შოკირებული ვარ ფუმიო კიშიდაზე თავდასხმის გამო საარჩევნო ღონისძიებაში მონაწილეობისას.
დემოკრატიაში ძალადობის ადგილი არ არის.
მთელი ჩემი მეგობრობა და მხარდაჭერა შენ, ფუმიო.
მოუთმენლად ველი მომავალ G7 სამიტს ჰიროშიმაში თქვენი თავმჯდომარეობით.
დაწერა ევროპული საბჭოს პრეზიდენტმა, შარლ მიშელმა Twitter-ზე.
დავით კეზერაშვილის სკანდალმა დიდი დარტყმა მიაყენა არა ამათუიმ პარტიას ან მედია-კომპანიას, არამედ ზოგადად დემოკრატიის ისედაც სუსტ ინსტიტუტებს. კეზერაშვილზე გაბრაზება სრულიად ბუნებრივი და სამართლიანია, მაგრამ ამ ვითარების გამო სიხარული – არა.
ცხადია, დამნაშავე ამაში, პირველ რიგში, თავად კეზერაშვილია. ბიბისი მეტისმეტად მაღალი რეპუტაციის ფირმაა, რომ მისი კვლევა უკუვაგდოთ. უდანაშაულობის პრეზუმფციას პატივი უნდა ვცეთ და დაველოდოთ სასამართლოს (მით უმეტეს, რომ ბრიტანეთის სასამართლო ჩვენსაზე მეტ ნდობას იმსახურებს), მაგრამ რაც უკვე გავიგეთ, საკმარისია, რომ კეზერაშვილი – სასამართლომდე მაინც – მორალური თვალსაზრისით, პერსონა ნონ-გრატად იქცეს.
მაგრამ ეს არ ამართლებს იმას, რომ მისი ასეთი სტატუსი უკანა რიცხვით გავავრცელოთ ყველაზე, ვისაც ოდესმე კეზერაშვილისგან დაფინანსება მიუღია ან რამე საქმეში მისი პარტნიორი ყოფილა. ბევრი ადამიანის თვალში, კეზერაშვილს არც მანამდე ჰქონდა მაღალი რეპუტაცია; კონკრეტულად ქოლ-ცენტრების საქმეზე მასზე მანამდეც დადიოდა ჭორები. მაგრამ სანამ კონკრეტული ფაქტები არ დაიდება, ვერავინ გამოცხადდება კრიმინალად (ივანიშვილის კონტროლირებადი სასამართლოს ბრალდებებს სერიოზულად, ბუნებრივია, ვერ მივიღებ, შემთხვევით ჭეშმარიტების მარცვლის შემცველიც რომ აღმოჩნდეს).
მთავარი ზოგადი პრინციპია: როდის უნდა თქვა დონორის ფულზე უარი, თუ ეს ფული კარგი საქმის გასაკეთებლად გინდა? მხოლოდ სრულიად შეუბღალავი რეპუტაციისა უნდა იყოს დონორი? ეს არარეალისტურია. აშკარა კრიმინალით მოპოვებული ფული უნდა აიღო? ჩემი აზრით, არა (თუმცა 1990-იანებში მრავალი ეკლესია სწორედ კრიმინალების ფულით, რასაც სამართლიანად ვაკრიტიკებდით). ზღვარი სადღაც გადის, მაგრამ კონკრეტულად სად – ეს ჯერ გარკვევით არავის უთქვამს.
ჩვენი უბედურება ისაა, რომ კარგი საქმისთვის დონორი ცოტაა, არჩევანი ძალიან შეზღუდულია. თეორიულად ვიცით, რომ დივერსიფიკაცია და ქრაუდფანდინგი ზოგადად ჯობია, მაგრამ, ყველა პრობლემას ეს ამ ეტაპზე ვერ გადაწყვეტს. იდეალში კარგი იქნებოდა, მაგალითად, ვინმე იდეალისტი მდიდარი სპონსორი გამოჩენილიყო და ტვ „ფორმულა“ უხერხული მდგომარეობისგან ეხსნა. მაგრამ თუ არ გამოჩნდა, ვამბობთ, რომ უნდა დაიხუროს? თუ პირიქით, თანადგომა უნდა გამოვუცხადოთ სწორედ ამ ძალიან რთული მდგომარეობის გამო? საკითხი ასე დგას.
ამის შესახებ, ფილოსოფოსი და პოლიტოლოგი გია ნოდია სოციალურ ქსელში წერს.
“ეჭვი არ მეპარება და დარწმუნებული ვარ, რომ უკრაინა გაიმარჯვებს. ჩვენ გავაგრძელებთ სამხედრო, ეკონომიკურ, ჰუმანიტარულ, სავაჭრო და კომერციულ მხარდაჭერას, რათაშ შექნნათ წარმატებული მომავალი ჩვენთვის და ყველა მათთვის, ვინც იზიარებს ჩვენს ღირებულებებს”.
აცხადებს კანადის პრემიერმინისტრი ჯასტინ ტრუდო.
შეერთებული შტატების პრეზიდენტის, ჯო ბაიდენის თქმით, ის მეორე ვადისთვის კენჭისყრას გეგმავს და საარჩევნო კამპანიას ოფიციალურად მალე წარადგენს.
“ამის შესახებ მალე განვაცხადებთ. თუმცა, ამ მოგზაურობამ გააძლიერა ჩემი ოპტიმიზმის გრძნობა იმის შესახებ, თუ რა შეიძლება გაკეთდეს”. – აღნიშნა ბაიდენმა ჟურნალისტებთან საუბრისას ირლანდიაში.
მიხეილ სააკაშვილის სიცოცხლე ახლა დამოკიდებულია არა პოლიტიკურ, არა რაიმე პერსონალურ, არამედ სრულად ეთიკურ გადაწყვეტილებაზე… რასაც სუფთა და მყარი იურიდიული საფუძველი აქვს. თუ ადამიანს სჭირდება სამედიცინო დახმარება, თუ ამაზე სიცოცხლეა დამოკიდებული, ეს ნიშნავს, რომ ეს ნაბიჯი აუცილებელია. ვიცი, რომ მიხეილის ადვოკატებმა ადამიანის უფლებათა ევროპულ სასამართლოში სასწრაფო მიმართვა შეიტანეს, რათა მან შესაბამისი მკურნალობა მიიღოს. და როგორც ჩანს, ეს არის ერთადერთი გზა მისი სიცოცხლის გადასარჩენად.
განაცხადა, უკრაინის პრეზიდენტმა, ვოლოდიმირ ზელენსკიმ, საქართველოს მესამე პრეზიდენტზე, მიხეილ სააკაშვილზე.
გაუგონარია პოლიტიკური ოფისის არსებობა, სადაც შეკრებილები ენმ-ს წევრებად ასაღებენ თავს – ენმ – ასე ეხმაურება, ერთიანი ნაციონალური მოძრაობა პარტიის ყოფილი თავმჯდომარის, ნიკა მელიას მიერ ახალი ოფისის გახსნას.
“მათ შეუძლიათ ჩამოაყალიბონ ახალი პარტია და შესაბამისად, განსაზღვრონ საკუთარი პოლიტიკა თუმცა, ღარიბაშვილის, კობახიძის, ტვ “იმედის”, პოსტივის და “ქართული ოცნების” რიტორიკით, “ერთიანი ნაციონალური მოძრაობის” სახელით, ჩვენ პარტიაზე განხორციელებული თავდასხმები სრულიად აუხსნელი მოვლენაა. მათ მიერ გაჟღერებული გზავნილები პირდაპირ ხელს აძლევს რუსული ოცნების მტრული პროპაგანდის განმტკიცებას.
გაუგონარია თუ რას ემსახურება პოლიტიკური ოფისის არსებობა, სადაც შეკრებილები თავს “ერთიანი ნაციონალური მოძრაობის” წევრებად ასაღებენ და ამავდროულად ესხმიან მას.
პარტიას თბილისში, მათ შორის ცენტრალურ უბნებში, რამდენიმე ოფისი აქვს, სადაც ჩვენი თანაგუნდელები რუსული რეჟიმის წინააღმდეგ მუშაობენ და საქმიანობენ.
სეპარატიზმის მცდელობები აზიანებს პარტიის საუკეთესო ინტერესებს. სწორედ ამიტომ, მოვუწოდებთ ყველას, აღიარონ და შეეგუონ პირდაპირი და მაღალი ლეგიტიმაციით ჩატარებული არჩევნების შედეგები. ყველა ვინც საკუთარ თავს “ერთიანი ნაციონალური მოძრაობის” წევრად მივიჩნევთ, ჩვენი პოლიტიკური ორგანიზაციის კუთვნილ სივრცეებში, ერთ პარტიაში უნდა ვიმუშაოთ.
“ქართული ოცნებისთვის” დამახასიათებელი რიტორიკით, გაუგებრობისა და ბუნდოვანების შემოტანა, არ ემსახურება არც პარტიის და არც სახელმწიფოს ინტერესებს”. – წერია განცხადებაში.
კერძო სამხედრო კომპანია ვაგნერის ლიიდერი, ევგენი პრიგოჟინი ამბობს, რომ დროა რუსეთმა უკრაინაში “სპეციალური სამხედრო ოპერაცია“ დაასრულოს:
„იდეალური ვარიანტია გამოვაცხადოთ სპეციალური სამხედრო ოპერაციის დასასრული, ვაცნობოთ ყველას, რომ რუსეთმა მიაღწია იმ შედეგებს, რაც დაგეგმა და, გარკვეული თვალსაზრისით, ჩვენ ნამდვილად მივაღწიეთ მათ. ჩვენ შეიარაღებული ძალების მებრძოლების დიდი რაოდენობა გავანადგურეთ. და ჩვენ შეგვიძლია საკუთარ თავს ანგარიში ჩავაბაროთ იმის შესახებ, რომ “სპეციალური სამხედრო ოპერაციის”-ს ამოცანები დასრულებულია.
თეორიულად, ეს მსუყე ქულა რუსეთმა უკვე მიიღო უკრაინის აქტიური მამრობითი მოსახლეობის დიდი ნაწილის განადგურებით, ევროპაში გაქცეული მეორე ნაწილის დაშინებით. რუსეთმა დაიპყრო აზოვი და შავი ზღვის დიდი ნაწილი, წაართვა უკრაინის ტერიტორიის მსუყე ნაწილი და შექმნა სახმელეთო დერეფანი ყირიმამდე. ახლა მხოლოდ ერთი რამ რჩება: მტკიცედ მოვიკიდოთ ფეხი, კლანჭებით ჩავეჭიდოთ იმ ტერიტორიებს, რომლებიც უკვე გვაქვს“, – ამბობს ტერორისტულ ორგანიზაციად გამოცხადებული “ვაგნერის“ მეთაური.
“ოკუპანტებმა ქალაქი სლავიანსკი სასტიკად დაბომბეს. დაარტყეს საცხოვრებელ კორპუსებს. სამწუხაროდ, არიან დაჭრილები და დაღუპულები. ბოროტი სახელმწიფო კიდევ ერთხელ ავლენს თავის არსს. ის უბრალოდ კლავს ხალხს დღის შუქზე და ანადგურებს ყველა ცოცხალ არსებას. აუცილებლად იქნება სამართლიანი პასუხისმგებლობა ტერორიზმის ყველა გამოვლინებაზე. ჩვენ არ დავტოვებთ რუსეთის არცერთ კვალს ჩვენს მიწაზე და არც ერთ მტერს დაუსჯელად”,
წერს უკრაინის პრეზიდენტი სლავიანსკში, საცხოვრებელი კორპუსების დაბომბვასთან დაკავშირებით.
საიდუმლო დოკუმენტების გაჟონვის ფაქტზე დაკავებულ 21 წლის ჯეკ ტეშეირას ბრალი ოფიციალურად წარუდგინეს, – ამის შესახებ CNN-ი იტყობინება.
21 წლის ჯეკ ტეშეირას ბრალად ედება ეროვნული თავდაცვის ინფორმაციის, ასევე საიდუმლო ინფორმაციისა და თავდაცვის მასალების არაავტორიზებული შენახვა და გავრცელება. ბრალის დამტკიცების შემთხვევაში მას 15 წლით პატიმრობა ემუქრება.
CNN წერს, რომ ბრალდებულის მომდევო სასამართლო სხდომა შემდეგ კვირას გაიმართება. მანამდე კი ჯეკ ტეშეირა წინასწარ პატიმრობაში დარჩება.
გასულ კვირას The New York Times-მა შეამჩნია, რომ სოციალურ ქსელებში ვრცელდება პენტაგონის საიდუმლო დოკუმენტების ასლები, ან მსგავსი დოკუმენტები.
უკრაინის ხელისუფლებამ სასწრაფოდ განაცხადა, რომ რუსული IPSO-ს ეს პუბლიკაციები, შექმნილია უკრაინის დისკრედიტაციისთვის, ასევე მოკავშირეებს შორის ნდობის შელახვისთვის და, თუ ეს შესაძლებელია იქნებოდა, ჩაეშალა უკრაინის კონტრშეტევის გეგმები. მეორე მხრივ, რუსულმა მხარემ დოკუმენტების ფოტოშოპირება დაიწყო, რათა უკრაინას უფრო მეტი ზარალი მიეწერა, თავისთვის კი ნაკლები.
გუშინ, 13 აპრილს, ინტერნეტში პენტაგონის დოკუმენტების გაჟონვის საქმეზე აშშ-ის გამოძიების ფედერალურმა ბიურომ ეროვნული საჰაერო გვარდიის წევრი, 21 წლის ჯეკ ტეიშეირა დააკავა. FBI-ს განცხადებით, ოპერაცია ნორთ დაიტონში, მასაჩუსეტსის შტატში ჩატარდა.
სხვადასხვა ტელევიზიით გავრცელებულ ვიდეოში ჩანს, როგორ აკავებენ შეიარაღებული სამართალდამცავები ახალგაზრდა კაცს, რომელსაც ნაცრისფერი მაისური და წითელი შორტები აცვია. როგორც ცნობილია, დაკავებამ სირთულეების გარეშე ჩაიარა.
დოკუმენტები სოციალურ ქსელებში მარტში გამოჩნდა და მოიცავს ისეთ ინფორმაციას, როგორიცაა უკრაინის არმიის შესახებ ანგარიში და ინფორმაცია მოკავშირეების – ისრაელის, სამხრეთ კორეისა და თურქეთის შესახებ.
ყველაზე მეტად ყურადღება მიიქცია სწორედ უკრაინასთან დაკავშირებულმა დოკუმენტებთან, რომელიც არმიის შესაძლებლობებსა და ნაკლოვანებებს ეხებოდა.
ეჭვმიტანილის დაკავებამდე ჯერ კიდევ The New York Times წერდა, რომ 21 წლის ტეიშირა ეროვნული გვარდიის წევრი იყო და Discord-ზე Thug Shaker Central-ის ონლაინ-ჯგუფს ხელმძღვანელობდა, რომელშიც 20-30 ადამიანი იყო გაერთიანებული. გამოცემის ინფორმაციით, ამ ჯგუფში ტეიშირა ყვებოდა იმის შესახებ, რომ უყვარდა იარაღი, აზიარებდა მიმებსა და ვიდეოთამაშებს. შესაძლებელია საიდუმლო დოკუმენტების გაჟონვის პირველწყაროც სწორედ ეს ჯგუფიც იყოს.
რატომ გაავრცელა ჯეკ ტეიშეირამ პენტაგონის საიდუმლო დოკუმენტები
„უკრაინა ფინანსური კუთხით არარსებული ქვეყანაა, მას არ შეუძლია საკუთარი თავის დაფინანსება. მთავარი კითხვაა, შეგვიძლია თუ არა უკრაინის მხარდაჭერა. როგორც კი ჩვენ ვიტყვით, არა, ომი დასრულდება”
ამის შესახებ, უნგრეთის პრემიერმინისტრმა ვიქტორ ორბანმა გამოცემა 24.hu-სთან ინტერვიუში განაცხადა.