Blog

ბიზნესმენი ლევან ვასაძე 17 მაისთან დაკავშირებით სპეციალურ ვიდეომიმართვას ავრცელებს,სადაც ის ხელისუფლებას ულტიმატუმს უყენებს და პირობის შეუსრულებლობის შემთხვევაში ხელისუფლებას მასობრივი არეულობით ემუქრება.
“ამას წინათ ვისმენდი ჩვენი უმწიფარი პრეზიდენტის გამოსვლას ევროპაში, სადაც ის დარცხვენით თავს იმართლებდა საკუთარი ერის ნებაზე არ ჩაატარებინოს მამათმავალთა აღლუმი თბილისში ივნისის თვეში, პრემიერმა საკუთარი ხალხი მარგინალებად მოიხსენია, ამავე პრეზიდენტმა აღნიშნა მინდა ღვთისმშობლის წილხვედრობა ვიზეიმოთო, აირჩიეთ პრემიერო ან ღვთისმშობლის წილხვედრობა იზეიმეთ ან ამ წილხვედრს უწოდეთ მარგინალური”

“ამერიკის საელჩოს ლიბერასტებს ვურჩევ  აწი დაეტიონ თავიანთი საელჩოს პერიმეტრში..იცოდნენ თავიანთი ადგილი საქართველოში…აშშ-ს საელჩომ გამოაცხადა, რომ მხარს დაუჭერს გაეროს ეგიდით ჩასატარებელ გარყვნილების აღლუმს თბილისში, რომელსაც ხელისუფლებაც უჭერს მხარს. მინდა მივმართო მათ, ღმერთი არ გაგიწყრეთ და არ გაბედოთ ამის გაკეთება. წინააღმდეგ შემთხვევაში თქვენ მიიღებთ მასობრივ არეულობას, რომელიც შესაძლოა, თქვენი ხელისუფლების დამხობით დასრულდეს და ამაზე პასუხისმგებლობა დაგეკისრებათ თქვენ”, – აცხადებს ლევან ვასაძე.

(more…)

თბილისში ბარათაშვილის ქუჩაზე მდებარე ერთ-ერთ მაღაზიაში ორი მოზარდი გამთენიისას შეიჭრა და ძვირადღირებული ტექნიკის წაღება სცადა. ისინი შუშის ჩამტვრევას ქვით ცდილობდნენ, რა დროსაც, სავარაუდოდ, სიგნალიზაცია ამოქმედდა. ისინი პოლიციამ შემთხვევის ადგილზე დაკავა.

სამართალდამცველებმა მაღაზიიდან სათვალთვალო კამერების ჩანაწერები უკვე ამოიღეს, სადაც არასრულწლოვნების მაღაზიაში შეჭრის პროცესი ასახულია.

„დილას, გამთენიას ორმა პატარა არასრულწლოვანმა მოზარდმა შემოამტვრია შუშა, შემოლეწა. მათ მცდელობა ჰქონდათ, რომ გაეტაცებინათ ექვსი ტელეფონი და სამი ლეპტოპი, რომელიც ძვირადღირებულია. საბედნიეროდ, კრიმინალურმა პოლიციამ ადგილზე აიყვანა. ჩამორთმეულია მოპარული ტექნიკა, რომელიც უნდა მოეპარათ,“ – განაცხადა მაღაზიის თანამშრომელმა, ვასო პატაშურმა.

ამ დროისთვის არსებული ინფორმაციით, ერთ-ერთი სავარაუდო დამნაშავე წარსულშიც იგივე დანაშულისთვის იყო დაკავებული და მას პირობით მსჯავრი აქვს. ამ საკითხზე შინაგან საქმეთა სამინისტროში განმარტებას არ აკეთებენ.

პროსტიტუციის ხელშეწყობისა და პროსტიტუციისთვის ფართის გადაცემის ბრალდებით დაკავებულ, სასტუმრო „მამიდას“ მფლობელ როენა ხუცურაულს ბრალი ოფიციალურად წარედგინა.

ბრალი საქართველოს სისხლის სამართლის კოდექსის 254-ე მუხლით წარედგინათ, რაც პროსტიტუციის ხელშეწყობას გულისხმობს, აღკვეთი ღონისძიების საკითხს კი სასამართლო ხვალ განიხილავს.

შინაგან საქმეთა სამინისტროს ინფორმაციით, ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლების მიერ დაკავებულია: სასტუმრო „მამიდას“ მფლობელი, 1960 წელს დაბადებული რ. ხ. -მეტსახელად „მამიდა“, ამავე სასტუმროს მოიჯარე, 1972 წელს დაბადებული ზ. ქ. – მეტსახელად „სალომე“ და სასტუმრო „გოლდის“ მფლობელი, 1976 წელს დაბადებული ნ. დ. მათ მიერ ჩადენილი დანაშაული 2-დან 6 წლამდე ვადით თავისუფლების აღკვეთას ითვალისწინებს. გამოძიების ფარგლებში, მოსამართლის განჩინების საფუძველზე ჩატარებული ფარული ოპერატიულ-საგამოძიებო ღონისძიებების შედეგად დადგინდა, რომ დაკავებულები, თავიანთ კუთვნილ სასტუმროებში ფართს, პროსტიტუციის ხელშეწყობის მიზნით, სისტემატურად აქირავებდნენ. გამოძიება მიმდინარეობს პროსტიტუციის ხელშეწყობის და წინასწარი შეთანხმებით ჯგუფის მიერ სასტუმროს ნომრების პროსტიტუციისთვის გადაცემის ფაქტებზე, საქართველოს სსკ-ის 254-ე მუხლის 1-ლი ნაწილით, ასევე, ამავე მუხლის მე-3 ნაწილის ,,ა“ და ,,გ“ ქვეპუნქტებით. აღსანიშნავია, რომ შინაგან საქმეთა სამინისტრომ მიმდინარე წლის მარტში, აღნიშნული ბრალდებით, მოსამართლის განჩინების საფუძველზე ორი პირი დააკავა. კერძოდ, სასტუმრო „მამიდას“ ადმინისტრატორი, 1981 წელს დაბადებული მ. დ., სასტუმრო „მზის“ მფლობელი და ადმინისტრატორი, 1951 წელს დაბადებული გ. ა. – მეტსახელად „ფისო“.

“პუტინი მიყვარს ძალიან, დაგიბრუნებთ ტერიტორიებს დაელაპარაკეთ”-ვაკის პარკათან აქციის პრორუსი მონაწილეების განცხადებით, რუსეთი ოკუპანტი არ არის და საქართველო ევრაზიულ კავშირში უნდა გაერთიანდეს.

“შორეულ ძმას ახლო მეზობელი მირჩევნია, ეს ხალხი ძალით გააოკუპანტეს, რუსეთმა ჩვენ გვითხრა, დაანებეთ ნატოს თავი და ჩავიხუტოთო”-განაცხადა აქციის მონაწილემ, რომელიც საქართველოს  ევრაზიულ კავშირში გაწევრიანებას ემხრობა.

“პუტინი მიყვარს ძალიან, კაი კაცია და თავის ხალხს უფრთხილდება, რა გინდათ? ჩვენ ქვეყანასთან არაფერი კავშირი არა აქვს, აბა ამერიკას გაეკეთებინა ოკუპაცია? დაგიბრუნებთ დაელაპარაკეთ, იმას რომ უნდოდეს სოხუმი ააღორძინებდა, მაგრამ როცა პრინციპით დაელაპარაკებით ამხელა კაცს ისიც პრინციპით დაგელაპარაკებათ”-განაცხადა “უკვდავი პოლკის” წევრმა აქციის პრორუსმა მონაწილემ.

ვაკის პარკში, ერთმანეთის პარალელური აქციები იმართება. პრორუსულ “უკვდავ პოლკს” ანტისაოკუპაციო მოძრაობები კონტრაქციით დაუპირისპირდნენ და ვაკის პარკში შემოსვლისას შეძახილებით შეხვდნენ.

მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე არ მივიდა.

მაჩალიკაშვილი სუს-ში დღეს  11 საათზე იყო დაბარებული.მისი განცხადებით,ის  სუსში ადვოკატებთან ერთად  ხვალ მივა.

„ჩემს ადვოკატ მარიამ კუბლაშვილს ხვალ, 12:00 საათზე პროცესი აქვს, როგორც კი ეს პროცესი ჩამთავრდება, შემდგომ მოხდება ჩემი დაკითხვა. მარიამ კუბლაშვილთან და მეორე ადვოკატთან, ქეთი ჩუთლაშვილთან ერთად მივალ”, – განაცხადა მაჩალიკაშვილმა.

მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე 8 მაისს, 15 საათზე იყო დაბარებული. თუმცა, მისმა ადვოკატმა  გამოკითხვის გადადება ითხოვა.

ტრისტან წითელაშვილი აქციაზე იარაღით იმყოფება. ამის შესახებ მან ჟურნალისტებთან დაადასტურა. წითელაშვილის განმარტებით, იარაღის ტარების უფლება მას აქვს და საჭიროების შემთხვევაში თავდაცვის მიზნით გამოიყენებს. კითხვაზე ვისგან გრძნობს ის საშიშროებას წითელაშვილი აცხადებს, რომ საფრთხეს ნაციონალური მოძრაობისგან გრძნობს. 

აქციის მონაწილეები ტრისტან წითელაშვილს შეძახილებით შეხვდნენ და მოღალატე უწოდეს.