას ეშინია ოპოზიციის, რომელიც იბრძვის საქართველოს ინტეგრაციისთვის ევროკავშირში. ოპოზიცია მოახერხებს ამომრჩევლები დაარწმუნოს, რომ მხარი დაუჭირონ მათ და ასე დასრულდება ქართული ოცნება, როგორც დასრულდა პოპულისტური პარტიები მოლდოვასა და უკრაინაში.
მე ძალიან ბევრ ქართველ ოპოზიციონერს შევხვდი, სამოქალაქო საზოგადოების წარმომადგენლებს და ყველა მათგანი აბსოლუტურად მხარს უჭერს საქართველოს ინტეგრაციას, კანდიდატის სტატუსის მიღებას. ყველას აშფოთებს, როგორ მოიშორონ თავიდან ოლიგარქიული პარტია და როგორ იქნას მიღწეული გამარჯვება შემდეგი წლის არჩევნებში, ეს არ გახლავთ მარტივი ამოცანა”,
ასე ეხმაურება ფორმულას ეთერში ევროპარლამენტარი ანდრიუს კუბილიუსი სტატუსთან დაკავშირებით ოპოზიციონერი დეპუტატების განცხადებას.