Blog

{{ARTICLEIMAGE}}
საქართველოს პრემიერ-მინისტრი მამუკა ბახტაძე მთავრობის წლიურ ანგარიშს წარადგენს. ღონისძიება 20 დეკემბერს, 11:00 საათზე სასტუმრო ბილტმორში გაიმართება. მამუკა ბახტაძე პრემიერის თანამდებობას 2018 წლის ივნისიდან იკავებს.

{{ARTICLEIMAGE}}
ევროკომისია დღეს სავიზო რეჟიმის ლიბერალიზაციის შესრულების შესახებ ანგარიშს წარადგენს. ამის შესახებ solostudio.agency/-ს ევროკავშირის წარმომადგენლობიდან აცნობეს.

ანგარიში შეეხება უვიზო რეჟიმის მქონე დასავლეთ ბალკანეთის ქვეყნებს – ალბანეთს, ბოსნია და ჰერცეგოვინას, ყოფილი იუგოსლავიის რესპუბლიკა მაკედონიას, მონტენეგროს და სერბეთს; აღმოსავლეთ პარტნიორობის ქვეყნებს – საქართველოს, მოლდოვას და უკრაინას.

“უვიზო მიმოსვლა ჩვენს პარტნიორებთან დასავლეთ ბალკანეთსა და აღმოსავლეთ ევროპიდან დიდი მიღწევაა, რომელსაც სარგებელი ორივე მხარისთვის მოაქვს. “მას აგრეთვე ახლავს პასუხისმგებლობა და ვალდებულებები. მივესალმები იმ ფაქტს, რომ ყველა ზემოაღნიშნული ქვეყანა კვლავაც ასრულებს თავის ვალდებულებებს, მაგრამ გარკვეულ შემთხვევებში ზოგიერთ ქვეყანას მოვუწოდებთ სწრაფი და გაძლიერებული ძალისხმევისთვის გააგრძელონ არალეგალური მიგრაციის შეჩერება, ასევე კორუფციასთან და ორგანიზებულ დანაშაულთან ბრძოლა “, განაცხადა მიგრაციის, შინაგან საქმეთა და მოქალაქეობის საკითხებში ევროკომისარმა დიმიტრის ავრომოპულოსმა.

დღევანდელი ანგარიში 2017 წლის დეკემბერში კომისიის მიერ წარმოდგენილი რეკომენდაციების შესრულებას ამოწმებს და ბოლო წლის განმავლობაში ზემოაღნიშნული ქვეყნების მიერ განხორციელებულ ზომებს აფასებს:

საქართველოში ევროკავშირის წარმომადგენლობის მიერ გავრცელებული ინფორმაციის თანახმად, მიუხედავად იმისა, რომ რვავე ქვეყანამ მიიღო ზომები არალეგალური მიგრაციის საკითხის მოსაგვარებლად, საჭიროა შემდგომი ძალისხმევა გასაუმჯობესებლად და მდგრადი შედეგების უზრუნველსაყოფად:

ევროკავშირში არალეგალური მიგრაციის მაჩვენებელი უკრაინიდან, სერბეთიდან და ბოსნია-ჰერცეგოვინიდან კვლავ მაღალი რჩება, ხოლო მოლდავისა და საქართველოს მოქალაქეების მხრიდან ევროკავშირში თავშესაფრის მოთხოვნის უსაფუძვლო განაცხადების რიცხვის გაზრდა შეშფოთების საფუძველს იძლევა;

ალბანეთმა ეფექტური ზომები მიიღო არალეგალური მიგრაციის საკითხის მოსაგვარებლად, რომლის შედეგადაც 2018 წლის პირველ ნახევარში თავშესაფრის მოთხოვნის განაცხადების რიცხვი 32% -ით შემცირდა. ეს მუშაობა უნდა გაგრძელდეს და გაუმჯობესდეს;

საჭიროა მეტი მუშაობა ევროკავშირის სავიზო პოლიტიკასთან სრული შესაბამისობისთვის. სერბეთმა ირანს უვიზო რეჟიმი შეუწყვიტა, მაგრამ შემაშფოთებელი რჩება სხვა ქვეყნებისთვის სერბეთში უვიზო მიმოსვლა;

თანამშრომლობა რეადმისიასა და დაბრუნებასთან დაკავშირებით შეუფერხებლად გრძელდება ყველა ზემოაღნიშნულ ქვეყანასთან. თუმცა, ჯერ კიდევ არსებობს შესაძლებლობები გაუმჯობესებისთვის, კერძოდ, მესამე ქვეყნების მოქალაქეთა რეადმისიასთან დაკავშირებით, განსაკუთრებით სერბეთში.

დასავლეთ ბალკანეთის პარტნიორებთან ევროპის სასაზღვრო და სანაპირო დაცვის სააგენტოს უფრო მჭიდრო თანამშრომლობა დაეხმარება არალეგალური მიგრაციის საკითხის მოგვარებას. უკვე გაფორმდა პირველი შეთანხმება ალბანეთთან; სერბეთმა და ყოფილი იუგოსლავიის რესპუბლიკა მაკედონიამ ასევე ხელი მოაწერეს შეთანხმებებს სააგენტოსთან თანამშრომლობის შესახებ; და სრულდება პროცედურები ამ მიმართულებით მონტენეგროსა და ბოსნია-ჰერცეგოვინისთვის.

ორგანიზებული დანაშაულებრივი ჯგუფები 8-ვე ქვეყნიდან აქტიურად არიან ჩართულნი დანაშაულებრივი ქმედებების ფართო სპექტრში ევროკავშირის მასშტაბით, რაც მოიცავს აკრძალული საქონლით ვაჭრობას, საკუთრების ხელყოფას, ფულის გათეთრებას, ადამიანებით ვაჭრობას, მიგრანტთა უკანონო გადაყვანას და კიბერდანაშაულს.

საქართველოს მოქალაქეები ევროკავშირის შენგენის ზონაში 90 დღიანი უვიზო მიმოსვლით 2017 წლის 28 მარტიდან სარგებლობენ.

{{ARTICLEIMAGE}}
თბილისის საავიაციო ქარხანამ თვითმფრინავების ნაწილების დამზადებისთვის სერთიფიკატი მიიღო. შედეგად, საწარმო კომპოზიტური მასალებისაგან სამოქალაქო თვითმფრინავების ნაწილები დამზადდება.. ქარხანა ბოინგის, ბომბარდირის, სუხოის და თითქმის ყველა ტიპის თვითმფრინავის დეტალებს აწარმოებს. უახლოეს მომავალში საწარმო ბოინგისთვის 200-მდე დასახელების სათადარიგო ნაწილს დაამზადებს.

მაღალტექნოლოგიური ქარხანა, რომლის მშენებლობა 2017 წლის ივლისში დაიწყო,თბილისში 2018 წლის მაისში გაიხსნა. პროექტის ღირებულება 93 მლნ აშშ დოლარია. ქარხანა თბილისის საერთაშორისო აეროპორტის მიმდებარე ტერიტორიაზე აშენდა.

{{ARTICLEIMAGE}}
ეგვიპტეში 4,400 წლის “სამეფო საფლავი” აღმოაჩინეს, რომელიც ფარაონების მეხუთე დინასტიასთან არის დაკავშირებული. ეგვიპტის ოფიციალური უწყებების ცნობით, საფლავი, რომელიც ფარაონების დინასტიას ეკუთვნის, კაიროს დასავლეთით, საქარაში მდებარეობს. საფლავი შეიცავს ნახატებს და სტატუეტებს, რომელიც სამეფო ოჯახის კუთვნილებას უსვამს ხაზს. 

{{ARTICLEIMAGE}}

{{ARTICLEIMAGE}}
საქართველოს ახალი პრეზიდენტის სალომე ზურაბიშვილის ინაუგურაციაზე ნიკოლა სარკოზი საფრანგეთის პრეზიდენტის ემანუელ მაკრონის დავალებით ჩამოვიდა.

ამის შესახებ ინფორმაცია საფრანგეთის პრეზიდენტის ადმინისტრაციამ დღეს ოფიციალურად გაავრცელა. ემანუელ მაკრონის ადმინისტრაციაში განმარტავენ, რომ აღნიშნული ნაბიჯი არ ნიშნავს, რომ ნიკოლა სარკოზის რეგულარული წარმომადგენლობითი ფუნქციების შესრულება დაეკისრება.

“ნიკოლა სარკოზის შერჩევა, რათა მას წარმოედგინა საფრანგეთი ინაუგურაციის ცერემონიაზე, პრაგმატული და ზუსტი ნაბიჯი იყო ნიკოლა სარკოზის საქართველოსთან კავშირის გამო, სადაც ის 2008 წელს რუსეთთან კონფლიქტის დროს შუამავლის როლს ასრულებდა”, – ნათქვამია საფრანგეთის პრეზიდენტის ადმინისტრაციის განცხადებაში.

ფრანგული გაზეთი ლემონდი წერს, რომ საქართველოში ვიზიტამდე, საფრანგეთის ყოფილი პრეზიდენტი, მოქმედ ლიდერს ელისეის სასახლეში ესტუმრა, სადაც ემანუელ მაკრონიმ მის წინამორბედს საქართველოს ახალი პრეზიდენტის, სალომე ზურაბიშვილის ინაუგურაციაზე მისი სახელით დასწრება დაავალა.

როგორც ცნობილია, სალომე ზურაბიშვილის ინაუგურაცია 16 დეკემბერს თელავში გაიმართა. 

{{ARTICLEIMAGE}}

“იური ტემირკანოვის იუბილეზე მომავალშიც აუცილებლად ჩავალ და თავს დავუკრავ ყველა დიდ ხელოვანს, მით უფრო, ვისაც ასეთი სიკეთე და მეგობრობა აკავშირებს საქართველოსთან”, – ამ სიტყვებით განმარტავს მსოფლიო ბანი სანკტ-პეტერბურგში, კონცერტში მონაწილეობის მიზეზს.

“მთელი ჩემი ცხოვრება, როგორც შემეძლო, ვემსახურე ჩემს ქვეყანას და იმ თითოეულ ქართველს, ვისაც ჩემი თანადგომა სჭირდებოდა. ბევრი სითბო და სიყვარულიც მიმიღია, რისთვისაც ყოველთვის მადლიერი ვიქნები და ვისაც არ მოვწონვარ ან არ მოსწონს ჩემი ცხოვრების წესი, ვუსურვებ, თავად შექმნან უკეთესი და საერთოდ, ჩემს წინააღმდეგ კამპანიების აგორებაში დახარჯული ფული, დრო და ძალისხმევა სჯობს, ქვეყნის გადარჩენისკენ მიმართოთ, რომელიც თავზე გვენგრევა”,ამბობს პაატა ბურჭულაძე.

როგორც ცნობილია, ქართველმა ბანმა და ქართული ოპოზიციის ერთ-ერთმა წარმომადგენელმა პაატა ბურჭულაძემ რუსეთში გამართულ კონცერტში მიიღო მონაწილეობა, რასაც კრიტიკა მოჰყვა როგორც ოპოზიციის, ასევე ხელისუფლების მხრიდან. კონცერტი 15 დეკემბერს სანქტ-პეტერბურგში დირიჟორ იური ტემირკანოვის 80 წლის იუბილეს მიეძღვნა. კონცერტს რუსეთის პრეზიდენტი ვლადიმერ პუტინიც ესწრებოდა, რომელიც იუბილეზე სიტყვითაც გამოვიდა. ბურჭულაძემ კონცერტზე ზაქარია ფალიაშვილის ოპერა “”დაისიდან”” ერთ-ერთი არია “ღვინოვ კახურო” შეასრულა. პაატა ბურჭულაძის თანამოაზრეები ოპოზიციური გაერთიანებიდან ამბობენ, რომ მომხდარი მათთვის არასასიამოვნო ფაქტია. პაატა დავითაიას თქმით, შესაძლოა, თავად ბურჭულაძემ არ იცოდა, რომ ღონისძიებას რუსეთის პრეზიდენტი ესწრებოდა, თუმცა ოპოზიციონერი აღნიშნავს, რომ მისთვის მიუღებელია მომხდარი ფაქტი. თავის მხრივ, გიორგი ვაშაძე ამბობდა, რომ კონცერტის ამსახველი კადრები არ უნახავს, თუმცა ვაშაძისთვის  “ძალიან სამწუხაროა, თუ ასეთ ფაქტს ჰქონდა ადგილი”.

თავის მხრივ, “ნაციონალური მოძრაობიდან” ხატია დეკანოიძემ “ფეისბუქზე” დაწერა, რომ მოსკოვში პაატა ბურჭულაძის სიმღერის გამართლება აზიანებს იმ ღირებულებებს და იდეას, რომლისთვისაც იბრძვიან.

მომღერალსა და პოლიტიკოსს ასევე აკრიტიკებს გაერთიანებული ოპოზიციის წევრი სალომე სამადაშვილიც: ამ კაცს რა უნდა, ეგებ გაარკვიოს, დროა, პოლიტიკას შეეშვას, ვისაც უნდა იმას უმღეროს და “პაკლონზეც” იმასთან იაროს. გულისამრევია. წერტილი.”

ოპოზიციის გარდა პაატა ბურჭულაძე ხელისუფლების წარმომადგენლებმაც გააკრიტიკეს. გია ვოლსკი ამბობს, რომ ბურჭულაძის პოზიცია არასდროს შეცვლილა, რადგან ის ყოველთვის იყო რუსული ნომენკლატურა. ვოლსკის თქმით, ეს ფაქტი განსაკუთრებით მიუღებელია იქიდან გამომდინარე, რომ ბურჭულაძე მოღვაწეობს როგორც ხელოვნების სფეროში, ასევე ქართულ პოლიტიკაში:”კულტურაში, რასაკვირველია, ცუდი არაფერი არ არის, მაგრამ შეუთავსებადია პოლიტიკურ ამბიციებთან, რომელიც მას აქვს.”ვოლსკის თანაგუნდელის, პარლამენტის ჯანდაცვის კომიტეტის თავმჯდომარის აკაკი ზოიძის შეფასებით, ხელოვანი თავისუფალია, თუმცა იმის გათვალისწინებით, რომ რუსეთი ოკუპანტია, ხელოვნებასაც გარკვეული პასუხისმგებლობა ეკისრება,პოლიტიკოსზე კი საუბარიც არ არის, ეს მიუღებელია.

პაატა ბურჭულაძის პოლიტიკური კარიერა ხანმოკლე აღმოჩნდა, 2016 წლის მაისში ბურჭულაძემ პარტია “სახელმწიფო ხალხისთვის” დააფუძნა. პარტია არჩევნებზე კოალიციის სახელით მონაწილეობდა. 

ბურჭულაძის პარტიამ ამომრჩეველთა მხოლოდ 60 681 ხმა (3.45%) მიიღო, მას ბარიერის გადასალახად და დეპუტატის მანდატის მოსაპოვებლად მხოლოდ 1.55% დააკლდა. არჩევნების შემდეგ მან საკუთარი პოლიტიკური გაერთიანება დატოვა. პოლიტიკურად აქტიური კვლავ გახდა 2018 წლის საპრეზიდენტო არჩევნების კამპანიის დროს, როდესაც ოპოზიციონერ კანდიდატ გრიგოლ ვაშაძეს საჯაროდ დაუჭირა მხარი და მის მხარდამჭერ შეხვედრებზეც აქტიურად გამოდიოდა სიტყვით.

ასევე აღსანიშნავია, რომ პაატა ბურჭულაძე პეტერბურგის მიხაილოვსკის თეატრის სამხატვრო ხელმძღვანელად მუშაობდა 2017-2018 წლებში.

{{ARTICLEIMAGE}}
შინაგან საქმეთა სამინისტროს განცხადებით, გურჯაანში გაერთიანებული ოპოზიციის მხარდამჭერზე, შ.დ.-ზე ძალადობაში ბრალდებული პირები დააკავეს. 

უწყების ცნობით, შ.დ.-ს გამოკითხვით გაირკვა, რომ მას 16 დეკემბერს სოფელ ველისციხეში ფიზიკური შეურაცხყოფა ადგილობრივმა მცხოვრებლებმა მიაყენეს.

დაკავებული არიან 1967 წელს დაბადებული გ.მ. და 1971 წელს დაბადებული მ.უ. რომლებიც შსს-ს განცხადებით, აღიარებენ დანაშაულს.

გამოძიება სისხლის სამართლის კოდექსის 126-ე მუხლის პირველი ნაწილით მიმდინარეობს. შსს-ს ცნობით, სისხლის სამართლის საქმესთან დაკავშირებული სხვა პირების დადგენა-დაკავების მიზნით, ტარდება შესაბამისი ოპერატიულ-სამძებრო და საგამოძიებო მოქმედებები.

ცნობისათვის, ტელეკომპანია “რუსთავი 2”-მა გაავრცელა კადრები, რომლის მიხედვითაც 16 დეკემბერს ველისციხესთან ერთ-ერთი აქტივისტი, სავარაუდოდ, ოპოზიციის მხარდამჭერების მანქანაში “სპრეის” ასხამს. შსს აცხადებს, რომ კადრების შესწავლა უკვე დაწყებულია, თუმცა სამინისტროს მიერ დღეს გავრცელებულ განცხადებაში არ არის დაზუსტებული, სწორედ ამ ეპიზოდს ეხება თუ არა საქმე.

როგორც ცნობილია, 16 დეკემბერს ინაუგურაციის პარალელურად, თბილისი-კახეთის გზაზე გაერთიანებული ოპოზიციის წევრები და პოლიცია ერთმანეთს დაუპირისპირდა. სოფელ ველისციხეში მდგომარეობა მას შემდეგ დაიძაბა, რაც გაერთიანებულ ოპოზიციას გზა გადაუკეტა პოლიციამ და თელავში ჩასასვლელად ყვარლის შემოვლითი გზით წასვლა ურჩია. 

გაერთიანებული ოპოზიცია აცხადებს, რომ შსს-მ შეზღუდა კონსტიტუციური უფლება, გამოხატვის თავისუფლება. თავის მხრივ, შსს-სა და “ქართული ოცნების” წარმომადგენლები ამბობდნენ, რომ მათთვის თელავში ჩამოსვლა და აქციის ჩატარების უფლება არავის შეუზღუდავს და სინამდვლეში ოპოზიცია პროვოკაციებს გეგმავდა. საბოლოოდ, სალომე ზურაბიშვილის ინაუგურაციის პარალელურად ოპოზიციის დაგეგმილი აქცია არ ჩატარდა და დაპირისპირებისას როგორც პოლიციელები, ისე აქციის მონაწილეები დაშავდნენ.

საქართველოს მეხუთე პრეზიდენტის სალომე ზურაბიშვილის ინაუგურაციის დასრულების შემდეგ, შინაგან საქმეთა მინისტრმა განაცხადა, რომ დაისჯება ყველა, ვისი ბრალეულობაც გამოიკვეთება. 

17 დეკემბერს კი პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის ერთიანი “ნაციონალური მოძრაობის წევრი”, დავით კირკიტაძე დააკავეს. მას ბრალს დღეს წარუდგენენ, ოპოზიცია კი სასამართლო პროცესის ფონზე გურჯაანში აქციას გეგმავს.