Blog

{{ARTICLEIMAGE}}
საქართველოს პრემიერ-მინისტრი მამუკა ბახტაძე “თიბისი” ბანკის საქმეზე საუბრისას აცხადებს, რომ არ ეთანხმება მოსაზრებას, თითქოს კითხვების დასმა საქართველოს ფინანსურ სტაბილურობაზე უარყოფითად იმოქმედებს

“სამწუხაროდ, აქ მე უფრო დავინახე პოლიტიკური სპეკულაციის თემა, ვიდრე შინაარსობრივი არგუმენტები. თუ კითხვები არსებობს, რაც ეხება ინდივიდუალურ აქციონერს, ამ კითხვებზე პასუხის გაცემა არ მიმაჩნია მე პირადად პრობლემად”, ამის შესახებ საქართველოს პრემიერ-მინისტრმა, მამუკა ბახტაძემ “თი-ბი-სი ბანკის” ირგვლივ განვითარებულ მოვლენებთან დაკავშირებით განაცხადა.

როგორც მთავრობის მეთაურმა აღნიშნა, საერთაშორისო ფინანსური ინსტიტუტები აღნიშნავენ, რომ საქართველოში ფინანსური სექტორი არის განსაკუთრებით მდგრადი რეგიონში და ეს არის ძალიან მნიშვნელოვანი მონაპოვარი. მამუკა ბახტაძის განცხადებით, ის შორს არის მოსაზრებისგან, რომ თუ კითხვები გაჩნდა რომელიმე ინდივიდუალური აქციონერის მიმართ, ეს გამოიწვევს ამ დიდი მონაპოვარის შესუსტებას.

“ჩემი პირადი მოსაზრებაა, ისევე როგორც ჩემი გუნდის და ნებისმიერი საღად მოაზროვნე ადამიანის, რომ როდესაც ჩვენი კომპანიები, განსაკუთრებით ფინანსური ინსტიტუტები, წარმოდგენილი არიან საერთაშორისო ბირჟაზე, ეს არის ძალიან დიდი მონაპოვარი და ამას გაფრთხილება უნდა. ამასთან ერთად საერთაშორისო ფინანსური ინსტიტუტები აღნიშნავენ, რომ ჩვენი ფინანსური სექტორი არის განსაკუთრებით მდგრადი რეგიონში და ამავე დროს, ეს არის ძალიან მნიშვნელოვანი მონაპოვარი. მე ნამდვილად შორს ვარ იმ მოსაზრებისგან, რომ თუ კითხვები გაჩნდა რომელიმე ინდივიდუალური აქციონერის მიმართ, ეს გამოიწვევს ამ ძალიან დიდი მონაპოვარის გარკვეულ შესუსტებას. ჩვენი უპირატესობა და წარმატება გახლავთ ის, რომ მოხდა ბევრი ორგანიზაციის ინსტიტუციონალიზაცია და შესაბამისად, მათი ლონდონის ბირჟაზე წარმოდგენაც არის ამის ძალიან კარგი მაგალითი. სამწუხაროდ, აქ მე უფრო დავინახე პოლიტიკური სპეკულაციის თემა, ვიდრე შინაარსობრივი არგუმენტები. თუ კითხვები არსებობს, რაც ეხება ინდივიდუალურ აქციონერს, ამ კითხვებზე პასუხის გაცემა არ მიმაჩნია მე პირადად პრობლემად”, – განაცხადა მამუკა ბახტაძემ.

პრემიერ-მინისტრის თქმით, საუბარი იმაზე, რომ შეიძლება საქართველოში ფინანსურ სტაბილურობას რამე საფრთხე შეექმნას, რეალობას არ შეესაბამება. მამუკა ბახტაძის განცხადებით, გამოძიება ყველა კითხვას გასცემს პასუხს.

“თიბისის”, ისევე როგორც საქართველოს სხვა ნებისმიერი ბანკის ერთობლიობა უდრის საქართველოს ფინანსური სექტორის მყარ ფინანსურ სტაბილურობას, შესაბამისად, ასე განპიროვნებება მე ვფიქრობ, სწორი არ არის. მე ვფიქრობ, რომ ნებისმიერ კითხვას უნდა გაეცეს პასუხი, თუმცა იმ მოსაზრებას, რომ კითხვების დასმა საქართველოს ფინანსურ სტაბილურობაზე უარყოფითად იმოქმედებს, ვერ დავეთანხმები, რადგან მოწყვეტილია რეალობას. ეს ნამდვილად არ არის ასე. მე კიდევ ერთხელ ვადასტურებ, რომ ჩვენთვის ძალიან დიდი მონაპოვარია, რომ ჩვენი კომპანიები წარმოდგენილი არიან ლონდონის ბირჟაზე, მათ შორის პრემიუმ ლისტინგში, რომელიც განსაკუთრებული პატივია და დიდი მადლობა ყველას, ვინც ამაში მონაწილეობს, ვინაიდან ამან გზა გაუხსნა სხვა ქართულ კომპანიებს, რომ წვდომა ჰქონდეთ საერთაშორისო კაპიტალზე, ჩვენი ფინანსური სტაბილურობა არის ძალიან მაღალი და ამას ადასტურებს ყველა საერთაშორისო ფინანსური ინსტიტუტი”, განაცხადა მამუკა ბახტაძემ.

{{ARTICLEIMAGE}}
გერმანიიის ქვედა პალატამ, ბუნდესტაგმა, უსაფრთხო ქვეყნებად გამოაცხადა საქართველო, ტუნისი, მაროკო და ალჟირი და მხარი არ დაუჭირა შუამდგომლობას აღნიშნული ქვეყნების მოქალაქეებისათვის თავშესაფრის მიცემის თაობაზე. 

ამ ნაბიჯს დიდი ხნის განმავლობაში უჭერდნენ მხარს გერმანიის შინაგან საქმეთა მინისტრი ჰორსტ ზეეჰოფერი და მემარჯვენე კანონმდებელთა ნაწილი, რომელიც იმიგრაციის შეზღუდვას მოითხოვს. თუმცა, საკითხს კენჭი უნდა უყაროს გერმანიის პარლამენტის ზედა პალატამ, სადაც “მწვანეები” აცხადებენ, რომ შეეცდებიან დაბლოკონ ბუნდესტაგის გადაწყვეტილება, რაც მათ ერთხელ უკვე მოახრეხეს გასულ წელს.

გერმანელი “მწვანეებისათვის”, რომლებიც ეწინააღდგებიან უცხო ქვეყნების მოქალაქეებისათვის თავშესაფრის მიცემის ზომების გამკაცრებას, – ასეთ მიდგომას არ შეუშლია ხელი, რომ მოეპოვებინათ ამომრჩეველთა მნიშვნელოვანი ხმები ბოლო რეგიონულ არჩევნებზე.

გერმანიის კანცლერ, ანგელა მერკელის მიერ 2015 წელს მიღებულმა გადაწყვეტილებამ, ასეულათასობით დევნილისათვის თავშესაფრის მიცემაზე, გასული საპარლამენტო არჩევნების შედეგად, საკანანმდებლო ორაგნოსკენ ფართოდ გაუხსნა ულტამემარჯვენე ძალებს.

სწორედ გერმანიის შინაგან საქმეთა მინისტრი, ჰორსტ ზეეჰოფერი ხელმძღვანელობს მემარჯვენე პოლიტიკოსთა ფრაქციას, რომელიც თავის ამოცანად მიიჩნევს, ზოგიერთი ამომრჩევლის დარწმუნებას, რომ მთავრობას არ დაუკარგავს კონტროლი იმიგრაციაზე.

საქართველოს, ტუნისის, მაროკოსა და ალჟირის გამოცხადება უსაფრთხო ქვეყნებად, გააიოლებს თავშესაფრის შუამდგომლობაზე უარის თქმას.

გერმანიის შინაგან საქმეთა მინისტრმა, ზეეჰოფერმა, პარლამენტში აღნიშნა, რომ უფრო ადრე დასავლეთ ბალკანეთის ქვეყნების გამოცხადებას უსაფრთხო ქვეყნებად, არ მოჰყოლია არანაირი გართულებები.

{{ARTICLEIMAGE}}
ერთმანეთს ამჯერად სხალთელი ეპისკოპოსი და ჭყონდიდის მიტროპოლიტი დაუპირისპირდნენ. მიზეზი მეუფე სპირიდონის ქადაგება გახდა, რომელშიც მან მეუფე პეტრეს შეურაცხმყოფელი სიტყვებით მიმართა და საქართველოს ეკლესიაში შფოთის ატეხვის მცდელობაში დაადანაშაულა. შენ ჩემო ძამიკო, ცოცხალთათვის პანაშვიდი უნდა გიტარონ, რადგან დაღუპული ხარ,” ამბობს მეუფე სპირიდონი.

მის ამ სიტყვებს ჭყონდიდელმა მიტროპოლიტმა უპასუხა:

{{ARTICLEIMAGE}}
საქართველოს პრემიერ-მინისტრი მამუკა ბახტაძე ოფიციალური ვიზიტით ლიეტუვას და დავოსს ეწვევა. როგორც მამუკა ბახტაძემ ბრიფინგზე განაცხადა, ლიეტუვა არის საქართველოს მხარდამჭერი ქვეყანა და ოფიციალური ვიზიტის შემდეგ ქვეყნებს შორის ურთიერთობები კიდევ უფრო გაღრმავდება.

“დაგეგმილი გვაქვს ოფიციალური ვიზიტი ჩვენს მეგობარ ქვეყანაში, ლიეტუვაში, ლიეტუვა არის ჩვენი მხარდამჭერი, მეგობარი ქვეყანა, რომელიც ყველა საერთაშორისო პლატფორმაზე იცავს ჩვენს ინტერესებს. მინდა განსაკუთრებული მადლობა ვუთხრა ჩვენს მეგობრებს, დარწმუნებული ვარ, აღნიშნული ვიზიტის შედეგად ჩვენი ურთიერთობები კიდევ უფრო გაღრმავდება”, – განაცხადა მამუკა ბახტაძემ.

პრემიერ-მინისტრის თქმით, დავოსში ვიზიტისას, მსოფლიო ეკონომიკური ფორუმის ფარგლებში მნიშვნელოვანი შეხვედრები გაიმართება როგორც პოლიტიკურ, ასევე ბიზნეს ლიდერებთან.

“ჩვენ გვექნება ოფიციალური ვიზიტი დავოსში, მსოფლიო ეკონომიკურ ფორუმში მონაწილეობისთვის. ძალიან მნიშვნელოვანი შეხვედრები გვექნება როგორც პოლიტიკურ, ასევე ბიზნეს ლიდერებთან, რამდენიმე ძალიან მსხვილ კომპანიასთან ჩვენ უკვე გვაქვს კონკრეტული მოლაპარაკებები და ვიმედოვნებ, რომ დავოსში ამ შეხვედრების შედეგად საკმაოდ მნიშვნელოვანი ინვესტიციების მოზიდვას მოვახერხებთ ჩვენს ეროვნულ ეკონომიკაში”, განაცხადა მამუკა ბახტაძემ.

{{ARTICLEIMAGE}}
ოპოზიციური პარტია “ლეიბორისტული” პარტიის ლიდერი შალვა ნათელაშვილი თბილისის მერის “გაწიწმატების” მიზეზად პოლიტიკოსის მიერ მერის მხილებას ასახელებს.

“რა ინტელექტი და გაქანებაც აქვს, იმით გადის იოლად. სამწუხაროა, რომ მსოფლიოში უდიდესი კულტურით და ეთიკით, მეცნიერებით ცნობილი საქართველოს დედაქალაქის მერია. ის ასეთ ფრაზეოლოგიას იყენებს ოპონენტებთან ურთიერთობაში, რისთვისაც მე ვუხდი ბოდიშს თბილისელებს”,განაცხადა შალვა ნათელაშვილმა “ტვპირველის” ეთერში სატელეფონო ჩართვის დროს.  

ოპოზიციური პარტია “ლეიბორისტული” პარტიის ლიდერმა დიდ დიღომში მომხდარ აფეთქებაზე ასეთი კომენტარი გააკეთა:

“საშინელი ტრაგედია მოხდა, უდიდეს სამძიმარს ვუცხადებ დაზარალებულებს და სრულიად საქართველოს. ეს შესაძლებელი გახდა სახელმწიფო კორუფციისა და უპასუხისმგებლობის გამო, როგორც მოგეხსენებათ, “ყაზტრანსგაზი” ხელში ჩაიგდო კახი კალაძემ და მაფიოზა ბეჟუაშვილმა, რომლებმაც გააფორმეს ოფშორში და გადავიდნენ მარტო გადასახადის ამოგლეჯვაზე და უსაფრთხოება დაიკიდეს ფეხებზე. მე მოვითხოვ, პასუხისგებაში მიეცეს ეს ორი დამნაშავე პერსონალურად დ დამონტაჟდეს სენსორები ყველა ოჯახში ქალაქსა და სოფელში, სადაც გაზია შეყვანილი. იმიტომ, რომ ჩვენ წელიწადში ვკარგავთ 30-ზე მეტ ადამიანს გაზის აფეთქების შედეგად და უპასუხისმგებლობის გამო უპირველესად”.

{{ARTICLEIMAGE}}
“ყაზტრანსგაზის” დაკავებული თანამშრომელი პირველ კომენტარს აკეთებს. დიდი დიღმის პოლიციაში შეყვანამდე ერთ-ერთმა დაკავებულმა ჟურნალისტის კითხვას უპასუხა და თქვა, რომ დიდ დიღომში, იმ კორპუსში, სადაც აფეთქება მოხდა, ბუნებრივი აირის სუნი არ შეინიშნებოდა.

{{ARTICLEIMAGE}}
შინაგან საქმეთა სამინისტროს თბილისის პოლიციის დეპარტამენტის თანამშრომლებმა დიდ დიღომში, ავთანდილის ქუჩა N8-ში, საცხოვრებელ კორპუსში ბუნებრივი აირის დაგროვების შედეგად გამოწვეული აფეთქების ფაქტზე, მოსამართლის განჩინების საფუძველზე, ორი პირი დააკავეს – ინფორმაციას შსს ავრცელებს. 

“დაკავებულები არიან “ყაზტრანსგაზის” სწრაფი რეაგირების ჯგუფის თანამშრომლები – 1957 წელს დაბადებული ვ.მ. და 1991 წელს დაბადებული თ.ტ., რომლებიც 2019 წლის 16 იანვარს აღნიშნულ მისამართზე, აფეთქებამდე რამდენიმე საათით ადრე, კორპუსის მცხოვრებლების გამოძახების შედეგად მივიდნენ.

გამოძიებით დადგინდა, რომ ავთანდილის ქუჩა N8-ში მცხოვრებმა მოქალაქეებმა აფეთქებამდე რამდენიმე საათით ადრე “ყაზტრანსგაზის” ცხელ ხაზზე დარეკეს და დახმარება ითხოვეს, რადგან კორპუსში ბუნებრივი აირის ძლიერი სუნი იგრძნობოდა და ეჭვი ჰქონდათ, რომ გაზი ჟონავდა. ადგილზე მისულმა “ყაზტრანსგაზის” სპეციალისტებმა – ვ.მ.-მ და თ.ტ.-მ კორპუსში გაზგაყვანილობა არაჯეროვნად შეამოწმეს, მოსახლეობას კი განუმარტეს, რომ კორპუსში გაზის სუნი არ იყო და საღებავის სუნში ეშლებოდათ. სპეციალისტების წასვლის შემდეგ, რამდენიმე საათში მოხდა აფეთქება. აფეთქების შედეგად გარდაიცვალა 4 ადამიანი, რომელთა შორის ერთი მცირეწლოვანია. შინაგან საქმეთა სამინისტრო მომხდარ ფაქტთან დაკავშირებით გამოძიებას სისხლის სამართლის კოდექსის 240-ე და 220-ე მუხლებით განაგრძობს. დანიშნულია: სასამართლო-სამედიცინო ექსპერტიზა, სახანძრო-ტექნიკური ექსპერტიზა, აფეთქების მიზეზების გამომწვევი ტექნიკური ექსპერტიზა, საქონელმცოდნეობითი ექსპერტიზა და ტექნიკური ექსპერტიზა, რომელთა დასკვნის საფუძველზე გამოიკვეთება აღნიშნულ დანაშაულთან შესაძლო შემხებლობაში მყოფი სხვა პირების სისხლისსამართლებრივი პასუხისმგებლობის საკითხი და გატარდება შესაბამისი ზომები”,-წერია შსს-ს განცახდებაში.

დიდ დიღომში მომხდარი “აფეთქების მიზეზი “ყაზტრანსგაზისთვის” უცნობია”

(more…)

საქართველოს პრემიერ-მინისტრის მამუკა ბახტაძის განცხადებით, სიძულვილის ენა ხელისუფლების ოპონენტების არჩევანია, ასეთი ენა კი მმართველი გუნდისთვის ყოველთვის მიუღებელი იყო. მამუკა ბახტაძეს მთავრობის სხდომის დაწყებამდე გამართულ ბრიფინგზე ჰკითხეს, რამდენად ეთიკურია, როდესაც თბილისის მერი პოლიტიკური ოპონენტების მისამართით ასეთ ლექსიკას ირჩევს.  

“თქვენ გინდათ თქვათ, რომ კახას სიტყვები არაეთიკურია? – თქვენი შეკითვა პოლიტიკურ შეფასებას გულისხმობს. ყველაზე ცუდი დასამსახსოვრებლად რაც გვქონდა უკანასკნელ არჩევნებში, ეს იყო სიძულვილის ენა, ვინ იყო ამ სიძულვილის ენის ინიციატორი, საზოგადოებამ იცის. ჩვენი პოლიტიკური გუნდის, მათ შორის კახას პოზიცია ყოველთვის იყო, არის და იქნება, რომ ეს მიუღებელია. ჩვენი პოლიტიკური ოპონენტების დიდი ნაწილი განაგრძობს იგივე რეჟიმში ცხოვრებას, რადგან ეს მათი ცხოვრებისეული ფასეულობაა. ამასთან ერთად, რა თქმა უნდა, არსებობს იუმორი და იუმორი არის ყოველთვის კარგი.