Category: არქივი

{{ARTICLEIMAGE}}
“პატრიოტთა ალიანსის” ლიდერმა ის პერიოდი გაიხსენა, როდესაც ჟურნალისტურ საქმიანობას ეწეოდა და როდესაც აფხაზეთის ომში მოუწია წასვლა. აღნიშნულის გამო ინაშვილი ახალ წელს სანგარში შეხვდა და როგორც თავად თქვა, სწორედ ახალი წლის ღამეს გაისმა ხმა აფხაზთა პოზიციიდან:კონკრეტულად ეს იყო შეთავაზება, ერთად შეხვედროდნენ ახალ წელს. ინაშვილი იხსენებს, როგორ დათანხმდნენ შეთავაზებას და როგორ შეთანხმდნენ იმაზეც, რომ ამ დღეს ცეცხლს არ გახსნიდნენ. როგორც პოლიტიკოსის მონაყოლიდან ირკვევა, “ზეიმი” და “ზავი” ამ დღეს შედგა, თუმცა როგორც ცნობილია, მოგვიანებით ცეცხლი კვლავ გაიხსნა. ამ ყველაფრის გათვალისწიებით, ინაშვილი აფხაზებთან ჩატეხილი ხიდის აღდგენის მნიშვნელობასა და აუცილებლობას კიდევ ერთხელ უსვამს ხაზს.

“ქართველებო, ძმებო გადმოდით, ახალ წელს ერთად შევხდეთ, სადღეგრძელო დავლიოთო – ეს ხმა გაისმა მოწინააღმდეგეთა პოზიციიდან. რამდენიმე კაცი გავერთიანდით და გადავედით:ეს იყო დაუვიწყარი შეხვედრა, არავინ ლაპარაკობდა ომზე, ვიხსენებდით მზიან გაგრას, შესვეს მშვიდობის და ძმობის. არ ყოფილა იმ ღამეს სროლა და მერე ისევ გაიხსნა ცეცხლი. მინდა მივმართო ოს და აფხაზ ძმებს – აღვადგინოთ ჩატეხილი ხიდი”,თქვა ინაშვილმა “ტვპირველის” ეთერში სტუმრობისას.

ქართველი მშვიდობისმყოფელები ახალ წელს ავღანეთში , ბაგრამის საავიაციო ბაზაზე საახალწლო კონცერტით შეხვდნენ. ვიდეომასალას თავდაცვის სამინისტრო აქვეყნებს. საქართველოს თავდაცვის ძალების II ქვეითი ბრიგადის 22–ე ბატალიონის პირადმა შემადგენლობამ ღონისძიებაზე მოწვეულ სტუმრებს ქართული ფოლკლორული სიმღერები და ცეკვები წარუდგინეს.

საახალწლო ღონისძიებაზე დაჯილდოების ცერემონიალიც გაიმართა . II ქვეითი ბრიგადის 22-ე ბატალიონის სამხედრო მოსამსახურეებს ფასიანი საჩუქრები ავღანეთში საქართველოს თავდაცვის ძალების უფროსმა სამხედრო წარმომადგენელმა, პოლკოვნიკმა მალხაზ მერლანმა გადასცა.

მოწვეულ სტუმრებს შორის იყვნენ ტაქტიკური დაჯგუფება „მანჩუ“-ს მეთაური, ვიცე-პოლკოვნიკი დევიდ უთლაუთი, ავღანეთის ნაციონალური ჯარის მე-4 ბატალიონის მეთაური, ვიცე-პოლკოვნიკი მუჯტაფა, „მტკიცე მხარდაჭერის“ მისიაში მონაწილე კოალიციური ძალების წარმომადგენელი ამერიკელი, პოლონელი და ჩეხი სამხედროები, ასევე ქართველი სამოქალაქო პირები. ღონისძიების დასასრულს ქართველი მშვიდობისმყოფელები სტუმრებს ქართული სამზარეულოთი გაუმასპინძლდნენ და საზეიმო ტორტი გაჭრეს.

{{ARTICLEIMAGE}}
იაშვილის კლინიკაში პიროტექნიკით დაშავებულ ბავშვს, რომელიც ბათუმიდან ჩამოიყვანეს, თითების ამპუტაციის ოპერაცია ჩაუტარდა. კლინიკაში თითების ამპუტაცია სულ 3 ბავშვს დასჭირდა.

“ალბათ ვადაგასული იყო – მოწყობილობა 5 ლარად შევიძინე – როგორც წესი, ხელი მოვკიდე, მერე ბავშვს დავუძახე – რომ მოვუკიდეთ, აუფეთქდა… ღმერთს ვევედრებით, გადარჩეს და მერე ხელს ეშველება – სილიკონს გავუკეთებთ”,ამბობს ერთ-ერთი დაშავებულის მამა. 

ექიმების ინფორმაციით სტაციონარში ამჟამად 16 პაციენტია მოთავსებული.

(more…)

{{ARTICLEIMAGE}}

ინტერვიუ პოლიტოლოგ კორნელი კაკაჩიასთან:

_2019 გადამწყვეტი იქნება იმ კუთხით, რომ ოპოზიციამ გარკვეული მორალური უპირატესობა მიიღო იმ ფონზე, რომ ეს არ იყო კარგად ჩატარებული საპრეზიდენტო არჩევნები და ამას ყველა აღნიშნავს. ოპოზიციური ძალები ითხოვენ, გადაიხედოს საარჩევნო სისტემა და პროპორციული სისტემით ჩატარდეს 2020 წლის საპარლამენტო არჩევნები. ამიტომ, ალბათ მთელი წელი იქნება ჭიდილი ამ საკითხზე, მაგრამ არ ვიცით, როგორ დასრულდება ეს ყველაფერი. მეორე – გაგრძელდება გაშმაგებული პოლარიზაცია მედიაში და პოლიტიკურ პარტიებს შორის; ფაქტობრივად საზოგადოების გაყოფა ორ ნაწილად იმიტომ, რომ 2019 წელი არის რეალურად არჩევნების წინა პერიოდი და ორივე მხარე ეცდება, საკუთარი ამომრჩევლის შენარჩუნებას და გაზრდას და ამ პერიოდში, ორივე მხარის მიერ დაშვებული შეცდომები აისახება 2020 წლის საპარლამენტო არჩევნების დროს.

_ახალი ძალის გამოჩენის მნიშვნელობას და შესაძლებლობას როგორ უყურებთ?

იმისათვის, რომ მესამე ძალა გამოჩნდეს, მათ უნდა ჰქონდეთ ძალიან დიდი ფინანსური მხარდაჭერა, საკუთარი ტელევიზია, რადგან თუ გადახედავთ, დღევანდელ პარლამენტში შევიდნენ ის ძალები, რომელთაც ჰქონდათ საკუთარი ტელევიზია. აქედან გამომდინარე, ეს ერთგვარი ტრენდია. მაგალითად, “თავისუფალ დემოკრატებს” და რესპუბლიკელებს არ ჰქონდათ საკუთარი ტელევიზია და ისინი ვერ გავიდნენ პარლამენტში. ეს ნიშნავს, რომ ახალი ძალის უკან უნდა იდგეს ძლიერი პოლიტიკური-ფინანსური დაჯგუფება და ასევე მნიშვნელოვანია, შექმნან ახალი ნარატივი, რაც განასხვავებს მათ სხვებისგან, რომ შეძლონ მიუმხრობელი ამომრჩევლის მიზიდვა. ახალი ნარატივი იმიტომაცაა მნიშვნელოვანი, რომ იდეურად შთააგონოს ამომრჩეველი, რათა შეცვალოს საკუთარი შეხედულებები. თუმცა ახალი ძალა უცნობ სახეებს არ ნიშნავს, აქ უფრო საუბარია ახალ იდეაზე სახელმწიფოებრივ მოწყობასთან დაკავშირებით, საგარეო თუ საშინაო პოლიტიკის საკითხებთან, და თუ ეს ყველაფერი მიბმული იქნება უბრალო ამომრჩევლის ინტერესებთან, წარმატების შანსი მეტი იქნება. ჩვენთან, პოლიტიკური პარტიები სამწუხაროდ, ხშირად ვერ ახერხებენ, გამოხატონ სხვადასხვა სოციალურ-პოლიტიკური ჯგუფების ინტერესები პოლიტიკურ დონეზე. ფაქტია, რომ ასეთ ძალაზე მოთხოვნა არის ქართულ საზოგადოებაში. არ უნდა დავივიწყოთ მედიარესურსების როლიც, ახალ ძალას თუ არ ექნება საკუთარი ტელევიზია, ძალიან გაუჭირდება კონკურენციაში შესვლა იმიტომ, რომ არსებული პოლიტიკური ძალები მათ ხელში არსებული უზარმაზარი რესურსების არათანაბარი გადანაწილების გამო საშუალებას არ აძლევენ მესამე ძალას, წარმატებას მიაღწიონ.

_ასეთ რესურს ხედავთ ამ ეტაპზე?

არა, ჩვენ ვხედავთ ორ პოლიტიკურ პოლუსს – ერთია ივანიშვილი, რომელიც ფინასურად ასევე პოლიტიკურად ფლობს “ქართულ ოცნებას” და მეორე – სააკაშვილი, რომელიც არის “ნაციონალური მოძრაობის” პოლიტიკური მფლობელი და ბუნებრივია, მათ აქვთ მონოპოლიზებული მედია და ფინანსები და კონკურენცია სამართლიანი არ არის.

_აქციებზე როგორც სტრატეგიის ნაწილზე რას ფიქრობთ?

აქციებზე უარის თქმა ცოტა გადამეტებული იქნებოდა, რადგან მას პოლიტიკური პარტიები ევროპის ქვეყნებშიც ხშირად იყენებენ. მთავარია, აქციები სინთეზში იყოს საზოგადოებრივ აზრთან, და მნიშვნელოვანი აცდენა არ ჰქონდეს მასთან. თუ ეს ასე არ არის და სამწუხაროდ, ხშირად ასეც არის, მაშინ პოლიტიკოსები ცდილობენ რადიკალიზაციას – ამაზე ამომრჩეველი ხშირად უარს ამბობს და ამის გამო არ მოჰყვება ეფექტური შედეგი, რაც ჩაფიქრებული აქვთ ხოლმე ორგანიზატორებს. კიდევ ერთი მნიშვნელოვანი მოვლენა – ყველა დარწმუნდა, რომ ამომრჩეველი გაიზარდა და მისი პოლიტიკური კულტურა კიდევ უფრო დაიხვეწა. იგი ირჩევს ევოლუციას და უარს ამბობს რევოლუციური გზით ხელისუფლების შეცვლაზე. აქედან გამომდინარე, პოლიტიკურმა პარტიებმა და ლიდერებმა ამით უნდა იხელმძღვანელონ.

(more…)

{{ARTICLEIMAGE}}
2019 წლის პირველი იანვრიდან სახელმწიფო პენსია 20 ლარით, არსებული 180 ლარიადან 200 ლარამდე გაიზარდა.

როგორც ცნობილი, პენსია 20 ლარით ასევე იზრდება შშმ პირებისთვის: მკვეთრად გამოხატული პირველი ჯგუფის შეზღუდული შესაძლებლობების მქონე პირები 180 ლარის ნაცვლად 200 ლარს მიიღებენ, მე-2 ჯგუფის შშმ პირები კი 100 ლარის ნაცვლად 120 ლარს. შშმ ბავშვები პენსიის სახით 180 ლარის ნაცვლად 200 ლარს მიიღებენ.

{{ARTICLEIMAGE}}
ახალი წლის ღამეს პიროტექნიკით დაშავების შემთხვევა საქართველოს 4 ქალაქში დაფიქსირდა. ბათუმში პიროტექნიკით 9 ადამიანი დაშავდა, მათ შორის 4 – ევროპის მოედანზე, სადაც გალაკონცერტი მიმდინარეობდა.

დაშავებულთა შორის უცხო ქვეყნის მოქალაქეებიც არიან. პიროტექნიკამ, რომელიც ახალი წლის ღამეს გაუშვეს, მიმართულება შეკრებილებისკენ შეიცვალა. 
დაშავებულთა შორის ასევე არიან არასრულწლოვნებიც. ექიმების თქმით, მდგომარეობა სტაბილურია და დაზიანებები ხელისა და სახის არეში აქვთ მიყენებული. 

თბილისში ანალოგიური მიზეზით 12 მოზარდი იაშვილის კლინიკაში მოათავსეს. მათგან ათს ოპერაცია უკვე ჩაუტარდა. დაშავებულთა ასაკი 4-დან 12 წლამდეა. მათგან ერთს თითების ამპუტაცია დასჭირდა. 

პიროტექნიკის აფეთქების გამო თბილისის სხვადასხვა საავადმყოფოში კიდევ ორი კაცია მოთავსებული. შემთხვევები დაფიქსირდა რუსთავში, სადაც 4 ადამიანი მკურნალობს საავადმყოფოში. ასევე საახალწლო პიროტექნიკის გამოყენების გამო ქუთაისში 9 ადამიანია დაშავებული.