Category: ახალი ამბები

თბილისის მერიის ცნობით, შობის ღამეს თბილისის მეტრო მგზავრებს გახანგრძლივებული გრაფიკით მოემსახურება.

მეტრო 7 იანვრის 00:00 საათის ნაცვლად, 03:00 საათამდე იმუშავებს.

ამასთან, მერიაში ამბობენ, რომ 6 იანვრის 23:00 საათიდან მგზავრობა უფასო იქნება.

“ეუთო-ს საპარლამენტო ასამბლეის პრეზიდენტის პია კაუმას მიერ საქართველოში ვიზიტის გადადება ძალიან გონივრული გადაწყვეტილებაა. ქართველი ხალხი აფასებს იმას, რომ ითვალისწინებთ ქართული დემოკრატიის იმედებსა და შეშფოთებებს. ეუთო გვჭირდება იმაზე მეტად, ვიდრე ოდესმე. და ახალი არჩევნები!”,

საქართველოს მეხუთე პრეზიდენტი სალომე ზურაბიშვილი ეუთო-ს საპარლამენტო ასამბლეის პრეზიდენტის პია კაუმას მიერ საქართველოში ვიზიტის გაუქმებას ეხმაურება.

ეუთო-ს საპარლამენტო ასამბლეის პრეზიდენტმა პია კაუმამ საქართველოში ვიზიტი გააუქმა. შესაბამის ინფორმაციას ის   X-ზე წერს.

“დისკუსიებისა და მჭიდრო განხილვის შემდეგ, მე გადავწყვიტე გადავდო ჩემი ვიზიტი საქართველოში იქამდე, სანამ ეუთო-ს საპარლამენტო ასამბლეის მონაწილეობა მეტად ეფექტური იქნება.

Following discussions and after close consideration, I’ve decided to postpone visiting Georgia until a time that the @OSCEPA’s engagement would be most effective. We remain ready to listen to all voices and offer assistance in implementing @osce_odihr election recommendations.

— Pia Kauma (@PiaKauma) January 6, 2025

ცნობისთვის, პია კაუმას ვიზიტი 8-10 იანვარს იყო დაგეგმილი, რასაც ოპოზიციური პარტიების,   საერთაშორისო პარტნიორების, საქართველოს მეხუთე პრეზიდენტის, სალომე ზურაბიშვილის კრიტიკა მოჰყვა.  ისინი აღნიშნავდნენ რომ ახლა ამ ვიზიტის შესაფერისი დრო არ იყო და “ქართულ ოცნებას” აძლევდა საბაბს, რომ გაყალბებული არჩევნების შედეგები ლეგიტიმურად კიდევ ერთხელ გამოეცხადებინა.

ამასთანავე, აშშ-ს რესპუბლიკელმა  კონგრესმენმა  და ჰელსინკის კომისიის თავმჯდომარემ, ჯო უილსონმა, მოუწოდა კაუმას  არ ჩამოსლიყო თბილისში, რადგან “ოცნება” ამას ავტორიტარული მმართველობის დამყარების ლეგიტიმაციისთვის გამოიყენებდა.

“ივანიშვილს სანქციები დაუწესდა რუსეთის აგენტად მოქმედებისთვის, აშშ-ს აქვს ინფორმაცია მისი კრემლის სასარგებლოდ მოქმედებაზე” – ამის შესახებ, ამერიკელი დიპლომატი და ატლანტიკური საბჭოს მკვლევრი დენიელ ფრიდი “ამერიკის ხმასთან” საუბრობს.

“მაშინ, როდესაც ხაზინამ სრული ბლოკირების სანქცია დააწესა, მან ასევე გასცა ლიცენზია გარკვეული ეკონომიკური ტენდენციების, ქმედებების გაგრძელებაზე. ჩემი ინფორმაციით ეს მოხდა, რადგან ამერიკის მთავრობას არ სურდა ზიანი მიეყენებინა საქართველოს ეკონომიკის, ან ქართველ ხალხისთვის. ამიტომაც, არ წავიდნენ იმ კომპანიების წინააღმდეგ, რომლებიც მართალია ივანიშვილის საკუთრებაა, მაგრამ მათ სანქცირებამ, შეიძლება ზიანი მიაყენოს საქართველოს ეკონომიკასა და ქართველ ხალხს.

ივანიშვილს ახლა ბევრად უფრო გაუჭირდება ბიზნესის წარმართვა. ეს საკმაოდ დიდი საქმეა. რა თქმა უნდა, სანქციებს დიდი გავლენა არ ექნება მის ბიზნესზე რუსეთში, მაგრამ ამას მაინც მნიშვნელოვან ნაბიჯად ვთვლი.

ეს სანქციები ვერც საქართველოს დემოკრატიას გადაარჩენს, ეს საბოლოოდ, ქართველი ხალხის გასაკეთებელია. მეტიც, ძალიან საინტერესოა, რომ შეერთებულმა შტატებმა ივანიშვილს სანქციები დაუწესა რუსეთის აგენტად მოქმედების, ან რუსეთის ინტერესების სასარგებლოდ ქმედებისთვის. სანქციები დაწესდა კონკრეტული აღმასრულებელი ბრძანებით, რომელიც მიზანში იღებს რუს აგენტებს და იმ აგენტებს, ვინც რუსული ინტერესების დაწინაურებისთვის მოქმედებენ. ეს საკმაოდ საინტერესოა, რადგან ეს ნიშნავს, რომ შეერთებულ შტატებს აქვს ინფორმაცია ივანიშვილის კრემლის სასარგებლოდ მოქმედების შესახებ. ამერიკას შეეძლო, ივანიშვილისთვის სანქციები ადამიანის უფლებების დარღვევის გამო, “მაგნიტსკის გლობალური აქტით” დაეწესებინა. ამის ნაცვლად, მათ სანქციები რუსეთის სასარგებლოდ ქმედებისთვის დააწესეს.

ამერიკას და საქართველოს სხვა მეგობრებს დახმარება შეუძლიათ, ამის ბევრი გზა არსებობს, მაგრამ საბოლო გადაწყვეტილებას ქვეყნის მომავალზე არა ბრიუსელში, ვაშინგტონში, ან მოსკოვში, როგორც ეს რუსეთს ჰგონია, არამედ თბილისში, ქართველები მიიღებენ. თუ ტრამპის ადმინისტრაცია ივანიშვილისთვის დაწესებულ სანქციებს გააუქმებს, ის გამოჩნდება, როგორც სუსტი და დამორჩილებული, როგორც კრემლის ნების შემსრულებელი. ეს ძალიან ცუდი პოზიცია იქნება ტრამპის ადმინისტრაციისთვის და ვფიქრობ, ტრამპის გუნდს, განსაკუთრებით ეროვნული უსაფრთხოების მიმართულებით პოზიციებზე მყოფ ადამიანებს, ეს არ ენდომებათ.”- განაცხადა ფრიდმა.

“შესაძლოა, ეს დღეს აუცილებელი არ იყო, მაგრამ ჩვენ საქმეს წინ ვიგდებთ და MEGOBARI აქტით, “ქართული კოშმარის არაღიარების აქტით” ვადასტურებთ კიდევ ერთხელ საქართველოს ორპარტიულ მხარდაჭერას. ამერიკის კონგრესი ქართველი ხალხის გვერდით დგას”.

ამის შეასახებ, განაცხადა რესპუბლიკელმა კონგრესმენმა, აშშ-ის ჰელსინკის კომისიის თავმჯდომარემ, ჯო უილსონმა ჟურნალისტებთან შეხვედრაზე, რომელიც მან კონგრესში ფიცის დადებამდე გამართა.