ხმაური სოფელ მერეთთან არსებულ პოლიციის საგუშაგოზე – სამართალდამცველებმა ანტისაოკუპაციო მოძრაობის, ” რუსეთი ოკუპანტია” წევრები და აქტივისტები გააჩერეს და სოფელ გუგუტიაანთკარის მიმართულებით არ გაატარეს. სამართალდამცველებმა კორდონი გააკეთეს.
სამოქალაქო აქტივისტები აცხადებენ რომ მათ მხოლოდ ადგილობრივ მოსახლეობასთან შეხვედრა უნდოდათ, მათი მხარდაჭერის მიზნით.
ახალგაზრდებს სუს-ის ანალიტიკური სამსახურის დირექტორის მოადგილე შეხვდა. ირაკლი ანთაძემ განმარტა რომ გადაადგილების უფლების შეზღუდვა დროებითი ღონისძიებაა და ის უსაფრთხოების დაცვისთვისაა საჭირო. გუგუტიაანთკარში შესვლას უკვე ერთი კვირაა უშედეგოდ ითხოვს ანტისაოკუპაციო მოძრაობა “ძალა ერთობაშია”.
Leave a Reply