მუდმივი დაძაბულობა თანამედროვე სამყაროს განუყოფელი ნაწილია. როცა წარმატებულ ადამიანებს ვუყურებთ, ისეთი შთაბეჭდილება გვრჩება, თითქოს მათ ყველაფერი შესანიშნავად აქვთ და წარმოდგენაც კი არ აქვთ რა არის სტრესი. თუმცა სინამდვილეში ასე არ არის. უბრალოდ მათ, ვინც ცხოვრებაში რაღაცას მიაღწიეს, სტრესის დამარცხება ისწავლეს. ყველას საკუთარი მეთოდი აქვს.
გთავაზობთ მსოფლიოს ყველაზე წარმატებული ადამიანების სტრესთან გამკლავების მეთოდებს.
1. დაეხმარეთ სხვებს
კორპორაცია Virgin–ის ხელმძღვანელი, რიჩარდ ბრენსონი გვირჩევს პრიორიტეტები სწორად განვსაზღვროთ და სხვებს დავეხმაროთ. როცა რაღაც კარგს ვაკეთებთ, ადამიანებს ვეხმარებით უფრო სუფთები და ბედნიერები ვხდებით. ამიტომაც ბიზნესმენი გვირჩევს, როცა ცხოვრებაში რთული პერიოდი გვაქვს იმ ადამიანებზე ვიფიქროთ, რომლებსაც დახმარება სჭირდებათ.
“ფიქრობთ რომ გაიჭედეთ? კითხეთ საკუთარ თავს, რა შეგიძლიათ გააკეთოთ საიმისოდ, რომ ვიღაცას ერთი დღე მაინც გაულამაზოთ.“ ამბობს რიჩარდ ბრენსონი.
როგორ გამოვიყენოთ ეს რჩევა პრაქტიკაში:
- მიმოიხედეთ გარშემო: შესაძლოა მარტოხელა მოხუცი მეზობელი გყავთ, რომელსაც პროდუქტების საყიდლად წასვლა უჭირს, ან მრავალშვილიანი ოჯახი, რომელსაც სხვადასხვა ნივთები და სათამაშოები ძალიან სჭირდება.
- შესაძლოა დასვენება სასარგებლო საქმესაც შეუთავსოთ და მაგალითად, შაბათ–კვირას ცხოველთა თავშესაფარში მოხალისედ წაიმუშაოთ.
2. მოაწესრიგეთ თქვენი საქმიანობა
Twitter –ის ერთ–ერთი დამფუძნებელი, ჯეკ დორსი თვლის, რომ სტრესის წყარო უსიამოვნო მოულოდნელობებია. ამიტომაც სამუშაო საგულდაგულოდ უნდა დაიგეგმოს და მაქსიმალურად შეეცადოთ გეგმას მიჰყვეთ. მნიშვნელოვანია მოსახერხებელი და თანმიმდევრული განრიგის შექმნა.
“თუ სწორად შეადგენთ თქვენს განრიგს და მკაცრად მიჰყვებით მას, იშვიათად აღმოჩნდებით ცაიტნოტში, შესაბამისად ნაკლებ სტრესს მიიღებთ“ – ამბობს ჯეკ დორსი.
როგორ გამოვიყენოთ ეს რჩევა პრაქტიკაში:
- გამოიყენეთ სხვადასხვა აპლიკაციები და პროგრამები, რომლებიც ინფორმაციის სტრუქტურირებაში და ვადების დაცვაში დაგეხმარებათ (Toodledo, HabitForge, Objectiveli) . შესაძლოა ძველებური ტრადიციული მეთოდი – კარგი ბლოკნოტი და საწერი კალამიც გამოგადგეთ.
- ისწავლეთ პრიორიტეტების განსაზღვრა და მუდმივად ივარჯიშეთ ყურადღების კონცენტრირებაში.
3. გიყვარდეთ ის საქმე, რასაც აკეთებთ
Google –ის ერთ ერთ დამფუძნებელს, სერგეი ბრინს დაძაბულობის და სტრესის მოხსნაში საკუთარი საქმის სიყვარული ეხმარება. სტრესის მიზეზი ხომ ხშირად ისიც არის რომ ადამიანს არ უყვარს საქმე, რომელსაც აკეთებს.
“არ აქვს მნიშვნელობა მდიდარი ხარ თუ ღარიბი. მე ბედნიერი ვარ იმიტომ, რომ სიამოვნებას ვიღებ იმ საქმისგან, რასაც ვაკეთებ. სინამდვილეში ეს არის ყველაზე დიდი სიმდიდრე“ – ამბობს ბრინი.
როგორ გამოვიყენოთ ეს რჩევა პრაქტიკაში:
- განსაზღვრეთ, რომელ სფეროში ხართ ყველაზე ნიჭიერი. მოუსმინეთ საკუთარ თავს: რისი კეთება გესიამოვნებოდათ.
- საკუთარი საქმის სიყვარულის საუკეთესო ხერხია თქვენი საყვარელი ჰობი შემოსავლის წყაროდ აქციოთ.
4. არ ღირს პრობლემების იგნორირება
კომპანია Amazon –ის დამფუძნებელი და ხელმძღვანელი ჯეფ ბეზოსი თვლის, რომ სტრესთან ბრძოლის საუკეთესო საშუალება წინდახედულებაა. იმისათვის, რომ ფსიქოლოგიური დაძაბულობა არ დაუშვათ, დროულად უნდა დაიწყოთ მოქმედება.
“სტრესი იმის შედეგია, რომ დროულად არ იმოქმედეთ და არაფერი გააკეთეთ მაშინ, როცა სიტუაციის კონტროლი ჯერ კიდევ შესაძლებელი იყო. როგორც კი პრობლემას აღმოვაჩენ, მაშინვე ვრეკავ ან ელექტრონული ფოსტით წერილს ვგზავნი, რათა სიტუაციის შეცვლა დავიწყო. პრობლემა რომც არ გადაწყდეს ის ფაქტი, რომ მისი კონტროლი დავიწყე სტრესს მნიშვნელოვნად ამცირებს“ – ამბობს ჯეფ ბეზოსი.
როგორ გამოვიყენოთ რჩევა პრაქტიკაში:
- შეადგინეთ გრძელვადიანი და მოკლევადიანი გეგმები. ეს დაგეხმარებათ საქმის მსვლელობას და მდგომარეობას ეფექტურად დააკვირდეთ.
- კვირაში ან თვეში ერთხელ გაკეთებული საქმეები შეაჯამეთ. ასე შეძლებთ საკუთარი ეფექტურობა და შესაძლო რისკები შეაფასოთ.
5. შეეცადეთ კონცენტრირდეთ
მსოფლიოში ცნობილი კომპანია Apple–ს ხელმძღვანელის, ტიმ კუკის აზრით, რომლის მსოფლხედველობაზე სტივ ჯობსთან მეგობრობამ დიდი გავლენა იქონია ამბობს, რომ სტრესის თავიდან ასაცილებლად იმაზე უნდა კონცენტრირდეთ, რაც ყველაზე კარგად გამოგდით.
“რა ვისწავლე სტივისგან? ის, რომ კომპანიისა და პირადი ცხოვრების მართვისას მთავარია კონცენტრირება. მხოლოდ იმ საქმეზე უნდა კონცენტრირდე, რაც ყველაზე კარგად გამოგდის. დანარჩენს თავი უნდა გაანებო“ , ამბობს ტიმ კუკი.
როგორ გამოვიყენოთ ეს რჩევა პრაქტიკაში:
- ისწავლეთ დელეგირება. თუ სხვა ადამიანი თანახმაა საქმის ნაწილი გადაიბაროს და თუ მას თქვენზე უკეთ აკეთებს, დაე აკეთოს.
- თუ თქვენ რაღაც სხვებზე უკეთ გამოგდით, თავად აკეთეთ. გახსოვდეთ, რომ პროდუქტი ინჟინრებმა უნდა შეიმუშავონ, პროცესი კი მენეჯერმა უნდა მართოს.
6. მეტი დრო გაატარეთ ოჯახთან
სწორედ ამერიკელმა ბიზნესმენმა, YouTube –ის გენერალურმა დირექტორმა, სიუზენ ვოიჯიტსკიმა მოიფიქრა სადღესასწაულო დღეებში სიტყვა Google -ის ანიმაციითა და სურათებით შეცვლა. სიუზენი ყველას ურჩევს მუშაობაში პაუზა გააკეთონ და თავისუფალი დრო ახლობლებთან ურთიერთობას დაუთმონ. ის წარმატებული ბიზნესვუმენია და კარგად იცის რასაც ამბობს. მას დიდი ოჯახი და ხუთი შვილი ყავს.
“ძალიან მნიშვნელოვანია ხანდახან პაუზის გაკეთება. შევამჩნიე, რომ დასვენებისას თავში შესანიშნავი აზრები მომდის, “ ამბობს სიუზენ ვოიჯიტსკი.
როგორ გამოვიყენოთ რჩევა პრაქტიკაში:
- ყოველდღე ახლობლებს პირადი დროის მინიმუმ 15 წუთი დაუთმეთ.
- წელიწადში მინიმუმ ერთხელ შვებულებაში გადით და მეუღლესთან და ბავშვებთან ერთად დაისვენეთ. არ აქვს მნიშვნელობა სად – მშობლებთან სტუმრად სოფელში, აგარაკზე თუ ეგზოტიკურ კურორტზე.
7. ეძებეთ სიხარული წვრილმანებში
კითხვა შესანიშნავია ყურადღების გადასატანად და დასამშვიდებლად. განტვირთვის ამ მეთოდს იყენებს ბილ გეითსი. მას წესად აქვს დღეში მინიმუმ ერთი საათი იკითხოს. მაშინაც კი, როცა ძალიან გვიან წვება დასაძინებლად ამ ჩვევაზე უარს არ ამბობს. ის ასევე გვირჩევს არასაჭირო ინფორმაციისგან აბსტრაგირებას და პირველ რიგში პირველხარისხოვანი საქმეების კეთებას.
“ბრიჯის თამაში ძალიან ძველმოდურია, თუმცა მე ძალიან მომწონს… კიდევ, ყოველ საღამოს ჭურჭელს ვრეცხავ. აუცილებლობა არ არის, თუმცა მომწონს, რომ ამას მე თვითონ ვაკეთებ.“– ამბობს ბილ გეითსი.
როგორ გამოვიყენოთ რჩევა პრაქტიკაში:
- ეცადეთ დღის განმავლობაში რამდენჯერმე სხვადასხვა საქმეზე გადაერთოთ. გამოძებნეთ სეირნობისთვის ნახევარი საათი, ისაუზმეთ ან მიირთვით ლანჩი მყუდრო კაფეში.
- შეეცადეთ საღამო კომპიუტერთან არ გაატაროთ . საუკეთესო დასვენება საქმიანობის შეცვლაა. გამოიყენეთ ეს დრო თქვენი ჰობისთვის ან სასიამოვნო სახლის საქმეებისთვის.
8. დაუთმეთ დრო მედიტაციას
ამერიკელი ბიზნესმენის და გამომგონებლის, სტივ ჯობსის რჩევით სტრესთან გამკლავება მედიტაციის საშუალებით კარგი გზაა. მედიტაცება საშუალებას გვაძლევს მოვდუნდეთ და ფიქრებისგან გავთავისუფლდეთ. ყველას შეუძლია მისთვის მისაღები მეთოდი შეარჩიოს. კარგია სუნთქვითი ტექნიკების გამოყენებაც, რათა ტვინი და ორგანიზმი ჟანგბადით გაჯერდეს.
მედიტაცია დაგეხმარებათ სამყაროს ახლებურად შეხედოთ და საკუთარ შეგრძნებებზე კონცენტრირდეთ.
“კონცენტრაცია და სიმარტივე. იმისათვის, რომ საღად იაზროვნოთ, დიდი ძალისხმევა გჭირდებათ. თუმცა ეს ამად ღირს. ასე ხომ მთების გადატრიალებას შეძლებთ “.
სტივ ჯობსი
როგორ გამოვიყენოთ რჩევა პრაქტიკაში:
- თავიდან საკმარისია 10–15 წუთიანი მედიტირება.
- ივარჯიშეთ გაცნობიერებაში. შესაძლოა უბრალოდ ისეირნოთ ან სადმე მიდიოდეთ, თუმცა ეცადეთ ყოველი ნაბიჯი და ჩასუნთქვა გააცნობიეროთ – ესეც ერთგვარი მედიტაციაა.
9. კვირაში ერთი დღე ნამდვილი დასვენება მოიწყვეთ
ცნობილი ტელეწამყვანი, ოფრა უინფრი ძალების აღდგენას დასვენების დღეების დახმარებით ახერხებს. ყოველ კვირას ის არაფრის კეთებით არის დაკავებული. ასეთ დღეებში მისი საყვარელი საქმიანობაა კითხვა, ცხელი აბაზანა ან სეირნობა.
“პოზიტიური ემოციები სამყაროს საპასუხო რეაქციას იწვევს. როდესაც რამე კარგზე, თბილზე და კეთილზე ფოკუსირდებით, ცხოვრებაც ასეთ ფერებს იძენს.“
ოფრა უინფრი
როგორ გამოვიყენოთ ეს რჩევა პრაქტიკაში:
- განსაზღვრეთ საქმეები, რომელთა კეთება გსიამოვნებთ და კვირა დღე ამ საქმეებს დაუთმეთ.
- შექმენით სახლში მაქსიმალური კომფორტი და სიმყუდროვე, რათა საღამოობით იქ მისვლა გესიამოვნოთ.
10. დაისვენეთ სიჩუმეში და უსარგებლო არჩევანზე დროს ნუ დახარჯავთ
Facebook–ის დამფუძნებელი, მარკ ცუკერბერგი თვლის, რომ ყოველდღიურად ტანსცმლის შერჩევას დიდი დრო მიაქვს. იმისათვის, რომ ამაზე დრო არ დაკარგოს და აღარ იდარდოს, რას რა შეუხამოს მან გარდერობი ერთნაირი სამოსით გაავსო. მისი აზრით, ასეთი გარდერობი დროის და ნერვების ეკონომიაა.
მარკი საკუთარი ზომიერი მოთხოვნილებებით არის ცნობილი და თავს ყოველდღიურად ერთნაირ მაისურში და შარვალშიც კომფორტულად გრძნობს. ბიზნესმენს ასევე უყვარს განმარტოება და მოდუნება.
“მაქვს ერთი ბინა, რომელშიც მხოლოდ საწოლი, სკამი, მაგიდა და ჩაიდანია. იმ ბინაში ინტერნეტიც არ მაქვს. ასე რომ, როცა მომინდება შემიძლია სრულ იზოლაციაში დავისვენო. “
მარკ ცუკერბერგი
როგორ გამოვიყენოთ რჩევა პრაქტიკაში:
- ყველას არ აქვს საშუალება განმარტოებისთვის ცალკე ბინა შეიძინოს, ამიტომაც ეცადეთ სახლში რაც შეიძლება ნაკლები ზედმეტი ნივთი გქონდეთ.
- თუნდაც კვირაში ერთხელ მოიწყვეთ საღამო ინტერნეტის გარეშე. თქვენს ცხოვრებაში ხომ ძალიან ბევრი ინფორმაციული ხმაურია და ხანდახან უბრალოდ სიჩუმეში ყოფნაც სასარგებლოა.
