კორონავირუსით ერთ-ერთი ბოლო ინფიცირებული წლისთავზე იმყოფებოდა- ტიკარაძე

ჯანდაცვის მინისტრის, ეკატერინე ტიკარაძის განცხადებით, კორონავირუსით დაინფიცირებული ერთ-ერთი ბოლო პაციენტი წლისთავზე იმყოფებოდა.

მისი თქმით, იდენტიფიცირებულია ყველა ადამიანი, ვინც ინფიცირებულთან ერთად წლისთავზე იყო.

,,როგორც ცნობილია, რა თქმა უნდა, ყველა პიროვნება, რომელიც იყო ამ ღონისძიებაზე, არის იდენტიფიცირებული. ისინი არიან თვითიზოლაციაში ამ ეტაპზე და ჩვენი მონიტორინგის სამსახურისა და ეპიდემიოლოგების მხრიდან მიმდინარეობს ამ ადამიანებზე დაკვირვება”, – განაცხადა მინისტრმა.

დღეს კორონავირუსით საქართველოში კიდევ 2 ადამიანი დაინფიცირდა. მათგან ერთ-ერთი 80 წელს გადაცილებული ქალია. მთლიანობაში ქვეყანაში ინფიცირების 40 შემთხვევაა დადასტურებული.