“ერთადერთი პრეზიდენტი, რომელმაც პუტინის რუსეთს უკრაინული მიწის ერთი ნაჭერიც არ დაუთმო, არის დონალდ ტრამპი. დაიმახსოვრეთ ეს, როცა სუსტი და არაეფექტური დემოკრატები აკრიტიკებენ და ყალბი მედია სიხარულით ავრცელებს მათ რომელიმე სიტყვას!”
დაწერა აშშ-ის პრეზიდენტმა დონალდ ტრამპმა საკუთარ სოციალურ ქსელში.
“იმედი მაქვს, რომ სხვა ქვეყნები მიჰყვებიან ბალტიისპირეთის ქვეყნების მაგალითს”
ასე ეხმაურება, ევროპარლამენტარი რასა იუკნევიჩიანე ლიეტუვის,ლატვიისა და ესტონეთის გადაწყვეტილებას.
ლიეტუვამ, ლატვიამ და ესტონეთმა ქართველ დეპუტატებს, მოსამართლეებს, პროკურორებს და სხვა მაღალჩინოსნებს ქვეყნებში შესვლა აუკრძალეს. სანქციების სიაში დამატებით 50-ზე მეტი ადამიანი მოხვდა, მათი ზუსტი ვინაობა ჯერ უცნობია. საუბარია სამოგზაურო შეზღუდვებზე – სანქცირებულებს ბალტიისპირეთის ქვეყნებში შესვლა აეკრძალათ.
ლატვიის საგარეო საქმეთა მინისტრი ბაიბა ბრაჟე:“მე დავამატე 16 საქართველოს მოქალაქე ლატვიის პერსონა ნონ გრატას სიაში, აეკრძალებათ მათ ლატვიაში შემოსვლა განუსაზღვრელი ვადით”, – წერს ის.
ესტონეთის საგარეო საქმეთა მინისტრი მარგუს ცაჰკნა: “მე ხელი მოვაწერე ბრძანებას, რომლის თანახმადაც ესტონეთი აწესებს ქვეყანაში შემოსვლაზე შეზღუდვებს 55 ქართველი პროკურორისთვის, მოსამართლისთვის, პოლიციელისთვისვის, დეპუტატისთვის და სხვებისთვის.ევროკავშირი თანმიმდევრულად აჩვენებს ქართველ ხალხს, რომ ჩვენ მხარს ვუჭერთ მათ ძალისხმევას დემოკრატიული საქართველოს აღდგენისთვის”, – წერს ის.
მოსამართლეები: ირაკლი ხუსკივაძე, თამარ მჭედლიშვილი, ლელა მარიდაშვილი, ლევან ყოლბაია, დავით მგელიაშვილი, ნანა შამათავა, თეონა ეპიტაშვილი, არსენ კალატოზიშვილი, ლელა კალიჩენკო, დავით კურტანიძე, ირმა ტოგონიძე, გულიკო კეჟაშვილი, გიორგი გელაშვილი, ნათია გუდაძე, ნატო ხუჯაძე, ზვიად შარაძე, ირაკლი დგებურაძე, ეკა ბარბაქაძე
პროკურორები: ვაჟა თოდუა, შმაგი გობეჯიშვილი, ზვიად გუბელაძე, ანა მეტრეველი, გიორგი მუკბანიანი, როინ ხინთიბიძე, თამარ იაკობიძე, ვლადიმერ თურმანიძე, ნუგზარ ჩიტაძე, თორნიკე გოგეშვილი, პაატა ცეცხლაძე, ზაზა მეტონიძე, ნინო სახელაშვილი, მალხაზ ოქროპირიძე, ვერა დოლიძე
პოლიციის თანამშრომლები: გიორგი ჩარექაშვილი, თორნიკე მენაბდე, სულხან კიკნაძე, რევაზ წურწუმია, ზვიად მარგველანი, ზურაბ ჭარიბაშვილი, დავით მარუაშვილი, ოთარ გელაშვილი, ნოდარ ზენაიშვილი, ბერდია ფერაძე
აჭარის პოლიციის უფროსები: გრიგოლ ბესელია, დავით ათაბეგაშვილი
ბათუმის პოლიციის უფროსი: გოჩა ვანაძე
პარლამენტის დეპუტატები: ლაშა ტალახაძე, ირაკლი ზარქუა, ვიქტორ სანიკიძე, გელა სამხარაული, ბექა ოდიშარია
პრო-რუსული, ძალადობრივი ალტ-ინფოს წევრები: კონსტანტინე მორგოშია, ზურაბ მახარაძე
“უკრაინა იბრძვის ნორმალური და უსაფრთხო ცხოვრებისთვის, რომელსაც იმსახურებს, სამართლიანი და საიმედო მშვიდობისთვის. ჩვენ გვინდა, რომ ეს ომი დასრულდეს, მაგრამ რუსეთი ამას არ აკეთებს და აგრძელებს თავის საჰაერო ტერორს: გასული კვირის განმავლობაში, 1050-ზე მეტი თავდასხმის დრონი, თითქმის 1300 საჰაერო ბომბი და 20-ზე მეტი რაკეტა გაუშვეს უკრაინაში ქალაქების გასანადგურებლად და ადამიანების მოსაკლავად.
ისინი, ვინც მოლაპარაკებებს ეძებენ, ბალისტიკური რაკეტებით არ ესხმიან თავს მშვიდობიან მოსახლეობას. იმისათვის, რომ ვაიძულოთ რუსეთი შეაჩეროს თავდასხმები, ჩვენ გვჭირდება უფრო მეტი კოლექტიური ძალა მსოფლიოსგან.
ჩვენი საჰაერო თავდაცვის გაძლიერება, ჩვენი არმიის მხარდაჭერა და უსაფრთხოების ეფექტური გარანტიების უზრუნველყოფა, რაც შეუძლებელს გახდის რუსული აგრესიის დაბრუნებას – ეს არის ის, რაზეც ჩვენ უნდა გავამახვილოთ ყურადღება. სამართლიანობამ უნდა გაიმარჯვოს. ჩვენ გვჯერა ერთიანობის ძალის და ჩვენ აუცილებლად აღვადგენთ ხანგრძლივ მშვიდობას”.
წერს უკრაინის მეთაური, ვოლოდიმირ ზელენსკი X-ზე და მხოლოდ ბოლო 1 კვირის რუსული თავდასხმელის ამსახველ ვიდეომასალას აქვეყნებს.
„ზელენსკის და ტრამპის პოლემიკის, შეხვედრის შემდეგ, კიდევ უფრო გამოაშკარავდა, თუ ვინ იყვნენ ის ძალები და ადამიანები, როგორც ქვეყნის შიგნით, ისე გარეთ, რომელთაც სურდათ ომი, მეორე ფრონტის გახსნა ქვეყანაში; სურდათ, რომ ქვეყანა ეკონომიკურად ჩამოშლილიყო; მიერთებოდა სანქციებს, რაც, რა თქმა უნდა, პირდაპირ გამოიწვევდა ეკონომიკის ჩამონგრევას, რისი სურვილიც ჰქონდა მავანს, მაგრამ გონივრული პოლიტიკით, მიუხედავად იმისა, რომ მივიღეთ ძალიან ბევრი შეურაცხყოფა, კრიტიკა, ცილისწამება, მუქარები – ამ სიტყვის პირდაპირი მნიშვნელობით, დავდექით მოსახლეობასთან ერთად და გადავდგით ისეთი ნაბიჯები, რომლებიც, პირველ რიგში, ჩვენი ქვეყნის უსაფრთხოებისთვის, ეკონომიკური განვითარებისთვის იყო მნიშვნელოვანი. რა თქმა უნდა, მშვიდობას არ აქვს ალტერნატივა
ქვეყნის გარეთ არსებობენ ძალები, რომლებიც პირდაპირ მიუთითებენ ამ უსამშობლო რადიკალებს, თუ როგორ უნდა იმოქმედონ, რა განცხადებები გააკეთონ, რა არის მათი მთავარი მიზანი და მოტივაცია, როგორ დააზიანონ ქვეყანა, მშვიდობა. ეს ყველაფერი, რასაც ვხედავთ და ვხედავდით, იმართებოდა გარედან – პირდაპირ მითითებები კეთდებოდა, უზარმაზარი თანხები იხარჯებოდა ამ ყველაფერში, მაგრამ მოსახლეობის უმრავლესობა დადგა იქ, სადაც სჭირდებოდა ჩვენს ქვეყანას და მის მომავალს”.
”რუსეთ-უკრაინის ომში „ნაწილობრივი ზავი“, რასაც საფრანგეთისა და გაერთიანებული სამეფოს ლიდერების მიერ შემოთავაზებული იდეა ითვალისწინებს, შეიძლება გახდეს უფრო ხანგრძლივი შეთანხმების შესახებ მოლაპარაკებების წინაპირობა და ასევე საშუალებას მოგვცემს დავინახოთ მზად არის თუ არა მოსკოვი რაიმე შეთანხმების განსახორციელებლად”
ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ RTL Radio-ს განუცხადა.
ნაკლები დრო უნდა დავუთმოთ პუტინზე დარდს და მეტი უნდა ვიდარდოთ მოძალადე მიგრანტებზე, ნარკობარონებზე, მკვლელებზე და ადამიანებზე ფსიქიატრიული დაწესებულებებიდან, რომლებიც ჩვენს ქვეყანაში შემოდიან, რათა ისე არ დავასრულოთ, როგორც ევროპამ
საქართველოს მეხუთე პრეზიდენტი, სალომე ზურაბიშვილი დღეს დაგეგმილ დედების მსვლელობას შეუერთდება.
“დედებო, გილოცავთ დედის დღეს. გილოცავთ თქვენ, ვისი შვილებიც უსამართლოდ პატიმრობაში იმყოფებიან და თქვენთან ვიქნები დღეს ფილარმონიასთან! დედებს ვერავინ, ვერასოდეს ვერ გვაჯობებს, ვერ გაგვაჩუმებს”, – წერს პრეზიდენტი Facebook-ზე.
დღეს, 3 მარტს, დედების დღეს, 20:00 საათზე, ფილარმონიიდან დედები მსვლელობით პარლამენტამდე მივლენ.
ფრანგული გამოცემა Le Figaro-ს ცნობით, საფრანგეთის პრეზიდენტი ემანუელ მაკრონი და დიდი ბრიტანეთის პრემიერ-მინისტრი კირ სტარმერი პირველ ეტაპზე უკრაინაში ცეცხლის ერთთვიანი შეწყვეტის ინიციატივით გამოდიან.
ინტერვიუში მაკრონი აცხადებს, რომ ამან უნდა მოიცვას საჰაერო, საზღვაო და ენერგეტიკული ინფრასტრუქტურის შეტევების შეჩერება.
მაკრონის თანახმად, ცეცხლის შეწყვეტა იქნება პირველი ეტაპი, რომლის განმავლობაშიც ომის დასრულებაზე მოლაპარაკებები გაგრძელდება, ხოლო რაც შეეხება მშვიდობის უზრუნველსაყოფად ჯარების განლაგებას, მაკრონის თქმით, ეს შესაძლებელი იქნება მხოლოდ საბოლოო შეთანხმების მიღწევის შემდეგ.
„მომდევნო კვირებში ევროპული ჯარები უკრაინის ტერიტორიაზე არ იქნებიან. საკითხი მდგომარეობს იმაში, თუ როგორ გამოვიყენებთ ამ დროს, რათა ვცადოთ, მივაღწიოთ ცეცხლის შესაძლო შეწყვეტას მოლაპარაკებებით, რაც რამდენიმე კვირის განმავლობაში გაგრძელდება, და შემდეგ, სამშვიდობო შეთანხმების ხელმოწერის მერე, მოხდება ჯარების განლაგება“, – განაცხადა მაკრონმა.
ბათუმელ მედროშეს, რომელიც უკვე 46- დღეა შიმშილობს, გადაადგილების პრობლემები აქვს. ინფორმაციას მისი ადვოკატი მარიამ გაბროშვილი ავრცელებს. მისი თქმით, ქათამაძეს წონაში 20 კილოგრამზე მეტი აქვს დაკლებული.
“თავს უკვე სუსტად გრძნობს, აქვს გადაადგილების სირთულეებიც და ვიმედოვნებთ, რომ უახლოეს პერიოდში უკვე დათანხმდება სამედიცინო კლინიკაში გადაყვანაზე, რადგანაც ამ ვადის შიმშილობის გათვალისწინებით, მას აღენიშნება წონაში მნიშვნელოვანი კლება, საუბარია 20 კგ-ზე მეტ კლებაზე, რაც ბუნებრივია, უარყოფითად აისახება მის ჯანმრთელობის მდგომარეობაზე, თანაც, იმის გათვალისწინებით, რომ მას აქვს უახლოეს მომავალში პროცესები სასამართლოში ლტოლვილის და ჰუმანიტარული სტატუსის მინიჭებასთან დაკავშირებით, კიდევ უფრო მნიშვნელოვანია, რომ ამ პერიოდში ის თავს კარგად გრძნობდეს, შეძლოს სასამართლო პროცესებზე დასწრება და საკუთარი პოზიციის ზეპირ სხდომაზე დაფიქსირება”- თქვა ადვოკატმა.