გრიგოლ ვასაძე საარჩევნო უბანზე ხმის მისაცემად მეუღლესთან, ნინო ანანიაშვილთან ერთად მივიდა
Blog
-
გრიგოლ ვაშაძე არჩეული პრეზიდენტისთვის მილოცვას არ აპირებს
{{ARTICLEIMAGE}}
საპრეზიდენტო არჩევნებში დამარცხებული ოპოზიციის კანდიდატი გრიგოლ ვაშაძე არჩეული პრეზიდენტისთვის სალომე ზურაბიშვილისთვის მილოცვას არ აპირებს და ხელისუფლებას “გაყალბებული არჩევნების გამო სიურპრიზებს პირდება”.
გრიგოლ ვაშაძე დღეს მხარდამჭერებს რუსთავში შეხვდა და იმ გეგმებზე ესაუბრა, რომლითაც გაერთიანებული ოპოზიცია არჩევნების შედეგების გაპროტესტებას აპირებს.პრეზიდენტობის კანდიდატმა კიდევ ერთხელ ისაუბრა მოთხოვნებზე, რომელსაც ოპოზიცია აყენებს – ეს არის ვადამდელი საპარლამენტო არჩევნები, საარჩევნო ადმინისტრაციის შეცვლა და ახალი – პარიტეტის წესით დაკომპლექტება, საოლქო კომისიების გაუქმება, რომელიც ოპოზიციის აზრით, გაყალბების მექანიზმია; ასევე, გადასვლა არჩევნების მხოლოდ პროპორციულ სისტემაზე, რადგან ვაშაძის თქმით, მაჟორიტარებს მხოლოდ საკუთარი ბიზნეს-ინტერესები ამოძრავებთ.“სალომე ზურაბიშვილს მივულოცავ დაბადების დღეს, მაგრამ საქართველოში არჩევნები არ ჩატარებულა, ჩატარდა ოლიგარქის სპეცოპერაცია და ამიტომ არ ყავს საქართველოს პრეზიდენტი”, – განაცხადა გრიგოლ ვაშაძემ.რა ბერკეტები აქვს ოპოზიციას საკუთარი მოთხოვნების მასაღწევად, როდესაც 16 დეკემბერს უკვე დანიშნულია ახალი პრეზიდენტის ინაუგურაცია – გრიგოლ ვაშაძემ მადლობა გადაუხადა მოქმედ პრეზიდენტს იმისთვის, რომ ხელისუფლებას ოპოზიციასთან დიალოგისკენ მოუწოდა.გრიგოლ ვაშაძეს ახალი პრეზიდენტისთვის სარეზერვო ფონდის გაუქმებაზეც კითხეს, რაზეც განაცხადა, რომ ხელისუფლება პრეზიდენტის ინსტიტუტის დაკნინებას ყველა მეთოდით ცდილობს.
-
გასაიდუმლოებული წერილი, რომელშიც იან კელის საქართველოში ამერიკული ბიზნესის შევიწროებაზე უყვებიან
solostudio.agency/-სთვის ცნობილი გახდა იმ წერილის შინაარსი, რომელიც ამერიკის ელჩის პოსტზე მუშაობის დროს იან კელის კონგრესმენებმა გაუგზავნეს.
გზავნილის ავტორები იან კელის თხოვდნენ, შეუამდგომლობა გაეწია საქართველოს იმჟამინდელ პრემიერ-მინისტრთან გიორგი კვირიკაშვილთან და ეცნობებინა საქართველოს მთავრობისთვის, რომ საქართველოში ამერიკულ ბიზნესს საფრთხე ემუქრება; არსებული კურსის გაგრძელების შემთხვევაში კი ქართულ ეკონიმიკას შესაძლოა, ზიანი მიდგომოდა.წერილის თანახმად, კონგრესში გაიზარდა შეშფოთება იმასთან დაკავშირებით, რომ ქართულ-ამერიკულ ბიზნესურთიერთობებს საფრთხე ემუქრება.
“მხოლოდ კანონის უზენაესობა, საკუთრების უფლების დაცვას შეუძლია, გააუმჯობესოს ბიზნესკლიმატი საქართველოში და მოიზიდოს უცხოური ინვესტიციები”,-ნათქვამია წერილში, რომელიც იან კელის გაეგზავნა.
solostudio.agency/ აღნიშნულთან დაკავშირებით ამერიკის საელჩოს დაუკავშირდა. დიპლომატიური წარმომადგენლობის პოზიციას მოგვიანებით გაგაცნობთ.
-
მარგველაშვილისა და სალომე ზურაბიშვილის შეხვედრა
საქართველოს პრეზიდენტი გიორგი მარგველაშვილი ახლად არჩეულ პრეზიდენტს, სალომე ზურაბიშვილს შეხვდა. შეხვედრა ავლაბრის საპრეზიდენტო რეზიდენციაში გაიმართა. გიორგი მარგველაშვილი სალომე ზურაბიშვილს ავლაბრის რეზიდენციის ეზოში პირადად მიეგება. სტუმრის დასახვედრად ეზოში წითელი ხალიჩა იყო გაშლილი. პრეზიდენტებს მედიასთან შეხვედრის დაწყებამდე კომენტარები არ გაუკეთებიათ. ცნობისთვის, გიორგი მარგველაშვილსა და სალომე ზურაბიშვილს შორის საუბარი ადმინისტრაციული საკითხების გადაბარებასთან დაკავშირებით შედგება. შეგახსენებთ, რომ საქართველოს მეხუთე პრეზიდენტის ინაუგურაცია 16 დეკემბერს გაიმართება.
-
როგორ შეიძლება დავსაჯოთ პუტინი უკრაინის გამო
სარედაქციო სტატია
27/11/2018
{{ARTICLEIMAGE}}
შაბათ–კვირას რუსეთის შეტევამ უკრაინის წინააღმდეგ დაძაბულობის არსებითი ესკალაცია გამოიწვია. რუსული დროშით მოქმედმი რუსი სამხედროები ღიად დაესხნენ თავს თავის დასავლელ მეზობელს. პრეზიდენტმა ტრამპმა განაცხადა, რომ ის უკმაყოფილოა, სახელმწიფო მდივანმა, მაიკლ პომპეომ “რუსეთის აგრესიული ქმედებები“ დაგმო. მკაცრი რიტორიკა კარგია, თუმცა ამ სიტუაციაში აუცილებელია კონკრეტული მოქმედებები, განსაკუთრებით ევროპისა და აშშ–ს თანამშრომლობა და ერთობლივი ქმედებები.
პირველ რიგში რუსეთს საერთაშორისო პატივისცემაზე უნდა ეთქვას უარი, რისკენაც ის მიისწრფვის. დიდი ოცეულის სამიტი არგენტინაში კი კარგ შესაძლებლობას იძლევა რუსეთის ლიდერის იზოლაციისთვის. პრეზიდენტ ტრამპს შეუძლია რუსეთის პრეზიდენტთან შეხვედრა გადადოს, სანამ რუსეთი კეთილი ნების ჟესტს არ გააკეთებს და მაგალითად ქერჩის სრუტეში რუსი სამხედროების მიერ დაკავებულ უკრაინელ მეზღვაურებს არ გაათავისუფლებს. ასეთი ზომა ბევრად ეფექტური იქნება, ვიდრე პირადი შარმი, რომლის გამოყენების იმედი აქვს ტრამპს პუტინის წინააღმდეგ.
რუსულ ეკონომიკას კიდევ ერთი სუსტი წერტილი აქვს, რომლის გამოყენება დასავლეთს შეუძლია. კონგრესი ახალ ფინანსურ სანქციებს და სადამსჯელო ზომებს განიხილავს მსხვილი რუსული ბანკის წინააღმდეგ და რუსულ სახელმწიფო ობლიგაციებში ამერიკული ინვესტიციის ჩადების აკრძალვას გეგმავს. ასეთი ზომები პუტინის რეჟიმზე დაწოლას გააძლიერებს.
მსგავსი სანქციები უკეთეს შედეგს გამოიღებს, თუ მათ ევროპასთან ურთიერთთანამშრომლობით გაატარებენ. ძნელი იქნება ახალ ზომებზე ისეთი ქვეყნების დათანხმება, როგორებიცაა იტალია და საბერძნეთი. თუმცა ბოლო თვეებში ევროპამ ძველი სამყაროს ქვეყნებში რუსული შპიონაჟის ახალი მტკიცებულებები მიიღო და ამან წესით ბევრი უნდა ჩააფიქროს.
განსაკუთრებულ აღნიშვნას იმსახურებს გერმანია, რადგანაც ბერლინს მოსკოვზე ზემოქმედების მნიშვნელოანი ბერკეტები აქვს “ჩრდილოეთ ნაკადი 2“– ის გაზსადენის პროექტის წყალობით, რომლითაც გაზი რუსეთიდან დასავლეთს უნდა მიეწოდოს. პუტინს იმედი აქვს, რომ ახალი გაზსადენი, რომელმაც ბალტიის ზღვის ფსკერზე უნდა გაიაროს, მას ევროპის კისერზე ენერგეტიკული ყულფის შემოჭერის საშუალებას მისცემს – ერთდროულად უკრაინას და აღმოსავლეთ ევროპის სახელმწიფოებს სატრანზიტო შემოსავლების გარეშე დატოვებს.
მაგრამ ეს გაზსადენი საჭირო არ არის. განსაკუთრებით იმის გათვალისწინებით, რომ აშშ თხევადი აირის ექსპორტს ზრდის. ახლა ზუსტად კარგი დროა იმისათვის, რომ ანგელა მერკელი ამ საკითხს მთავრობის დონეზე დაუბრუნდეს. აღსანიშნავია, რომ ამ პროექტის წინააღმდეგ დღეს მწვანეთა პარტიის ლიდერები გამოდიან, რომელიც გერმანიაში გარკვეული თვალსაზრისით სიდიდით მეორე პარტიად იქცა. მწვანეთა ლიდერი, ჯემ ოზდემირი წელს გამოვიდა გაფრთხილებით: “თუ გვინდა პუტინმა სერიოზულად აღგვიქვას, მოდით, უბრალოდ შევაჩეროთ ბალტიური მილსადენი “ჩრდილოეთის ნაკადი 2““.
ნატომ უშუალოდ არ უნდა დაიცვას უკრაინია, რომელიც ეს ქვეყანა ალიანსის წევრი არ არის. თუმცა ღირს დაფიქრება შავ ზღვაში სამხედრო ბლოკის წარმომადგენლობის გაძლიერებაზე სოლიდარობის დემონსტრაციის მიზნით. ვაშინგტონს და მის მოკავშირეებს ასევე შეუძლიათ გაზარდონ რუსეთის ზარალი აზოვის ზღვაში მისი შემდგომი ქმედებების შემთხვევაში, გადასცენ კიევს დამატებითი ლეტალური იარაღი, როგორიც არის მაგალითად ხომალდსაწინააღმდეგო რაკეტები.
რუსეთი პრობლემებს არა მხოლოდ უკრაინას უქმნის. უბრალოდ იქ ეს პრობლემები გადაუდებელი ხასიათისაა. პუტინს უნდა თავისი გავლენა ჩრდილოეთის პოლუსიდან აფრიკამდე გაავრცელოს. თუ ცოტახნისწინანდელ მოვლენებზე ქმედითი რეაქცია არ იქნება, რუსეთისგან სულ მალე ახალ შეურაცხყოფას უნდა ველოდოთ.
სტატიის ორიგინალი
www.wsj.com/articles/ways-to-make-putin-pay-for-ukraine-1543365336?mod=searchresults&page=1&pos=1