“მე ვფიქრობ, რომ საქართველოს მთავრობას ძირითადად არ აქვს სხვა გამოსავალი, არ იცის, როგორ აუხსნას საერთაშორისო თანამეგობრობას, თუ რა მიზეზით დაუნგრიეს ჯანმრთელობა ყოფილ პრეზიდენტს მიხეილ სააკაშვილს, ეს ფაქტია. მეორე ფაქტი კი ისაა, რომ ივანიშვილს ძალიან ახლო ურთიერთობა აქვს რუსულ ხელისუფლებასთან და კრემლის პოლიტიკოსებთან, ამიტომ ის პირდაპირ ბრძანებებს იღებს მათგან და ბრძანება კი ასეთია, რომ არაფერი მოიმოქმედოს სააკაშვილის გადასარჩენად. ისინი მოხარული იქნებიან, თუ ის ციხეში გარდაიცვლება.
თუ შევხედავთ ამ სურათს, ეს დემონსტრირებაა იმისა, თუ როგორ შეიცვალა ადამიანი. ჩვენ სხვა არაფერი დაგვრჩენია, ჩვენ ყველა საერთაშორისო მონაწილე უნდა ჩავრთოთ ამ პროცესში, მსოფლიოს ყველა კუთხიდან, რომლებიც ნათლად აკეთებენ განცხადებას, რომ მის გადასარჩენად ყველაფერი უნდა გაკეთდეს.
გარდა ამისა, ის ფაქტი, რომ საქართველოს ხელისუფლება არანაირ რეაქციას არ ახდენს ამ სიგნალებზე, რომელიც მოდის საერთაშორისო თანამეგობრობისგან და პირიქით უსმენს კრემლს და ყველაფერს აკეთებენ, რომ არ გააღიზიანონ კრემლი, ნაცვლად იმისა რომ მოუსმინო საერთაშორისო თანამეგობრობას, რაც ფაქტია, რომ არის საქართველოს ხალხის სურვილის წინააღმდეგ, შეუერთდნენ ევროპულ ოჯახს.
არ ვიცი, სხვა რა რეაქცია უნდა გვქონოდა ჩვენი მხრიდან, რაღა დაგვრჩენია თუ არა ვესაუბროთ საქართველოს ხელისუფლებას, დაველოდოთ რას მოიმოქმედებენ ისინი,”
აცხადებს უკრაინის მმართველი პარტია “ხალხის მსახურის” ფრაქციის თავმჯდომარე დავით არახამია “მთავარი არხის” გადაცემაში “დღის სტუმარი”.