თურქეთის შეიარაღებულმა ძალებმა სირიაში სამხედრო ოპერაციის მიმდინარეობის დროს 637 ტერორისტი გაანადგურეს, – ამის შესახებ ინფორმაციას თურქეთის თავდაცვის სამინისტრო ავრცელებს.
თურქეთული მხარის ცნობით, ლიკვიდირებული არიან სირიელი ქურთეი მებრძოლები.
თურქეთმა სირიაში სამხედრო ოპერაცია სახელწოდებით „მშვიდობის წყარო“ 9 ოქტომბერს დაიწყო. ანკარაში აცხადებენ, რომ ოპერაციის მიზანია სირიის საზღვარზე „უსაფრთხოების ზონის“ მოწყობა, სადაც სირიელი ლტოლვილების განსახლება არის დაგეგმილი.
ევროპული ქვეყნების დიდი ნაწილი თურქეთს მოუწოდებს, შეწყვიტოს სამხედრო ოპერაცია სირიაში. მათი თქმით, სამხედრო მოქმედებები რეგიონში ტერორისტული ორგანიზაცია „ისლამური სახელმწიფოს“ გაძლიერებას უწყობს ხელს.
სირიაში სამხედრო ოპერაციის შესახებ გაერო-ს უშიშროების საბჭო საგანგებო სხდომაზე იმსჯელებს.
Leave a Reply