უპირველეს ყოვლისა, რაც შეეხება ჩხრეკებს, ეს როგორც შევიტყვეთ არის პროკურატურის მიერ გამოძიებეის პროცესში ჩატარებული ჩხრეკები, რომელიც მიმდინარეობს კანონიერი პროცედურების შესაბამისად. […] არ ვიცი, ვინ ატარებდა ჩხრეკას, თუმცა ვინც ატარებდა ჩხრეკას, დარწმუნებული ვარ, ყველანაირად კანონიერი საფუძვლით მიდის ეს ყველაფერი. შესაბამის განმარტებებს პროკურატურა მოგცემთ, დარწმუნებული ვარ. ასე რომ, გამოძიება არის, გამოძიების მიმდინარეობისას ერთ-ერთი ღონისძიება, რაც არის ხოლმე ხანდახან საჭირო და ამ შემთვხვაში პროკურატურამ ჩათვალა ეს როგორც ჩანს საჭიროდ, არის ჩხრეკა იმისთვის, რომ იქნეს ამოღებული სხვადასხვა მტკიცებულებები. ასე რომ, ჩვეულებრივი პროცედურა არის, რომელიც მნიშვნელოვანია, პროკურატურამ ჩაატაროს იმიტომ, რომ ქართველი ხალხის მოლოდინია, რომ ის გამოძიებები, რომლებიც მიმდინარეობს, ამ გამოძიებებეს ექნება სრული სურათი და პასუხი ჩვენი საზოგადოებისთვის, რასთან გვაქვს საქმე.
ვხედავთ ჩვენ ცალსახად, რომ არის მცდელობა, რომ გარედან მოაწყონ დესტაბილიზაცია, შეეცადონ არადემოკრატიული გზით ხელისუფლების შეცვლას, ამიტომ, პროკურატურამ ამ მხრივ უნდა გასცეს პასუხი ქართველ ხალხს. ეს არის მნიშვნელოვანი და სწორი ნაბიჯები იმ მხრივ, რომ საზოგადოებას ჰქონდეს სრული სურათი.
Category: სლაიდერი
-
კანონიერი საფუძვლით მიდის ეს ყველაფერი – პაპუაშვილი ჩხრეკებზე
-
“ახლა აღმოვაჩინე რომ სახლში შემოსულია სუსიც. პროკურატურის გარდა” – ჟორჟოლიანი
“ახლა აღმოვაჩინე რომ სახლში შემოსულია სუსიც. პროკურატურის გარდა,”
ნანუკა ჟორჟოლიანი სოციალურ ქსელში წერს, რომ მის სახლში პროკურატურის გარდა სუს-ის თანამშრომლებიც შევიდნენ.
ცნობისთვის, ნანუკას ფონდის დამფუძნებლის, ნანუკა ჟორჟოლიანის სახლში პროკურატურის წარმომადგენლები ჩხრეკის ჩასატარებლად მივიდნენ. ინფორმაციას თავად ჟორჟოლიანი ავრცელებს
გარდა ამისა, ჩხრეკა მიმდინარეობს სამოქალაქო აქტივისტ მარიამ ბაჯელიძისა და “ადამიანის უფლებათა ცენტრის” დირექტორის, ალეკო ცქიტიშვილის სახლშიც.
-
რატომ უნდა დაველოდოთ 8 მაისს? თუ რუსეთს მშვიდობა ნამდვილად სურს, ცეცხლი დაუყოვნებლივ უნდა შეწყვიტოს – ანდრეი სიბიგა
„რატომ უნდა დაველოდოთ 8 მაისს? თუ ცეცხლის შეწყვეტა ახლაც შეიძლება და ნებისმიერ დროს 30 დღის განმავლობაში – მაშინ ეს რეალურია და არა მხოლოდ აღლუმისთვის. უკრაინა მზადაა მხარი დაუჭიროს ხანგრძლივ, მყარ და სრულ ცეცხლის შეწყვეტას, სულ მცირე 30 დღის განმავლობაში“
ასე გამოეხმაურა უკრაინის საგარეო საქმეთა მინისტრი, ანდრეი სიბიგა რუსეთის პრეზიდენტის, ვლადიმერ პუტინის მიერ მეორე მსოფლიო ომში გამარჯვების 80 წლის იუბილესთან დაკავშირებით უკრაინაში ცეცხლის შეწყვეტას.
-
“მოძალადეს ბოდიშს არ უხდიან, ეს მინდა, იცოდეთ ჩემი განწყობის დასადგენად – მზია ამაღლობელი
“მოძალადეს ბოდიშს არ უხდიან, ეს მინდა, იცოდეთ ჩემი განწყობის დასადგენად. რაც შეეხება ახალი დანაშაულის ჩადენის რისკს, სიმართლე გითხრათ, პირველი დღიდან, როცა ეს გაჟღერდა ვერ ვხვდები, რას ნიშნავს ჩადენა. იმიტომ რომ, რავიცი, ბუნებით კრიმინალი არა ვარ და ყველაფერი, რაც კრიმინალთან არის დაკავშირებული მძაგს, ატანა არ მაქვს. უნდა დაგეგმო, თუ ახალი დანაშაული უნდა ჩაიდინო, უნდა დაგეგმო ხო?! ან თუ ახალი დანაშაულის ჩადენა შემიძლია, საპატიმროში რატომ არ შემიძლია?! ვერ ვხვდები ამას. უნდა დაგეგმო ახალი დანაშაული, ან უნდა ჩაიდინო, ან უნდა დაგეგმო…
ერთადერთი, ვიცი, რომ პატიმრობაში თუ არ ვიქნები, ზუსტად ვიცი, რას გავაკეთებ, დანაშაულს არ ჩავიდენ, იმიტომ, რომ არა, რომ ვარ კრიმინალი. მაგრამ ყველაფერს გავაკეთებ ქვეყნის ევროინტეგრაციისა და გამოხატვის თავისუფლებისთვის, ნამდვილად ყველაფერს გავაკეთებ და ეს თუ არის დანაშაული, მაშინ ალბათ უნდა დამაკავონ. ევროინტეგრაციისა და სიტყვის და გამოხატვის თავისუფლებისთვის ყველაფერს გავაკეთებ”
ამის შესახებ “ბათუმელებისა” და “ნეტგაზეთის” დამფუძნებელმა, მზია ამაღლობელმა, ბათუმის საქალაქო სასამართლოში მიმართვისას განაცხადა.
-
ივანიშვილის მაქინაცია არავის გაუგია საერთოდ არც გარეთ არც შიგნით – ვოლსკი
ბიძინა ივანიშვილის მაქინაცია არავის გაუგია საერთოდ არც გარეთ, არც შიგნით. ერთი, ჩვენ ვიცით, უშველებელი ჩამონათალი იმ კეთილი საქმეებისა, რაც მან საქართველოს, თავის ქვეყანას გაუკეთა როგორც პატრიოტმა შეძლებულმა ადამიანმა. თუ რატომ არ იძებნება ბლუმბერგის სიაში, ამასთან დაკავშირებით პასუხი არ მაქვს. მე არ ვიცი, რა კრიტერიუმებით მსჯელობს და რა კრიტერიუმებს ითვალისწინებს ბლუმბერგის ეს ჩამონათვალი.
ასე პასუხობს ბიძინა ივანიშვილის გუნდის წევრი გია ვოლსკი კითხვას, რატომ აღარ იძებნება ოლიგარქი Bloomberg-ის მილიარდერთა სიაში.
-
9 მაისის აღსანიშნავად, პუტინი დროებით “ცეცხლის შეწყვეტას” აცხადებს
რუსეთის პრეზიდენტმა ვლადიმერ პუტინმა უკრაინაში სამდღიანი ცალმხრივი ცეცხლის შეწყვეტა გამოაცხადა. როგორც კრემლი იუწყება, შეწყვეტა 8 მაისს დაიწყება და 11 მაისამდე გაგრძელდება.
„ჰუმანიტარული მოსაზრებებიდან გამომდინარე, გამარჯვების 80 წლისთავის აღნიშვნის დღეებში – 7-8 მაისის შუაღამიდან 10-11 მაისის შუაღამემდე – რუსული მხარე აცხადებს ცეცხლის შეწყვეტას. ამ პერიოდის განმავლობაში ყველა სამხედრო მოქმედება შეწყდება“, – ნათქვამია კრემლის განცხადებაში.
-
Bloomberg-მა ივანიშვილი მილიარდერების სიიდან, ქონების $3.6 მლრდ-მდე შემცირების გამო ამოიღო
Bloomberg-მა ოლიგარქი ბიძინა ივანიშვილი მილიარდერების სიიდან ამოიღო. როგორც Bloomberg-მა “პირველებს” განუმარტა, ივანიშვილი მილიარდერების 500 ადამიანის სიიდან, ქონების $3.6 მლრდ-მდე შემცირების გამო ამოიღო.
Bloomberg-ის მიხედვით, ივანიშვილმა აპრილის 3 კვირაში 3.2 მილიარდი დაკარგა.
ბიძინა ივანიშვილი Bloomberg-ის მილიარდერთა სიაში აღარ იძებნება. ოფიციალური მონაცემებით, 500 ყველაზე მდიდარ ადამიანში “ქართული ოცნების” დამფუძნებელი აღარ ფიგურირებს.
Bloomberg-ის 2025 წლის 31 მარტის მონაცემების მიხედვით, ივანიშვილის ქონება 7.45 მილიარდი დოლარი იყო და ის რეიტინგში 421-ე ადგილს იკავებდა.
-
ნიკა მელიას პროკურატურამ ბრალი წარუდგინა
„კოალიცია ცვლილებისთვის“ ერთ-ერთი ლიდერს, ნიკა მელიას წულუკიანის საგამოძიებო კომისიის მოთხოვნის შეუსრულებლობაზე ბრალდება ოფიციალურად წაუყენეს.
ნიკა მელია წულუკიანის საგამოძიებო კომისიის სხდომაზე ახსნა-განმარტებისთვის დაიბარეს, სადაც ის არ მივიდა.
„ყველა აქტიური ადამიანის, ვინც კი უკანასკნელი წლების განმავლობაში „ქართული ოცნების“ რეჟიმის წინააღმდეგ მშვიდობიან ბრძოლაშია ჩართული, გზები დროდადრო ე.წ პროკურატურაზე, სასამართლოზე და ციხის საკნებზე გადის, თუმცა ეს დროებითია. ივანიშვილი ხვდება, რომ ნახევრად დემოკრატიული წყობა, ანუ ნახევრად ავტოკრატიული რეჟიმი მისთვის ძალიან სახიფათოა, რადგან შესაძლოა, ხალხის რისხვა ისე დაატყდეს თავს, რომ ხელისუფლება დაკარგოს, ამიტომ იძულებულია, რომ რეპრესიები გაზარდოს.
რაც უფრო მეტ რეპრესიულ ნაბიჯს გადადგამს ივანიშვილი, რაც არ უნდა პესიმისტურად უნდა იყოს ხალხი განწყობილი ივანიშვილის ხელისუფლების შეცვლა არ შეცვლასთან დაკავშირებით, ეს რეჟიმი შეიცვლება. საქართველოს მოქალაქე – საბჭოთა საქართველოს მოქალაქე ვერ გახდება.
რაც შეეხება ბრალს, აბსურდული და უკანონოა ყველაფერი, რასაც ესენი აკეთებენ. ვფიქრობ, რომ რამდენიმე საათში შევხვდებით გვერდითა შენობაში [საქალაქო სასამართლოში]“,- განაცხადა ნიკა მელიამ.
-
რუსეთი მოლაპარაკებების განახლებისთვის უკრაინისგან სიგნალს ელოდება – პესკოვი
რუსეთი მოლაპარაკებების განახლებისთვის უკრაინისგან სიგნალს ელოდება – განაცხადა კრემლის პრესსპიკერმა დიმიტრი პესკოვმა.
“კიევმა ამ მხრივ გარკვეული ზომები უნდა მიიღოს…ჯერჯერობით ჩვენ ვერ ვხედავთ რაიმე ქმედებას“, – თქვა პესკოვმა.
-
თუ უკრაინა დაეცემა, თუ პუტინი მოიგებს ამ ომს, ეს მაქსიმალურ საფრთხეს შეუქმნის ნატო-ს ტერიტორიას – ბორის პისტორიუსი
„უკრაინას ამის მიღწევა დამოუკიდებლად, პრაქტიკულად ერთი წლის წინ კაპიტულაციის გზით შეეძლო.[…] თუ უკრაინა დაეცემა, თუ პუტინი მოიგებს ამ ომს უკრაინის ოკუპაციის თვალსაზრისით, ეს მაქსიმალურ საფრთხეს შეუქმნის ნატო-ს ტერიტორიას და სხვათა შორის, მეზობელ ქვეყნებსაც, როგორიცაა მოლდოვა და საქართველო[…] საქმე მხოლოდ უკრაინის მიმართ სოლიდარობას არ ეხება, საქმე ეხება ჩვენს უსაფრთხოებას და ჩვენს მშვიდობას ევროპაში“,
აცხადებს ამის შესახებ, გერმანიის თავდაცვის მინისტრი, ბორის პისტორიუსი.