Blog

თავდაცვის სამინისტრო აშშ-ის გადაწყვეტილებას, გადადოს “ღირსეულის პარტნიორის” სწავლება გაურკვეველი ვადით, დასანანს უწოდებს.

“ამერიკის შეერთებულ შტატებსა და საქართველოს შორის თავდაცვის სფეროში ათწლეულების განმავლობაში ჩამოყალიბებული პარტნიორული ურთიერთობა აკავშირებთ, რომელიც ეფუძნება ჩვენი ქვეყნების საერთო ინტერესებსა და მიზნებს.

”დასანანია ამერიკის შეერთებული შტატების თავდაცვის დეპარტამენტის მიერ გავრცელებული განცხადება, მრავალეროვნული სწავლება „ღირსეული პარტნიორი 2024“-ის გაურკვეველი დროით გადადების შესახებ.

საერთაშორისო სწავლებებს, მათ შორის „ღირსეული პარტნიორი 2024“-ს სარგებელი მოაქვს როგორც საქართველოსთვის, ასევე, ამერიკის შეერთებული შტატებისთვის და მასში მონაწილე პარტნიორი ქვეყნებისთვის, რადგან ხელს უწყობს თავდაცვისუნარიანობის გაძლიერებას, სამხედრო მოსამსახურეების შესაძლებლობების განვითარებას, პროფესიონალიზმის ამაღლებას და ურთიერთთავსებადობის გაზრდას.

აშშ-ის თავდაცვის დეპარტამენტსა და საქართველოს თავდაცვის სამინისტროს თავდაცვისა და უსაფრთხოების სფეროში ურთიერთსასარგებლო თანამშრომლობის ფორმატები არსებობს. სწავლების გადადების მიუხედავად, ზემოთ ხსენებული ფორმატები გრძელდება, მათ შორის, მიმდინარეობს მზადება მრავალეროვნული სწავლებისთვის „მტკიცე სული 2025“, – ნათქვამია განცხადებაში.

ცნობისთვის, ცოტა ხნის წინ ცნობილი გახდა, რომ აშშ-მა საქართველოში სწავლება “ღირსეული პარტნიორი”, რომელიც 25 ივლისიდან 6 აგვისტომდე უნდა გამართულიყო, განუსაზღვრელი ვადით გადადო. გავრცელებულ განცხადებაში, აღნიშნულია, რომ  გადაწყვეტილება გამოიწვია “საქართველოს მთავრობის ცრუ ბრალდებებმა შეერთებული შტატებისა და სხვა დასავლური სუბიექტების მიმართ, რომ ისინი ზეწოლას ახდენდნენ საქართველოზე, გაეხსნა მეორე ფრონტი რუსეთის წინააღმდეგ უკრაინაზე ზეწოლის შესამსუბუქებლად და მონაწილეობა მიეღო გადატრიალების მცდელობებში”.

“შეერთებულმა შტატებმა წამოიწყო აშშ-საქართველოს ორმხრივი ურთიერთობების ყოვლისმომცველი გადახედვა. ამის ფარგლებში, შეერთებული შტატები განუსაზღვრელი ვადით გადადებს საქართველოში “ღირსეული პარტნიორის” სწავლებას, რომელიც თავდაპირველად იყო დაგეგმილი 2024 წლის 25 ივლისი-6 აგვისტოს პერიოდში

30 მაისს აშშ-ის მთავრობამ საქართველოსთან ორმხრივი თანამშრომლობის სრული გადახედვა წამოიწყო. “ღირსეული პარტნიორის” გადადების გადაწყვეტილება განპირობებულია შეერთებული შტატებისა და სხვა დასავლური სუბიექტების მიმართ საქართველოს მთავრობის მიერ გაჟღერებული ცრუ ბრალდებებით, რომლის მიხედვითაც ზეწოლას ვახდენდით საქართველოზე, გაეხსნა მეორე ფრონტი რუსეთის წინააღმდეგ უკრაინაზე ზეწოლის შესამსუბუქებლად, და რომ მონაწილეობას ვიღებდით, მმართველი პარტიის წინააღმდეგ, გადატრიალების ორ მცდელობაში. როგორც ასეთი, შეერთებული შტატების მთავრობამ გადაწყვიტა, რომ ეს შეუფერებელი დროა საქართველოში მასშტაბური სამხედრო წვრთნების ჩასატარებლად”, – ვკითხულობთ განცხადებაში.

აშშ-მა საქართველოში სწავლება “ღირსეული პარტნიორი”, რომელიც 25 ივლისიდან 6 აგვისტომდე უნდა გამართულიყო, განუსაზღვრელი ვადით გადადო – შესაბამის განცხადებას შეერთებული შტატების თავდაცვის დეპარტამენტი ავრცელებს.

გავრცელებულ განცხადებაში, აღნიშნულია, რომ  გადაწყვეტილება გამოიწვია “საქართველოს მთავრობის ცრუ ბრალდებებმა შეერთებული შტატებისა და სხვა დასავლური სუბიექტების მიმართ, რომ ისინი ზეწოლას ახდენდნენ საქართველოზე, გაეხსნა მეორე ფრონტი რუსეთის წინააღმდეგ უკრაინაზე ზეწოლის შესამსუბუქებლად და მონაწილეობა მიეღო გადატრიალების მცდელობებში”.

“შეერთებულმა შტატებმა წამოიწყო აშშ-საქართველოს ორმხრივი ურთიერთობების ყოვლისმომცველი გადახედვა. ამის ფარგლებში, შეერთებული შტატები განუსაზღვრელი ვადით გადადებს საქართველოში “ღირსეული პარტნიორის” სწავლებას, რომელიც თავდაპირველად იყო დაგეგმილი 2024 წლის 25 ივლისი-6 აგვისტოს პერიოდში

30 მაისს აშშ-ის მთავრობამ საქართველოსთან ორმხრივი თანამშრომლობის სრული გადახედვა წამოიწყო. “ღირსეული პარტნიორის” გადადების გადაწყვეტილება განპირობებულია შეერთებული შტატებისა და სხვა დასავლური სუბიექტების მიმართ საქართველოს მთავრობის მიერ გაჟღერებული ცრუ ბრალდებებით, რომლის მიხედვითაც ზეწოლას ვახდენდით საქართველოზე, გაეხსნა მეორე ფრონტი რუსეთის წინააღმდეგ უკრაინაზე ზეწოლის შესამსუბუქებლად, და რომ მონაწილეობას ვიღებდით, მმართველი პარტიის წინააღმდეგ, გადატრიალების ორ მცდელობაში. როგორც ასეთი, შეერთებული შტატების მთავრობამ გადაწყვიტა, რომ ეს შეუფერებელი დროა საქართველოში მასშტაბური სამხედრო წვრთნების ჩასატარებლად”, – ვკითხულობთ განცხადებაში.

დიდ ბრიტანეთში კონსერვატორების 14 წლიანი მმართველობა დასრულდა.

ლეიბორისტულმა პარტიამ ვადამდელ საპარლამენტო არჩევნებში თემთა პალატაში ხმათა უმრავლესობა მოიპოვა.  კონსერვატორების პრემიერ მინისტრი, რიში სუნაკი თანამდებობიდან გადადგა. პრემიერის პოსტს ლეიბორისტების ლიდერი, კეირ სტარმერი დაიკავებს.

ჯერ კიდევ ყველა ოლქში ხმების დათვლის დასრულებამდე გახდა ცნობილი, რომ  ლეიბორისტებმა  ოფიციალურად მოიგეს მინიმუმ 410  მათგანი, რაც მათ 650 ადგილიან პალატაში კომფორტულ უმრავლესობას აძლევს.

პრემიერმა რიში სუნაკმა უკვე გააკეთა განცხადება თანამდებობიდან გადადგომის შესახებ. ის კონსერვატორების ლიდერის თანამდებობასაც ტოვებს, თუმცა მოგვიანებით. ძალიან ვწუხვარ – თქვა მან დაუნინგ სთრითის რეზიდენციასთან გამართულ ბოლო ბრიფინგზე.პრემიერმა სუნაკმა საკუთარ ოქში – რიჩმონდში და ნორტალერტონში გამარჯვება და თემთა პალატაში მოხვედრა შეძლო, თუმცა პრემიერის რანგში მოღვაწეობა დაასრულა.

• “დილა მშვიდობის. მალე შევხვდები მის უდიდებულეაობას, მეფეს, რათა განცხადება გადავცე პრემიერ მინისტრის პოსტიდან გადადგომის შესახებ. ქვეყანას კი მინდა ვუთხრა, რომ პირველ რიგში, ძალიან ვწუხვარ. მე მთლიანად მივუძღვენი საკუთარი თავი ამ სამუშაოს. მაგრამ თქვენ გამოგვიგზავნეთ ნათელი სიგნალი იმის შესახებ, რომ გაერთიანებული სამეფოს მთავრობა უნდა შეიცვალოს. და თქვენი გადაწყვეტილება ერთადერთია, რასაც მნიშვნელოვანია აქვს. მე გავიგე თქვენი გაბრაზება, თქვენი იმედგაცრუება. და მე ვიღებ პასუხისმგებლობას ამ დანაკარგზე. მტკივნეულია იმაზე ფიქრი, რამდენი კარგი კოლეგა, რომლებმაც დიდი წვლილი შეიტანეს ჩვენი თემების და ჩვენი ქვეყნის განვითარებაში, აღარ იქნებიან თემთა პალატაში. მე მათ მადლობას ვუხდი მძიმე შრომის და მსახურებისთვის. ამ შედეგის შემდეგ მე თანამდებობიდან მივდივარ. პარტიის ლიდერის პოსტს დღესვე არ დავტოვებ, არამედ მას შემდეგ, რაც მიღებულ იქნება ფორმალური ზომები ჩემი შემცვლელის ასარჩევად. მე ვუსურვებ სერ კეირ სტარმერს, რომელიც მალე ჩვენი პრემიერ მინისტრი გაგხდება, წარმატებებს. როგორიც არ უნდა ყოფილიყო ჩვენი დაპირისპირება ამ კამპანიისას, ის წესიერი, ხალხის მსახურებით შთაგონებული კაცია, რომელსაც მე პატივს ვცემ. “ – განაცხადა სუნაკმა. 

რიში სუნაკი დღესვე ესტუმრა ბუკინგემის სასახლეში მეფე ჩარლზ მესამეს და გადადგომის თხოვნა გადასცა.

დღესვე ბუკინგემის სასახლეში მივიდა ლეიბორისტების ლიდერი,   კეირ სტარმერი, რომელსაც მეფემ ფორმალურად უკვე დაავალა ახალი მთავრბის ფორმირება.

არჩევნების შედეგებმა ბრიტანული პოლიტიკა თავდაყირა დააყენა. ლეიბორისტებმა თემთა პალატაში მინიმუმ  412 ადგილი მიიღეს, რითაც წინა მაჩვენებელი 210 მანდატით გაზარდეს. იმ დროს, როცა კონსერვატიულმა პარტიამ დაახლოებით 250 მანდატი დაკარგა. ბრიტანეთის საკანონმდებლო ორგანოში ვეღარ მოხვდა არაერთი ყოფილი მინისტრი, ასევე  ყოფილი პრემიერ–მინისტრი ლიზ ტრასი.

მომავალმა პრემიერ მინისტრმა, კეირ სტარმერმა არჩევნებში გამარჯვებისთანავე ცვლილებების პირობა დადო.

• “თქვენ ხმა მიეცით ამას და აი, ისიც დადგა. ცვლილებები ახლავე იწყება. ჩვენ ვთქვით, რომ ბოლოს მოვუღებთ ქაოსს , და ჩვენ ამას გავაკეთებთ. ჩვენ ვთქვით, რომ ახალ თავს დავიწყებთ, და ჩვენ ეს გავაკეთეთ. ჩვენ დღეს ახალი თავის წერას ვიწყებთ, ვიწყებთ მუშაობას ცვლილებებისთვის, ვიწყებთ ნაციონალური განახლების მისიას და ჩვენი ქვეყნის აღდგენას.“ – განაცხადა კეირ სტარმერმა.

კონსერვატიული პარტიისთვის ამ არჩევნების შედეგები ბოლო ასი წლის განმავლობაში ყველაზე ცუდი მაჩვენებელია.

რატომ დამარცხდნენ კონსერვატორები.

ექსპერტები ამბობენ, რომ კონსერვატორების დამარცხება საზოგადოებაში მათ არაპოპულარობას უფრო უკავშირდება, ვიდრე ნდობას და მხარდაჭერას ლეიბორისტების მიმართ.

ხელისუფლებაში კონსერვატორების ყოფნის 14 წლის განმავლობაში მოხდა ცხოვრების დონის  ვარდნა პირველად 1950-იანი წლების შემდეგ. მათი პოპულარობის კლების მიზეზებს შორის არის სახელმწიფო ხარჯების მკაცრი ეკონომია 2008–2009 წლების ფინანსური კრიზისის, პანდემიისა და ბრექსიტის შედეგად, რამაც ვაჭრობა და ინვესტიციები მნიშვნელოვნად შეამცირა.

ოპოზიციისთვის საკმარისი აღმოჩნდა მოსახლეობისთვის ერთადერთი – ცვლილებების დაპირება მიეცა.

მმართვალი პარტია სოციოლოგიურ კვლევებში ოპოზიციასთან უკვე რამდენიმე წელია აგებდა, თუმცა მას ჰქონდა საპარლამენტო უმრავლესობა და უფლება, ხელისუფლებაში ხუთწლიანი ვადის ბოლომდე – 2025 წლის იანვრამდე დარჩენილიყო.

თუმცა, პრემიერმა რიში სუნაკმა მოულოდნელად რიგგარეშე არჩევნები დანიშნა და ეს არჩევნები, როგორც მოსალოდნელი იყო, წააგო.

“ვიქტორ ორბანი მოსკოვში ევროკავშირს ან მის პოზიციებს არანაირად არ წარმოადგენს. ის ევროკავშირში თავმჯდომარეობის პოზიციას დაბნეულობის დასათესად ბოროტად იყენებს. ევროკავშირი ერთიანია, მკაფიოდ დგას უკრაინასთან და რუსეთის აგრესიის წინააღმდეგ”,

წერს ესტონეთის პრემიერმინისტრი კაია კალასი სოციალურ ქსელში და ორბანის მოსკოვში ვიზიტს ეხმაურება.

“არსებობს ძველი “ნაციონალური მოძრაობა“ – კლასიკური და სტანდარტული. ასევე არსებობს მოჩვენებითი, ვითომ ახალი ორგანიზაცია, მაგრამ კვლავ “ნაციონალურ მოძრაობა“. ეს გაყოფა იმან გამოიწვია, რომ “ნაციონალური მოძრაობის“ მხარდამჭერთა ნაწილისთვის ისტერიკიანი და არაინტელექტუალური ადამიანები მიუღებელი არიან. გამომდინარე აქედან, ჩათვალეს, რომ კიდევ ახალი “ნაცმოძრაობა“ უნდა შეიქმნას, თუმცა ეჭვი არავის ეპარება, რომ ეს იგივე “ნაცმოძრაობაა“. ეს ორი “ნაცმოძრაობა“ შეეცდება, რომ “ნაციონალური მოძრაობის“ ფორმატი არ დაიშალოს. რა როლი ექნება მიხეილ სააკაშვილს ამ კონფიგურაციაში, ამას ვერ გეტყვით, მაგრამ ფაქტია, რომ ის ჯერჯერობით ოფსაიდშია დატოვებული.

“ნაციონალური მოძრაობის“ მყარი მოკავშირე სუბიექტები არიან “ლელო“ და გიორგი გახარია“,

ამის შესახებ ჟურნალისტებთან დღეს პარლამენტის პირველმა ვიცე-სპიკერმა გია ვოლსკიმ განაცხადა.

“დასრულდა დღევანდელი სასამართლო, სადაც მასამართლებენ 2 მუხლით, 166/1 და 173/1, პოლიციის დაუმორჩილებლობა, წინააღმდეგობის გაწევა, ხულიგნობა. როგორც ვვარაუდობდი და ეს ვარაუდი არაერთხელ გავაჟღერე კიდეც, მოწმეებად მოიყვანეს 2 პოლიციელი, რომლებსაც როგორც აღმოჩნდა და როგორც ვივარაუდე, სამხრე კამერები არ ჰქონდათ ჩართული და შესაბამისად, არანაირი მტკიცებულება არ გააჩნდათ. 2-ვე პოლიციელის ჩვენება ერთმანეთს აცდენილი იყო და ურთიერთგამომრიცხავი. ეს საქმე თავიდან ბოლომდე ფაბრიკაციაა, რომლის მიზანია ჩემზე მოახდინოს ზეწოლა, დამაშინოს და მაიძულოს უარი ვთქვა ბრძოლაზე. მალე მოვა ის დღე, როდესაც ყველა კანონ დამრღვევს მოგიწევთ კანონის წინაშე, კანონის სრული სიმკაცრით პასუხისგება. დრონი მეფობენ, დრონი”,

აცხადებს, ანტისაოკუპაციო მოძრაობის დამფუძნებელი, დავით ქაცარავა, რომლის პროცესიც რამდენიმე წუთის წინ დასრულდა. მას რუსული კანონის საწინააღმდეგოდ გამართულ აქციაზე ადმინისტრაციულ სამართალდარღვევათა კოდექსის ორი მუხლის – პოლიციელისადმი დაუმორჩილებლობა, წვრილმან ხულიგნობა – დარღვევას ედავებიან.

“საერთაშორისო გამჭვირვალობა საქართველო” აცხადებს, რომ 2022 წელს ევროკომისიის რეკომენდაციის შესრულების საფუძვლით შექმნილმა ანტიკორუფციულმა ბიურომ მკვეთრად გააუარესა თანამდებობის პირთა დეკლარაციების მონიტორინგისა და გამჭვირვალობის სტანდარტი. ანტიკორუფციული ბიურო არღვევს კორუფციის წინააღმდეგ ბრძოლის კანონს და არ ასაჯაროებს თანამდებობის პირთა დეკლარაციების მონიტორინგის შედეგებს.

“ანტიკორუფციულმა ბიურომ პროაქტიულად, 2023 წლის დეკემბრის ბოლოს არ გაასაჯაროვა დეკლარაციების მონიტორინგის შედეგები, რაც კორუფციის წინააღმდეგ ბრძოლის კანონის პირდაპირი დარღვევაა.

ანტიკორუფციული ბიურო არ ასაჯაროებს მონიტორინგის შედეგს 720 თანამდებობის პირის დეკლარაციაზე და მალავს ინფორმაციას, თუ რა შედეგით დასრულდა მონიტორინგი თითოეულთან მიმართებით. მაგალითად, 2023 წელს მონიტორინგს დაექვემდებარა ირაკლი ღარიბაშვილის, ირაკლი კობახიძის, ირაკლი შოთაძისა და მისი მოადგილეების, გრიგოლ  ლილუაშვილისა და მისი მოადგილეების, პარლამენტის წევრების, მათ შორის შალვა პაპუაშვილის, მამუკა მდინარაძის, ანრი ოხანაშვილის, დიმიტრი სამხარაძის, ვიქტორ ჯაფარიძის, დიმიტრი ხუნდაძის, ნინო წილოსანის, მიხეილ ყაველაშვილის, ალუდა ღუდუშაურის, ბექა ოდიშარიას დეკლარაციები. ასევე, მოსამართლეების, მათ შორის შალვა თადუმაძის, ლევან მურუსიძის, მიხეილ ჩინჩალაძის, დიმიტრი გვრიტიშვილის, ვასილ მშვენიერაძის დეკლარაციები. ბიურომ არ გაასაჯაროვა ინფორმაცია აღმოაჩინა თუ არა დარღვევები ამ თანამდებობის პირთა დეკლარაციებში, თუ აღმოაჩინა, რა დარღვევები ჰქონდათ და საპასუხოდ, რა ტიპის სანქცია გამოიყენა (გაფრთხილება თუ დაჯარიმება).

ანტიკორუფციულმა ბიურომ საქმიანობის წლიურ ანგარიშში, რომელიც საქართველოს პარლამენტს 2024 წლის 29 მარტს წარუდგინა, ასახა მხოლოდ საჯარო სამსახურის ბიუროს მიერ (2023 წლის 1 სექტემბრამდე) განხორციელებული დეკლარაციების მონიტორინგის შედეგების ზოგადი სტატისტიკა, თანამდებობის პირებს, და დარღვევებისა და დაკისრებული სანქციის მითითების გარეშე. ანტიკორუფციულმა ბიურომ არ გაასაჯაროვა მის მიერ (2023 წლის 1 სექტემბრიდან 10 დეკემბრამდე) შემოწმებული დეკლარაციების შედეგები, მათ შორის არც ზოგადი სტატისტიკა. ბიურომ 2023 წლის დეკლარაციების მონიტორინგის შედეგები არც საჯარო ინფორმაციის მოთხოვნის საფუძველზე არ გასცა”. – წერია ორგანიზაციის განცხადებაში.

“უნგრეთი ახლა ევროკავშირის წევრი ქვეყანაა, რომელიც, როტაციული პრინციპით, 2024 წლის 31 დეკემბრამდე ევროკავშირის საბჭოს თავმჯდომარეა. ეს არ გულისხმობს კავშირის რაიმე გარე წარმომადგენლობას, ეს არის ევროსაბჭოს პრეზიდენტის პასუხისმგებლობა სახელმწიფოს ან მთავრობის მეთაურების დონეზე, და საგარეო საქმეთა და უსაფრთხოების პოლიტიკის ევროკავშირის უმაღლესი წარმომადგენლის მინისტრთა დონეზე. […]

ევროკავშირის პოზიცია უკრაინის წინააღმდეგ რუსეთის აგრესიულ ომზე აისახება ევროპის საბჭოს ბევრ დასკვნაში. ეს პოზიცია გამორიცხავს ოფიციალურ კონტაქტებს ევროკავშირსა და პრეზიდენტ პუტინს შორის. ამრიგად, უნგრეთის პრემიერმინისტრი არ წარმოადგენს ევროკავშირს არავითარი ფორმით”,

ასე ეხმაურება, უნგრეთის პრემიერის, ვიქტორ ორბანის მოსკოვში ჩასვლას ევროკავშირის უმაღლესი წარმომადგენელი ჯოზეფ ბორელი

უნგრეთის პრემიერმინისტრი ვიქტორ ორბანი ვლადიმერ პუტინთან შესახვედრად, მოსკოვში ჩავიდა. ინფორმაციას სააგენტო MTI ვიქტორ ორბანის პრესსპიკერზე დაყრდნობით ავრცელებს.

“სამშვიდობო მისიის ფარგლებში, პრემიერ მინისტრი ვიქტორ ორბანი მოსკოვში ჩავიდა. მთავრობის მეთაური პრეზიდენტ ვლადიმირ პუტინს შეხვდება”. – ციტირებს MTI ორბანის პრესმდივნის ბერტალან ჰავაშის სიტყვებს.

ვიქტორ ორბანის მოსკოვში დაგეგმილი ვიზიტის შესახებ გუშინ გახდა ცნობილი. 2 დღით ადრე, უნგრეთის პრემიერი კიევში ჩავიდა და პრეზიდენტ ვოლოდიმირ ზელენსკის შეხვდა.