ჰომოფობიური და ძალადობრივი ჯგუფის “ალტ ინფოს” დამფუძნებლის ინფორმაციით, ბექა ვარდოსანიძის სახლში პოლიცია ჩხრეკას აწარმოებს.
“ბექა ვარდოსანიძის სახლში პოლიცია შევიდა და ჩხრეკას აწარმოებს”, – წერს მახარაძე Facebook-ზე.
ალტ-ინფო აცხადებს, რომ ვარდოსანიძე სამართალდამცავებს, მოდულის შენობაში გადაჰყავთ.
სხვა დეტალები ჯერ-ჯერობით უცნობია.
“წარმატების გასაღები უკრაინისთვის დასავლური დახმარების შენარჩუნებაში მდგომარეობს. ამ გადამწყვეტ მომენტში, შეერთებული შტატების მხრიდან კონფლიქტისგან თავის დაღწევა და უკრაინის მხარდაჭერის შეწყვეტა ისტორიული მასშტაბის ავტოგოლი იქნება”
აცხადებს ამის შესახებ, ამერიკის შეერთებული შტატების ცენტრალური სადაზვერვო სააგენტოს დირექტორი, უილიამ ბერნსი.
უნგრეთის პრემიერ-მინისტრი, ვიქტორ ორბანი აცხადებს, რომ დონალდ ტრამპს უწოდა შეერთებული შტატების ერთ-ერთი ყველაზე წარმატებული პრეზიდენტი საგარეო პოლიტიკის კუთხით.
2016 წელს მე მკაფიოდ განვაცხადე, რომ ჩვენ გვჭირდება დონალდ ტრამპი ევროპაში.დღესდღეობით, მე ვერ ვხედავ სხვა ლიდერს, ევროპასა და ამერიკაში, რომელიც იქნება იმდენად ძლიერი რომ ომის შეჩერება შეძლოს.მშვიდობას სახელი აქვს – დონალდ ტრამპი. […] ჩემი პირადი აზრია, რომ ამერიკის პრეზიდენტის სახელი დონალდ ტრამპი რომ ყოფილიყო 2022 წლის თებერვალში, ევროპაში ომი არ მოხდებოდა”. – განაცხადა უნგრეთის მთავრობის მეთაურმა.
ხურვალეთის მიმდებარედ, ოკუპირებულ ნაწილში ხანძარია – ინფორამციას ამის შესახებ, “ანტისაოკუპაციო მოძრაობის” დამფუძნებელი, დავით ქაცარავა ავრცელებს და ვიდეოს აქვეყნებს. მისი თქმით, ადგილზე სახანძრო სამსახური არ შეინიშნება.
”ამ წუთებში საკმაოდ დიდი ცეცხლის კერას ვხედავთ ხურვალეთის მიმდებარედ, ოკუპირებულ ნაწილში. .
სულ ცალ წიხლზე ჰკიდიათ ოკუპანტებს ჩვენი ბუნების წვის ამბავი – ერთი სახანძრო მანქანაც კი არ შეინიშნება ახლომახლო.”-წერს დავით ქაცარავა.
2011 წლიდან მოყოლებული, არ არსებობს გადაწყვეტილება, რომელიც ბიძინა ივანიშვილმა ერთპიროვნულად, თავისი პირადი მოსაზრებებიდან გამომდინარე მიიღო. მუდმივად კონსულტაციების რეჟიმი არსებობს, რომელიც ერთი პერიოდი შეწყდა, რადგან ის პოლიტიკიდან გასული იყო. ახლა კი ისევ ურთიერთობის იმავე რეჟიმში დავბრუნდით.
ერთი ფლანგიდან მეორეზე და მეორედან პირველზე გადანაცვლება ახალ იმპულსსა და ენერგიას მოგვცემს. მაგრამ, მართვის სისტემა არ შეიცვლება.
ასე გამოეხმაურა ქართული ოცნების დეპუტატი, გია ვოლსკი მთავრობაში განხორციელებულ საკადრო ცვლილებას.
“ეს არ არის მორიგი რაუნდი, არ არის მორიგი დარტყმების გაცვლა, არც მორიგი ოპერაცია – სრული გამარჯვება… ამაზე ნაკლები არაფერი. მე ამის ერთგული ვარ, ჩვენი მებრძოლები ამის ერთგულები არიან და ხალხის აბსოლუტური უმრავლესობა ერთგულია. ტოტალურ გამარჯვებაზე ნაკლებს არ დავკმაყოფილდებით… ჩვენ არ გამოვიყვანთ IDF-ს ღაზას სექტორიდან და არ გავათავისუფლებთ ათასობით ტერორისტს. არც ერთი ეს არ მოხდება. Რა მოხდება? აბსოლუტური გამარჯვება!”
ამის შესახებ, ისრაელის პრემიერმა ბენიამინ ნეთანიაჰუმ დასავლეთ სანაპიროზე მდებარე სამხედრო აკადემიის სტუდენტებს განუცხადა მას შემდეგ, რაც გუშინ გავრცელდა ინფორმაცია, რომ ისრაელი ღაზაში ცეცხლის შეწყვეტისა და მძევლების გათავისუფლებაზე ახალ ზავს დათანხმდა.
ხვალ, 31 იანვარს თბილისის ნაწილს ელექტრომომარაგება დროებით შეუწყდება.
თელასი მიზეზად სხვადასხვა სამუშაოს ასახელებს.
კრწანისის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: გორგასალის, კრწანისის, სოლომონ II, დიდი ხეივნის და გულუას ქუჩების მოსახლეობას.
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გორგასალის, კრწანისის, სოლომონ II, დიდი ხეივნის და გულუას ქუჩების მოსახლეობას.
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: სოფელი ტაბახმელას, სოფელი წავკისის, სოფელი შინდისის და სოფელი კოჯრის მოსახლეობას.
ჩუღურეთის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ცოტნე დადიანის, გოგოლის, ჩიტაიას, კლდიაშვილის, კონსტიტუციის, ფიროსმანის და ჩუბინაშვილის ქუჩების მოსახლეობას.
დიდუბის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ჭიაურელის, ტერევენკოს და ლუბლიანას ქუჩების მოსახლეობას.
ნაძალადევის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ერისთავის ქუჩის მოსახლეობას.
გლდანის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გლდანის მასივის VIII მიკრორაიონის, გლდანის ხევის დასახლების, თიანეთის გზატკეცილის, ჯანჯღავას და კაჭარავას ქუჩების მოსახლეობას.
სამგორის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ლილოს დასახლების, ფრანგულიანის და ღლონტის ქუჩების მოსახლეობას.
საბაჟო გამშვებ პუნქტში „ყაზბეგი“, რუსეთის რესპუბლიკიდან მომავალი 20.91 ტონა სასურსათო კარტოფილით დატვირთული ავტოსატრანსპორტო საშუალება გააჩერეს.
პროდუქტის ლაბორატორიული კონტროლის შემდეგ ავტომობილი ექსპორტიორ ქვეყანაში გააბრუნეს.
“სასაზღვრო-საკარანტინო კონტროლის პროცედურების განხორციელებისას, ნიმუშების ლაბორატორიული ანალიზით, 20.91 ტონა კარტოფილში საკარანტინო მავნე ორგანიზმების არსებობა დადასტურდა. მთავრობის დადგენილების შესაბამისად, საქონელი ექსპორტიორ ქვეყანაში გაბრუნებას დაექვემდებარა” – აცხადებს შემოსავლების სამსახური.
“რადიკალი ოპოზიციისთვის და არც თქვენი მედიასაშუალების ხელმძღვანელებისთვის მნიშვნელობა არ აქვს პრემიერ ღარიბაშვილის დროს მოხდება პოლიტიკურად მათი ჩაძირვა, თუ პრემიერ კობახიძის დროს. იმიტომ, რომ ჩვენ ვხედავთ წინასაარჩევნო წუწუნს რადიკალი ოპოზიციისას, რომელიც აუცილებლად გადაიზრდება კვნესაში, 26 ოქტომბრის არჩევნების შემდგომ. აქედან გამომდინარე, რადიკალურ ოპოზიციას წაგებული არჩევნები აქვს ახლა”.
განაცხადა მმართველი გუნდის დეპუტატმა, გურამ მაჭარაშვილმა სამთავრობო ცვლილებებზე საუბრისას.
„განხილვა რამდენიმე დღეზე გადანაწილდება. ჩვენი მიზანია, მომავალ კვირას დავამტკიცოთ მთავრობის შემადგენლობა. სალომე ზურაბიშვილის გამოსვლაც იქნება, რადგან, რეგლამენტით, საგაზაფხულო სესიის პირველ დღეს არის მისი მიმართვა. ყველა ეს პროცესი მომავალ კვირაში დასრულდება. ჩემს ყოველწლიური ანგარიშს თებერვლის მომავალ სასესიო კვირაში წარვადგენ“,
ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა