Category: ახალი ამბები

სურსათის ეროვნული სააგენტოს ცნობით, მარტვილის მუნიციპალიტეტის სოფელ ნაჯახავოში ცოფის შემთხვევა დადასტურდა.

“2 თვის ლეკვმა, რომლის დედა ოჯახმა რამდენიმე თვის წინ მიიკედლა, დაკბინა მიმკედლებელი. სურსათის ეროვნულმა სააგენტომ, ინფორმაციის მიღებისთანავე, პათოლოგიური მასალა დიაგნოსტიკისთვის ლაბორატორიაში გადააგზავნა. ლაბორატორიული გამოკვლევით, ცოფი დადასტურდა. აღნიშნული ფაქტის გამო, ტერიტორიაზე გამოცხადდა კარანტინი და დაიწყო ცოფის სალიკვიდაციო ღონისძიებები – დაავადების ამთვისებელი ცხოველების ვაქცინაცია, დეზინფექცია, ცხოველთა გადაადგილების შეზღუდვა და უპატრონო და ცოფის ამთვისებელი ცხოველების ჯანმრთელობაზე ზედამხედველობა” – წერია სურსათის სააგენტოს განცხადებაში.

„სხვისი ქონების დაზიანება, თუ შესაბამისი ნივთი 150 ლარზე მეტის ღირებულებისაა, სისხლის სამართლის დანაშაულია. ჩვენ არ მოგვიგონია, 35 წელია ასეა. თუ აქამდე არ ყოფილა, ეტყობა, პირველი პრეცედენტია.[სხვა დაკავებულებზე] – აქედან ერთი პირი არის ნაცი აქტივისტი, ტიტუშკა, რომელმაც დააზიანა … სამი დაკავებულია-თქო. აქედან 2 არის ჩვენი პარტიის მხარდამჭერი, მაგრამ სამართალი ყველას მიმართ უნდა მოქმედებდეს თანაბრად”.

განაცხადა,  ირაკლი კობახიძემ,  ბანერზე წარწერის გამო სისხლის სამართლის წესით დაკავებულ 23 წლის სტუდენტზე,  მეგი დიასამიძეზე.

კალაძის საარჩევნო ბანერის დაზიანების ბრალდებით 23 წლის მეგი დიასამიძე გუშინ დააკავეს. მას ბრალად ედება სსკ-ის 187-ე მუხლით გათვალისწინებული დანაშაული – სხვისი ნივთის დაზიანებას ან განადგურება. მუხლი ითვალისწინებს ჯარიმას, საზოგადოებისთვის სასარგებლო შრომას, შინაპატიმრობას ვადით ექვსი თვიდან ორ წლამდე ან თავისუფლების აღკვეთას ვადით ერთიდან ხუთ წლამდე.

ამასთანავე, საიას თავმჯდომარე, ნონა ქურდოვანიძე ამბობს, რომ მეგი დიასამიძის ქმედება არც დანაშაულია და არც სამართალდარღვევა, რადგან  „პლაკატი, რომლის დაზიანების საფუძვლითაც სტუდენტი გოგო დაიჭირეს, შესაძლოა შეფასდეს კანონის დარღვევით გამოფენილ ბანერად“.

”პლაკატი რომლის დაზიანების დაფუძვლით სტუდენტი დაიჭირეს, შესაძლოა შეფასდეს კანონის დარღვევით გამოფენილ ბანერად! ”- წერს სოციალურ ქსელში, “ახალგაზრდა იურისტთა ასოციაციის” თავმჯდომარე ნონა ქუროვანიძე, რითიც 23 წლის მეგი დიასამიძის დაკავებას ეხმაურება.

”მეგი დიასამიძის ქმედება არც დანაშაულია და არც სამართალდარღვევა. მის წინააღმდეგ მაქსიმუმ სამოქალაქო წესით სარჩელის შეტანა შეიძლებოდა, ესეც იმ შემთხვევაში, თუ იმ პლაკატზე წარწერის მოსაშორებლად საჭირო გახდა რაიმე ხარჯის გაწევა, მაგალითად, გასაწმენდი საშუალებების შეძენა.

ნებისმიერი რამ, ბანერი იქნება ეს თუ პლაკატი, რომელზეც გამოსახულია არჩევნებში მონაწილე პირი ან/და მისი არჩევნებში მონაწილეობის რიგითი ნომერი, მიიჩნევა სააგიტაციო მასალად.
წინასაარჩვნო პერიოდში სააგიტაციო მასალის განთავსებას აქვს თავისი წესები. იმ შენობა-ნაგებობებს და სხვა ადგილებს, სადაც შესაძლებელია სააგიტაციო მასალის განთავსება, განსაზღვრავენ მუნიციპალიტეტის ორგანოები. თუმცა, საარჩევნო კოდექსით კატეგორიულად აკრძალულია სააგიტაციო მასალის განთავსება კულტურული მემკვიდრეობის სტატუსის მქონე შენობა-ნაგებობაზე.

პეტრე მელიქიშვილის N12-ში მდებარე შენობა (სასტუმრო ,,საქართველო“) სახელმწიფოს მიერ ადმინისტრირებულ პორტალზე მონიშნულია, როგორც კულტურული მემკვიდრეობის უძრავი ძეგლი.

შესაბამისად, ამ შენობაზე სააგიტაციო მასალის გამოფენა აკრძალულია და შესაძლებელია შეფასდეს შენობის იერსახის დამახინჯებად. შენობის იერსახის დამახინჯება არის ადმინისტრაციული სამართალდარღვევა და იწვევს იმ პირის დაჯარიმებას, რომელმაც ეს პლაკატი გააკრა.

შესაბამისად, ის პლაკატი, რომლის დაზიანების საფუძვლით 23 წლის სტუდენტი გოგო სისხლის სამართლის წესით დაიჭირეს, შესაძლოა შეფასდეს კანონის დარღვებით გამოფენილ საარჩევნო ბანერად.

რაც შეეხება იმას, კანონის დარღვევით გამოფენილი პლაკატის დაზიანება შეიძლება თუ არა სისხლის სამართლის დანაშაულად შეფასდეს. შინაგან საქმეთა სამინისტროს მიერ გავრცელებულ ინფორმაციაზე დაყრდნობით, სტუდენტი დაკავებულია სისხლის სამართლის კოდექსის 187-ე მუხლით, რაც სხვისი ნივთის იმგვარ დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია. მოცემულ შემთხვევაში პლაკატი განადგურებილი არ არის, ის ისევ გამოფენილია. პლაკატი დაზიანებულადაც კი არ შეიძლება ჩაითვალოს, რადგან მასზე გაკეთებული წარწერა მალევე, მარტივად მოაშორეს.

დაზიანებად არ შეიძლება შეფასდეს გამოხატვის თავისუფლების ფარგლებში გაკეთებული ისეთი წარწერა, რომელიც ნივთზე წარუშლელ კვალს არ ტოვებს ან რომლის გამოსწორებაც განსაკუთრებული ძალისხმევის გარეშეა შესაძლებელი.

ამდენად, ეს ქმედება არათუ დანაშაული, სამართალდარღვევაც კი არ არის. თუ წარწერის მოშორებას დასჭირდა რაიმე გასაწმენდი საშუალების ყიდვა, რაც დაუჯდა მესაკუთრეს ამ საშუალებების შეძენა, შეეძლო დაეანგარიშებინა, წარმოედგინა შესაბამისი შესყიდვის მტკიცებულებები, შეეტანა სამოქალაქო წესით სარჩელი სასამართლოში და ედავა ამ ხარჯების ანაზღაურებაზე. ამ დავის განხილვას დალოდებიდა თვეები და შესაძლოა წლებიც, ისევე, როგორც არაერთი მოქალაქე ელოდება მისი საქმის გაჭიანურებულ განხილვას დღევანდელ სასამართლოში.

”საქართველოს უსაფრთხოება შეუძლებელია შეერთებული შტატების პარტნიორობის გარეშე” – ამის შესახებ, საქართველოს ყოფილმა თავდაცვის მინისტრმა, თინა ხიდაშელმა ჰელსინკის კომისიაში განაცხადა.

ჰელსინკის კომისიის სხდომაზე საქართველოს საკითხზე მოსმენა გაიმართა, სადაც მომხსენებლები მეხუთე პრეზიდენტი სალომე ზურაბიშვილი, თავდაცვის ყოფილი მინისტრი თინა ხიდაშელი და ჰადსონის ინსტიტუტის უფროსი მკვლევარი ლუკ კოფი იყვნენ.

“საქართველოს ყოველთვის ჰქონდა მხარდაჭერა შეერთებული შტატებიდან – კონგრესის, წარმომადგენელთა პალატის და სენატის მხრიდან. დღეს აქ ვარ იმისთვის, რომ წარმოვადგინო საქართველოს მოსახლეობის უმრავლესობის პოზიცია – იმ ადამიანების, რომლებიც წლების განმავლობაში იბრძოდნენ პარტნიორობისთვის და აშშ-თან ერთად აგებდნენ სიცოცხლისუნარიან დემოკრატიულ სახელმწიფოს. მე აქ ვარ, რათა დავიცვა საქართველოს ყველაზე მნიშვნელოვანი საგარეო პრიორიტეტი – სტრატეგიული პარტნიორობის შენარჩუნება და გაძლიერება აშშ-სთან.

ძალიან მნიშვნელოვანია, რომ ჩვენ გამოვააშკარაოთ ავტორიტარიზმისკენ სვლა და წარმოვადგინოთ შემაშფოთებელი მტკიცებულებები იმისა, რომ „ქართული ოცნების“ მთავრობამ სისტემურად და სწრაფად მიატოვა ქვეყნის ეროვნული ინტერესები და არჩევანი გააკეთა ავტორიტარულ ძალებთან ალიანსების სასარგებლოდ.

ასევე ვეცდები ავხსნა, რატომ არის საქართველო მნიშვნელოვანი ამერიკისთვის. პრეზიდენტმაც უკვე დაასახელა გარკვეული არგუმენტები, მე კი მათ დავამატებ კიდევ რამდენიმე ასპექტს.

დღეს ჩემ მიერ მოტანილი კონკრეტული მტკიცებულებები არ ეხება მხოლოდ საქართველოს მთავრობის მიერ აშშ-თან სტრატეგიული პარტნიორობიდან გასვლას. ეს, უპირველეს ყოვლისა, საქართველოს ხალხის ნებისა და სტრატეგიული ინტერესების წინააღმდეგ გადადგმულ ნაბიჯებს ასახავს.

აქ ვსაუბრობ, როგორც საქართველოს თავდაცვის ყოფილ მინისტრი და როგორც იმ ქვეყნის წარმომადგენელი, რომელმაც სიამაყით იბრძოლა ამერიკულ არმიასთან ერთად ერაყში, ავღანეთში და მის ფარგლებს გარეთაც. საქართველო იყო ნატოს არმიის მიღმა ყველაზე დიდი კონტრიბუტორი და მეორე ადგილზე მყოფი ქვეყანა ავღანეთში გაგზავნილი სამხედროების რაოდენობით. ჩვენ გადავიხადეთ მძიმე ფასი – ყველაზე მაღალი დანაკარგითა და 435 დაჭრილი ჯარისკაცით.

მინდა ყველაზე მარტივი ჭეშმარიტებით დავიწყო: საქართველოს უსაფრთხოება შეუძლებელია შეერთებული შტატების პარტნიორობის გარეშე. არც არასდროს ყოფილა და ვერც იარსებებს აშშ-ის დახმარებისა და ერთგულების გარეშე. საქართველოს სახელმწიფოებრიობა ვერ შედგებოდა და ვერ გადარჩებოდა. სწორედ აშშ-ის ჩარევამ შეაჩერა პუტინი 2008 წლის აგვისტოს ომის დროს. აშშ-ის ლიდერობა იყო და არის გადამწყვეტი ჩვენს ოკუპირებულ ტერიტორიებზე არაღიარების პოლიტიკაში.

აშშ-ის დახმარებით ავაშენეთ თანამედროვე არმია და სახელმწიფო ინსტიტუტები. მათივე დახმარებით შევქმენით სკოლები და საავადმყოფოები, განვავითარეთ უნივერსიტეტები, მოვამზადეთ მასწავლებლები, საჯარო მოხელეები და ექიმები. სია ძალიან გრძელია, და ჩვენ იმედი გვაქვს, რომ ეს პარტნიორობა შენარჩუნდება.

საქართველო მნიშვნელოვანია აშშ-სთვის, ევროპისთვის და საერთაშორისო თანამეგობრობისთვის სამი ძირითადი მიზეზის გამო:
პირველი – გეოგრაფია,
მეორე – სტრატეგიული დაკავშირება,
მესამე – დემოკრატიული მაგალითი.

საქართველო მდებარეობს შუა კორიდორის გულში – თანამედროვე „აბრეშუმის გზაზე“, რომელიც აკავშირებს აღმოსავლეთსა და დასავლეთს, ჩრდილოეთსა და სამხრეთს, გვერდს უვლის რუსეთსა და ირანს. ჩვენ შეიძლება პატარა ქვეყანა ვართ, მაგრამ ჩვენი მთავარი უპირატესობა ის არის, რომ ვართ კარიბჭე და დამაკავშირებელი რგოლი, რომელიც აერთიანებს ცენტრალურ აზიასა და ევროპულ ბაზრებს მილსადენების, რკინიგზებისა და პორტების მეშვეობით. ეს მხოლოდ სავაჭრო გზა კი არა, არის თავისუფლების კორიდორი – გზა, სადაც გადაადგილდება საქონელი, ენერგია, მონაცემები და ადამიანები ყოველგვარი პოლიტიკური ზეწოლისა და შანტაჟის გარეშე, რაც ასე დამახასიათებელია ჩრდილოეთის გზისთვის ან ირანის გავლენისთვის სამხრეთიდან.

შუა კორიდორი არ არის ალტერნატივა – ეს არის ერთადერთი გზა. ის არის პრაქტიკული და პოლიტიკური თვალსაზრისით სანდო როგორც შეერთებული შტატებისთვის, ისე მისი მოკავშირეებისთვის.

აშშ-სთვის შუა კორიდორი უზრუნველყოფს გამძლეობას ავტორიტარული ძალების ფონზე – ირანის მხრიდან მომდინარე საფრთხეებისა და რუსეთის მუდმივი მცდელობის პირობებში, რომ დაიბრუნოს თავისი გავლენა, ასევე ჩინეთისგაძლიერების ფონზე. შუა კორიდორი დემოკრატიულ ალტერნატივას სთავაზობს მსოფლიოს. საქართველო კი ამ კორიდორის საყრდენია. საქართველოს გარეშე თავისუფალი კორიდორი აღარ იარსებებს – ეს გზა დაიკეტება და კარი გაიღება რუსეთის, ირანისა და ჩინეთისთვის”, – განაცხადა თინა ხიდაშელმა.

4 ოქტომბერს რუსთაველის გამზირზე დაანონსებულ აქციას დღეს, „ქართული ოცნების“ პრემიერ-მინისტრი, ირაკლი კობახიძე გამოეხმაურა. ის ამტკიცებს, რომ ლევან ხაბეიშვილის გეგმები მათთვის ცნობილია და „ხელისუფლების მშვიდობიანი დამხობის“ გეგმას განხორციელება არ უწერია. კობახიძის თქმით, ხაბეიშვილის უკან „ოცნების“ ყოფილი წევრები დგანან, თუმცა სახელებსა და გვარებს ის არ აკონკრეტებს.

„რეალურად, ეს არის ე.წ. ანიტას დავალება და ეს დავალებაც მოდის იგივე ადამიანების მხრიდან, რომლებიც სხვა რაღაცებს ალაპარაკებენ ამ ბატონს, თუმცა მისი დავალების მიმცემებიც ნატურით ზუსტად ისეთივეები არიან, როგორიც არის ბატონი ანიტა, შესაბამისად, მათ ამ გეგმებს არ უწერია განხორციელება. არის კონკრეტული, მარტივად გაშიფვრადი გეგმა, რომელიც საპნის ბუშტივით ძალიან მარტივად შეგვიძლია გავხეთქოთ. გავიმეორებ, რომ რა თქმა უნდა, ამ გეგმას არ უწერია არავითარი განხორციელება.

კი, ჩვენ გვაქვს ინფორმაცია იმასთან დაკავშირებით, თუ რას გულისხმობს ბატონი ანიტა ამ ყველაფერში. ეს არის დავალება იგივე ადამიანების მხრიდან, ვინც სხვა დავალებებსაც აძლევენ მას. აქაც საუბარია ჩვენი გუნდის კონკრეტულ ყოფილ წევრებზე, რომლებსაც არავითარი თვისებრივი თავსებადობა არ ჰქონიათ ჩვენს გუნდთან, როგორც მოგვიანებით გაირკვა. ანუ ეს არის იგივე დავალებები“, – ასე უპასუხა კობახიძემ 4 ოქტომბრის აქციასთან დაკავშირებულ კითხვას.

მან უპასუხა შეკითხვას, იგულისხმა თუ არა ირაკლი ღარიბაშვილი.

„არა, არცერთ გვარს, რა თქმა უნდა, არ ვიტყვი. როდესაც ასე ხდება, მერე შეიძლება სხვა გვარები მოიკითხოთ და ა.შ. არცერთ გვარს არცერთი ფორმით არ დავასახელებ“, – განაცხადა კობახიძემ.