“მტერი ძველ პოზიციებზე დაბრუნდა. ჩვენი დამცველები გაბედულად იცავენ ბახმუტს და მტერს წინსვლის საშუალებას არ აძლევენ. მაგრამ, სამწუხაროდ, ქალაქის 60%-ზე მეტი დანგრეულია. და არის მუდმივი შეტევები.
გუშინ, ქალაქ ბახმუტში საარტილერიო დაბომბვის შედეგად ორი მშვიდობიანი მოქალაქე, ორი ქალი დაიღუპა”,
აცხადებს დონეცკის რეგიონული სამხედრო ადმინისტრაციის ხელმძღვანელი პაველ კირილენკო.
რუსეთში აშშ-ს ყოფილი ელჩი, პროფესორი მაიკლ მაკფოლი საქართველოს მესამე პრეზიდენტთან დაკავშირებით The Washington Post-ში სტატიას აქვეყნებს, სათაურით – მოსოფლიომ არ უნდა დაუშვას საქართველოს ექს-პრეზიდენტის პატიმრობაში სიკვდილი.
გთავაზობთ სტატიას სრულად:
იმის გამო, რომ მსოფლიო სამართლიანად არის ორიენტირებული ვლადიმერ პუტინის ბარბაროსულ ომზე უკრაინაში, რუსეთის ლიდერი განაგრძობს მისი მადესტაბილიზებელი ანტიდემოკრატიული დღის წესრიგის განვითარებას მსოფლიოს სხვა ადგილებში. მათ შორის არის პატარა, მაგრამ სტრატეგიულად სასიცოცხლო მნიშვნელობის მქონე საქართველო, რომელიც შავი ზღვის სანაპიროზე რუსეთსა და თურქეთს შორის მდებარეობს.
ამჟამად, საქართველოს ყოფილი პრეზიდენტი მიხეილ სააკაშვილი იქ პატიმრობაში იტანჯება – ზოგიერთი ცნობით, სიკვდილის პირას მყოფი. ბაიდენის ადმინისტრაცია და მისი მოკავშირეები ამას ვერ დაუშვებენ. სააკაშვილის გასათავისუფლებლად გლობალური კამპანიის დროა – სწორედ წარსულში მისი დამსახურების გამო მისი სამშობლოში დემოკრატიზაციის საქმეში.
ორი ათეული წლის წინ სააკაშვილი დემოკრატიული გარღვევების მსოფლიო გმირი გახდა. 2003 წელს სააკაშვილი ხელმძღვანელობდა “ვარდების რევოლუციას” საქართველოში, დაამხო ცნობილი კორუმპირებული რეჟიმი და ხელისუფლებაში მოიყვანა ახალგაზრდა ლიდერების პროდემოკრატიული, თავისუფალი ბაზრის მხარდამჭერი გუნდი, რომელიც მიზნად ისახავდა საქართველოს ევროპისკენ სვლას. როგორც ყველა რევოლუციას, ვარდების რევოლუციას ჰქონდა თავისი წინააღმდეგობები. სახელმწიფო ძალაუფლების გაძლიერებისა და საქართველოში ენდემურ კორუფციასთან გამკლავების მიზნით, სააკაშვილი ხანდახან დემოკრატიულ ნორმებს არღვევდა. მაგრამ საქართველოს ზოგადი დემოკრატიული ტრაექტორია სააკაშვილის ეპოქაში არასოდეს ყოფილა ეჭვქვეშ.
სააკაშვილმა და მისმა გუნდმა განახორციელეს ზოგიერთი ყველაზე მასშტაბური ადმინისტრაციული და ეკონომიკური რეფორმა პოსტსაბჭოთა სამყაროში. მნიშვნელოვანია, რომ მისი მეორე საპრეზიდენტო ვადის შემდეგ, სააკაშვილი ხელმძღვანელობდა ძალაუფლების გადაცემას მშვიდობიანი არჩევნების გზით. სწორედ ამას აკეთებენ დემოკრატები.
დასავლეთის დემოკრატიული ლიდერები სააკაშვილს, შთამაგონებელ დემოკრატად ეფექტურ რეფორმატორად თვლიდნენ. ვარდების რევოლუციაში წარმატებით გამოყენებული ზოგიერთი მეთოდი განმეორდა მომდევნო წელს უკრაინის ნარინჯისფერ რევოლუციაში. პრეზიდენტმა ჯორჯ ბუშმა დაამყარა მჭიდრო პირადი ურთიერთობა სააკაშვილთან; თბილისის ცენტრში ერთ-ერთ მთავარ ქუჩას აშშ-ის პრეზიდენტის სახელი ჰქვია. როგორც ვიცე-პრეზიდენტი, ჯო ბაიდენი ასევე აღფრთოვანებული იყო ქართველი ლიდერით. (მათი ურთიერთობის მომსწრე გავხდი, როცა ბაიდენს ვახლდი საქართველოში 2009 წელს, როგორც ეროვნული უშიშროების საბჭოს თანამდებობის პირი.) პატივისცემა იყო გულწრფელი. სააკაშვილი არ იყო სრულყოფილი; მან შეცდომები დაუშვა. მაგრამ მისი, როგორც ქართული დემოკრატიის მამის მიღწევები ისტორიული იყო.
მაგრამ იყო ერთი უცხოელი ლიდერი, რომელსაც ეზიზღებოდა სააკაშვილი: ვლადიმერ პუტინი. წარმატებული ქართული დემოკრატია მის სამხრეთ ფლანგზე იყო ანათემა იმ ყველაფრისთვის, რასაც პუტინი უჭერდა მხარს და მას გადაწყვეტილი ჰქონდა დაბელოკა სააკაშვილის სწრაფვა, საქართველო დასავლეთისკენ წაეყვანა. რუსეთის პრეზიდენტს განსაკუთრებით არ მოეწონა მისი განცხადებები საქართველოს ნატოში გაწევრიანების შესახებ. პუტინს ეშინოდა ფერადი რევოლუციების საქართველოსა და უკრაინაში სწორედ იმიტომ, რომ ისინი საფრთხეს უქმნიდნენ რუსეთში მისი ავტოკრატიის ლეგიტიმურობასა და სტაბილურობას. 2008 წლის აგვისტოში პუტინმა ხელი გამოაჩინა საქართველოში შეჭრით. მას მოჰყვა ქვეყნის ორი რეგიონის დამოუკიდებელ სახელმწიფოებად აღიარება, რითაც ბრიუსელში საქართველოს ნატოში გაწევრიანების შესახებ დისკუსიები გაიყინა.
მას შემდეგ, რაც რუსული ტანკები საქართველოს დედაქალაქის თბილისისკენ შემოტრიალდნენ, ზოგიერთმა სააკაშვილს გაქცევისკენ მოუწოდა. პრეზიდენტი ვოლოდიმირ ზელენსკის მსგავსად გასულ წელს უკრაინაში, სააკაშვილმა დარჩენა არჩია. პუტინმა საბოლოოდ გადაწყვიტა არ ეცადა სააკაშვილის დაპატიმრება ან მოკვლა ან საქართველოს ხელისუფლების დამხობა სამხედრო ძალის საშუალებით, მაგრამ რუსეთის ლიდერი კვლავ ორიენტირებული იყო საქართველოს პრეზიდენტის დაკნინებაზე. (დღეს რუსეთი კვლავ იკავებს ქვეყნის ტერიტორიის მეხუთედს).
პუტინმა და მისმა რწმუნებულებმა მალევე გაარკვიეს, როგორ გამოეყენებინათ დემოკრატიული ინსტიტუტები რუსი ლოიალისტების ხელისუფლებაში მოსაყვანად, რომელიც ორკესტრირებული იყო საქართველოში პუტინის მთავარი სუროგატის, მილიარდერი ბიძინა ივანიშვილის (რომელმაც ქონება რუსეთში მოიპოვა და არა საქართველოში) მიერ. ივანიშვილის პარტიამ „ქართულმა ოცნებამ“ მოახერხა პოლიტიკური პარტიების, სამოქალაქო საზოგადოებისა და პრესის ძალაუფლებისა და დამოუკიდებლობის ეროზია, რამაც მკვეთრად შეასუსტა ქვეყნის დემოკრატია. გასულ წელს ევროკავშირმა ოფიციალურად გამოაცხადა უკრაინა და მოლდოვა წევრობის კანდიდატად, მაგრამ არა საქართველო. საქართველოს დაქვეითებული სტატუსის უკეთ დრამატიზაციას ვერაფერი შეძლებდა.
მას შემდეგ, რაც საქართველოს მთავრობა გახდა უფრო ავტოკრატიული და რუსეთთან მეგობრული, სააკაშვილი იქ თავის როლს ვერ ხედავდა და გაემგზავრა უკრაინაში, სადაც სხვადასხვა ხარისხის წარმატებით ეკავა ოფიციალური თანამდებობების სერია.
მაგრამ ემიგრაციაში ცხოვრება მისთვის მისაღები არ აღმოჩნდა. მას სურდა საქართველოს მცოცავი ავტოკრატიის შეჩერება. ასე რომ, 2021 წელს ის დაბრუნდა. ეს შეცდომა იყო. მთავრობამ ის სწრაფად დააპატიმრა სავარაუდო “უფლებამოსილების ბოროტად გამოყენებისთვის” და მას შემდეგ ის პატიმრობაშია. მისმა იურიდიულმა ჯგუფმა ცოტა ხნის წინ გაავრცელა სამედიცინო დასკვნა, რომ ის შესაძლოა მოწამლული იყოს. ბოლოდროინდელმა სურათებმა კლინიკიდან, სადაც ის ახლა იმყოფება, აჩვენა, რომ ის დაღლილი და დეზორიენტირებულია.
პრეზიდენტმა ბაიდენმა, ევროპის სხვა დემოკრატიულ ლიდერებთან მჭიდრო კოორდინაციით, სასწრაფოდ უნდა მიიღოს ზომები სააკაშვილის გადასარჩენად. ჰუმანიტარული ნიშნით, ბაიდენმა და სხვებმა უნდა მოსთხოვონ საქართველოს პრეზიდენტს სალომე ზურაბიშვილს შეწყალების ნებართვა მისცეს სააკაშვილს და მისცეს მას ქვეყნის ფარგლებს გარეთ სამედიცინო დაწესებულებაში გამგზავრების საშუალება – ეს ღონისძიება უკვე მოითხოვა ევროპის საბჭოს საპარლამენტო ასამბლეამ, რომელმაც ასევე გამოაცხადა სააკაშვილი პოლიტპატიმრად.
სააკაშვილის ციხეში სიკვდილი იქნება პუტინის გამარჯვება და ქართული დემოკრატიისთვის დარტყმა. ეს არავის ესმის უკეთესად, ვიდრე ზელენსკის, რომელმაც გასულ თვეში საქართველოს ხელისუფლებას სთხოვა „მოწყალება გამოიჩინონ“ ექს-პრეზიდენტის გათავისუფლებით.
ზელენსკი სწორად მოიქცა. შეერთებულმა შტატებმა და ევროკავშირმა უნდა მიბაძონ მას. თავისუფალი სამყარო ერთად დადგა უკრაინაში დემოკრატიის დასაცავად. იგივე უნდა გააკეთოს საქართველოში სააკაშვილის გასათავისუფლებლად ზეწოლის საქმეში.
საფრანგეთი უკრაინას AMX-10RC–ის მოდელის მსუბუქ ტანკებს და “ბასტიონის“ ჯავშანტრანსპორტიორებს გადასცემს. საფრანგეთის პრეზიდენტის ადმინისტრაციის ცნობით, ეს პირველი შემთხვევაა, როცა უკრაინელი სამხედროები დასავლურ ტანკებს მიიღებენ.
უკრაინამ არაერთხელ სთხოვა დასავლელ პარტნიორებს მიეწოდებინათ მისთვის ტანკები და სხვა ჯავშანტექნიკა, რაც აუცილებელია შეტევითი ოპერაციების ჩასატარებლად. ბოლო დრომდე მოკავშირეები უარს ამბობდნენ კიევის ამ თხოვნის შესრულებაზე – ზოგიერთი ექსპერტი წერდა, რომ ეს გამოწვეული იყო კონფლიქტის ესკალაციის შიშით, სხვები აღნიშნავდნენ, რომ ასეთ აღჭურვილობას საკმაოდ რთული ტექნიკური მხარდაჭერა და მოვლა სჭირდება.
რა არის ცნობილი იმ ჯავშანტექნიკის შესახებ, რომელსაც საფრანგეთი უკრაინას აძლევს:
AMX-10RC მაღალი მობილობის ბორბლიანი ჯავშანმანქანაა, რომელიც ოთხ ადამიანს იტევს.
მისი პირველი ეგზემპლარები საფრანგეთის არმიაში 1980 წელს შევიდა. 2010 წელს 256 AMX-10 RC –ის მოდერნიზება მოხდა და ის აღიჭურვა კომპიუტერული კომუნიკაციისა და ბრძოლის ველზე მონიტორინგის სისტემით, ასევე გაძლიერებული ჯავშნით. ჯერჯერობით უცნობია მანქანის რომელ ვერსიას მიიღებს უკრაინა.
მანქანა განკუთვნილია სადაზვერვო და საცეცხლე მხარდაჭერისთვის. საბურავების წნევის რეგულირების უნარის წყალობით, მას ცუდ რელიეფზე დაახლოებით იგივე გამტარიანობა აქვს, რაც მუხლუხოიან ტანკებს.
საფრანგეთის შეიარაღებულ ძალებში ჯავშანმანქანის ეს მოდიფიკაცია კლასიფიცირდება როგორც მსუბუქი ტანკი.
საფრანგეთის არმიამ AMX-10RC სპარსეთის ყურის ომში და რამდენიმე სამშვიდობო ოპერაციის დროს გამოიყენა. მანქანების ექსპორტირება მოხდა მაროკოში და ყატარში.
AMX-10RC ასევე კლასიფიცირდება როგორც ტანკსაწინააღმდეგო იარაღი.
გარდა ამისა, საფრანგეთი შეიარაღებული ძალები უკრაინას ბასტიონის ჯავშანტრანსპორტიორებს ჰპირდება (თუმცა ჯერჯერობით, La Tribune-ის მიხედვით, მხოლოდ 20 ერთეულს). ეს არის კომპანია Acmat-ის მიერ წარმოებული საბრძოლო ჯავშანტექნიკა.
“ბასტიონი”ძირითადად აფრიკაში მოქმედი ფრანგული სპეცრაზმისთვის შეიქმნა.
ჯავშანტექნიკის ძირითადი ვერსია განკუთვნილია ხუთი სპეცრაზმის ჯარისკაცისთვის, მოდიფიკაცია გაზრდილი ტევადობით – 8 ადამიანისთვის.
“რუსეთი ხანგრძლივი შეტევებით უკრაინის დემორალიზებას ცდილობს” – განაცხადა უკრაინის პრეზიდენტმა ვოლოდიმირ ზელენსკიმ.
“ჩვენ უნდა უზრუნველვყოთ – და ყველაფერს გავაკეთებთ ამისთვის – რომ ტერორისტების ეს მიზანი ისევე ჩავარდეს, როგორც ყველა სხვა.” – თქვა პრეზიდენტმა. „ახლა ის დროა, როდესაც საჰაერო სივრცის დაცვაში ყველა განსაკუთრებით ყურადღებით უნდა იყოს ჩართული.”
ამერიკულ პოლიტიკაში მეორე ყველაზე მნიშვნელოვან პოსტზე, სენატის ქვედა პალატის თავმჯდომარის თანამდებობაზე წარდგენილმა რესპუბლიკელმა კევინ მაკარტიმ კვლავ ვერ მოიპოვა ხმების საჭირო რაოდენობა. პირველად საუკუნეზე მეტი ხნის განმავლობაში, სენატის ქვედა პალატამ ვერ შეძლო თავმჯდომარის არჩევა.
სამშაბათს საღამოს კენჭისყრაში მაკკარტიმ რესპუბლიკელების მხოლოდ 203 ხმა მოიპოვა. თანამდებობის დასაკავებლად მას მინიმუმ 218 ხმა სჭირდება.
წელს პალატაში მხოლოდ 222 რესპუბლიკელია, მაგრამ ფრაქციის 19 ყველაზე კონსერვატიულ წევრს მისი მხარდაჭერა არ სურს. მისმა მთავარმა კონკურენტმა, დემოკრატმა კანდიდატმა ჰაკიმ ჯეფრისმა 212 ხმა მოიპოვა. მას ხმა ყველა დემოკრატმა მისცა.
რა მოხდება ახლა?
ბოლოს ასეთი ვითარება, როდესაც წარმომადგენელთა პალატის სპიკერი პირველ ტურში ვერ აირჩიეს, 100 წლის წინ იყო. 1923 წელს კანდიდატის არჩევას ცხრა ტური დასჭირდა.
ახლაც პალატა გააგრძელებს კენჭისყრას წარმატებულ შედეგამდე. სანამ სპიკერი არ აირჩევა, კანონმდებლები სხვა საკითხებზე ვერ გადავლენ – კონგრესის ახალი წევრები ფიცს ვერ დადებენ, ახალი კანონები ვერ მიიღება.
რამდენი ტური იქნება საჭირო, უცნობია. რამდენი დრო დასჭირდება ამას ასევე გაურკვეველია. 1923 წლის კენჭისყრა რამდენიმე დღე გაგრძელდა.
წარმომადგენელთა პალატის ბევრმა სპიკერმა თანამდებობისკენ მიმავალი რთული გზა გაიარა, მაგრამ შიდაპარტიული კონფლიქტები წარსულში საკმაოდ სწრაფად , ხშირად კენჭისყრამდე მოგვარდა.
მაკკარტი, თავის მხრივ, წინააღმდეგობას შეხვდა ულტრამემარჯვენე თანაპარტიელების მხრიდან გასული წლის ნოემბერში, როდესაც რესპუბლიკელებმა პალატაში შუალედურ არჩევნებზე უმრავლესობა მოიპოვეს.
კონგრესმენი ენდი ბიგსი არიზონიდან მაკარტის ალტერნატივად პოზიციონირებს, თუმცა ნაკლებად სავარაუდოა ის მისი რეალური ალტერნატივა გახდას. ასევე მაკკარტის წინააღმდეგია ფლორიდის წარმომადგენელი მეტ გოთცი. კენჭისყრის პირველ ტურში ბიგსმა 10 ხმა მიიღო, კიდევ ცხრა რესპუბლიკელმა ხმა მისცა სხვა კანდიდატებს.
ოპოზიციას კევინ მაკარტი პირადი და იდეოლოგიური მიზეზების გამო არ მოსწონს . უკვე რამდენიმე კვირაა მაკარტისგან დათმობებს ითხოვენ, კერძოდ, სპიკერის იმპიჩმენტის პროცედურის გამარტივებას.
სამშაბათს დილით მხარდამჭერებთან შეხვედრაზე მაკკარტიმ თქვა, რომ 20-მდე რესპუბლიკელს შესაძლოა მის წინააღმდეგ მიეცა ხმა, თუმცა დარწმუნებული იყო, რომ საბოლოოდ გაიმარჯვებდა.
უკრაინის პრეზიდენტმა ვლადიმირ ზელენსკიმ საღამოს მიმართვაში განაცხადა, რომ რუსეთი „ახალ სამობილიზაციო პროცესებს“ ამზადებს და ამასთან დაკავშირებით დასავლეთის ქვეყნებს უკრაინის თავდაცვის გაძლიერებისკენ მოუწოდა.
მისი თქმით, სამშაბათს ოთხი სატელეფონო საუბარი ჰქონდა დასავლეთის ქვეყნების ლიდერებთან (დიდი ბრიტანეთის, ნორვეგიის, კანადისა და ნიდერლანდების პრემიერ-მინისტრებთან).
„ეს წელი მაშინვე დავიწყეთ იმით, რაც უკრაინას ახლა ყველაზე მეტად სჭირდება – იმ ახალი სამობილიზაციო პროცესების წინ, რომელსაც ტერორისტული სახელმწიფო ამზადებს – ახლა, ამ მომენტში, პარტნიორებთან ერთად, ჩვენ უნდა გავაძლიეროთ ჩვენი თავდაცვა.”თქვა ზელენსკიმ.
“ ჩვენ ეჭვი არ გვეპარება, რომ რუსეთის ამჟამინდელი პატრონები ყველაფერს, რაც დარჩათ და ყველას, ვისი შეკრებაც შეუძლიათ, თავს მოუყრიან და გადმოისვრიან, რათა შეეცადონ ომში სიტუაციის შეცვლას და დამარცხების გადავადებას. ჩვენ უნდა ჩავშალოთ ეს რუსული სცენარი. […] რუსეთი ახორციელებს მათ მობილიზებას სიკვდილისთვის. ჩვენ კი ვცდილობთ ცივილიზებული სამყაროს მობილიზებას სიცოცხლის გულისთვის.“
მანამდე უკრაინის თავდაცვის მინისტრმა ოლექსი რეზნიკოვმა რუსებთან მიმართვისას განაცხადა, რომ კრემლი მობილიზაციის მორიგი ტალღის ამზადებს. მისი თქმით, ქვეყნის მცხოვრებლებს მობილიზაციის თავიდან აცილების მიზნით “დაახლოებით ერთი კვირა” რჩებათ.
რუსეთის ხელისუფლებამ არაერთხელ განაცხადა, რომ ჯარში დაახლოებით 300 ათასი ადამიანის მობილიზების შემდეგ მეორე ტალღა არ იგეგმება. ამავდროულად, პრეზიდენტმა ვლადიმერ პუტინმა ხელი არ მოაწერა მობილიზაციის დასრულების შესახებ განკარგულებას, რომელიც, ექსპერტების აზრით, რეზერვისტების შემდგომ აყვანის საშუალებას იძლევა ჯარში დამატებითი ფორმალური პროცედურების გარეშე.
კიდევ რა თქვა ზელენსკიმ?
მან მადლობა გადაუხადა ნორვეგიას „გადაწყვეტილებებისთვის, რომლებიც უკვე მიღებულია და ჯერ კიდევ მზადდება“. უკრაინის პრეზიდენტის თქმით, ეს იარაღით მხარდაჭერასაც ეხება. ზელენსკიმ თქვა, რომ „ნორვეგიის როლი შეიძლება მართლაც ისტორიული გახდეს ევროპის დაცვაში“, მაგრამ არ დაუკონკრეტებია რა ჰქონდა მხედველობაში.
ამასთან, უკრაინის ლიდერმა მადლობა გადაუხადა ნორვეგიას „მზადყოფნის გამო უკრაინას ამ ზამთრისთვის საჭირო მოცულობის გაზი მიაწოდოს“.
რუსმა ოკუპანტებმა დონეცკის ოლქის ქალაქ კურახოვოს საცხოვრებელი უბანი დაბომბეს. ინფორმაციას დონეცკის ოლქის ადმინისტრაციის ხელმძღვანელი პაველ კირილენკო ადასტურებს. კირილენკოს თქმით, რუსულმა ძალებმა საარტილერიო ცეცხლი გახსნეს. მისივე ინფორმაციით, დაიღუპა 1, დაშავდა 2 ადამიანი და დაზიანდა წყალმომარაგების ობიექტი.
“ერთი ჭურვი პირდაპირ მაღალსართულიან შენობას მოხვდა. გარდა ამისა, დაზიანებულია წყალმომარაგების ინფრასტრუქტურა და ჩამტვრეულია შენობების მინები”, – თქვა კირილენკომ.
დნეპრის მახლობლად, სოფელ სლობოჟანსკში, მოსკოვის საპატრიარქოს მღვდელი თავს დაესხა ორ მამაკაცს, რომლებმაც უარი თქვეს მისთვის ლუდის დალევაზე.
მამაკაცების თქმით, მაღაზიიდან გზად ისინი ეკლესიისკენ მიდიოდნენ რა დროსაც მათ მღვდელი უცნაური წინადადებით მიუახლოვდა.
„ტაძრის ტერიტორიაზე ჩვენთან მოვიდა მღვდელი და შემოგვთავაზა ჩვენი ლუდის დალევა, ჩვენ უარი ვთქვით. მან კი ანაფორა გაიხადა და თავს დაგვესხა“, – თქვა ერთ-ერთმა მამაკაცმა.
კადრებში ჩანს, რომ მამაკაცები რამდენიმე ბოთლ ლუდთან ერთად ტაძრიდან სახლში ბრუნდებოდნენ, მაგრამ მღვდელი მათ დაეწია, ანაფორა გადააგდო და ჩხუბი დაიწყო.
ოლეგ ლებედინსკიმ, დნეპროელმა პასტორმა, ფეისბუქზე გავრცელებულ ვიდეოში შენიშნა, რომ კადრებში მღვდელი სერგეი რეზნიკოვია, რომელიც ეპარქიაში ერთ-ერთი უმაღლესი თანამდებობა უკავია.
“ყურადღება! ის არის უკრაინაში მოსკოვის ეკლესიის დნეპროპეტროვსკის ეპარქიის მთელი განათლების განყოფილების ხელმძღვანელი.”, – თქვა ლებედინსკიმ.
”წლის დაწყებიდან მხოლოდ ორი დღე გავიდა და უკრაინის თავზე ჩამოგდებული ირანული დრონების რაოდენობა უკვე 80-ზე მეტია და ეს რიცხვი შესაძლოა გაიზარდოს უახლოეს მომავალში. იმიტომ რომ, ღამეები ამ კვირებში შეიძლება საკმაოდ დაძაბული იყოს. ჩვენ გვაქვს ინფორმაცია, რომ რუსეთი შაჰიდებით გრძელვადიან შეტევას გეგმავს. მისი ფსონი შეიძლება იყოს შესუსტებაზე. ჩვენი ხალხის, ჩვენი საჰაერო თავდაცვის, ჩვენი ენერგიის შესუსტებაზე… ჩვენი ამოცანაა მივცეთ უკრაინას ყოველდღიური წარმატებები, მიღწევები, მცირე გამარჯვებები, თუმცა მაინც გამარჯვებები ტერორისტებზე და ტერორზე. ყოველი ჩამოგდებული დრონი, ყოველი ჩამოგდებული რაკეტა, ყოველი დღე ჩვენი ხალხის ელექტროენერგიით ყოფნა და მინიმალური გამორთვის გრაფიკი – სწორედ ასეთი გამარჯვებები”
აცხადებს, უკრაინის პრეზიდენტი, ვოლოდიმირ ზელენსკი.
აზოვის პოლკის ყოფილი მეთაური მაქსიმ ჟორინი თვლის, რომ რუსეთი მეორე დიდ შეტევას განახორციელებს უკრაინის წინააღმდეგ. მისი თქმით, რუსი დამპყრობლები შეტევას სამი მიმართულებით დაიწყებენ.
RADIO NV-თან ინტერვიუში ჟორინმა თქვა, რომ მოსკოვი გადაწყვეტს ამ შეტევაზე, იმ დანაყოფების გაგზავნას, რომლებიც მათ მობილიზებულებისგან შეაგროვეს. ისინი არ იქნებიან კარგად გაწვრთნილი პროფესიონალი სამხედროები თუმცა იქნებიან ბევრნი.
„სანამ ჩვენ ვიცინოდით იმ ვიდეოებზე, სადაც რუსები ნასვამები არიან, ჩხუბობენ და ა.შ. ამ მობილიზებულებს წვრთნიან, მათგან ახალი დანაყოფები და იარაღები ფორმირდება“, – განაცხადა მან.
ჟორინი ამბობს, რომ რუსი დამპყრობლები აირჩევენ თავდასხმის ერთ-ერთ მიმართულებას – ხარკოვის რეგიონს, ან კიევს, ან უკრაინის დასავლეთის რეგიონებს.