(more…)

რუსთავში არასრულწლოვნის მკვლელობის ფაქტთან დაკავშირებით ფსიქიატრიული საავადმყოფოს ექიმი დააკავეს.დაკავების შესახებ  ინფორმაციას შსს  ადასტურებს.

„შსს-ს ქვემო ქართლის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1984 წელს დაბადებული თ.ა. მოსამართლის განჩინების საფუძველზე დააკავეს. მას ბრალი ედება სამსახურებრივი მოვალეობის არაჯეროვნად შესრულებაში, რამაც ადამიანის სიცოცხლის მოსპობა გამოიწვია. დანაშაული 5-წლამდე ვადით თავისუფლების აღკვეთას ითვალისწინებს.

გამოძიება მიმდინარეობს 220-ე პრიმა მუხლის მე-2 ნაწილით, სამსახურებრივი მოვალეობის არაჯეროვნად შესრულების ფაქტზე, რამაც ადამიანის სიცოცხლის მოსპობა გამოიწვია“, – აცხადებენ შინაგან საქმეთა სამინისტროში.

ლევან ვასაძე რაინდად გასაღდება თუ კომბლედ, ყველამ ვიცით, რომ რეალურად, მჭიდრო კავშირები აქვს ოკუპანტ სახელმწიფოსთან, – ეს განცხადება „ნაციონალური მოძრაობის“ წევრმა, თინა ბოკუჩავამ გააკეთა.

„რაინდად გასაღდება თუ კომბლედ, ყველამ ვიცით, რომ რეალურად, ამ ადამიანს მჭიდრო კავშირები აქვს ოკუპანტ სახელმწიფოსთან და იმ ადამიანებთან, რომლებიც ჩვენი ქვეყნის სახელმწიფოებრიობას კითხვის ნიშნის ქვეშ აყენებენ. ამიტომ, მასზე, მის ორიენტაციასა და მის რუსეთუმეობაზე კითხვის ნიშნები არ არსებობს, თუმცა ყველაზე შემაშფოთებელი ხელისუფლების როლია, რადგან ნორმალურ სახელმწიფოში, როცა ძალადობრივი განცხადებები ისმის, ბიძინა ივანიშვილი ასე მშვიდად კი არ უნდა იყოს, მკაცრი და დროული რეაგირება უნდა მოხდეს“, – განაცხადა ბოკუჩავამ.

საქართველოს საგარეო საქმეთა სამინისტრო სტამბოლში საქართველოს მოქალაქის მკვლელობის ფაქტს განცხადებით გამოეხმაურა. 

მათი ინფორმაციით,ერთ-ერთ კომერციულ ობიექტზე თავდასხმა  მოხდა, თურქეთში საქართველოს კონსული თურქ სამართალდამცველებთან აქტიურად თანამშრომლობს. პარალელურად, დაწყებულია მუშაობა მოკლულის გადმოსვენების პროცედურაზე.

„გარდაცვლილია საქართველოს ერთი მოქალაქე. წინასწარი მონაცემებით, მოხდა ერთ-ერთ კომერციულ ობიექტზე თავდასხმა, სადაც იმყოფებოდნენ სხვა ქვეყნის მოქალაქეები, საუბარია რუსეთის მოქალაქეებზე. დაჭრილია ორი ადამიანი, ანუ თავდასხმის ობიექტები. დანარჩენი ორი პირი, რომლებიც თავდასხმაში მონაწილეობდნენ, მიიმალა. არის ვერსია, რომ ისინიც საქართველოს მოქალაქეები არიან, დასტურდება პირველ ეტაპზე, რომ ისინი ეთნიკურად იყვნენ ქართველები. დიდი ალბათობით, ეს უკავშირდებოდა, შეიძლება კრიმინალური გარჩევა იყო და არ არის გამორიცხული, რომ იყო ძარცვის მიზნით. გადმოსვენების მიმართულებითაც მუშაობს საკონსულო,“- განაცხადა საგარეო საქმეთა სამინისტროს ოფიციალურმა წარმომადგენელმა, ვლადიმერ კონსტანტინიდმა.

სტამბოლში სისხლიან გარჩევას დღეს საქართველოს ერთი მოქალაქე ემსხვერპლა. გავრცელებული ინფორმაციით, შეიარაღებული დაპირისპირება რუს და საქართველოს მოქალაქეებს შორის მოხდა. თურქი სამართალდამცავები საქართველოს ორ მოქალაქეს ეძებენ. დანაშაულში მონაწილე სხვა პირები პოლიციამ უკვე დააკავა.

(more…)

(more…)

თბილისი პრაიდის ორგანიზატორები დაგეგმილი ღონისძიებების გაუქმებას არ აპირებენ. ცოტა ხნის წინ ოფიციალური განცხადება გავრცელდა, სადაც ორგანიზატორები საზოგადოებას მოუწოდებენ, შემოუერთდნენ კვირეულის ფარგლებში დაგგემილ ღონისძიებებსა და ღირსების მარშს.

“მიუხედავად არსებული რისკებისა, საქართველოს ისტორიაში პირველი ღირსების მარში ძალაშია და ჩვენ არ ვაპირებთ მის გაუქმებას. საჯარო მსვლელობაში ჩვენთან ერთად მონაწილეობას მიიღებენ ლგბტქი ადამიანების მხარდამჭერი ჯგუფები, ოჯახის წევრები, მეგობრები, საერთაშორისო ორგანიზაციებისა და დიპლომატიური კორპუსის წარმომადგენლობები, ევროკავშირისა და ჩვენი მეზობელი სახელმწიფოების მოქალაქეები.
უკანასკნელი დღეების განმავლობაში, თბილისის პრაიდის გუნდი რთულ ვითარებაში აღმოვჩნდით. არაფორმალური ბანდ-ფორმირებები, რომლებიც თბილისის ქუჩებში აპირებდნენ პატრულირებას ჩვენი ფიზიკური ანგარიშწორებისათვის, საფრთხეს გვიქმნიან არა მხოლოდ ჩვენ და სხვა ლგბტქი ადამიანებს, არამედ ყველას, ვინც მოძალადე ჯგუფების მიერ “განსხვავებულად” აღიქმება.
ამ ფონზე კი, სახეზე გვაქვს სახელმწიფოს უმოქმედობა და ხელისუფლების წარმომადგენლების მხრიდან უპასუხისმგებლო და საფრთხის შემცველი განცხადებები, რომლებიც ერთ სიბრტყეში გვაყენებენ მოძალადე ჯგუფებთან. ხელისუფლებამ კიდევ ერთხელ მიგვანიშნა, რომ არ არსებობს პოლიტიკური ნება და გრძელვადიანი ხედვა, რომელიც ქვეყანაში სიძულვილის აღმოფხვრისა და სისტემური რეფორმების გატარების სურვილზე მიუთითებს. ხელისუფლების ქმედებები სიძულვილის ჯგუფების წინააღმდეგ არასაკმარისი და არაეფექტურია. საფრთხეშია საქართველოს სახელმწიფოებრიობა და ინსტიტუციები.
სწორედ ამიტომ, ჩვენ გავდივართ! გავდივართ, რათა ვაიძულოთ ხელისუფლება დაიცვას ადამიანის უფლებები და შეასრულოს ქვეყნის კონსტიტუციით აღებული ვალდებულებები. გავდივართ, რათა კიდევ ერთხელ გავაჟღეროთ ლესბოსელი, გეი, ბისექსუალი, ტრანსგენდერი და ქვიარ ადამიანების წინაშე მდგარი გამოწვევები. გავდივართ, რადგან დღეს საფრთხეშია არა მარტო ლგბტქი ადამიანები და მათი უფლებები, არამედ საქართველოს სახელმწიფოებრიობა და დემოკრატიული წყობილება.
ამიტომ, მოგიწოდებთ ყველას, სექსუალური ორიენტაციისა და გენდერული იდენტობის მიუხედავად, შემოგვიერთდით!”-აღნიშნულია თბილისი პრაიდის ორგანიზატორების მიერ გავრცელებულ განცხადებაში.