Category: სლაიდერი

შინაგან საქმეთა სამინისტრო განცხადებას ავრცელებს და წერს, რომ police.ge-ზე ადმინისტრაციულ სამართალდარღვევათა კოდექსის 174 პრიმა მუხლით გათვალისწინებული (შეკრებებისა და მანიფესტაციების შესახებ საქართველოს კანონის დარღვევა) ჯარიმების გამოქვეყნება დაიწყო.

“შინაგან საქმეთა სამინისტროს ოფიციალურ ვებგვერდზე საჯარიმო ქვითრები გამოქვეყნდა ავტომატურად, ვიდეოჯარიმის პრინციპით, რის გამოც მოქალაქეებს მიუვიდათ მოკლეტექსტური შეტყობინება, რომელშიც წერია, რომ საჯარიმო ქვითარი შედგენილია სატრანსპორტო საშუალებაზე.

ტექნიკური ხარვეზის აღმოსაფხვრელად შესაბამისი სამსახური მუშაობს”, – წერს შსს.

„ნუ ვიტყვით იმას, რომ [ოპოზიციას] რესურსი არ გააჩნია. სერიოზული ფინანსური და პოლიტიკური მხარდაჭერა აქვს. ქუხს და გრგვინავს ბრიუსელის გარკვეული ოფიციოზი დავარქვათ თუ ბიუროკრატია, საკმაოდ სერიოზულ დახმარებას უწევს, მაგრამ რესურსზე როცა ვლაპარაკობთ, ეს არის ნგრევის რესურსის არსებობაში შეჯიბრება ოპოზიციურ ფლანგზე, ვინ უფრო მეტი ზიანის მომტანი იქნება ქვეყნის დღევანდელი მდგომარეობისათვის. ისედაც მსოფლიოში არსებული პრობლემების ფონზე, საქართველოში ვის მეტი პრობლემის შექმნა შეუძლია, ამაში ეჯიბრებიან ერთმანეთს და სერიოზული მხარდაჭერა მოდის ევრობიუროკრატიისგან. ეს ფაქტია. ეს არის მათი რესურსი, მაგრამ ეს რესურსი საზოგადოების დიდი ნაწილისთვის მიუღებელია, ვინაიდან ამაში საფრთხეს ხედავენ. საფრთხეს ქვეყნისათვის და საკუთარი ოჯახებისთვის, შვილებისათვის. იმ სტაბილურობას, რომელსაც მივაღწიეთ, გარკვეული განვითარება, პროგრესი მოსდევს, რომელიც ყველა საერთაშორისო კვლევაშია დაფიქსირებული. არავინ ამბობს, რომ პრობლემები გადავლახეთ. პრობლემები არსებობს, მაგრამ პოზიტიური ტენდენციების მიხედვით, საქართველო პირველ ათეულში იმყოფება მსოფლიოში ბოლო 13 წლის განმავლობაში ყველა მაჩვენებლით. ზოგს ეს უხარია, ზოგს კიდევ ეს ისტერიკაში აგდებს. ეს არის ფაქტები. ამ ფაქტებიდან გამომიდინარე, ვფიქრობ, წარმატების ძალიან მცირე შანსი აქვს რომელიმე პოლიტიკურ ჯგუფს, ვინც არის მომხრე დესტაბილიზაციის და საქართველოს ცეცხლოვან პროცესებში ჩართვის,“

ამის შესახებ გია ვოლსკიმ ჟურნალისტებთან განაცხადა.

იურისტი ნიკა სიმონიშვილის თქმით, შსს-მგზის გადაკეტვაზე ჯარიმების ვებ-გვერდზე გამოქვეყნება ისე დაიწყო, რომ ფოსტით ჩაბარება არც კი უცდიათ, რაც მისი თქმით, ფორმალურად კანონის დარღვევაა.

“შსს-მ გზის გადაკეტვაზე ჯარიმების ვებგვერდზე გამოქვეყნება დაიწყო. დღეს ბევრმა ადამიანმა მიიღო ამის შესახებ მესიჯი და მოკლე სამართლებრივ გზამკვლევს დაგიწერთ, რა უნდა გააკეთოთ.

შსს-ს მესიჯში წერია, რომ სატრანსპორტო საშუალებაზეა მოსული ჯარიმა, თუმცა ვიდეოჯარიმების შეტყობინების შაბლონებს იყენებს შსს და ჯარიმა რეალურად მანქანის გამო არაა მოსული. შეიძლება სასაცილოდ ჩანდეს, მაგრამ ამაზე ნუ გავაკეთებთ მთელ აქცენტს.

აქ მნიშვნელოვანი ისაა, რომ გამოქვეყნება ისე დაიწყეს, ფოსტით ჩაბარება არც კი უცდიათ, რაც ფორმალურად კანონის დარღვევაა. თუმცა გასაგებია, ეს რატომაც გააკეთეს, ამდენი ჯარიმის ჩაბარებას ვერ აუდიოდნენ და გაიმარტივეს საქმე.

მიუხედავად ამისა, ეს ჯარიმა უნდა გაასაჩივროთ აუცილებლად. რა ვადაში და როგორ?

გამოქვეყნების დღე არის დღეს და დღეიდან 30 დღის ვადაში ჩაგეთვლებათ საჯარიმო ქვითარი ჩაბარებულად. შესაბამისად, ამ 30 დღის გასვლიდან 10 დღე არის ბოლო ვადა, როცა შესაძლებელი არის გასაჩივრება, თუმცა შეგიძლიათ ხვალვე შეიტანოთ საჩივარი.

ჩემი შეხსენება არ გჭირდებათ, მაგრამ მაინც ვიტყვი, რომ გასაჩივრებით ამ ჯარიმის მოქმედებას გააჩერებთ, ამიტომ არ დაიზაროთ”, – წერს ის.

“სამწუხარო მოცემულობაა ის, რომ ევროკავშირის მხრიდან ჯერ კანდიდატის სტატუსი გამოიყენებოდა სავაჭროდ და მანიპულაციებისთვის. კანდიდატის სტატუსის მოპოვების შემდეგ, უკვე მოლაპარაკებების გახსნის მექანიზმი იყო გამოყენებული მანიპულაციებისთვის. ახლა ვიზალიბერალიზაცია ხდება მანიპულაციის საშუალება. საზოგადოებას კიდევ ერთხელ უნდა ვუთხრათ, რომ ის საფუძვლები, რის გამოც ვიზალიბერალიზაცია მივიღეთ, ჩვენ არ დაგვირღვევია, შესაბამისად, ზოგადად, რატომ დგება ეს საკითხი, მათ შორის, “ნაცმოძრაობის”, მხრიდან დღის წესრიგში? გეტყვით რატომაც დგება. ზუსტად იმიტომ, რის გამოც კანდიდატის სტატუსის მიუღებლობა დგებოდა, იმიტომ რომ აღმოჩნდა, რომ უკრაინასა და მოლდოვაზე წინ ვიყავით ყველა მონაცემით, მაგრამ იმათ მისცეს [სტატუსი] და ჩვენ არა. ე.ი. მანიპულაციის საშუალება იყო. ქართული საზოგადოება ძალიან კარგად ხვდება ამას. ვიზალიბერალიზაცია იმას ნიშნავს, რომ ეს არის მეგობრული ჟესტი ორივე მხარის მხრიდან და თუ შენ ამ ვიზალიბერალიზაციას, მოლაპარაკებების გახსნას, კანდიდატის სტატუსს სახმალაოდ და სანქციების დასადებად გამოიყენებ, რომელ მეგობრულ ურთიერთობაზეა საუბარი?! მე შეგახსენებთ შეერთებული შტატების პრეზიდენტის სიტყვებს და მე მგონი, ამით დამტკიცდება ყველაფერი – აშშ-ის პრეზიდენტი ამბობს, რომ ევროკავშირი უსამართლოდ ექცევა შეერთებულ შტატებს და ახლა რატომ გვიკვირს ჩვენ რომ ევროკავშირის ის ბიუროკრატია, სამწუხაროდ, უსამართლოდ მოექცევა საქართველოს?!”

ამის შესახებ “ხალხის ძალის” დეპუტატმა, გურამ მაჭარაშვილმა ჟურნალისტებთან განაცხადა.

ირაკლი კობახიძის ბრძანებით, არასამთავრობო ორგანიზაციების სახელმწიფო ბიუჯეტიდან დაფინანსების სააგენტო შეიქმნა. ირაკლი კობახიძის გადაწყვეტილებით, ამ სააგენტოს თამარ ზოდელავა უხელმძღვანელებს.

სააგენტოს შექმნას ქართული ოცნების პრემიერმა ირაკლი კობახიძემ 15 აპრილს მოაწერა ხელი, ხელმძღვანელად თამარ ზოდელავას დანიშვნაზე ბრძანება კი 22 აპრილს გამოქვეყნდა.

სააგენტო ადმინისტრაციის შენობაში, თბილისში, ინგოროყვას №7-ში განთავსდება.

„საქართველოს ხელმძღვანელობის განცხადებები იმის შესახებ, რომ მათ სურთ ურთიერთობების გაუმჯობესება მთავარ მეზობლებთან – აფხაზეთთან, სამხრეთ ოსეთთან და რუსეთის ფედერაციასთან – ჩვენთვის შეუმჩნეველი არ რჩება, მაგრამ ამავდროულად, საჭიროა პრაქტიკული დადასტურება და რეალური ნაბიჯები. ჩემი აზრით, შესაძლოა ეს იყოს, მათ შორის ოკუპირებული ტერიტორიების შესახებ კანონის გაუქმება, რომელიც ვერანაირ კრიტიკას, ვერანაირ დროს ვერ უძლებდა, ჩვენ უნდა ვიცოდეთ ის რეალობა, რომელშიც დღეს ვიმყოფებით. მეორე – ეს ძალიან მნიშვნელოვანია და ამაზე გავამახვილებთ ჟენევის ფორმატის მოლაპარაკებებში ყურადღებას – არის სამხედრო ძალის გამოყენებაზე უარის თქმის შესახებ შეთანხმების ხელმოწერაც. ამის შემდეგ შეგვიძლია სხვა რამეზე ვისაუბროთ“,

აცხადებს ოკუპირებული აფხაზეთის ე.წ. საგარეო საქმეთა მინისტრი, ოლეგ ბარციცი.

“ვიზალიბერალიზაცია კი არა, საქართველოს ინტერესია მთავარი – დამოუკიდებლობა და სუვერენიტეტი… შანტაჟი უკვე დიდი ხანია მიმდინარეობს და გრძელდება. ჯერ იყო კანდიდატის სტატუსის მოცემა-არმოცემა, შემდეგ მოლაპარაკებების გახსნა-არგახსნა. ევროპულ ინტეგრაციას ყოველთვის იყენებენ შანტაჟის მექანიზმად. წარმოუდგენელია ეს დამოკიდებულება”

ამის შესახებ კახა კალაძემ ჟურნალისტებთან საუბრისას განაცხადა.

“100 დღე გავიდა მზია ამაღლობელის უკანონო პატიმრობიდან. ის გახდა პრესის თავისუფლების სიმბოლო რეგიონში დამოუკიდებელ მედიაზე მზარდი დევნის ფონზე,”

საქართველოს მეხუთე პრეზიდენტი სალომე ზურაბიშვილი ჟურნალისტ მზია ამაღლობელის პატიმრობას სოციალურ ქსელში გამოეხმაურა.