33 წლის ტოპმოდელმა, ირინა შეიკმა მონაწილეობა მიიღო H&M Conscious Exclusive–ის პრეზენტაციაში. კოლექცია ეკოლოგიური, მცენარეული მასალებისგან არის შექმნილი. პრეზენტაცია ლოს ანჟელესში გაიმართა. ირინა შეიკს კოლექციიდან მსუბუქი, ჭრელი, ფრიალა კაბა ეცვა ასიმეტრიული ბოლოთი. საგაზაფხულო–საზაფხულო სამოსის სადემონსტრაციოდ ის საქანელაზე ქანაობდა და მრავალრიცხოვანი ფოტოგრაფებისთვის პოზირებდა.
ირინა შეიკთან ერთად პრეზენტაციაში მონაწილეობდნენ: ემბერ ვალეტა, დაკოტა ფანინგი, ლეონარდო დი კაპრიოს შეყვარებული კამილა მორონე და სხვა ვარსკვლავები.
H&M–ის ახალი კოლექცია ეკოლოგიურად სუფთა მასალებით და მცენარეული ბოჭკოთია შექმნილი. სამოსს ცელულოზას ბოჭკოთი ამზადებენ, რომელიც ანანასის ფოთლებიდან, წყალმცენარეების ბიომასისგან, ციტრუსების წვენების დამზადების შემდეგ ნარჩენი პროდუქტებისგან მზადდება.
ამ ქსოვილებით შესაძლებელია როგორც ნატურალური აბრეშუმის მსგავსი, ასევე ნატურალური ტყავის მსგავსი მასალების დამზადება. თანაც ისინი სრულიად ეკოლოგიურია, “სუნთქავენ“ და როგორც მწარმოებლები ამბობენ, სამკურნალო ზემოქმედებაც კი აქვთ.
“მოხარული ვართ წარმოგიდგინოთ მცენარეულ ბოჭკოთი და ახალი ეკოლოგიური მასალებით დამზადებული ხარისხიანი, ლამაზი და მოდური სამოსი. ეს არის სერიოზული განაცხადი“ განაცხადა ბრენდის კრეატიულმა დირეტორმა ან–სოფი იოჰანსონმა.
