(more…)

თუ საყვარელ ადამიანს ახლახანს დაშორდით, ან თუ ჯერ არ გიპოვნიათ “ის ერთადერთი“, გულს ნუ გაიტეხთ. მარტოობას ბევრი უპირატესობა აქვს.

{{ARTICLEIMAGE}}

ყოველი ქალი მარტოობას სხვადასხვაგვარად განიცდის. ზოგი რამდენიმე წარუმატებელი რომანის შემდეგ თავს მთლიანად კარიერას უძღვნის და ცხოვრების უსამართლობაზე ხანდახან, ჭიქა ღვინის დალევის შემდეგ დაქალებს თუ შესჩივლებს. ზოგი დეპრესიაში ვარდება და აღარ ჯერა, რომ დედამიწაზე ღირსეული კაცები არსებობენ. ზოგი კი სერიალ “სექსი დიდ ქალაქში“ გმირების მსგავსად, მარტოობის ყველა სიკეთით ტკბება.

წარმოგიდგენთ ცხრა უპირატესობას, რომელიც მარტო ცხოვრებას აქვს. კიდევ ბევრი რამ შეიძლებოდა გვეთქვა, მაგრამ ეს ჩამონათვალიც დაგარწმუნებთ, რომ მამაკაცის გარეშე ცხოვრება ქალისთვის სულაც არ ნიშნავს უბედურებას.

მეტი დრო გაქვთ, რომ იდეალურ ქალად იქცეთ

თითქოს კომიკურად ჟღერს, მაგრამ ასე არ არის. მარტოობა გეხმარებათ საკუთარ თავს სხვა კუთხით შეხედოთ, ყველა პლიუსი და მინუსი დაინახოთ, აწონ–დაწონოთ და კონტროლს დაუქვემდებაროთ. გარდა ამისა, გაქვთ დრო არა მხოლოდ შინაგან პრობლემებს მიხედოთ, არამედ გარეგნობასაც მეტი დრო დაუთმოთ. უბრალოდ შეხედეთ საკუთარ თავს სარკეში და დაფიქრდით: რისი შეცვლა გინდოდათ დიდი ხნის მანძილზე, თუმცა ამისთვის დრო და ენერგია არ გქონდათ. ახლა კი შეგიძლიათ კომპლექსებისგან გათავისუფლდეთ, გარეგნობას მეტი დრო დაუთმოთ, სხეული დახვეწოთ და გარდერობიც განაახლოთ. ყოველთვის გახსოვდეთ: თუ საკუთარი თავი მოგწონთ, გარშემომყოფებსაც მოეწონებით.

გადაწყვეტილებების მიღებისას თავისუფალი ხართ

ნებისმიერ მომენტში შეგიძლიათ აიღოთ ბილეთი და სადაც გინდათ იქ გაფრინდეთ, ისე რომ არავის ჩააბაროთ ანგარიში. შეგიძლიათ მაგალითად ტანგოს შემსწავლელ გაკვეთილებზე იაროთ და თავი არავისთან იმართლოთ იმის გამო, რომ სიმპათიური პარტნიორი გყავთ. იყიდოთ კაბა, რომელიც შეიძლება ძვირი დაგიჯდეთ, მაგრამ სამაგიეროდ თავი წვეულების დედოფლად იგრძნოთ. აღარაფერს ვამბობთ იმ სიამოვნებაზე, როცა თავად შეგიძლიათ გადაწყვიტოთ, რომელი გზით ატაროთ მანქანა, როგორ აუაროთ გვერდი საცობებს ან რა ფრად შეღებოთ კორიდორის კედლები.

თავად ხართ საკუთარი თავის ბატონ–პატრონი

არ გჭირდებათ თქვენი ნების საწინააღმდეგოდ დრო გაატაროთ უცნობ ადამიანებთან, ან უბრალოდ იმათთან, ვინც არ მოგწონთ. მსხვერპლად გაიღოთ დასვენების დღეები მის მშობლებთან ვახშმის გამო. შეგიძლიათ უყუროთ საყვარელ ფილმს ახლავე და არ ელოდოთ, სანამ ფეხბურთის მატჩი დამთავრდება, რომელიც “თვეში ერთხელ არის“, მაგრამ სინამდვილეში ლამის ყოველ მეორე დღეს.

შეგიძლიათ იფლირტაოთ და ურთიერთობები გაგაბათ

არ აქვს მნიშვნელობა, შემთხვევითი ნაცნობობა იქნება, მეგობრების წრეში გაცნობა თუ საქმიან გარემოში, თქვენ თავისუფალი ხართ ახალი ურთიერთობებისთვის. შეგიძლიათ მამაკაცების ყურადღება თავისუფლად მიიღოთ და დატკბეთ ამით. უწყინარი ფლირტი ხანდახან ცხოვრებას ახალისებს. ფლირტის გაგრძელება შესაძლოა სულაც არ იყოს “იმ ერთადერთის“ პოვნა, მაგრამ შეიძლება კარგი მეგობარი, ანუ ბრალოდ საინტერესო თანამოსაუბრე შეიძინოთ.

შეგიძლიათ ისე გამოიყურებოდეთ, როგორც გინდათ

ბევრი მამაკაცი თვლის, რომ უფლება აქვს საყვარელ ქალს მიუთითოს, რა უხდება და რა არა, თუნდაც ეს სულაც არ ემთხვეოდეს თქვენს გემოვნებას. მაგრამ ხშირად ქალები მეორე ნახევრის გემოვნებას ემორჩილებიან და იმას იცვამენ, რაც თავად სინამდვილეში სულაც არ მოსწონთ.

შეგიძლიათ იმოგზაუროთ

დიდი ხანია ინდოეთში მოგზაურობაზე ოცნებობთ, თუმცა არც გიფიქრიათ, იმიტომ რომ თქვენს მამაკაცს ეს ქვეყანა არ მოსწონს (მიუხედავად იმისა, რომ იქ არ ყოფილა). ახლა შეგიძლიათ ნებისმიერ კონტინენტზე გაემგზავროთ და მხოლოდ საკუთარ სურვილებს და დროის ლიმიტს გაუწიოთ ანგარიში.

თავად განკარგავთ საკუთარ დროს

მაღვიძარაზე დაყენებულ დროზე ადრე არ გიწევთ ადგომა იმის გამო, რომ ის მეტისმეტად ხმაურიანად დგება და ემზადება სამსახურში წასასვლელად. არ გიწევთ თავის მართლება იმის გამო, რომ სახლში გვიან ბრუნდებით ან დაქალებთან ერთად სადმე კაფეში გინდათ საღამოს გატარება. შეგიძლიათ მთელი საღამო საყვარელი წიგნის კითხვას დაუთმოთ ან სპორტდარბაზში წახვიდეთ. არც ვახშამი მოამზადოთ და მაცივარში მომარაგებული მსუბუქი საკვები იკმაროთ.

შეგიძლიათ ძლიერ პიროვნებად ჩამოალიბდეთ

ბევრი თვლის, რომ ქალები ისედაც ბევრს იღებენ საკუთარ თავზე ამიტომაც მამაკაცთან ურთიერთობებს იმისთვის ელტვიან, რომ “ძლიერი ზურგი ჰყავდეთ“ და თავად მოდუნდნენ. მარტოობა ცხოვრებისა და საკუთარი თავის ობიექტური ხედვისკენ გვიბიძგებს. სწორედ თავისუფლების ატმოსფეროში ვითარდება ადამიანი უფრო სწრაფად. იზრდება და ზუსტად ხვდება, როგორი ადამიანი უნდა იყოს მის გვერდით. როცა საკუთარ თავში დარწმუნებული და ძლიერი ხარ, შემდგომ ურთიერთობებსაც ისე ააწყობ, როგორც შენთვის არის მისაღები და კომფორტული.

შეგიძლიათ ახლიდან აღმოაჩინოთ სამყარო

ხანგრძლივი ურთიერთობების დროს არა მხოლოდ პარტნიორის თვისებებს ვიძენთ, არამედ მის ცხოვრებისეულ შეხედულებებსაც თანდათანობით და შეუმჩნევლად ვიზიარებთ. ერთხელაც შეიძლება აღმოვაჩინოთ, რომ ეს ყველაფერი სინამდვილეში ჩვენს აზრს და შეხედულებებს ეწინააღმდეგება. როგორც ირკვევა, იმდენად ხშირად გარწმუნებდნენ საწინააღმდეგოში, რომ ბოლოს საერთოდ დაგავიწყდათ რა გსურთ პირადად თქვენ და რა აზრის ხართ სინამდვილეში. ასე რომ, გილოცავთ, ახლა შეგიძლიათ საკუთარი თავი ახლიდან გაიცნოთ და სამაროს ახალი თვალით შეხედოთ.

{{ARTICLEIMAGE}}
პარლამენტის იურიდიულ საკითხთა კომიტეტის ჯერ კიდევ მოქმედი თავმჯდომარე ეკა ბესელია გუნდურობის თემაზე კოლეგების განცხადებებეს პასუხობს. ჟურნალისტებთან საუბარში ბესელია ამბობს, რომ მას გუნდურობას ვერავინ ასწავლის, რადგან ამ გუნდის ერთ-ერთი პირველი დამფუძნებელია ბიძინა ივანიშვილის შემდეგ.

“მე ვარ იმ გუნდში, რომლის ერთ-ერთი პირველი დამფუძნებელი ვარ ბიძინა ივანიშვილის შემდეგ. გუნდურობასთან დაკავშირებით რაიმე მინიშნებებიც არის არაკორექტული.მომავლის გეგმებზე, სად გავაგრძელებ საქმიანობას პარლამენტში, ამაზე ახალი წლის შემდეგ ვისაუბრებ“, განაცხადა ბესელიამ.

{{ARTICLEIMAGE}}

{{ARTICLEIMAGE}}

{{ARTICLEIMAGE}}
წმინდა სინოდის განჩინება საზოგადოებას ალავერდელმა მიტროპოლიტმა, მეუფე დავითმა გააცნო. განჩინების თანახმად, სრულიად საქართველოს კათოლიკოს- პატრიარქი უკრაინაში მიმდინარე პროცესებზე, ასევე კონსტანტინოპოლისა და სრულიად რუსეთის საპატრიარქოს შორის არსებულ ურთიერთობებზე მწუხარებას გამოხატავს.  მეუფე დავითმა ასევე აღნიშნა, რომ  წმინდა სინოდის სხდომაზე კრებამ იმსჯელა და განაჩინა შემდეგი: მართლმადიდებელ ეკლესიაში შექმნილი დაძაბული ვითარებისა და უკრაინაში მიმდინარე პროცესების შესახებ მსჯელობა, წმინდა სინოდის შემდგომ სხდომაზე გაგრძელდება”.

უფრო კონკრეტულად, განჩინების თანახმად, მისასალმებელ სიტყვაში პატრიარქმა თქვა, რომ მართლმადიდებლურ ეკლესიაში დღეს დაძაბული ვითარებაა შექმნილი:

“მინდა თქვენი ყურადღება მივაქციო იმას, რაც მოხდა უკრაინაში, კონსტანტინოპოლისა და სრულიად რუსეთის საპატრიარქოებს შორის. უკრაინაში უკიდურესად დაიძაბა სიტუაცია, არ არის ერთი აზრი, ერთსულოვნება. რუსეთის ეკლესიამ შეწყვიტა მსოფლიო პატრიარქის მოხსენიება, გაწყვიტა ევქარისტიული კავშირი, რადგან მსოფლიო საპატრიარქომ დაიწყო პროცედურები, უკრაინისთვის ავტოკეფალიის მინიჭებისათვის, რითაც უფრო გაღრმავდა არსებული კრიზისი, რაც მწუხარებას იწვევს ჩვენში. ეკლესიას ისტორიის მანძილზე ჰქონია მრავალი განსაცდელი და ღვთის მადლით დაუძლევია. იმედს გამოვთქვამთ, რომ ღვთის ძალით აღდგება ძმური ერთობა ეკლესიებს შორის“,აღნიშნა სრულიად საქართველოს კათოლიკოს-პატრიარქმა.

რას პასუხობს მურუსიძე გირგვლიანის საქმეზე ანა დოლიძეს

{{ARTICLEIMAGE}}

ამავე თემაზე:

ყველაფერი ამით არ დასრულებულა:ეკა ბესელიას ანონსი

“ჩავაგდეთ პროცესი”: გოგიჩაიშვილი ბესელიასთან ერთად მიღწეული შედეგით ამაყობს

“გაიარ-გამოიარე და მერე შემოდი”: დაპირისპირება ეკა ბესელიასა და სოფიო კილაძეს შორის (ვიდეო)



პრემიერმა ბესელიას გადაწყვეტილებაზე კომენტარი გააკეთა

{{ARTICLEIMAGE}}
ლევან მურუსიძე, რომლის კანდიდატურაც აზრთასხვადასხვაობას იწვევდა, სააპელაციო სასამართლოს მოსამართლედ უვადოდ დაინიშნა. რადიო თავისუფლების ცნობით, შესაბამის გადაწყვეტილებას, რომელიც დღეს მიიღეს, იუსტიციის უმაღლესი საბჭოს წევრთა უმრავლესობამ – 11-მა წევრმა დაუჭირა მხარი. მანამდე, იუსტიციის უმაღლეს საბჭოში სააპელაციო სასამართლოს მოსამართლე ლევან მურუსიძეს რამდენიმე საათით უსმენდნენ. სხდომის დაწყებამდე ლევან მურუსიძემ განაცხადა, რომ ორი წელია, მის წინააღმდეგ მიზანმიმართული ცილისწამება მიმდინარეობს და დღეს ყველა კითხვას გასცა პასუხი.

“ჩემს შესახებ მას შემდეგ დაიწყეს ლაპარაკი, რაც მე ჩამოვყალიბდი სასამართლოს ლიდერად, რომელსაც სურდა სასამართლოს კონტინგენტის შენარჩუნება, რომ მოსამართლეები დროზე ადრე არ უნდა გაეშვათ. მე ვიყავი ამის პრინციპული წინააღმდეგი. მურუსიძე პრობლემა გახდა მაშინ, როცა სასამართლოს რეალურ ლიდერად ჩამოყალიბდა”, განაცხადა იუსტიციის უმაღლეს საბჭოში გასაუბრების დაწყებამდე ლევან მურუსიძემ.

ლევან მურუსიძემ განაცხადა, რომ იგი აბსოლუტურად აკმაყოფილებს კეთილსინდისიერების კრიტერიუმებს და მზადაა, ანგარიში ღია ეთერით ჩააბაროს საბჭოს წევრებსა და საზოგადოებას სანდრო გირგვლიანისა და სულხან მოლაშვილის საქმეებზე.

“კამერები შემოიტანეთ ყველამ, ეს გავიდეს პირდაპირ ეთერში და მე დავამტკიცებ, რომ წლების განმავლობაში, რასაც ჩემზე საუბრობდნენ პოლიტიკური პარტიები, რომ თურმე მე ვარ გირგვლიანის საქმის მთავარი დამნაშავე და თვითონ რეალურად ყველაფერზე ხელს იწმენდნენ, საზოგადოებას საშუალება მიეცემა, რომ გაიგოს რაში მდგომარეობს სინამდვილე. იმედი მაქვს და დარწმუნებული ვარ, რომ რაზეც მედავებიან, არის აბსურდული სამართლებრივი კუთხით”, განაცხადა ლევან მურუსიძემ.

უზენაესი სასამართლოს ყოფილ წევრს, ლევან მურუსიძეს 2007 წელს მონაწილეობა აქვს მიღებული გადაწყვეტილებაში, რომლითაც სანდრო გირგვლიანის მკვლელობის საქმეზე მსჯავრდებულ პირებს სასჯელი შეუმცირდა. თავად მურუსიძის პოზიციია, რომ მოქმედი კანონმდებლობის ჩარჩოებში სასამართლოს სხვა გადაწყვეტილების მიღება არ შეეძლო. 

არასამთავრობოთა ნაწილის გარდა, დღეს კრიტიკული განცხადება მურუსიძის ირგვლივ შექმნილ ვითარებაზე ასევე გააკეთა საპარლამენტო უმრავლესობის წევრმა ლევან გოგიჩაიშვილმა.ის იუსტიციის უმაღლეს საბჭოს მოუწოდებს, რომ ლევან მურუსიძე უვადოდ არ დანიშნონ. აცხადებს, რომ პარლამენტის მიერ კონკრეტული კრიტერიუმების ჩამოყალიბებამდე, საბჭომ ამ გადაწყვეტილების მიღებისგან თავი უნდა შეიკავოს. გოგიჩაიშვილის თქმით, მას არ ჰგონია, რომ მურუსიძეს უვადო მოსამართლეობის მორალური უფლება ჰქონდეს.

რაც შეეხება არასამთავრობო ორგანიზაციას, კოალიციამ “დამოუკიდებელი და გამჭვირვალე მართლმსაჯულებისთვის” შეშფოთება გამოთქვა იუსტიციის უმაღლესი საბჭოს მიერ უზენაესი სასამართლოს მოსამართლის თანამდებობაზე, ყოველგვარი პროცედურების გარეშე ისეთი კანდიდატების წარდგენის გამო, რომელთა უმეტესობა საზოგადოებაში ასოცირდება უკანონო და უსამართლო მართლმსაჯულების განხორციელებასთან. კოალიციის შეფასებით, პარლამენტის მიერ ამ კანდიდატების არჩევა გამოიწვევს სასამართლო სისტემაში კლანური მმართველობის გაძლიერებას და მომდევნო ათწლეულების განმავლობაში შეუძლებელს გახდის სასამართლოს დამოუკიდელბლობის მიღწევას.

ამავე თემაზე:

კრიტიკის ქარცეცხლში გატარებული მოსამართლეების საკითხის განხილვა პარლამენტმა გადადო

ეკა ბესელიამ თანამდებობა დატოვა (ვიდეო)

ომბუდსმენი პარლამენტს მოსამართლეების განხილვის პროცესის შეჩერებას სთხოვს

იუსტიციის უმაღლესი საბჭოს მდივანი ბრალდებებს პასუხობს

პენალტი “ქართული ოცნების” კარში:უზენაეს სასამართლოში წარსადგენ მოსამართლეთა კანდიდატურები ცნობილია