Blog

“პატრიარქის არჩევა არ არის მარტივი პროცესი, ყველაფერი მოწესრიგებულად უნდა იყოს, არ უნდა დარჩეს ორაზროვნება, ამიტომ, საორგანიზაციო საკითხებზე შეთანხმება იყო საჭირო.

განათლების თემის შესახებ განსაკუთრებული მსჯელობა არ ყოფილა, მინიმუმ სასულიერო სემინარია რჩება მოთხოვნად.

დღევანდელ სხდომაზე ასაკის საკითხი დაისვა, თუმცა რადგან ძალიან ბევრი სხვა საკითხი იყო, ამიტომ გადაწყდა, რომ შემდეგ სინოდის სხდომაზე იქნას უფრო კონკრეტულად მიღებული ამაზე გადაწყვეტილება

ასაკის შესახებ გადაწყვეტილება დღეს არ მიღებულა, არ გამოიკვეთა როგორ იქნება ინტერპრეტირებული ის ჩანაწერი, რომელშიც არაუმეტეს 70 წლისა არის აღნიშნული და შემდეგ სინოდის სხდომაზე, როდესაც სამი კანდიდატი იქნება გამორჩეული, მაგ დროს იქნება ამის შესახებაც მსჯელობა”,

საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის თქმით, სინოდის შემდეგი სხდომა 24 აპრილს გაიმართება.

“აფხაზეთის დამოუკიდებელ განვითარებას მხარს ვუჭერთ” – რუსეთის პრეზიდენტმა, ვლადიმირ პუტინმა ფორუმის “აფხაზეთი – ინვესტიციები მომავალში” მონაწილეებს მისალოცი მიმართვა გაუგზავნა და აღნიშნა, რომ რუსეთისთვის ოკუპირებული აფხაზეთის დამოუკიდებელი განვითარება ერთ-ერთი “უმნიშვნელოვანესი” პრიორიტეტია.

“რუსულ-აფხაზურ პარტნიორობას კომპლექსური ხასიათი აქვს, ამიტომ მნიშვნელოვანია, რომ მომავალშიც ენერგიულად ვიმოქმედოთ ყველა პერსპექტიულ მიმართულებაზე – განვავითაროთ პროექტები სხვადასხვა სფეროში” – ნათქვამია ტექსტში, რომელიც ფორუმზე რუსეთის პრეზიდენტის ადმინისტრაციის ხელმძღვანელის პირველმა მოადგილემ, სერგეი კირიენკომ წაიკითხა.

რუსეთის პრეზიდენტმა აღნიშნა, რომ ერთობლივი მუშაობის დადებითი შედეგები ისეთ სფეროებში, როგორიც სატრანსპორტო და ტურისტული ინფრასტრუქტურის მოდერნიზაცია, ასევე ენერგეტიკის, სოფლის მეურნეობისა და ვაჭრობაა, მნიშვნელოვანია.

“ხაზგასმით აღვნიშნავ, რომ რუსეთი მტკიცედ უჭერს მხარს აფხაზეთის სუვერენულ განვითარებას და აქტიურად უწყობს ხელს მისი ეკონომიკური სტაბილურობისა და უსაფრთხოების გაძლიერებას. ეს ჩვენი ერთ-ერთი მნიშვნელოვანი, უპირობო პრიორიტეტია” – აღნიშნულია რუსეთის პრეზიდენტის გზავნილში.

გარემოს ეროვნული სააგენტოს ინფორმაციით, 3 აპრილის დღის ბოლოდან 5 აპრილამდე საქართველოში მოსალოდნელია დროგამოშვებით ნალექი, ზოგან ძლიერი, შესაძლებელია ელჭექი და ქარის გაძლიერება. 5-6 აპრილს აღმოსავლეთ საქართველოში, მათ შორის, თბილისში, იქროლებს დასავლეთის ძლიერი ქარი.

სააგენტოს ცნობით, მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს (საფრთხის დონე საშუალო).

„გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტლის“ სამხედრო ჰოსპიტლის ქუთაისის სამედიცინო ცენტრის განყოფილების უფროსმა, წვევამდელზე, სამხედრო სამსახურის თავის არიდების მიზნით, 3000 ლარის სანაცვლოდ, ყალბი სამედიცინო დასკვნა გასცა. ინფორმაციას ფინანსთა სამინისტროს სამინისტროს საგამოძიებო სამსახური ავრცელებს.

გამოძიება სსკ-ის 338-ე მუხლის პირველი ნაწილით მიმდინარეობს, რაც 6-დან 9 წლამდე პატიმრობას ითვალისწინებს.

“ქრთამის აღების ფაქტზე დაკავებულია სსიპ „გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტლის“ ქუთაისის სამედიცინო ცენტრის განყოფილების უფროსი.

გამოძიებით დადგენილია, რომ ბრალდებულმა, წვევამდელთა ეროვნული სამხედრო სამსახურისთვის თავის არიდების მიზნით, 3 000 ლარის სანაცვლოდ, წვევამდელ პირზე ყალბი მონაცემების შემცველი სამედიცინო დასკვნის გაცემა უზრუნველყო, რის საფუძველზეც ეს უკანასკნელი სამხედრო ვალდებულებისგან გათავისუფლებას შეძლებდა.

გამოძიების ფარგლებში, სასამართლოს განჩინებების საფუძველზე განხორციელებული ფარული საგამოძიებო მოქმედებების შედეგად, მოპოვებულია აღნიშნული დანაშაულებრივი ქმედების ამსახველი აუდიო და ვიდეომტკიცებულებები.

გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით”, – ნათქვამია საგამოძიებო სამსახურის გავრცელებულ ინფორმაციაში.

ფინანსთა სამინისტროს საგამოძიებო სამსახური მოუწოდებს საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. სამსახურის რეაგირება ნებისმიერ შემთხვევაში იქნება მკაცრი.

დღეს საპატრიარქოში სინოდის სხდომა გაიმართება, რომელზეც საორგანიზაციო საკითხებსა და მართვა-გამგეობის დებულებათა ცალკეული მუხლების ინტერპრეტაციაზე იმსჯელებენ.საპატრიარქოს საზოგადოებასთან ურთიერთობის ხელმძღვანელი, დეკანოზი ანდრია ჯაღმაიძე, ადასტურებს, რომ დღევანდელ სხდომაზე განსახილველ საკითხთა შორის შესაძლოა, იყოს ასაკობრივი ცენზისა და განათლების საკითხის განსაზღვრა-მოწესრიგება.

“3 კანდიდატის გამოცხადება შემდეგ სინოდზე მოხდება, მას შემდეგ, რაც კენჭს უყრიან კანდიდატებს. დღეს მსჯელობა იქნება იმ კრიტერიუმებზე, რომლებსაც უნდა აკმაყოფილებდეს საპატრიარქო კანდიდატი, მათ შორის შესაძლოა ამაზე [ასაკობრივ ცენზსა და განათლებაზე] იყოს მსჯელობა” – განაცხადა ანდრია ჯაღმაიძემ.

სინოდის სხდომა, რომელიც სამ კანდიდატს გამოარჩევს, პატრიარქის გარდაცვალებიდან 40 დღის შემდეგ გაიმართება.

თბილისის მერია განცხადებას ავრცელებს და აცხადებს, რომ ცხოველთა თავშესაფართან მიმდინარე აქციის დროს მოქალაქეთა ჯგუფი შენობაში თვითნებურად შეიჭრა და “ხელი შეუშალა თავშესაფრის ვეტერინარებს საქმიანობაში”.მერია აცხადებს, რომ “მოქალაქეთა აგრესიული ჯგუფი შეიჭრა თავშესაფრის ისეთ ტერიტორიაზეც, სადაც განთავსებული არიან დაავადებული და დაკვირვების ქვეშ მყოფი ძაღლები, იქ კი, სანიტარიულ-ჰიგიენური ნორმებიდან გამომდინარე, უცხო პირთა შესვლა აკრძალულია”.

“გვსურს, გამოვეხმაუროთ დედაქალაქში, ცხოველთა თავშესაფართან მიმდინარე აქციას, რა დროსაც მოქალაქეთა ჯგუფი შენობაში თვითნებურად შეიჭრა, ხელი შეუშალა თავშესაფრის ვეტერინარებს საქმიანობაში.

აქციის მონაწილეებს შორის იყო რადიკალური ოპოზიციის წარმომადგენელი, რომელიც უშუალოდ ხელმძღვანელობდა პროვოკაციის მოწყობას.

მოქალაქეთა ნაწილი ასევე, არ დაემორჩილა ადმინისტრაციის წარმომადგენლების მითითებებს, რომლებიც მზად იყვნენ, მათთვის კანონის ფარგლებში ეჩვენებინათ თავშესაფრის ტერიტორია და გაეცნოთ სამუშაო პროცესი.

მიუხედავად არაერთი მოწოდებისა, მოქალაქეთა აგრესიული ჯგუფი შეიჭრა თავშესაფრის ისეთ ტერიტორიაზეც, სადაც განთავსებული არიან დაავადებული და დაკვირვების ქვეშ მყოფი ძაღლები, შესაბამისად, სანიტარიულ-ჰიგიენური ნორმებიდან გამომდინარე, იქ უცხო პირთა შესვლა აკრძალულია. უფრო მეტიც, მათ ვოლიერებიდან გამოიყვანეს დაავადებული ძაღლები, ასევე ცოფის ვირუსზე დაკვირვების ქვეშ მყოფი ცხოველები, რაც როგორც უსაფრთხოების ნორმების, ისე კანონის უხეშ დარღვევას წარმოადგენს.

სრული პასუხისმგებლობით ვაცხადებთ, რომ ცხოველთა მუნიციპალურ თავშესაფარში დაცულია შესაბამისი სანიტარიული ნორმები, სამუშაო პროცესი მიმდინარეობს შინაგანაწესისა და კანონის სრული დაცვით. ასევე, თავშესაფრის ტერიტორიაზე არ არსებობს კრემატორიუმი, რომელსაც აქციის მონაწილეები ეძებდნენ.

მოვუწოდებთ მოქალაქეებს და მედიასაშუალებების წარმომადგენლებს, დაემორჩილონ კანონს, რადგან ადმინისტრაციულ შენობაში შეჭრა კანონდარღვევას წარმოადგენს, რომელსაც შესაბამისი რეაგირება მოჰყვება.

ცხოველთა მონიტორინგის სააგენტო მზადაა, ნებისმიერ დაინტერესებულ პირს, შესაბამისი ნორმების დაცვით, თავშესაფრის ტერიტორია დაათვალიერებინოს და სამუშაო პროცესი გააცნოს”, – ვკითხულობთ მერიის მიერ გავრცელებულ განცხადებაში.