პოლარიზაციას ხელს უწყობს სიძვა, შური, უზრდელობა- ლადო კახაძე

,,ქართული ოცნების” დეპუტატმა ლადო კახაძემ სალომე ზურაბიშვილის მოხსენება შეაფასა და თქვა, რომ მას მთლიანად ეთანხმება. ასევე აღნიშნა, რომ პოლარიზაცია დემოკრატიის განვითარებას ხელს არ უწყობს. 

,,მისი სიტყვის კონსტრუქციას მთლიანად ვეთანხმები, სადაც ადგილი დაუთმო და აქცენტები დემოკრატიის საწინააღმდეგო მხარეს გადაიტანა. დიახ, პოლარიზაცია დემოკრატიის საწინააღმდეგო მხარეა. ჩემთვისაც ასეა აღქმული.

პოლარიზაციას ხელს უწყობს სიძვა, უხეშობა, უზრდელობა, შური, დაპირისპირება, უნდობლობა – ეს არის პოლარიზაციის მხარეს და დემოკრატიას ხელს არ უწყობს”, – თქვა ლადო კახაძემ.

სალომე ზურაბიშვილმა განაცხადა, რომ საზოგადოება ერთგვარ დეპრესიაშია, აგრესიამ და სიძულვილმა კი ქართულ ღირებულებათა სისტემა შეცვალა.