Category: ახალი ამბები

“პირველ რიგში, მე ვიცი ქართველი ხალხის გულწრფელი მისწრაფება, რომ გახდნენ ევროკავშირის წევრები. ჩვენ ძალიან მნიშვნელოვანი გადაწყვეტილება მივიღეთ, როცა ევროკავშირის კანდიდატის სტატუსი მივანიჭეთ საქართველოს.  მეორეს მხრივ, საქართველოში ჩატარდა არჩევნები, რომელზეც არის გაყალბების სერიოზული ეჭვები და ყველაფერი უნდა იქნას გამოძიებული.

ჩვენ გვჭირდება დარწმუნება, რომ ყველაფერი გაკეთებული იყო სამართლიანად და გამჭვირვალედ, რაზეც ახლა სერიოზული ეჭვები არსებობს არა მხოლოდ ევროპაში, არამედ მსოფლიოს სხვა ქვეყნებშიც. მე იმედი მაქვს, რომ მექნება შესაძლებლობა მოსაზრებები გავუზიარო პრემიერმინისტრს ამ საკითხთან დაკავშირებით.”

აცხადებს ევროპული საბჭოს პრეზიდენტი, შარლ მიშელი.

” შოლცი და მაკრონი ვის დაუჭერენ მხარს, რატომ არის მნიშვნელოვანი?!” – ასე უპასუხა დეპუტატმა გურამ მაჭარაშვილმა საფრანგეთის პრეზიდენტის, გერმანიის კანცლერის და პოლონეთის პრემიერ-მინისტრის ერთობლივ განცხადებაზე დასმულ კითხვას, სადაც ევროპელი ლიდერები საქართველოში არსებული პოლიტიკური ვითარების გამო შეშფოთებას გამოხატავენ და ხელისუფლებას კურსის შეცვლისა და რეფორმების გატარებისკენ მოუწოდებენ.

“მე არ ვიცი, რა გრძნობა შეიძლება დაეუფლოს ევროპის წამყვანი სახელმწიფოს ლიდერს, რომელიც საკანონმდებლო ორგანოში საქართველოს საკითხს განიხილავს და მეორე დღეს კოალიცია დაეშლება და არჩევნები დაინიშნება.

არ მესმის, მაკრონის, რომლის პარტიაც მეორე ადგილას გავიდა და არჩევნები დასჭირდა. შოლცის პარტიაc მესამე ადგილზე გავიდა და საერთოდ კოალიცია დაეშალა. ისინი რატომღაც საქართველოს არჩევნებისთვის იცლიან. რა თქმა უნდა, ეს ყველაფერი ფარსია, მათ ავალებენ და ამიტომაც ამბობნენ!

მინიმუმ კომიკურია – ამას ქართული და გერმანული საზოგადოება უყურებს.

შე დალოცვილო, შენი მთავრობისთვის ვერ მიგიხედავს, კოალიცია თავზე დაგემხო და არჩევნები დაგენიშნა – რა საქართველოს არჩევნებზე ლაპარაკობ, როდესაც ეუთო/ოდირმა დაგიწერა, რომ აქ ნორმალური არჩევნები ჩატარდა.

საფრანგეთისა და გერმანიის მსგავსად, ბაიდენის ადმინისტრაციაც გვემუქრებოდა და მიიღეს ტრადიციული, ოჯახის ღირებულებების დამცავი ადამიანი პრეზიდენტად.

პარლამენტის მიერ მიღებულ კანონებს საქართველოს მოსახლეობის აბსოლუტური უმრავლესობა ეთანხმება, რომელმაც “ქართულ ოცნებას“ 54%-ით მხარი დაუჭირა. ამ კანონების უკან ქართული საზოგადოების აბსოლუტური უმრავლესობა დგას – კეთილი ინებონ, ქართულ საზოგადოებას პატივის სცენ და თავის საქმესა და თავის სახელმწიფოს მიხედონ – ჩვენ გვინდა პარტნიორული ურთიერთობა და არა ვასალური დამოკიდებულება!“, – განაცხადა გურამ მაჭარაშვილმა.

“ფლანგვის დეტექტორი” აცხადებს, რომ 2024 წელს ყურძენს სულ 23 კომპანია ჩაიბარებს, აქედან 11 “ოცნებასთანაა” დაკავშირებული და მათ ბიუჯეტიდან 5.5 მლნ გადაუხადეს.

“2024 წელს რთველის სუბსიდირების პროგრამიდან შესყიდული ყურძნის გადასამუშავებლად  8.97 მილიონი ლარის შესყიდვა განხორციელდა, საიდანაც 5.5 მილიონამდე მილიონი ქართულ ოცნებასთან დაკავშირებულ ან ქართული ოცნების შემომწირველ კომპანიებს გადაეცათ.

რთველის  სუბსიდირება საქართველოში უკვე 17 წელია ხორციელდება. რთველის სახელმწიფო სუბსიდირების პროგრამა ჯერ კიდევ 2008 წელს დაიწყო. გადაწყვეტილების თავდაპირველი მიზანი რუსული ემბარგოს უარყოფითი ზეგავლენის შერბილება და მევენახეობისა და მეღვინეობის დარგების წახალისება იყო, თუმცა როგორც ჩანს სუბსიდირების პროგრამამ დროთა განმავლობაში დამატებითი მიზნები შეიძინა, მათ შორის როგორიც არის ხელისუფლების მხარდამჭერთა და ან დაახლოებულ პირთა ბიზნესის ხელშეწყობა.

გასული წლების მსგავსად, საქართველოს მთავრობის 2024 წლის 14 ივნისის #873 განკარგულების მე-6 პუნქტის საფუძველზე ა(ა)იპ „სოფლის განვითარების სააგენტოს“ მმართველობაში მყოფ შპს “მოსავლის მართვის კომპანიას’’დაევალა 2024 წლის რთველის პერიოდში ყურძნის მიღება-გადამუშავებისთვის აუცილებელი ღონისძიებების ჩატარება. აღნიშნული გულისხმობს, როგორც კახეთის, რაჭა-ლეჩხუმისა და აჭარის რეგიონში შპს ,,მოსავლის მართვის კომპანიის’’ მიერ კერძო კომპანიების შესყიდვის შემდეგ ბაზარზე დარჩენილი ჭარბი ყურძნის შესყიდვას, გადამუშავებას, დასაწყობებასა და შენახვას.

2024 წელს ღვინის სუბსიდირების პროგრამისთვის 85 მილიონი ლარი იყო გათალისწინებული. საიდანაც 35 მილიონი რქაწითლის შესყიდვას, ხოლო 50 მილიონი ბაზარზე დარჩენილი ყურძნის შესყიდვას უნდა მოხმარებოდა. ყურძნის შესყიდვის შემდეგ მეორე ეტაპი, ყურძნის გადამუშავება იწყება. ამ მომსახურებას მიღების მიზნით მოსავლის მართვის კომპანია ყოველწლიურად აფორმებს კომპანიებთან გამარტივებული შესყიდვის წესით ხელშეკრულებებს.

სწორედ ეს უკანასკნელი წარმოადგენს ჩვენი ინტერესის სფეროს. შესყიდული ყურძნის გადამუშავების და სპირტად გამოხდის მომსახურების მიღების მიზნით მოსავლის მართვის კომპანიამ ჯამში 35 გამარტივებული შესყიდვა განახორციელა 23 კომპანიასთან.

35 შესყიდვიდან 20 შესყიდვა (ჯამში 23-დან 11 კომპანია) გაფორმდა კომპანიებთან, რომელთა დირექტორი ან/და მესაკუთრეები ქართული ოცნების შემომწირველები ან ქართულ ოცნებასთან დაახლოებული პირები არიან. მსგავსი სურათი ფიქსირებოდა გასულ წლებშიც, რაზეც ფლანგვის დეტექტორი ადრეც წერდა.

2024 წელს ყველაზე დიდი რაოდენობით თანხები ღვინის გადასამუშავებლად შპს უნივერსალ სპირტმა მიიღო. მასთან საერთო ჯამში 1.7 მილიონი ლარი ღირებულების 2 ხელშეკრულება გაფორმდა. შპს უნივერსალ სპირტის 100% მესაკუთრე  შპს სპირტსახდელების გაერთიანებაა, რომლის 50% მესაკუთრე რუსეთის და საქართველოს მოქალაქე და ბიძინა ივანიშვილის დეიდაშვილის უჩა მამაცაშილის ბიზნესპარტნიორი  ვახტანგ კარიჭაშვილია, 20%-ის მესაკუთრე ასევე რუსეთის და საქართველოს მოქალაქე გიორგი ღამბაშიძე. აღსანიშნავია, რომ ვახტანგ კარიჭაშვილი უკრაინის მიერ არის დასანქცირებული.

თუმცა, შპს უნივერსალ სპირტი ვახტანგ კარიჭაშვილის ერთადერთი კომპანია არ არის, რომელმაც თანხები მიიღო ბიუჯეტიდან 2024 რთველის ფარგლებში. 480,000 ლარი მიიღო კომპანია შპს მეღვინეობა კაჭრეთმა. კომპანიის 100% წილების მესაკუთრე შპს მილადა ინტერნეშინელია, თავის მხრივ მისი 100% მესაკუთრე კი ვახტანგ კარიჭაშვილი.

2024 წელს ვახტანგ კარიჭაშვილის კიდევ ერთი კომპანია მოხვდა შესყიდვების სიაში. მოსავლის მართვის კომპანიამ 150,000 ლარიანი კონტრაქტი გააფორმა შპს Bolero & Company-სთან, რომლის 100% მესაკუთრე  ასევე ვახტანგ კარიჭაშვილია.

სიაში მოხვდა, ვახტანგ კარიჟაშვილის მე-4 კომპანიაც შპს გრუზვინპრომი. კომპანიის 100% მესაკუთრე შპს Bolero & Company არის, რომლის 100% მესაკუთრე  თავის მხრივ  ვახტანგ კარიჭაშვილია.

საერთო ჯამში ვახტანგ კარიჭაშვილის 4-მა კომპანიამ 2024 წელს ყურძნის გადამუშავების მომსახურების ფარგლებში ყველაზე მეტი 3 220 000 ლარი მიიღო სახელმწიფო ბიუჯეტიდან.

სიაში მოხვდნენ ქართული ოცნების შემომწირველი კომპანიებიც, რომელთა სიაც და მიღებული თანხები ასე გამოიყურება:

• სს თელავის ღვინის მარანი – კომპანიამ 181 000 ლარი მიიღო. ქართული ოცნების შემომწირველია კომპანიის დირექტორი ზურაბ რამაზაშვილი, რომელმაც 2017-2023 წლების განმავლობაში  ოცნებას ჯამში 150 000 ლარი შეწირა.
• შპს ბარაკონი  – 35 000 ლარი მიიღო. კომპანიის 34% მესაკუთრემ ვაჟა ღვალაძე ქართულ ოცნებას 2020 წელს 60 000 ლარი შეწირა, ხოლო კიდევ ერთმა მესაკუთრემ დავით თოფურიძემ 2018 წელს ქართული ოცნების მიერ მხარდაჭერილ კანდიდატს სალომე ზურაბიშვილს შეწირა 50 000 ლარი.
• შპს ბერიკა  – კომპანიის ორივე მესაკუთრე მამუკა გვალია და ლაშა რევაზიშვილი ქართული ოცნების შემომწირველია. მათ ჯამში ოცნება 41 400 ლარი შეწირეს. აღსანიშნავია, რომ თითოეულმა 20 000 ლარი შეწინა 2024 წლის 6 სექტემბერს. მოსავლის მართვის კომპანიამ მათთან ხელშეკრულებას ხელი  მომდევნო დღეს  7 სექტემბერს მოაწერა. ამ ხელშეკრულების შედეგად კომპანიამ 180 000 ლარი მიიღო.
• შპს ყვარლის სარდაფი – ქართული ოცნების შემომწირველია კომპანიის დირექტორი ვაჟა ღვალაძე. მან ოცნებას 2020 წელს 60 000 ლარი შეწირა. კომპანიამ 2024 წელს ყურძნის გადამუშავებისთვის 1 360 000 ლარი მიიღო.
• შპს შალვინო  – კომპანიის მესაკუთრეებმა  შალვა და ლევან გვარამაძეებმა ოცნებას 2020 წელს ჯამში 30 000 ლარი შეწირეს. კომპანიამ ყურძნის გადამუშავებისთვის 90 000 ლარი მიიღო.
• შპს წინანდალი – XXI საუკუნის საუკეთესო ღვინოები – კომპანიის 100% მესაკუთრე ზაზა ბახტურიძემ ოცნებას 2020 წელს 40 000 ლარი შეწირა. კომპანიამ ღვინის გადამუშავებისთვის 2024 წელს 421 000 ლარი მიიღო.

გარდა იმისა, რომ გამარტივებულ შესყიდვებს/პირდაპირი შესყიდვის წესით   მოსავლის მართვის კომპანია ხშირ შემთხვევაში  ქართულ ოცნებასთან დაკავშირებულ ან ოცნების შემომწირველ კომპანიებს უფორმებს, აღსანიშნავია ისიც რომ ამ კომპანიების ნაწილის ღვინის გაყიდვების ძირითად ბაზარს რუსეთი წარმოადგენს. მაგალითად, შპს Bolero & Company ფინანსურ ანგარიშში პირდაპირ არის მითითებული, რომ კომპანიის შემოსავლის მნიშვნელოვანი ნაწილი გენერირდება პროდუქციის რუსეთის ბაზარზე რეალიზაციით.

აღსანიშნავია, ისიც, რომ 2006 წელს დაწესებული ემბარგოს შემდეგ საქართველოს რუსეთზე ფინანსური დამოკიდებულების მაჩვენებელი ეპატობრივად მცირდებოდა. საქართველომ ბაზრის დივერსიციკაცია დაიწყო და სანდო, სტაბილურ, არამტრულ ბაზარზე ცდილობდა ღვინის გატანას, მათ შორის ევროპა, ამერიკა, იაპონია, ჩინეთი….  თუმცა, ქართული ოცნების ხელისუფლებაში მოსვლის შემდგომი ტენდენციები აჩვენებს, რომ 2012 წლიდან რუსეთზე ფინანსური დამოკიდებულება კვლავ იზრდება, ისევე როგორც გაზრდილია რუსეთში ღვინის ექსპორტის წილი მთლიან ექსპორტში.

მიუხედავად, იმისა, რომ როგორც ეს ღვინის ეროვნული სააგენტოს მიერ გამოქვეყნებულ ანგარიშებშია (მაგ. 2023 წლის ანგარიში) მითითებული ქართული ღვინის ბაზრების დივერსიფიკაციის, ექსპორტის ზრდის, პოპულარიზაციისა და ხარისხის უზრუნველყოფის ხელშეწყობის მიზნით ყოველწლიურად გარკვეული ღონისძიებები ტარდება, როგორიც მათ შორის გამოფენებში მონაწილეობის მიღება, სარეკლამო კამპანიებია. თუმცა, მეორეს მხრივ სახელმწიფო ბიუჯეტიდან სარგებელს ოცნებასთან დაახლოებული კომპანიები იღებენ, რომელთა ნაწილი შემოსავალის დიდ ნაწილს სწორედ რომ ღვინის რუსეთში ექსპორტით იღებენ.

“, – წერს კვლევითი ორგანიზაცია.

„არაფერი მასობრივი დარღვევა ხმის ფარულობის არ ყოფილა. თუ სადმე იყო მასობრივად დარღვეული ხმის ფარულობა, ეს იყო, იგივე, მოლდოვა – პირდაპირ, გამჭვირვალე ყუთებში კონვერტების გარეშე აგდებდნენ ბიულეტენებს. ამერიკის შეერთებული შტატების შემთხვევაშიც თქვენ ხედავდით – პირდაპირ, აბსოლუტურად ცხადად ჩანდა, თუ ვინ-ვის აძლევდა ხმას საარჩევნო უბნების უმრავლესობაში. საქართველოში ჩატარდა უმაღლესი ხარისხით არჩევნები“

ამის შესახებ პრემიერ-მინისტრმა, ირაკლი კობახიძემ ჟურნალისტებს ბუდაპეშტში განუცხადა.

ჩვენ ვპირდებოდით საზოგადოებას და პრინციპში საზოგადოებამ გააკეთა ეს, რომ ორი პარასკევი აქვს დარჩენილი სალომე ზურაბიშვილს. მას გასდის ძალიან მალე ვადა ყველა თვალსაზრისით. შესაბამისად, რაღაცნაირად უნდა სიამოვნება მიიღოს იმ დარჩენილი ორი თვისგან, რომელიც მას აკავშირებს პრეზიდენტის თანამდებობასთან. გავა ეს ორი თვეც და სალომე ზურაბიშვილი ვერავითარ პრობლემას ვერ შეუქმნის ჩვენს ეროვნულ ინტერესებს,

ასე ეხმაურება, პრემიერი კობახიძე საქართველოს პრეზიდენტის, სალომე ზურაბიშვილის მიერ ხვალ, ბუდაპეშტში დაგეგმილ არაფორმალურ ვიზიტს.

„მე კარგად მახსოვს, როგორ იდგა აქციაზე მამუკა ხაზარაძე ჩემი გათავისუფლების მოთხოვნით 2021-ში. მეც სოლიდარული ვიყავი მის მიმართ, როდესაც ზუსტად ისეთივე თითიდან გამოწოვილი ბრალდებით უპირებდნენ ციხეში ჩასმას, როგორითაც მე ვარ ახლა პატიმრობაში.

ვეთანხმები თიკას [თინა ბოკუჩავა] , რომ ძალა ერთობაშია!“,

ამის შესახებ მესამე პრეზიდენტი მიხეილ სააკაშვილი წერს, რითაც კოალიცია„ძლიერი საქართველოს“ ლიდერის, მამუკა ხაზარაძის განცხადება შეაფასა.

“შევადგინეთ განაცხადის ფორმები, რომ მოქალაქეებმა ცესკოს ახალი არჩევნების ჩატარების მოთხოვნით მიმართონ” -კოალიცია ძლიერი საქართველოს ერთ-ერთმა წარმომადგენელმა ანა ნაცვლიშვილმა ახალი ინიციატივის შესახებ ისაუბრა, სადაც ის საზოგადოებას FACEBOOK ჯგუფში სახელად:  დაიცავი შენი ხმა #ვითხოვ ახალ არჩევნებს გაწევრიანებისკენ მოუწოდებს.

„მინდა წარმოგიდგინოთ ჯგუფი, რომელიც შეიქმნა FACEBOOK პლატფორმაზე, თითოეულ მსურველს შეეძლება გაწევრიანდეს ამ ჯგუფში სადაც ჩვენ მოგაწვდით ყოველდღიურად ინფორმაციას, მათ შორის ეს ორი ინსტრუმენტი განთავსდება ამ ჯგუფში, ეს არის განცხადებების ფორმით, სამართლებრივად დასაბუთებული, საქართველოს კანონმდებლობაზე დაფუძნებით შედგენილი ორი ინსტრუმენტი, რომლის გამოყენებაც თქვენ შეგეძლებათ. ერთი არის მომზადებული ემიგრანტებისთვის, რომ ემიგრანტებმა მიმართოთ ცესკოს, დაადასტუროთ რომ არ მოგეცათ შესაძლებლობა მიგეღოთ მონაწილეობა არჩევნებში, თუმცა ვინაიდან არსებობს გაშიფრული სქემა, რომ სწორედ თქვენი მონაცემები იყო გამოყენებული საქართველოში მრავალჯერადად არჩევნების მოპარვისთვის, მიმართოთ ცესკოს და მოითხოვოთ გასაჯაროვდეს ვერიფიკაციის ხელმოწერილ ქვითრებში ხომ არ არის თქვენი მონაცემები ბოროტად გამოყენებული, ცესკო ვალდებულია გიპასუხოთ ამაზე და გადადგას შესაბამისი ნაბიჯები. მეორე ინსტრუმენტი ეს არის მეორე განაცხადის ფორმა, რომლითაც საქართველოს თითოეულ მოქალაქეს შეუძლია მიმართოს ცესკოს, გავრცელებულ და საჯაროდ ნანახ კადრებზე დაფუძნებით განაცხადოთ, რომ ვინაიდან დაირღვა არჩევნების ფუნდამენტური კონსტიტუციური პრინციპი, ხმის ფარულობა, დაირღვა თქვენი უფლება, როგორც საქართველოს მოქალაქის და შესაბამისად მოითხოვოთ ბათილად იქნეს ცნობილი 26 ოქტომბრის არჩევნების შედეგები და მოითხოვოთ ხელახალი, სამართლიანი არჩევნები“, – თქვა ნაცვლიშვილმა.

ხვალ, 8 ნოემბერს თბილისის ნაწილს: მთაწმინდის, ვაკის, კრწანისის, დიდუბის, ჩუღურეთის, საბურთალოს რაიონებში წყალი 24 საათით შეწყდება. როგორც კომპანიაში აღნიშნავენ, ფარნავაზ მეფის გამზირზე N24-თან წყალმომარაგების მაგისტრალურ ქსელზე სარეაბილიტაციო სამუშაოები ჩატარდება.

8 ნოემბერს 01:00-დან 9 ნოემბრის 01:00-მდე წყალმომარაგება შეუწყდება:

მთაწმინდის რაიონში: პოლიკარპე კაკაბაძის, ძმები კაკაბაძეების, ზალდასტანაშვილის, ზანდუკელის, ზ. ბოცვაძის, ე. გაბაშვილის, ვ. სარაჯიშვილის, 8 მარტის, ქიაჩელის, ჭოველიძის, მაყაშვილის, ნიკო ნიკოლაძის, მაყაშვილის აღმართს, კერესელიძის, გოგებაშვილის, იაკობ ნიკოლაძის, შიო მღვიმელის, როდენის, ვარაზის ხევის, კოტე მახარაძის, ვერიკო ანჯაფარიძის, სოფიკო ჭიაურელის, მიხეილ თუმანიშვილის, შარაშიძის, მელიქიშვილის, ქუჩიშვილის, ღამბაშიძის, კოსტავას 1 შესახვევს, კოსტავას 2 შესახვევს, მედეა (მზია) ჯუღელის, სატივეს, ხორავას, შანიძეს, ბაქრაძის, გაბუნიას, უმიკაშვილის, ლარსის (რეზო ჩხეიძე), გალის, თერგის, რჩეულიშვილის, ჯაფარიძის, ნ.ჟვანიას, ბელინსკის, ბაშალეიშვილის, გ. ახვლედიანის, ეკალაძის, ვაშლოვანის, მიმინოშვილის, კობახიძის, მ. ჯავახიშვილის, მესხიას, გრიბოედოვის, ზუბალაშვილის, რუსთაველის, თავისიფლების მოედანს, გუდიაშვილის, ფურცელაძის, ჯორჯაძის, ვაჩნაძის, გრ. აბაშიძის, ალ. ჭავჭავაძის, მ. ლაღიძის, რ. ლაღიძის, აბაკელიას, ცხემის, ტარიელის, ბორბალოს, რიწის, კ. მესხის, ს. მესხის, მთაწმინდის, ყიფიანის, არსენას, ზ.ქიქოძეს, ვეძინის, გიგაურის, ლიხის, ბესიკის, შევჩენკოს, ჟორდანიას, ინგოროყვას, ზიჩის, კოტეტიშვილის, ზ. ჟვანიას, ჭიჭინაძის, ლესია უკრაინკას, ვ. აბაშიძის, ნიაღვრის, გერგეთის, ჭონქაძის, სავანელის, ვ. ბერიძის, ამაღლების, ზ.დუმბაძის, ლეონიძის, იაშვილის, ლერმონტოვის, სულხან-საბას, გერონტი ქიქოძის, მაჩაბელის, გ.ტაბიძის, შ. დადიანის, ერისთავის-ხოშტარიას, გუდაურის, თარხნიშვილის, ჯანაშიას, ტატიშვილის, მილორავას, ჩირგაძეს, გურგულიას, ა. მაჭავარიანის, ნიშნიანიძის, წავკისის, ოქროყანის, შინდისის, ბოლო აღმართის, შხეფის, პეტრიაშვილის, ჩიტაძის, 9 აპრილის, ჩაიკოვსკის, თაბუკაშვილის N 30-48 (ლუწებს), N25-53 (კენტებს), კოჯრის, ა. ქუთათელაძის, სანაპიროს, ს.ჟღენტის, ვ.მოსიძის, კ. უკლებას, ლ. ბოცვაძის, გუნიას, ბროსეს ქუჩებს, ჯამბულის ქუჩას და შესახვევს, ოქროყანას. ს/ს ქვედა პლატოს , ს/ს სეიდაბადს.

კრწანისის რაიონში: პუშკინის, აბესაძის, ახოსპიელის, კუფტინის, ვ. ივერიელის, საიათნივას, ა. კათალიკოსის, გრ. ხანძთელის, აბოვიანის, იერუსალიმის, პურის მოედანი, პურის ჩიხი, ონის შესახვევი, ბააზოვის, ლადო ასათიანის, ბეთლემის, სალამის, ზდანევიჩების, აჯიაშვილის, საადის, გომის, ჯვარედინის შესახვევი, ჯიბლაძის, თუმანიანი, ასკანის, ორპირის, სამღებროს, ირგვლივის, გორგასლის ქუჩებს, ღვინის აღმართის, კოტე აფხაზის N1-25 (კენტებს), N2-22(ლუწებს), ორთაჭალის ქ. N I,II,III,IV,V ჩიხები, აბო თბილელის, აბანოს, დაბახანის, ბოტანიკურის, დავით გულუას აღმართს, გრიშაშვილის N11 და ახუნდოვის ქუჩებს.

საბურთალოს რაიონში: ზაურ ბოლქვაძის,დოლიძის, ბალანჩივაძის, იოსელიანის, ახალშენის, ტეხურის, ჩაილურის (ქაფიანიძე), ჭიათურის, ენგურის, ქარელის, იყალთოს, იყალთოს მთის, ბაკურიანის, ბაკურციხის, ტუსკიას, ლიხაურის, ჩიქოვანის, კოსტავას (გარდა N36-60 (ლუწები)), ალექსიძის, ალმასიანის, ასლანიდის, ბოჭორიშვილის, აკურის, მიროტაძის, ნატახტარის, მგალობლიშვილის, ჩერქეზიშვილის, ტაშკენტის, იმედაშვილის, ისაკაძის, გაგარინის, შარტავას, იოსებიძის, კალანდაძის, ქანთარიას, დარასელიას, ოჩამჩირის, არშბას, კანდელაკის, ფანჯიკიძის (ყოფ. ბუდაპეშტის), ონიაშვილის, ლვოვის, ოდესის, გელოვანის, ჟვანიას მოედანი, სხირტლაძის, სხვიტარიძის, ცხინვალის, აბაშიძის, ზემო ვეძისის, ლომონოსოვის, ჭაბუკიანის, ცინცაძის, ტანძიის, ცაგარელის, მიცკევიჩის, საირმის, საირმის გორას, გამრეკელის, ბაგრატიონის, ვაჟა-ფშაველას N1-41(კენტებს), N2-58(ლუწებს), ყაზბეგის გამზ. N1-41(კენტებს), N 2-24(ლუწებს), ბურძგლას, ბახტრიონის, პეკინის, კარტოზიას, ფანასკერტელი-ციციშვილის, შევარდენიძის, თამარაშვილის, ქუთათელის, მ. დავითაშვილის, ვ. წულაძის, ოდიშელიძის, არდაზიანის, სახოკიას, უნივერსიტეტის N2-დან N8-ის ჩათვლით, ო. ლორთქიფანიძის ( N32-ის გარდა), აფაქიძის და ხვიჩიას ქუჩებს. კვერნაძე, ბერბუკი, ზ. ბენდელიანი, ნასიძე, ა.სულაკაურის, შანხაის დასახლება ოთარ ჩხეიძის და კალისტრატე ქუთათელაძეს ქუჩებს, 26 მაისის მოედანს. ოთხი ათასი მესხის, ფარსადანის, მელიქ სურხავის, ბობ უოლშის ქ. „ახალი თბილისი“, ოლიმპიური ქალაქი, აღმაშენებლის ხეივანი „თბილისი მოლი“, დიღმის წყლის ქუჩებს. ნასიძე, როსტევანის 1, 8ა, ნინო აბაშიძე-ორბელიანის N 1ა, 3, 13 ასურელის N 126, დავარის N1, ფარნავაზ მეფის N 5

ვაკის რაიონში: ყაზბეგის გამზ. N26-30(ლუწებს), N43-55(კენტებს), ჯანაშვილის, სვანიძის, ქუთათელაძის, მცხეთის, ქობულეთის, შატბერაშვილის, შატბერაშვილის ხევი, მარაბდის, კეკელიძის, ტაბიძის, ცხვედაძის, აბაშელის, რაზმაძის, ბარნოვის, ფალიაშვილის, რ. მიშველაძის, ერისთავის, ნაფარეულის, თაყაიშვილის, ბაზალეთის, ჭავჭავაძის გამზირს (გარდა N43, 45, 47, 49, 51, 53, 55, 73, 74, 75, 76, 78, 80, 82, 84), აბაშიძის, ამირეჯიბის, ჟვანიას, მარუხის გმირების, ბურკიაშვილის, არაყიშვილის, რამიშვილის, საჯაიას, აბულაძის, მოსაშვილის, ბერძენიშვილის, მუხაძის, ლ.ელიავას, კავსაძის, თაქთაქიშვილის, დარიალის, რადიანის, არეშიძის, ატენის, შროშის, ყიფშიძის, მიქელაძის, ვ.გაბაშვილის, ავალიშვილის, წყნეთის ქუჩებს. ჭავჭავაძის გამზირი 1 შესახვევს. ვაკის პარკს და მზიურს.

ჩუღურეთის რაიონში: მარჯანიშვილის ქ N2-18; (ლუწებს) N1-21 (კენტებს), უშანგი ჩხეიძის.

დიდუბის რაიონში: ბალანჩინის, ქართულ ამერიკული მეგობრობის გამზირს, დისევის, ბელიაშვილის შესახვევი N12, ბელიაშვილის N40, ბელიაშვილის 2 ჩიხს, გივი ჟვანიას ქუჩას და ჩიხს, ლუბლიანას ქუჩაზე ჟვანიას სახელობის ბავშვთა კლინიკას და მის მიმდებარე ტერიტორიაზე განთავსებულ ყველა კლინიკას.