“ჩვენ გადავედით ომის კიდევ ერთ მნიშვნელოვან ეტაპზე. თავდაცვის ძალები იმყოფებიან ჩრდილოეთ ღაზას შუაგულში, მოქმედებენ ქალაქ ღაზას ალყაში მოსაქცევად და აღრმევებენ [სახმელეთო შეტევას] და მიღწევებს.[…]ჩვენი ძალები იბრძვიან ვიწრო და რთულ ურბანულ ზონაში, რაც მოითხოვს პროფესიონალურ ბრძოლას და გამბედაობას,”
”ჩემს ბოლო “სასამართლო სხდომაზე” გაკეთებული განცხადების შემდეგ, რუსული დივერსიული ჯგუფის შემოსვლაზე, სუს-მა მომთხოვა გამოძიებისთვის ჩვენების მიცემა, რაზეც უარი განვაცხადე და აი, რატომ: მე უსამართლო და უკანონო პატიმრობაში ვიმყოფები უკვე დადასტურებულად “ეფ-ეს-ბეს” აგენტის, ფარცხალაძის მიერ აღძრული საქმეებით.
დღევანდელი ოლიგარქის უშიშროების სისტემას, 11 წლის განმავლობაში, არ დაუკავებია არც ერთი რუსი აგენტი, სამაგიეროდ, რუსეთის მიერ გადმოცემული სიებით მთელი ეს დრო დევნის საქართველოს პატრიოტებს, რომლებიც რუსეთისგან იცავდნენ საქართველოსა და უკრაინას. ნოდარ მელაძის გამოძიებით დადასტურებულია, რომ დღევანდელი უშიშროების სამსახურის მესვეურები საქართველოში მასპინძლობდნენ და ფეხქვეშ ეგებოდნენ “ეფ-ეს-ბეს” მე-5 სამმართველოს უფროსს, გენერალ ბესედას, ეს ის გენერალია, რომელსაც პირადად პუტინისგან ჰქონდა დავალებული უკრაინისა და სხვა ყოფილი საბჭოთა რესპუბლიკების ხელახალი დაპყრობის მომზადება ძირგამომთხრელი “აქტიური” ღონისძიებებით და რა თქმა უნდა, ოლიგარქის უსაფრთხოების წარმომადგენლები, ყოველივე ამის ფონზე, პირდაპირ შეგვიძლია განვიხილოთ კოლაბორაციონისტად და ოკუპანტის აგენტებად.
მე ჩემი ინფორმაცია გამოვაცხადე იმისათვის, რომ საზოგადოება იყოს ყურადღებით, ჩვენ არ ვართ დიდი ქვეყანა, ყველა საეჭვო ჯგუფი შეგვიძლია აღვრიცხოთ და როცა ისინი აქტიურ მოქმედებაზე გადავლენ, საზოგადოებრივი აქტიურობით მოვახდინოთ მათი ბლოკირება და განეიტრალება.
დგება მომენტები, როდესაც სამოქალაქო საზოგადოებამ საზოგადოებრივი უსაფრთხოების საკითხები თავის ხელში უნდა აიღოს და მაშინ შესაძლებელი გახდება ძალების გაერთიანება, მათ შორის, სამართალდამცავ ორგანოებში შემორჩენილ პატიოსან პატრიოტებთან და ქვეყნისა და საკუთარი თავის გადარჩენა.
დღევანდელი “ეფ-ეს-ბეს” ფილიალთან ყოველგვარ თანამშრომლობაზე კი, უარს ვამბობ.
რაც შეეხება ზოგადად რუსების შემოსვლას საქართველოში, გარდა დივერსიული ჯგუფისა, დანარჩენების უმეტესი ნაწილიც წარმოადგენს მომეტებული საფრთხის წყაროს. მათ მიაჩნიათ, რომ ქართველები შემთხვევით არიან ამ მიწაზე და პირველი დღიდან როგორც “ხაზაინები” ისე იქცევიან.
ამიტომ ხელისუფლების შეცვლის შემდეგ, მათ უნდა მიეცეთ 1 წელი უძრავი ქონების გაყიდვისა და საქართველოს დატოვებისთვის, ასი ათასზე მეტი იმპერიალისტური განწყობის უცხოელის აქ ყოფნა, საქართველოსთვის აუწეველი ტვირთია”.
წერს ამის შესახებ პატიმრობაში მყოფი საქართველოს ექსპრეზიდენტი, მიხეილ სააკაშვილი.
ისრაელის თავდაცვის ძალებმა ”ჰამასის” გვირაბების ქსელის განადგურების ფართომასშტაბიანი სპეცოპერაცია დაიწყო. ინფორმაციას ამის შესახებ, გამოცემა Times of Israel-ი ავრცელებს.
ამასთანავე ცნობილია, რომ ისრაელის თავდაცვის ძალები, ჰამასის გვირაბებში შესვლას არ აპირებენ და სპეცოპერაციის ფარგლებში მოხდება გვირაბების შესასვლელების პოვნა და განადგურება.
როგორც IDF-ის ინჟინრები აცხადებენ, სპეცოპერაცია ღაზას სექტორის იმ ნაწილებზე მიმდინარეობს, რომლებზეც ბოლო დღეებში ისრაელმა კონტროლი დაამყარა. როგორც ინფორმაცია ვრცელდება, ამ ეტაპზე ისრაელმა 100-მდე გვირაბი გაანადგურა.
“ჩვენ გვირაბებში შესასვლელებს დავანგრევთ. ეს სიკვდილის ზონად იქცევა. მათ შეცდომა დაუშვეს – ისეთ ადგილზე გადაწყვიტეს ყოფნა, საიდანაც გაქცევა არ შეუძლიათ. ისინი გვირაბებში დაიხოცებიან”, – თქვა IDF-ის ერთ-ერთმა ოფიცერმა.
რაც შეეხება ოპოზიციის განცხადებებს, რომელმაც ეს [ჩაბარებისკენ მოწოდება] არ მოიწონა და უფრო სხვა მეთოდებს ემხრობიან, მათ კიდევ ერთხელ აჩვენეს საზოგადოებას თავიანთი მანიაკალური სახე და ის სახე, რასაც წარმოადგენდა ნაციონალური მოძრაობის რეჟიმი, რომელიც ღიად აცხადებდა, რომ არ ენანება ტყვია დამნაშავეებისთვის, რომელიც ვერტმფრენიდან ხოცავდა მთელ ოჯახებს, როდესაც მიდიოდა ძებნის ღონისძიება, როდესაც მინისტრები ითხოვდნენ ორ გვამს…
პირდაპირ გეტყვით – დღეს რომ ყოფილიყო ნაციონალური მოძრაობა, სამი პატიმრის ნაცვლად, ჩვენ გვეყოლებოდა სამი გვამი.
ქართული ოცნების თავმჯდომარე ირაკლი კობახიძე აფხაზეთის საოკუპაციო რეჟიმის მიერ დაპატიმრებული ირაკლი ბებუას მხარდასაჭერად გამართულ აქციებს, ხელოვნურ და ჭარბ აჟიოტაჟს” უწოდებს.
“ყველაზე პრობლემური ქეისი არის ბებუას შემთხვევა, სადაც ვერ ხერხდება უკვე რამდენიმე წელია წარმატების მიღწევა, თუმცა ყველაფერი კეთდება ბუნებრივია ამისთვის. და ერთი რამე მინდა გითხრათ, რაც ნაკლები აჟიოტაჟი იქნება, ეს უსარგებლო აჟიოტაჟი რასაც ეხლა აქციის სახით ვხედავთ, რაც ნაკლები უსარგებლო აჟიოტაჟი იქნება ამ თემის გარშემო, მით უფრო გამარტივდება ამ საკითხში წარმატების მიღწევა. მაგრამ მე მგონი, აქაც უნდათ ვიღაც ვიღაცებს, რომ ხელოვნური აჟიოტაჟით, ჭარბი აჟიოტაჟით კიდევ უფრო გაურთულონ ხელისუფლებას წარმატების მიღწევა.” -განაცხადა კობახიძემ.
“არ ვფიქრობ, რომ ევროკავშირს შეუძლია, დაუშვას გაჭიანურებული რეფორმა. ჩვენ ვახორციელებთ რეფორმას და ამ პროცესს გავაგრძელებთ. ჩვენ შეგვიძლია კრიტერიუმების დამაკმაყოფილებელი ჩვენი რეფორმების ჩატარება უფრო სწრაფად, ვიდრე ევროკავშირი მოახდენს საკუთარი რეფორმების გატარებას. მთავარია, გაფართოება დამსახურებაზე იყოს დაფუძნებული, რომელიც პატივს სცემს თითოეული ქვეყნის ტემპსა და დინამიკას. გაწევრიანება არ უნდა გადაიდოს ან შეყოვნდეს რეფორმის გამო. უფრო ფართო ევროკავშირი უკეთესია ყველა ჩვენგანისთვის. ჩემი აზრით, რომ ევროკავშირს სჭირდება, იყოს უფრო დიდი, რათა გახდეს უფრო ძლიერი. ეს ძალიან მარტივია, მაგრამ, რა თქმა უნდა, ყველა ქვეყანა უნდა შეფასდეს დამსახურებაზე დაფუძნებული მიდგომით. ვფიქრობ, ფუნდამენტური მნიშვნელობა აქვს, რომ ევროპის ყველა ქვეყანამ და კანდიდატმა ქვეყნებმა აჩვენონ მტკიცე ვალდებულება კანონის უზენაესობისა და დემოკრატიის პრინციპების წინაშე და ეს იყოს ურთიერთობებში შემდგომი წინსვლის წინაპირობა”.
აცხადებს ამის შესახებ, უკრაინის საგარეო საქმეთა მინისტრი დმიტრო კულება.
„სომხეთის ხელმძღვანელობა ანგრევს მოსკოვსა და ერევანს შორის სამოკავშირეო ურთიერთობებს. ჩვენ ამ შეხვედრას ოფიციალური ერევნის დემონსტრაციულ ანტირუსულ ჟესტად განვიხილავთ,“
ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
ისრაელის თავდაცვის ძალების სამხედრო დაზვევრის დირექტორატის ცნობით, ”ჰამასის” სამიზნეების ამოსაცნობად და მათზე იერიშის მისატანად ხელოვნურ ინტელექტს იყენებენ.
ასევე IDF-ის განცხადებით, მათ დანერგეს ავტომატიზირებული საშუალებები, რომ სწრაფად და ზუსტად შეძლონ სამხედრო სამიზნეების ადგილმდებარეობის დადგენა.
IDF-ის თქმით, ისრაელმა ჰამასის 1200 ახალი სამიზნე აღმოაჩინა.
მივესალმები ნიკა მელიას მოწოდებას, თუ რადიკალური ოპოზიცია, კოლექტიური ნაცმოძრაობა, დატოვებს პარლამენტს ეს იქნება უკეთესი პოლიტიკური პროცესების სწორი მიმართულებით განვითარებისთვის. ასევე, შემდეგ პარლამენტშივე, როდესაც ნაცმოძრაობა კიდევ ერთხელ წააგებს არჩევნებს, კარგი იქნება თუ ისინი არ შემოვლენ პარლამენტში. ჩვენ ყველანაირად წავახალისებთ მათ არშემოსვლას პარლამენტში. ეს არის აუცილებელი იმისათვის, რომ ჩვენთან ჩამოყალიბდეს კონსოლიდირებული, პოლიტიკური დემოკრატიული სისტემა.
ამიტომ, ამ შემთხვევაში, მე აბსოლუტურად მივესალმები ნიკა მელიას მოწოდებას, ყველანაირი ფორმით შეგვიძლია, წავახალისოთ მათი არშემოსვლა პარლამენტში. ჩვენ ასეთი სლოგანი გვქონდა 2017 წელს – “ნაც ნაკლები, მით უკეთესი”, ანუ რაც ნაკლები ნაცი იქნება პარლამენტში, მით უკეთესი ქართული პოლიტიკისთვის და ქართული დემოკრატიისთვის, ამიტომ მივესალმები მელიას ამ მოწოდებას.
რაც შეეხება, სხვა კუთხით რომ შევხედოთ ამ მოწოდებას, ეს კიდევ ერთხელ მიუთითებს შიდა დაპირისპირებაზე, შიდა კინკლაობაზე, რომელიც არის ნაცმოძრაობაში, რასაც ასევე მივესალმებით, ისევე როგორც ნიკა მელიას მოწოდებას.
ბუნებრივია, იყენებენ [პრივილეგიებს], უფრო მეტიც, მათ უნდოდათ ვიცე სპიკერიც კი აგვერჩია მათი კვოტით. იმისათვის, რომ კიდევ ერთი მანქანა მიეღოთ, კიდევ ერთი კაბინეტი მიეღოთ, კიდევ ერთი შესაძლებლობა შექმნოდათ იმისათვის, რომ ლობირება განეხორციელებინათ კანდიდატის სტატუსის წინააღმდეგ. რა თქმა უნდა, ისინი იყენებენ პირველ რიგში მატერიალურ პრივილეგიებს, რომლებიც არის დაკავშირებული საპარლამენტო მუშაობასთან. იღებენ ხელფასს ამისათვის, მანქანები და ა.შ. მიუხედავად იმისა, რომ არაფერს არ აკეთებენ ქვეყნის სასიკეთოდ. ეს მატერიალური პრივილეგიები მათ აქვთ აბსოლუტურად დაუმსახურებლად. ამ შემთხვევაში, აბსოლუტურად ვეთანხმები ნიკა მელიას განცხადებას.
“სამივე დამნაშავე დაკავებულია!
შინაგან საქმეთა სამინისტროსთან მჭიდრო კოორდინაციით ძებნის ღონისძიება წარმატებით დასრულდა.
მადლობა ჩემს მეგობარს, შინაგან საქმეთა ღირსეულ მინისტრს ვახტანგ გომელაურს და პოლიციას დიდი მხარდაჭერისთვის.
მადლობა ჩვენს თანამშრომლებს, რომლებმაც პოლიციასთან ერთად ყველა საჭირო ღონისძიება მაღალი პროფესიონალიზმით განახორციელეს და დაიცვეს ჩვენი მოქალაქეების უსაფრთხოება.
დამნაშავეებს მიესჯებათ შესაბამისი სასჯელი.
მადლობა ყველას, ვინც წარმატება გვისურვა.
ეს არასრული 24 საათიანი ისტორია გაკვეთილი უნდა იყოს ყველასთვის, ვინც საქართველოს უსაფრთხოების უზრუნველყოფასა და ადამიანის უფლებების დაცვაზე ორიენტირებული სამართალდამცავი სისტემის წინააღმდეგ უკანონო ნაბიჯების გადადგმაზე გაიფიქრებს.”
წერს იუსტიციის მინისტრი, რატი ბრეგაძე კლინიკიდან გაქცეული პატიმრების დაკავებასთან დაკავშირებით.