ტრანსგენდერი ქალების თქმით, რესტორანი “მაჭახელა” ფიზიკური ძალის გამოყენებით დაატოვებინეს. ისინი დაცვის თანამშრომლებს და მომსახურე პერსონალს, ფიზიკურ ძალადობაში ადანაშაულებენ.
მათი თქმით, რესტორნის პერსონალმა ჯერ სიტყვიერი,შემდეგ კი ფიზიკური შეურაცხყოფა მიაყენა. ძალადობის მოტივად ტრანსგენდერი ქალები გენდერული ნიშნით დისკრიმინაციას ასახელებენ.
დაზარალებულმა ტრანსგენდერმა ქალებმა პოლიცია და სასწრაფო სამედიცინო დახმარება გამოიძახეს.
„შემოვედით და გვითხრეს, რომ აქ ხალხია და თქვენ აქ არ შემოგესვლებათო. გენდერული იდენტობის გამო გამოგვყარეს გარეთ. “თქვენ ისეთი ხალხი ხართო, რომ სირცხვილიაო,“-ამბობს ერთ-ერთი ტრანსგენდერი ქალი.
ერთ-ერთი ტრანსგენდერი ამბობს, რომ არსებობს კადრები, სადაც ჩანს, თუ როგორ ძალადობს რესტორნის მენეჯერი და პერსონალი ტრანსგენდერ ქალებზე.
“ჩემი მეგობრების მიმართ მოახდინა სიტყვიერი და ფიზიკური შეურაცხყოფა დაცვამ, მენეჯერმა ასევე. დაზიანებები აქვს ხელზე, თმებში მოკიდეს ხელი და გამოათრიეს ძალით,”-ამბობს ერთ-ერთი ტრანსგენდერი.
“მაჭახელაში” მომხდარ ფაქტთან დაკავშირებით კომენტარს არ აკეთებენ. შესაძლო ძალადობის ფაქტზე გამოძიება დაწყებულია.
Leave a Reply